Sjávarútvegssýningin aldrei stærri

Aðstandendur Íslensku sjávarútvegssýningarinnnar telja að ívið fleiri gestir hafi sótt hátíðina nú en árið 2002 sem var metár. Þá komu rúmlega 18.000 gestir á sýninguna. Mikið var af erlendum gestum og var hótelrými á höfuðborgarsvæðinu meira og minna uppselt meðan á sýningunni stóð. "Það má eiginlega segja að alls staðar hafi verið fullt nema á Nordica hóteli," segir Helga Lára Guðmundsdóttir, deildarstjóri á ráðstefnuskrifstofu Íslandsferða. "Við vorum með forbókuð um 700 herbergi." Hún segir þó mun fleiri hafa bókað herbergi í gegnum netið, en áður hafi Íslandsferðir haldið utan um meira og minna allt gistirýmið. "Svona fljótt á litið virðast ívið fleiri hafa komið á sýninguna, eða um 19.000 manns," segir Bjarni Þór. Hann segir að nákvæm tala ætti að liggja fyrir í vikunni, og þá um leið frá hvaða löndum gestirnir voru.