Efling RÚV geri fjölmiðlalög óþörf

Í greinargerð með þingsályktunartillögu Samfylkingarinnar, sem lagt var fyrir Alþingi í desember síðastliðnum, kemur fram sú skoðun sex þingmanna Samfylkingarinnar að bregðast megi við þróun fjölmiðlunar á ljósvakavettvangi með því að efla Ríkisútvarpið. Með því að efla Ríkisútvarpið þurfi ekki að setja lög um einkafjölmiðla. Þingmennirnir eru Mörður Árnason, Bryndís Hlöðversdóttir, Jóhann Ársælsson, Ásta R. Jóhannesdóttir, Þórunn Sveinbjarnardóttir og Helgi Hjörvar. Þingsályktunartillagan felst í því að menntamálaráðherra skipi nefnd til að undirbúa löggjöf um Ríkisútvarpið sem sjálfstætt útvarp í almannaþágu. Engin bein reglusetning gegn einkareknum fjölmiðlum <P>Í greinargerð með tillögunni er vísað í niðurstöður fjölmiðlanefndarinnar frá því í fyrra þar sem fram kemur að takmarka beri afskipti ríkisins af fyrirtækjarekstri og atvinnustarfsemi sem einkaaðilar geta sinnt. Engu að síður sé eðlilegt að leggja til að hugað verði að því að tryggja stöðu Ríkisútvarpsins sem almenningsútvarps. Flutningsmenn tillögunnar leggja áherslu á að ein helstu rökin sem færa megi fyrir því að efla eigi Ríkisútvarpið séu þau að "yrði þessi leið ein fyrir valinu fæli hún ekki í sér neina beina reglusetningu sem beindist gegn einkareknum fjölmiðlum. Hún samræmist þar með að því leyti vel meginreglum um frelsi markaðarins, að öðru leyti en því að almenningsútvarpi yrði tryggður hluti markaðarins en einkaaðilar skipti honum að öðru leyti á milli sín í frjálsri samkeppni." Þá er bent á að hægt sé að hrinda slíkum áformum í framkvæmd að mestu án breytinga á gildandi lögum. Mælir með lögum um takmörkun á eignarhaldi <P>Samfylkingin skrifaði undir hina "pólitísku sátt" um takmörkun á eignarhaldi á fjölmiðlum sem fram kom í nýju fjölmiðlaskýrslunni á dögunum. Þar er lagt til að skorður verði settar við eignarhald á fjölmiðlum sem annars vegar hafa meiri útbreiðslu en til þriðjungs þjóðarinnar á degi hverjum og hins vegar ef markaðshlutdeild tiltekins fjölmiðils fer yfir þriðjung af heildarupplagi, heildaráhorfi eða heildarhlustun á hverjum fjölmiðlamarkaði um sig. Hömlur á eignarhaldi eiga því við um fjölmiðla sem meira en þriðjungur Íslendinga notfærir sér að jafnaði daglega. Skilyrðin eiga þó aðeins við ljósvakamiðla og dagblöð en ekki vikublöð, tímarit eða vefmiðla.  Samfylkingarþingmennirnir sex vísa í greinargerð með þingsályktunartillögu sinnar um Ríkisútvarpið til svokallaðar McKinsey-skýrslu sem unnin var fyrir BBC árið 1999. Þingmennirnir benda á að samkvæmt henni hafi ríkisvaldið einkum tvær aðferðir til að hafa áhrif á þróun fjölmiðlunar á ljósvakavettvangi. "Önnur aðferðin sé að setja ítarlegar reglur, hin að standa fyrir almannaútvarpi.