Líkt og að fljúga yfir landið

Ólafur Ragnar Grímsson, forseti Íslands, bauð til móttöku að Bessastöðum í tilefni af því að í gær kom út Íslandsatlas. Sigurður Svavarsson, útgáfu­stjóri hjá Eddu, sem gefur bókina út, segir að í bókinni sé landið kortlagt frá ystu annesjum til hæstu tinda en 132 kort eru í bókinni og 43 þúsund örnefni sem vísað er til í örnefnaskrá.

Einnig segir Sigurður að svipbrigði landsins séu sýnd með stafrænni kortatækni svo lesandinn skynji hæð fjalla, dýpt dala og víðáttu öræfanna líkt og hann fljúgi þar yfir.