Veruleg kostnaðarlækkun

Vegna fréttatilkynningar sem Póst- og fjarskiptastofnun sendi frá sér í dag vill Síminn koma á framfæri eftirfarandi athugasemdum. Síminn kynnti nýverið nýjar sparnaðarleiðir og tilboð sem munu hafa í för með sér fjölgun valkosta fyrir viðskiptavini og geta jafnframt þýtt verulega kostnaðarlækkun fyrir þá. Einnig hefur orðið sú breyting að ekki verður lengur innheimt samkvæmt sekúndumælingu í einstaklingsáskriftum farsíma. Markmið Símans með þessum nýjungum er að koma til móts við óskir viðskiptavina en samkvæmt athugunum vilja þeir að verðskrá Símans verði einfölduð. Einnig leggja viðskiptavinir áherslu á að fá afslátt af verði þegar hringt er í ákveðin númer en aðhyllast ekki sekúndumælingu. Nýju sparnaðarleiðirnar munu fela í sér margvíslegan ávinning fyrir viðskiptavini Símans. - Sparnaður þeirra viðskiptavina Símans sem munu nýta sér nýjar sparnaðarleiðir mun geta numið allt að 11.820 kr. að jafnaði á ári. - Allir viðskiptavinir njóta sjálfvirkt tilboðs um 66 mínútna símtal á verði 6 mínútna símtals eftir sex á kvöldin og um helgar.  - Helsti keppinautur Símans á markaði hefur um árabil stundað sambærilega tímamælingu og Síminn tekur nú upp. - Þeir viðskiptavinir sem kjósa að vera áfram í sekúndumælingu hjá fyrirtækinu geti haldið því áfram.