Línuskautaslysum fjölgar stórlega

Línuskautaslysum fjölgar stórlega og líkja læknar Landsspítalans því jafnvel við faralldur. Fyrstu árin eftir að farið var að skrá þessi slys árið 1999 slösuðust að jafnaði 30 manns á ári á línuskautum, en í fyrra rauk talan upp í 69 og er ekkert lát á slysunum í ár. Þá er ótvírætt að viðeigandi hlífar hafa mikla þýðingu, því allir sem slösuðust alvarlega, höfðu ekki notað hlífar. Á tímabilinu 1999 - 2003 komu alls 184 vegna línuskautaslysa á slysadeild Landsspítalands. Algengast er að börn á aldrinum 10-14 ára hljóti áverka eftir fall af línuskautum og er sá aldurshópur um 40% þeirra sem leita til deildarinnar. Þó kemur nokkuð af eldri einstaklingum og var sá elsti á áttræðisaldri. Lítill eða enginn munur er á kynjahlutfalli. Í um 40% tilvika reyndust vera til staðar áverkar á úlnlið eða hendi, en 36% þeirra sem til deildarinnar leituðu voru með áverka á olnboga eða framhandlegg. Sextán prósent voru með áverka á höfði en aðrir áverkar voru sjaldgæfari. Alls eru skráð 82 beinbrot á tímabilinu vegna línuskauta, en þar af voru 31 á síðasta ári. Ekki eru til tölur um fjölda línuskautaiðkenda á íslandi, en þeim virðist hafa fjölgað mjög undanfarin ár. Í tilkynningu Slysa- og bráðadeildar LSH segir að umtalsverður kostnaður hljótist af línuskautaiðkun án viðeigandi hlífanotkun.