Fluttur frá Grænlandi

Níu ára drengur, sem slasaðist í Angmaksalik á Grænlandi í gærkvöld, var sóttur með flugvél frá Akureyri í nótt, og var komið með hann á Landspítalann í Fossvogi. Drengurinn var við leik þegar þung járnplata féll á hann með þeim afleiðingum að hann fékk högg á höfuðið og missti meðvitund. Læknar á Grænlandi veittu honum fyrstu meðferð, en engin aðstaða er þar fyrir heilaskurðlækningar og því var ákveðið að senda flugvél frá Akureyri og koma honum undir læknishendur hér á landi. Drengurinn er höfuðkúpubrotinn, en ekki í lífshættu.