Mistök við sendingu

Við útskrift og pökkun greiðsluseðla VISA reikninga í síðustu viku urðu þau mistök að ef fleiri en einn viðtakandi bjó á sama heimilisfangi, fóru allir reikningar á einn aðila þess heimilsfangs. Í tilkynningu frá VISA segir að færsluyfirlit séu í aðskilinni sendingu og muni skila sér til réttra aðila. Jafnframt segir að VISA Ísland taki á sig alla ábyrgð á því að svona fór og harmar mistökin. Viðtakendur munu fljótlega fá afsökunarbréf, ásamt leiðbeiningum um hvernig þeir, sem ekki fengu greiðsluseðilinn, geti gengið frá greiðslu.