Húsnæðislán valda þenslu

Verðbólgan er keyrð áfram af breytingum á húsnæðismarkaði, ekki framkvæmdunum fyrir austan. Þetta sagði Guðmundur Ólafsson hagfræðingur á Talstöðinni fyrir helgi. "Bankarnir hafa að undanförnu fengið dollara eða pund að láni og keypt íslenskar krónur. Eftirspurn eftir íslenskum krónum er stóraukin og gengi krónunnar hækkar," sagði hann. "Kárahnjúkar koma eitthvað við sögu en sáralítið. Þenslan innanlands stafar af því að vextir á húsnæðislánum lækka og kaupmáttur heimilanna vex."