Rannsókn felld niður

Rannsókn sænsku ríkislögreglunnar á meintum innherjasvikum sex einstaklinga, í tengslum við kaup Kaupþings á hlutabréfum í JP Nordiska bankanum í Svíþjóð fyrir tveimur árum, hefur verið felld niður. Fimm Íslendingar og einn Svíi voru grunaðir um að hafa keypt bréf í sænska bankanum með ólögmætar upplýsingar um fyrirætlanir Kaupþings í farteskinu. Í tengslum við rannsóknina var gerð húsleit á heimili Lýðs Guðmundssonar forstjóra Bakkavarar í London og á skrifstofum fyrirtækisins. Húsleitir voru gerðar víðar, eða á heimilum og skrifstofum manna sem taldir voru viðriðnir málið, á Íslandi, Svíþjóð, Englandi, Lúxemborg og Þýskalandi. Lýður segist vissulega fegin að málið hafi verið fellt niður þótt hvorki hann né Ágúst bróðir hans hafi átt von á öðru. Þeir bræður fréttu af lyktum málsins í gegnum sænska fjölmiðla og segja það lýsandi fyrir starfshætti sænsku lögreglunnar. Lýður telur að sænska lögreglan hafi gengið fram harkalega í þessu máli þar sem þeim hafi þótt athyglivert að einungis Íslendingar sáu hag sinn í því að kaupa hlutabréf í JP Nordiska