Varð bilt við og keyrði út af

Ökumaður sem keyrði út af veginum yfir Hellisheiði í gær, með þeim afleðingum að bílinn valt, missti stjórn á bílnum vegna lögreglubíls í forgangsakstri sem var á leið austur eftir að tilkynning hafði borist um alvarlegt bílslys á Suðurlandsvegi, við Kotströnd, í gær. Lögreglubíllinn var að fara frammeð bílaröð en ökumaður bílsins sem kom á móti varð ekki var við lögreglubílinn fyrr en stutt var á milli þeirra. Þá beygði hann skyndilega til hægri og rétt eftir að bílarnir mættust virtist sem ökurmaður fólksbílsins hafi misst stjórn á honum því hann fór yfir til vinstri og þar útaf veginum og valt. Með ökumanni voru tveir farþegar í bifreiðinni og var annar þeirra fluttur til skoðunar á slysadeild en meiðsli voru smávægileg.