Erlent

Líkamleg refsing algeng í bandarískum skólum

Meira en 200 þúsund börnum var refsað með líkamlegri refsingu í skólum í Bandaríkjunum á seinasta ári. Í Suður-Bandaríkjunum eru fleiri svörtum börnum refsað en hvítum börnum samkvæmt rannsóknum tvennra hjálparsamtaka.

Erlent

Farartæki rússneska hersins hefja brottflutning frá Georgíu

Rússnesk herfarartæki sáust yfirgefa Georgíu í morgun. Blaðamaður Reuters segist hafa séð tylft herflutningsbíla keyra yfir til Rússlands og að í fjarlægð sjáist önnur faratæki nálgast landamærin. Ekkert sást þó til vopnaðra farartækja og þótti flotinn sem var á leið úr landi ekki mjög ógnvænlegur.

Erlent

Enn sprengt í Alsír

Ellefu létust í tveimur sprengingum í Alsír í morgun. Árásirnar koma aðeins sólarhring eftir að fjörutíu og þrír létust í sprengjuárás sem gerð var á herskóla í landinu. Auk þeirra sem létust í morgun eru að minnsta kosti þrjátíu slasaðir. Ekki liggur fyrir hverjir stóðu að baki árásunum.

Erlent

Sarkozy stappar stálinu í hermenn í Afganistan

Forseti Frakklands er nú staddur í Afganistan til þess að veita frönskum hermönnum stuðning í baráttu sinni við Talíbana í landinu. Í gær féllu tíu frakkar og tuttugu slösuðust í hörðum bardaga sem stóð í heilan sólarhring.

Erlent

Glitter vill ekki til Englands

Breski rokkarinn Gary Glitter er nú aftur í haldi lögrelgunnar á Tælandi en honum var sleppt úr fangelsi í gær. Glitter var dæmdur í fangelsi í landinu árið 2006 fyrir barnaníð.

Erlent

Rændu tankskipi í Aden flóa

Tankskipi frá Malasíu var rænt í nótt í Aden flóa. þrjátíu og níu manns eru í áhöfn skipsins sem var að flytja pálmaolíu frá Súmötru til Rotterdam í Hollandi. Ekki er vitað um afdrif skipverjanna að svo stöddu né hverjir stóðu að baki ráninu.

Erlent

Karadzic vill nýjan dómara

Radovan Karadzic, fyrrverandi leiðtogi Bosníu Serba, hefur farið fram á að skipt verði um dómara í réttarhöldunum sem nú standa yfir honum í Hag.

Erlent

Rússar styðja ekki tillögu Frakka

Vitaly Churkin, sendiherra Rússlands hjá Sameinuðu þjóðunum, segir að Rússar geti ekki samþykkt drög að tillögu Frakka sem lögð hefur verið fyrir öryggisráð Sameinuðu þjóðanna. Drögin gera ráð fyrir því að rússneski herinn hverfi frá Georgíu án tafar.

Erlent

Google fjárfestir í nýrri tegund jarðvarma

Hugbúnaðarrisinn Google hyggst fjárfesta meira en tíu milljónum dollara í jarvarma með það fyrir augum að minnka framleiðslukostnað við endurnýjanlega orkugjafa. Google.org, sá hluti hugbúnaðarrisans sem berst gegn loftslagsbreytingum, fátækt og sjúkdómum, sagði að fénu yrði varið í rannsóknir á nýrri tegund jarðvarma, svonefndu EGS.

Erlent

Dregur úr styrk Fay

Hitabeltisstormurinn Fay gekk á land í Flórída í dag en olli litlu tjóni þar sem hann náði ekki styrk fellibyls.

Erlent

Gervihnöttur írana fór aldrei á loft

Tilraun Írana um helgina til að skjóta á loft gervihnetti misheppnaðist algjörlega og stóðst engan veginn væntingar. Þetta hefur fréttastofa Reuters eftir opinberum bandarískum starfsmönnum, sem ekki vilja láta nafns síns getið. Heimildamaðurinn segir að skömmu eftir flugtak hafi hnötturinn hrapað, og því aldrei komist á sporbaug um jörðu.

Erlent

Keyptu persónuupplýsingar þúsunda Þjóðverja

Persónuupplýsingar þúsund Þjóðverja voru til sölu á internetinu, að því er fram kom í gær. Starfsmaður í símaveri í Slésvík-Holstein lét yfirvöld nýlega vita af því að ekki væri allt með felldu í því hvernig farið væri með persónupplýsingar þar. Hann sendi persónuvernd bankaupplýsingar sautján þúsund manns, og í kjölfarið hóf stofnunin rannsókn.

Erlent

Gary Glitter sleppt úr fangelsi

Barnaníðingnum og rokkaranum Gary Glitter var sleppt úr fangelsi í Víetnam í gær eftir að hafa setið inni í rúm tvö ár fyrir að misnota tvær stúlkur. Dómur Glitters var styttur vegna góðrar hegðunar, og heldur hann nú heim til Bretlands þar sem hann hyggst leita sér lækninga vegna versnandi heyrnar og hjartveiki.

Erlent

Rannsaka iPod Nano vegna ofhitnunar og neistaflugs

Japönsk yfirvöld rannsaka nú mögulega galla á rafhlöðum iPod Nano tónlistarspilarans. Tvö tilfelli hafa komið upp í Tokyo þar sem spilararnir hafa ofhitnaði og send frá sér neista. AP fréttastofan hefur það eftir iðnaðarráðherra landsins að yfirvöld hafi haft samband við Apple, framleiðanda spilarans, vegna málsins. Grunur leiki á að rafhlöðunni sé um að kenna. Árið 2006 þurfti Apple að innkalla 1,8 milljón rafhlöður, sem Sony framleiddi, úr fartölvum sínum vegna ofhitnunar.

Erlent

Barnlausum konum fjölgar í Bandaríkjunum

Fjöldi barnlausra bandarískra kvenna á aldrinum 40-44 ára hefur tvöfaldast á síðustu þrjátíu árum. Árið 1976 voru einungis um 10% kvenna á þessum aldri barnlausar, en nú er hlutfallið komið upp í 20%.

Erlent

Íbúar í Flórída eru viðbúnir Fay

Stjórnvöld og íbúar í Flórída búa sig undir það að hitabeltisstormurinn Fay fari yfir ríkið í dag, en talið er að hann hafi orðið tugum manna að bana í Dóminíska lýðveldinu og Haíti.

Erlent

Miðstéttarfólk með 200 milljónir í laun á ári

„Einungis þeir sem hafa 400 milljónir íslenskra króna í árstekjur geta talist ríkir" sagði John McCain forsetaframbjóðandi í Bandaríkjunum á framboðsfundi í gær og hlaut miklar háðsglósur frá mótframbjóðenda sínum fyrir vikið.

Erlent

Dugar ekki að skipta Brown út

Breskir kjósendur myndu kjósa Íhaldsflokkinn þar í landi jafnvel þó að Gordon Brown, formaður Verkamannaflokksins, viki fyrir David Miliband. Þetta sýnir ný skoðanakönnun sem breska blaðið Guardian birti í gær.

Erlent

77 umsóknum um mótmæli hafnað í Kína

Þrátt fyrir að hafa sagt að sérstök svæði fyrir mótmæli yrðu sett upp í Peking á meðan að Ólympíuleikarnir fara fram í borginni hafa kínversk yfirvöld komið í veg fyrir öll skipulögð mótmæli.

Erlent

Mest lesið