Rekinn fyrir að ráða klámstjörnu

Forstjóri sænsku lyfjastofnunarinnar hefur verið rekinn fyrir að ráða klámdrottingu til starfa. Nýi starfsmaðurinn er dönsk klámmyndastjarna og reynir hún hún allt hvað hún getur til að halda starfinu en málið er orðið mikið vandræðamál fyrir stjórn stofnunarinnar sem vill losna við hana hið snarasta. Fyrir utan kvikmyndaferil sinn hefur konan setið fyrir hjá tímaritum eins og Penthouse og Hustler og á hún sér stóran aðdáendahóp. Frammistaða hennar í klámiðnaðinum er mörgum kunn en minni sögum fer af færni hennar í núverandi starfi sem fulltrúi forstjóra sænsku lyfjastofnunarinnar.