Mættu ekki í Héraðsdóm

Fresta varð aðalmeðferð í máli tvíburanna Davíðs Bens og Rúnars Bens Maitslands sem fara átti fram í Héraðdómi Reykjavíkur í dag. Menn, sem kallaðir voru til frá Þýskalandi til að bera vitni í málinu, létu ekki sjá sig. Ákæran byggir á framburði Claus Frieh, sem dæmdur hefur verið fyrir fíkniefnainnflutning ásamt þeim bræðrum, og þriggja annarra erlendra aðila. Málið er hluti af fíkniefnamáli sem Hæstiréttur dæmdi í á síðasta ári og snýr að innflutningi á 27 kílóum af hassi sem bræðrunum er gefið að sök að hafa staðið að.