Varnarmálin ekki í höfn

Halldór Ásgrímsson forsætisráðherra segir að viðræður Davíðs Oddssonar, utanríkisráðherra, við starfsbróðir sinn Colin Powell, utanríkisráðherra Bandaríkjanna, í Washington í gær hafi verið mikilvægar. Þar hafi verið staðfest að Bandaríkjamenn ætli að standa við skuldbindingar sínar. "Það þýðir að okkur verði tryggðar varnir sem meðal annars felast í því að hér verði áfram flugvélar." Halldór Ásgrímsson segir að málið sé ekki í höfn en það sé komið í farveg sem sé mikilvægt. Engin viðræðuáætlun hafi verið samþykkt en ákveðið að embættismenn hittist í janúar á næsta ári. "Það var rætt um loftvarnirnar á fundinum. Við lítum á það sem lykilatriði af okkar hálfu. Án loftvarna myndi varnarstöðin breytast í grundvallaratriðu og afskaplega lítið verða þar eftir."