Arnold gagnrýndur

Vöðvabúntið Arnold Schwarzenegger, ríkisstjóri Kaliforníu, er ekki í miklu uppáhaldi hjá leikurunum og leikstjórunum Warren Beatty og Rob Reiner. Reiner hefur safnað fólki saman til að hringja í kjósendur og fá þá til að sniðganga frumvarp Schwarzenegger sem skerðir réttindi stéttarfélaga.

Beatty hefur tekið upp útvarpsauglýsingu þar sem hann hvetur fólk til að kjósa gegn öðru frumvarpi ríkisstjórans. Miðað við þessi tíðindi eru ekki miklar líkur á því að þeir Beatty og Reiner eigi eftir að starfa með Schwarzenegger í framtíðinni.