Lífið

Semur Sign-plötu á íslensku

Ragnar Sólberg heldur áfram að semja tónlist fyrir Sign þó að bróðir hans sé hættur í sveitinni. Hann nýtur þess að vinna að tónlist í Svíþjóð. „Platan verður á íslensku. Hún er að verða svo góð að ég er að spá í að gera hana á ensku líka,“ segir tónlistarmaðurinn Ragnar Sólberg um fyrstu drög að nýrri plötu hljómsveitarinnar Sign.

Lífið

Næturlífið færist vestur fyrir læk

Heitustu skemmtistaðirnir eru nú flestir fyrir vestan Lækjargötu. Þessi þróun hefur átt sér stað á skömmum tíma en er í raun afturhvarf til þess sem áður var. Fréttablaðið kannaði málið.

Lífið

Kvikmyndatónskáld safnar fyrir bágstadda Íslendinga

„Íslendingar í útlöndum hafa miklar áhyggjur af ástandinu heima og við, sem búsett erum erlendis, fylgjumst mjög vel með því sem er að gerast,“ segir Veigar Margeirsson, kvikmyndatónskáld í Los Angeles. Hann hefur ásamt eiginkonu sinni, Sigríði Rögnu Jónasdóttur, stofnað söfnunarsíðuna silverliningcharity.org þar sem fólki gefst kostur á að gefa peninga til styrktar bágstöddum Íslendingum.

Lífið

Meira fjörið hjá Abba-bræðrum

Nú er nýlokið fyrstu prufum fyrir uppsetningu á Mamma Mia! í Kaupmannahöfn en verkið fer upp í Tivoli Konsertsal og er frumsýning áætluð eftir ár.

Lífið

Óútgefið efni með Hendrix

Fulltrúar dánarbús gítarhetjunnar Jimi Hendrix segjast eiga svo mikið af óútgefnu efni að hægt sé að gefa út plötur á 12 til 18 mánaða millibili næsta áratuginn.

Lífið

MS-ingur setur heimsmet: ,,Það erfiðasta sem ég hef upplifað“

Það gerist ekki oft á þessu litla landi að heimsmet séu slegin, því þykja það mikil tíðindi að ungur nemandi í Menntaskólanum við Sund, Páll Bergþórsson hafi slegið eitt slíkt. Páli tókst að sitja í U-inu sem er helsti samkomustaðuur MS-inga samfellt í 19 klukkustundir og 47 mínútur síðastliðinn þriðjudag og þykir þetta vera mesta afrek í sögu skólans.

Lífið

Bótox í beinni - myndband

Á meðfylgjandi link má sjá þegar blaðakonan Kate Spicer heimsækir lýtalækni Madonnu sem sjálfur hefur gert svipaðar aðgerðir á eigin andliti og á poppdrottningunni. Eins og myndbandið sýnir rannsakar blaðakonan persónulega hvernig Frederick fer að því að setja fyllingarefni í andlit hennar sem kallast bótox. Ef þú ert viðkvæm/ur skaltu ekki eyða tíma þínum í að skoða bótoxmeðferð í beinni. - Sjá hér.

Lífið

Frikki býður Barack Obama í mat

Fyrirmenni heimsins eru tekin að safnast saman í Kaupmannahöfn þar sem Alþjóðaólympíunefndin situr á rökstólum og skeggræðir hvaða borg fær að halda Ólympíuleikana 2016. Íslenskur veitingamaður í borginni hefur boðið forseta Bandaríkjanna í hamborgara af því tilefni.

Lífið

Ég hef verið bænheyrður

Gaukur Úlfarsson fylgir Emilíönu Torrini eftir á Evróputúr hennar. Hann er að gera mynd um tónleikaferðina og er afar ánægður að hafa fengið að komast aðeins burt frá Íslandi.

Lífið

Týndi nærbuxunum sínum á barnum

„Hvernig útskýrir maður fyrir konunni sinni að maður hafi týnt nærbuxunum á barnum? Maður segir bara satt og rétt frá,“ segir Jóhannes Haukur Jóhannesson, leikari og Hellisbúi með meiru. Eins og Fréttablaðið greindi frá fyrir nokkru á Jóhannes sínar lukkunærbuxur sem hann leikur alltaf í. En kvöld eitt ákvað hann að skella sér aðeins út á lífið með félögum sínum og hafði lukkubrækurnar með sér í plastpoka. Svo óheppilega vildi til að Jóhannes gleymdi pokanum með heillagripnum í og hann reiknar fastlega með því að enginn hafi verið svo góður í sér að geyma brækurnar eða passa þær þar til hann vitjaði þeirra aftur.

Lífið

Hjaltalín í jólaplötuflóðinu

„Við tökum þátt í flóðinu og komum með nýju plötuna okkar í nóvember,“ segir Högni Egilsson, aðalsprauta hljómsveitarinnar Hjaltalín. Eitthvað var á huldu hvort sveitin myndi fylgja plötunni Sleepdrunk Seasons eftir í ár, en sú plata kom út í desember 2007 og vakti mikla athygli á þessari fjölmennu gæðasveit.

Lífið

Amy gefur út plötur

Söngkonan Amy Winehouse hefur komið á fót sínu eigin útgáfufyrirtæki sem ber nafnið Lioness og hyggst gefa út tónlist þrettán ára gamallar guðdóttur sinnar. Winehouse þykir guðdóttirin, Dionne Bromfield, hafa einstaka rödd og er viss um að hún muni hljóta skjótan frama í tónlistarheiminum.

Lífið

Hamingjuóskum rignir inn

„Þetta gekk ótrúlega vel. Það voru tæplega þrjú hundruð manns sem sóttu hana og það voru allir mjög ánægðir,“ segir Kamilla Ingibergsdóttir, einn af skipuleggjendum tónlistarráðstefnunnar You Are in Control sem var haldin fyrir skömmu. Einn af gestum hátíðarinnar var Alicen Catron Schneider, sem velur tónlist í þætti á NBC-sjónvarpsstöðinni á borð við Heroes, Trauma og Royal Pains.

Lífið

Hljómalindarfólk á götunni á ný

„Síðasti opnunardagurinn var á sunnudaginn og við erum bara að pakka öllu dótinu niður í þessum töluðu orðum,“ segir Helena Stefánsdóttir, ein fjögurra eigenda Kaffi Hljómalindar sem hætti rekstri á mánudaginn. Ástæða þess mun vera sú að Hljómalindarfólkið fékk ekki framlengdan leigusamninginn og missti því húsnæðið.

Lífið

Ný Polanski-mynd í biðstöðu

Nýjasta verk leikstjórans Romans Polanski hefur verið sett í salt um óákveðinn tíma. Um er að ræða kvikmyndina The Ghost með þeim Ewan McGregor og Pierce Brosnan í aðalhlutverkum. Tökum á myndinni er lokið og klipping er á lokastigi en enn á eftir að fullvinna hana. Myndin segir frá svokölluðum „skuggarithöfundi“ sem er falið að skrifa ævisögu bresks forsætisráðherra og kemst um leið að fjölskylduleyndarmáli sem setur líf hans í uppnám.

Lífið

Hljómsveitir fá borgað í dilkum

Þær hljómsveitir sem taka þátt í rokk­hátíðinni Slátur í Reiðhöllinni í Búðardal fá greitt fyrir spilamennskuna í dilkum. Hátíðin, sem verður haldin 23. október, er liður í haustfagnaði sauðfjárbænda.

Lífið

Rúnar vann til verðlauna

Nordisk Panorama – norrænu heimildar- og stuttmyndahátíðinni lauk í gær. Sýndar voru í Regnboganum verðlaunamyndir sem dómnefndir kváðu upp úr um að væru bestar af þeim 72 myndum sem valdar voru á hátíðina úr enn stærri pakka norrænna kvikmyndaverka.

Lífið

Kattholt vill gefa Ögmundi kött

„Það voru mikil viðbrögð hérna eftir að fréttin birtist, allar símalínur hafa verið rauðglóandi,“ segir Sigríður Heiðberg, formaður Kattavinafélagsins sem á og rekur Kattholt.

Lífið

Yorke og Flea starfa saman

Thom Yorke, söngvari Radiohead, hefur stofnað nýja hljómsveit sem mun spila lög frá sólóferli hans, meðal annars af plötunni Eraser. Með honum í sveitinni eru Flea úr Red Hot Chili Peppers, upptökustjórinn Nigel Godrich, Mauro Refosco og Joey Waronker sem hefur trommað með Beck og R.E.M.

Lífið

Ríkur Ameríkani keypti lopapeysu á 120 þúsund

„Ég held að peysan slái einhvers konar met í að vera dýrasta lopapeysa sem hefur verið seld úr landi,“ segir listamaðurinn Rebekka Guðleifsdóttir. Ekki er langt síðan Rebekka byrjaði að selja sérhannaðar lopapeysur sem hún prjónar sjálf. Í dag er hún með biðlista af útlendingum sem vilja ólmir komast í snertingu við íslensku ullina, en æstasti kaupandinn var án efa ríkur Ameríkani sem greiddi 1.000 dollara fyrir peysu – um 120 þúsund íslenskar krónur.

Lífið

Peningaflíkum ekki stolið frá Ása

„Ég var reyndar bara að sjá auglýsinguna í dag og þetta líkist mjög kjólnum sem ég hannaði. Ég held ekki að auglýsingastofan hafi stolið hugmyndinni af mér, þetta er örugglega bara tilviljun,“ segir fatahönnuðurinn Ásgrímur Már Friðriksson um nýja auglýsingu fyrirtækisins N1, en þar má sjá fyrirsætur klæddar peningaflíkum ekki ósvipuðum peningakjól sem Ásgrímur Már hannaði fyrir jólasýningu listasafns ASÍ í fyrra.

Lífið

Brown fer sínar eigin leiðir

Breski tónlistarmaðurinn Ian Brown hefur gefið út sína sjöttu sólóplötu, My Way. Þar syngur hann um líf sitt og tveggja áratuga feril í tónlistarbransanum.

Lífið

Svíar hrifnir af Árstíðum

„Ég hef góða tilfinningu fyrir þessu,“ segir Ragnar Ólafsson úr hljómsveitinni Árstíðum. Henni hefur verið boðið að spila í Svíþjóð og á norsku tónlistarhátíðinni By:Larm næsta vor. Boðið kom eftir góða frammistöðu á tónleikum í Fríkirkjunni í síðustu viku þar sem sænskir útgefendur voru á meðal gesta. „Eftir tónleikana króuðu Svíarnir mig af og voru að ræða plön um að fá okkur til Skandinavíu. Það stendur til að fara þangað í vor,“ segir Ragnar. Á By:Larm koma einnig fram íslensku sveitirnar Hjaltalín og Retro Stefson ásamt tónlistarmanninum Ólafi Arnalds.

Lífið

Einmanaleg framtíðarsýn Hollywood

Hinar stóru karlkyns Hollywood-stjörnur virðast þurfa að ganga í gegnum ákveðna eldraun á sínum ferli; að leika einmana karla í framtíðinni og kljást við ógnir þess sem koma skal.

Lífið

Vildi að hún hefði aldrei byrjað að reykja

„Ég sé að sjálfsögðu eftir því í dag að hafa nokkurn tímann byrjað að reykja,“ segir Svanhildur Benediktsdóttir, fimm barna móðir og baráttujaxl frá Reykjanesbæ. Hún reykti í fjölda ára og nú er svo komið að hún er með ólæknandi lungnakrabbamein. Rætt verður við Svanhildi í Íslandi í dag í kvöld þar sem hún segir frá veikindum sínum, einkennilegu viðmóti fólks, reiði fjölskyldumeðlima í hennar garð og síðast en ekki síst hvers vegna fólk ætti aldrei að byrja að reykja. Íslandi í dag hefst klukkan 18:55 í kvöld.

Lífið

Samkvæmisdansari varð sjónvarpsstjarna - myndir

„Ég var nemandi í dansskólanum í átta ár og keppti í samkvæmisdansi þar til ég var sextán ára. Síðan einhverra hluta vegna ákvað ég að reyna fyrir mér í fótbolta en sé eftir því að hafa hætt,“ svarar Ásgeir Erlendsson íþróttafréttamaður hjá Sjónvarpinu aðspurður hvað hann var að flækjast í 20 ára afmæli Dansskóla Jóns Péturs og Köru í Valsheimilinu. „Ég byrjaði sjö ára og var bara kominn í rosa form. Byrjaði bara að keppa í þessu strax sjö eða átta ára og keppti í mörg ár. Æfði fimm til sex sinnum í viku,“ segir Ásgeir aðspurður út í dansinn. Var það mamma þín sem skráði þig í dansinn? „Sko ástæðan var sú... mamma segir að ég hafi verið að horfa á Helgarsportið og sá dans í sjónvarpinu og þótti það svo rosalega sniðugt að ég vildi prófa. Mömmu leiddist ekki að koma með mér og fylgjast með á dansæfingum. Stemningin í kringum þetta þegar ég var þrettán/fjórtán ára var nett saumaklúbbsstemning fyrir utan dansgólfið,“ segir Ásgeir á léttu nótunum. Ásgeir stundar nám í sálfræði í HR og hefur tekið sér pásu frá fjölmiðlinum: „Eða þar til ég tel stigin í Gettu betur eftir áramót. Svo kem ég inn í íþróttadeildina í afleysingar með skólanum.“

Lífið

Útrásarvíkingum boðið í bíó

Svo gæti farið að Davíð Oddsson, Geir H. Haarde, Jón Ásgeir Jóhannesson, Bjarni Ármansson og Björgólfur Thor sætu allir saman í stóra sal Háskólabíós þriðjudaginn 6.október þegar heimildarmynd Helga Felixsonar, Guð Blessi Ísland, verður frumsýnd.

Lífið

Ráðherra ferðast aldrei einn

„Þetta voru mjög ónákvæm ummæli hjá mér en hitt er rétt að peningarnir sem greiddu bæði flug og gistingu fyrir mig, prívat og persónulega, komu annars vegar úr norrænum sjóðum og hins vegar af fjárveitingu Norðurlandaskrifstofu vegna formennsku Íslands 2009. Og svo ferðast ráðherrar víst aldrei einir,“ segir Katrín Jakobsdóttir, menntamálaráðherra.

Lífið

Mest lesið