Vodafone live

Og Vodafone hefur tekið í notkun nýja virðisaukandi þjónustu sem nefnist Vodafone live! Um er að ræða efnisveitu sem tryggir viðskiptavinum Og Vodafone nýjan afþreyingarheim í GSM símann. Hún gerir notendum mögulegt að að spila hágæða tölvuleiki, sækja fréttir og upplýsingar, ná í skjámyndir og tónlist eða eiga samskipti við aðra Vodafone live! notendur.

Vodafone live! er afurð Vodafone Group Plc sem er stærsta farsímafyrirtæki heims. Þjónustunni var hleypt af stokkunum í átta löndum í lok árs 2002 og hefur orðið samnefnari fyrir afþreyingu og upplýsingar fyrir farsíma, hvort sem um er að ræða Myndskilaboð, WAP síður, javaleiki eða hringitóna. Og Vodafone hefur aðlagað þjónustuna að íslenskum aðstæðum sem gerir viðskiptavinum mögulegt að upplifa spennandi og áður óþekkta afþreyingarmöguleika í farsíma.

Vodafone live! er í boði fyrir viðskiptavini Og Vodafone. Þeir þurfa Vodafone live! símtæki til þess að nota þjónustuna sem eru nú þegar komin í verslanir.

Ekki greitt fyrir GPRS notkun innanlands

Vodafone live! virkar alls staðar þar sem GPRS samband er fyrir hendi. Hins vegar er ekki greitt sérstaklega fyrir GPRS notkun. Notendur geta því sótt fjölbreytt efni með einföldum hætti hvar og hvenær sem er. Þeir vita ætíð hvað þeir borga fyrir hverja þjónustu og geta skoðað yfirlit yfir það sem þeir hafa keypt á liðnum mánuðum.

Vodafone live! virkar fyrir Og Vodafone Frelsi. Þá er hægt að nota Vodafone live! í útlöndum en þá greiðir notandi bæði fyrir GPRS og gagnamagn.

Margvíslegir möguleikar með Vodafone live!

Fjölbreytt úrval hágæða tölvuleikja frá helstu leikjaframleiðendum heims

Þúsundir íslenskra og erlendra rauntóna (MP3)

Fréttir, veður og upplýsingar frá NFS og Fréttablaðinu

Íþróttafréttir frá NFS og Fréttablaðinu

Íþróttaúrslit og staðan í deildum víðs vegar um heim

Viðskiptafréttir frá Markaðnum og upplýsingar frá ICEX

Veggfóður og hreyfimyndir úr heimi tónlistar, kvikmynda, íþrótta og sjónvarps

Myndskeið með mörkum úr ensku úrvalsdeildinni og Meistaradeild Evrópu í knattspyrnu

Spjall, einkamál og HópSMS

Bloggsíður

Lottó og getraunir (1X2 og Lengjan)

Öflug leitarvél

Uppfletting í símaskrá (118)

Sjónvarpsdagskrá

Kvikmyndir í kvikmyndahúsum og á myndbandaleigum

Stjörnuspá og stjörnuspeki

Færð á vegum, upplýsingar um brottför og komutíma flugvéla og áætlun strætisvagna

Hvað er á döfinni í tónlistar- og skemmtanalífi landsins

Upplýsingar um veitingastaði

Smáauglýsingar: Bílar, húsnæði, atvinna og fleira

Idol stjörnuleit

Uppskriftir

Loftmyndir frá Íslandi

Vodafone live! er heimur sem tekur sífelldum breytingum og kemur notendum ávallt á óvart.

Vodafone live! GSM símar

Vodafone live! er aðgengilegt með Vodafone live! símtækjum og því virkar þjónustan ekki í hvaða GSM síma sem er. Og Vodafone býður Vodafone live! GSM síma frá Nokia, Samsung og Motorola í upphafi. Gert er ráð fyrir að Vodafone live! verði í boði frá fleiri framleiðendum áður en langt um líður. Þjónustan er uppsett í öllum Vodafone live! símtækjum. Þess vegna þurfa notendur einungis að smella á einn hnapp á símtækinu til þess að sækja sér það efni sem þeir kjósa hverju sinni.

Notendur geta skoðað allt efni sem er í boði áður en þeir ákveða að fara lengra og kaupa tiltekna þjónustu, hvort sem það eru leikir, hringitónar eða veggfóður. Jafnframt fá þeir að vita hvað einstök þjónusta kostar áður en kaupin eiga sér stað.

Ný upplifun í tölvuleikjum

Með Vodafone live! geta viðskiptavinir Og Vodafone fengið heitustu leikina sem fáanlegir eru fyrir farsíma. Þeir geta jafnframt fengið klassíska leiki sem nú ganga í endurnýjun lífdaga í GSM símum.

Með Vodafone live! getur viðskiptavinur séð hvaða leikir eru fáanlegir fyrir símann sinn, séð skjámyndir af þeim og lesið lýsingu á íslensku.

Notandi getur sótt sér þrautir, íþróttaleiki, skotleiki, kappakstursleiki og fjölda annarra skemmtilegra tegunda af leikjum. Hann getur prófað að fara í japanska glímu við fíl, sett sig í spor Tiger Woods, spilað PAC MAN eða glímt við harðsvíraða glæpamenn. Hann er aðeins nokkrar sekúndur að sækja sér leik með Vodafone live! - en skemmtunin getur varað eins lengi og hann kýs.