Systkini í jólaskapi á ferð um landið

Systkinin KK og Ellen eru á leiðinni í stutta tónleikaferð um landið í tilefni af útgáfu plötunnar Jólin eru að koma, sem er sú fyrsta sem þau gera saman. Þar er lögð áhersla á einfaldar kassagítar­útgáfur af vinsælum jólalögum.

Áður hafa þau systkini gert saman lög á borð við When I Think of Angels, sem naut mikilla vinsælda á sínum tíma. Fyrstu tónleikar þeirra verða í kvöld á Eiðum en þeir síðustu verða í Ólafsfirði þann átjánda desember. Þau systkini héldu nýverið útgáfutónleika í Fríkirkjunni. Heppnuðust þeir mjög vel og var troðfullt út úr dyrum.