Sprenging í eldfjallinu

Eldfjall í vesturhluta Mexíkó heldur áfram að gjósa en sprenging varð á fjórða tímanum í morgun að íslenskum tíma sem varð til þess að aska, reykur og grjót þeyttust allt að fimm kílómetra upp í loftið. Sprenging þessi var öflugri en sú sem varð fyrr í mánuðinum. Engin slys urðu á fólki og ekki er vitað til þess að fólk hafi flúið nærliggjandi bæi eða borgir en fjallið er aðeins í nokkura tugi kílómetra fjarlægð frá borginni Guadalahara. Sérfræðingar búast við að fleiri sprengingar verði á næstu dögum eða vikum en fjall þetta er eitt það virkasta í landinu.