Flaug burt með lambið

Það var ófögur sjón sem blasti við Jóhönnu Kristjánsdóttur sauðfjárbónda við Ísafjarðardjúp á fimmtudag þegar hún varð vitni af því þegar haförn kom aðvífandi, greip með sér um hálfs mánaðar gamalt lamb og flaug burt með það. "Það var ógeðslegt að sjá þetta. Lambið barðist á móti haferninum og blóðið lak yfir veginn. Svo má ekkert gera." Lambið var eitt af um 200 ám Jóhönnu og segist hún hrædd um að gripdeild arnanna haldi áfram. "Það eru fjórir eða fimm hafernir á þessu svæði og nú ætla ég að fylgjast vel með." Jóhanna saknar ekki fleiri lamba, en segist nú á næstunni munu líta vel í kring um sig til að fylgjast með ferðum arnanna.