Umhirðan í lagi

Umhirða og og heilbrigði dýra á hundabúinu Dalsmynni er eðliegt samkvæmt úttekt dýralæknis. Hundabúið að Dalsmynni hefur verið mikið í fréttum og þá sjaldan af góðu einu og mikil gagnrýni verið á aðbúnað dýranna þar. Dýralæknir á vegum Umhvferfisstofnunar gerði úttekt á dýrahaldi þar í síðasta mánuði. Í skýrslu hans segir að af viðtali við dýralækni búsins og skoðun megi ráða að vel sé fylgst með heilsufari dýranna, þau reglulega ormahreinsuð og bólusett. Eyrnamaur hafi komið upp af og til, en allir hvolpar séu skoðaðir fyrir afhendingu til kaupenda. Þá segir í skýrslunni að skoðun benti ekki til óeðlilegs ástands eða umhirðu dýranna. Gerðar voru athugasemdir við skráningu og þéttleika í stíum. Einnig segir að það standi nákvæmari skýrslugerð fyrir þrifum að aðeins hluti dýra á búinu sé örmerktur, en einstaklingsmerki þurfi til að auka öryggi skráningar.