Erlent

Nítján létust í flugslysi

Nítján létust þegar túnísk farþegaflugvél fórst við strendur Sikileyjar í gærmorgun. Vélin var á leið frá ítölsku borginni Bari til borgarinnar Djerba í Túnis þegar hún brotlenti á Miðjarðarhafinu. Tuttugu manns lifðu slysið af.

Erlent

Flóð valda miklu tjóni í Búlgaríu

Þrír létust og fimm þúsund þurftu að yfirgefa heimili sín í dag í suður- og vesturhluta Búlgaríu í kjölfar mikilla flóða á svæðinu. Þá hafa margar samgönguæðar rofnað og afskekktir bæir eru einangraðir. Hefur lögregla lýst yfir neyðarástandi vegna vatnavaxtanna, en vatnsyfirborðið hefur sums staðar hækkað um einn og hálfan metra umfram það sem eðlilegt þykir.

Erlent

Eldur í jarðlest í París

Um fimmtán manns veiktust af reykeitrun þegar eldur kom upp í tveimur vögnum í neðanjarðarlestarkerfi Parísarborgar í dag. Talið er að eldurinn hafi kviknað vegna skammhlaups en hann varð ekki mikill og gekk greiðlega að slökkva hann að sögn talsmanns slökkviliðs Parísarborgar.

Erlent

Discovery frá alþjóðageimstöð

Geimferjan Discovery sleppti í dag festum við alþjóðlegu geimstöðina og geimfararnir eru byrjaðir að undirbúa heimför sína á mánudag. Mikil spenna ríkir vegna heimferðarinnar en bandaríska geimferðastofnunin, NASA, segist fullviss um að ferjan sé örugg. Gífurlegt álag er á ferjunni þegar hún kemur inn í gufuhvolf jarðar og ytra byrði hennar hitnar yfir 1300 gráður.

Erlent

Sjö látnir í flugslysi við Sikiley

Að minnsta kosti sjö létust og 20 slösuðust þegar flugvél á vegum Tunisair steyptist í sjóinn undan ströndum Sikileyjar í dag. Vélin var á leið frá Bari á Ítalíu til eyjarinnar Djerba við Túnis þegar flugmálayfirvöldum á Palermo-flugvelli á Sikiley barst tilkynning frá flugmönnunum um tæknibilun í vélinni.

Erlent

Herflugvél rauf lofthelgi Finna

Varnarmálayfirvöld í Finnlandi greindu frá því í dag að rússnesk herflutningavél hefði rofið lofthelgi Finnlands seint í gærkvöld, en vélin var aðeins 100 kílómetra frá höfuðborginni Helsinki. Finnsk yfirvöld líta þetta alvarlegum augum enda deildu þau við Rússa um nokkur sams konar atvik fyrr á árinu, síðast í maí.

Erlent

Sjóræningjar yfirgefa matvælaskip

Sómalskir sjóræningjar, sem rændu skipi á vegum Sameinuðu þjóðanna úti fyrir Sómalíu fyrir rúmum mánuði, hafa fallist á að yfirgefa skipið og sleppa áhöfninni eftir að hafa komist að samkomulagi við Matvælastofnun Sameinuðu þjóðanna. Skipið var á leið til hafnarinnar í Bossao í Sómalíu með 850 tonn af hrísgrjónum fyrir þá sem eiga um sárt að binda í landinu eftir flóðbylgjuna annan dag jóla í fyrra þegar sjóræningjarnir réðust um borð.

Erlent

Discovery á leið heim

Geimferjan Discovery er lögð af stað aftur til jarðar eftir ferð að alþjóðlegu geimstöðinni. Ef allt gengur að óskum er búist við því að hún lendi á morgun.

Erlent

Garang borinn til grafar

Tugþúsundir Súdana vottuðu John Garang, fyrrverandi varaforseta Súdans, virðingu sína þegar hann var borinn til grafar í borginni Juba í suðurhluta landsins í dag. Garang lést í þyrluslysi fyrir viku, aðeins þremur vikum eftir að hann tók við embætti varaforseta.

Erlent

Flugvél nauðlendir við Sikiley

Ítölsk öryggismálayfirvöld greindu frá því fyrir stundu að flugvél á vegum Tunisair með 35 farþega innanborðs hefði nauðlent í sjónum undan ströndum Sikileyjar. Vélin var á leið frá Bari á Ítalíu til Djerba í Túnis en um er að ræða 50 sæta vél. Fregir af slysinu eru enn litlar en Reuters-fréttastofan hefur eftir öryggismálayfirvöldum að tveir farþegar hafi sést á vængjum vélarinnar eftir að hún lenti. Björgunarlið er á leið á vettvang.

Erlent

Refsiaðgerðir vofa yfir Íran

Refsiaðgerðir Sameinuðu þjóðanna vofa nú yfir Íran eftir að stjórnvöld þar höfnuðu boði Evrópusambandsins um bætur fyrir að hætta að auðga úran sem hægt er að nota í kjarnorkusprengjur.

Erlent

Semja ekki við ESB

Íranir höfnuðu í gær sáttaboði Evrópusambandsins. Mahmoud Ahmadinejad forseti Íran sagði felast í sáttatilögunni að Íran hefði ekki rétt til þess að auðga úran.

Erlent

Björgunaraðgerðum haldið áfram

Rússneska flotanum mistókst í nótt að draga dvergkafbátinn sem sökk á Kyrrahafi á grynnri sjó. Kafbáturinn er á 190 metra dýpi og það er of djúpt til þess að sjö manna áhöfnin geti yfirgefið hann og synt upp á yfirborðið. Rússar segja að þeir haldi björgunarstarfi áfram af fullum krafti en svo virðist sem þeir bindi vonir sínar við aðstoð frá Bandaríkjamönnum og Bretum.

Erlent

Robin Cook alvarlega veikur

Robin Cook, fyrrverandi utanríkisráðherra Bretlands, liggur alvarlega veikur á sjúkrahúsi eftir að hann hneig niður í fjallgöngu. Cook var að ganga á fjallið Ben Stack í Norðvestur-Skotlandi þegar hann veiktist og var hann fluttur með þyrlu á sjúkrahús í Inverness. Þar fóru fram lífgunaraðgerðir í 40 mínútur samkvæmt fréttavef <em>BBC</em>.

Erlent

Bretar og Bandaríkjamenn hjálpa

Breskir og bandarískir sjóliðar komu til Kamtjaska-skaga í gærmorgun með ýmsan búnað til að aðstoða við björgun rússnesks kafbáts sem strandaði á 190 metra dýpi út af skaganum á fimmtudaginn. Strandið bar til þegar netadræsa festist í skrúfu bátsins.

Erlent

Robin Cook látinn

Robin Cook, fyrrverandi utanríkisráðherra Bretlands, hné niður þegar hann var að ganga á fjallið Ben Stack í hálöndum Skotlands. Hann var sóttur með sjúkraþyrlu og flogið á spítala í Inverness þar sem hann lést í gær.

Erlent

Íranar muni ekki gefa eftir

Íranar munu ekki láta undan þrýstingi Vesturlanda og þeir verða ekki kúgaðir til neinna aðgerða. Þetta sagði Mahmoud Ahmadinejad, nýkjörinn forseti Írans, í ávarpi í kjölfar þess að hann sór embættiseið á íranska þinginu í dag. Íranar deila sem kunnugt er við Evrópusambandið og Bandaríkin um kjarnorkuáætlun sína, en Bandaríkjamenn saka Írana um að nota hana sem yfirvarp fyrir kjarnorkuvopnaframleiðslu.

Erlent

Árásarinnar á Hiroshima minnst

Gærdagurinn var tilfinningaþrunginn í borginni Hiroshima í Japan. Um 55 þúsund manns minntust þess að sextíu ár er liðin frá því að kjarnorkusprengjunni var varpað á borgina. Borgarstjórinn í Hiroshima var ómyrkur í máli.

Erlent

Komu kafbáti ekki á grynningar

Rússneska flotanum mistókst í nótt að draga dvergkafbátinn sem sökk á Kyrrahafi á grynnri sjó. Kafbáturinn er á 190 metra dýpi og það er of djúpt til þess að sjö manna áhöfn geti yfirgefið hann og synt upp á yfirborðið. Bæði breski og bandaríski flotinn hafa sent sérstaka björgunarkafbáta til aðstoðar Rússum og er vonast til að þeir geti náð til dvergkafbátsins áður en loftbirgðir áhafnarinnar þrjóta.

Erlent

Robin Cook látinn

Robin Cook, fyrrverandi utanríkisráðherra Bretlands lést í dag. Cook, sem var 59 ára gamall, var í fjallgöngu með nokkrum félögum sínum þegar hann skyndilega hné niður og lést skömmu síðar á sjúkrahúsi. Cook var utanríkisráðherra frá 1997 og 2001 og var mikið í sviðsljósinu eftir það vegna harðrar andstöðu sinnar við ríkisstjórn Tonys Blairs út af Íraksstríðinu.

Erlent

Setur til sölu!

Dýrasta hús í heimi er til sölu. Um er að ræða setur í Norður-Surrey á Bretlandi sem hægt er að kaupa fyrir litlar 70 milljónir punda, nærri átta milljarða króna. Það er fréttavefur fjármálatímaritsins <em>Forbes</em> sem metur setrið það dýrasta á jarðarkringlunni og segir það m.a. þremur milljörðum króna dýrara en það dýrasta í Bandaríkjunum.

Erlent

Minnast fórnarlamba í Hiroshima

Tugþúsundir manna víðs vegar að úr heiminum eru komnir til Hiroshima í Japan, til þess að minnast þess að í dag eru 60 ár síðan kjarnorkusprengju var varpað á borgina.

Erlent

Þrjú lík fundust í íbúð í London

Lögregla í Lundúnum rannsakar nú morð á þremur manneskjum en þær fundust látnar í íbúð í norðurhluta borgarinnar í gær. Talið er að fólkið, 62 ára karlmaður og tvær konur sem voru 27 og 34 ára, hafi verið skotið í höfuðið. Þá fannst níu mánaða barn í íbúðinni en það var heilt á húfi en þó atað blóði. Samkvæmt fréttavef breska ríkisútvarpsins, <em>BBC</em>, er fólkið skylt en lögregla hefur ekki gefið út neinar hugsanlegar ástæður fyrir morðunum.

Erlent

Fimm enn saknað eftir flugslys

Nú er orðið ljóst að 14 létust og 20 slösuðust þegar flugvél Tunisair hrapaði í sjóinn undan ströndum Sikileyjar í dag. Fimm er enn saknað en ekki er ljóst hverrar þjóðar fólkið er. Vélin, sem er tveggja hreyfla, af gerðinni ATR-42 og tekur 50 manns í sæti, var á leið frá Bari á Ítalíu til eyjarinnar Djerba við Túnis þegar flugmálayfirvöldum á Palermo-flugvelli á Sikiley barst tilkynning frá flugmönnunum um tæknibilun í vélinni.

Erlent

Óttast súrefnisskort í kafbáti

Óttast er að áhöfn rússnesks kafbáts, sem situr fastur á hafsbotni 70 kílómetra úti fyrir Kyrrahafsströnd Rússlands, hafi einungis súrefni sem endist þeim í sólarhring. Björgunarskip eru á leið á slysstað.

Erlent

Viðvaranir mannréttindahópa

Talsmenn mannréttinahópa í Bretlandi tóku í gær ekki vel í tilkynningu Blairs um hertar aðgerðir gegn hryðjuverkum. Shami Chakrabarti, framkvæmdastjóri mannréttindahópsins Liberty, sagði að ekki væri hægt að samþykkja hugmyndir Blairs um að senda fólk til ríkja þar sem það á hættu að verða pyntað.

Erlent

Sjö kafbátasjómenn í lífshættu

Sjö rússneskir kafbátasjómenn voru í lífshættu í gærkvöldi eftir að kafbáturinn þeirra festi skrúfuna í netadræsu og sökk til botns á um 190 metra dýpi út af Kamtjaska-skaga í gær.

Erlent

Deilt um ákvarðanir fyrir flugslys

Hart er deilt um hver hafi tekið þá ákvörðun að þota flugfélagsins Air France skyldi lenda í Toronto á þriðjudag þrátt fyrir gífurlegt óveður, úrhelli og þrumuveður. Segja Kanadamenn að það hafi verið flugstjóri vélarinnar sem hafi tekið endanlega ákvörðun en Air France bendir á flugumferðarstjóra í Toronto. Flugritar vélarinnar eru nú til rannsóknar og er búist við niðurstöðum í næstu viku.

Erlent

Bóluefni sem dugar alla ævi

Vísindamenn vinna nú að þróun bóluefnis sem gæti gefið ævilanga vörn gegn hvers kyns flensu. Einungis eina sprautu þarf þá til.

Erlent

Tilræðismaður yfirheyrður í Róm

Breskir lögreglumenn halda til Rómar á þriðjudaginn kemur til að yfirheyra Hamdi Issac, einn fjórmenninganna sem sagðir eru hafa staðið á bak við í misheppnaðar sprengjuárásir í Lundúnum 21. júlí. Þetta hefur Reuters-fréttastofan eftir heimildarmanni innan dómskerfis Ítalíu.

Erlent

Mest lesið