Alfreð áfram formaður borgarráðs

Alfreð Þorsteinsson var endurkjörinn formaður borgarráðs í morgun. Stefán Jón Hafstein var kjörinn varaformaður í stað Árna Þórs Sigurðssonar. Borgarráð var kjörið til eins árs á fundi borgarstjórnar í gær, fimmtudaginn 24. júní. Af hálfu Reykjavíkurlistans voru kjörin aðalmenn þau Alfreð Þorsteinsson, Árni Þór Sigurðsson, Björk Vilhelmsdóttir og Stefán Jón Hafstein. Þau Björk og Stefán komu í stað þeirra Steinunnar Valdísar Óskarsdóttur og Dags B. Eggertssonar. Af hálfu Sjálfstæðisflokksins voru kjörin í borgarráð þau Guðrún Ebba Ólafsdóttir, Hanna Birna Kristjánsdóttir og Vilhjálmur Þ. Vilhjálmsson. Þau sátu öll sem aðalmenn síðastliðið ár.