Erlent

Medvedev vill nýja leiðtoga í Úkraínu

Dmitri Medvedev, forseti Rússlands, segir rússnesk stjórnvöld ekki geta átt eðlileg samskipti við ráðamenn í Úkraínu fyrr en leiðtogaskipti hafi átt sér stað í landinu. Samskipti ríkjanna hafa langt frá því verið góð undanfarin ár eða allt frá því að Victor Yushchenko var kjörinn forseti landsins.

Erlent

Ana nálgast

Flórídabúar undirbúa sig nú fyrir árlegt tímabil hitabeltisstorma en fyrsti fellibylur ársins gæti skollið á á innan við viku. Stormurinn hefur þegar fengið nafnið Ana en svæðið sem líklegt er til að lenda í storminum nær allt frá Kúbu til Suður Karolínu.

Erlent

19 látnir eftir óeirðir í fangelsi

Að minnsta kosti 19 eru látnir og á þriðja tug eru slasaðir eftir óeirðir í fangelsi norðurhluta Mexíkó í dag. Ekki er vitað hvort að fangaverðir og aðrir starfsmenn fangelsisins séu í hópi hinna látnu. Yfirvöld segja ástæðuna fyrir uppþotinu vera uppgjör milli tveggja klíka í fangelsinu.

Erlent

40 ár frá Woodstock

Woodstock tónlistarhátíðin er 40 ára í dag. Hátíðarinnar er gjarnan minnst sem þeirri sögulegustu í tónlistarsögunni.

Erlent

Flutningaskip týnt - aftur

Það þykir ráðgáta ein hvernig 4000 tonna flutningaskip gat horfið í nokkra daga, komið aftur í leitirnar og horfið síðan aftur.

Erlent

Hvetur Skota til að sleppa ekki hryðjuverkamanni

Hillary Clinton, utanríkisráðherra Bandaríkjanna, hefur hvatt dómsstóla í Skotlandi að sleppa ekki Abdel-baset Ali Mohmed al Megrahi úr haldi. Megrahi er nú í lífstíðarfangelsi fyrir að bera ábyrgð á Lockerbie hryðjuverkinu þar sem 270 létust þegar sprengja sprakk í flugvél frá Pan am yfir bænum Lockerbie í Skotlandi.

Erlent

Rússneska flutningaskipið fundið

Flutningaskipið Arctic Sea, sem hvarf í Ermasundi fyrir um hálfum mánuði er fundið, eftir því sem fram kemur á fréttavef Sky. Skipið hefur verið staðsett um 400 mílum frá Grænhöfðaeyjum

Erlent

Skógareldar í Kalíforníu

Miklir skógareldar hafa blossað upp í Kalíforníu enn eina ferðina og berjast þúsundir slökkviliðsmanna nú við eldana. Tvö þúsund manns hafa þegar þurft að yfirgefa heimili sín.

Erlent

Skotið á danska lögregluþjóna í nótt

Skotið var á tvo lögregluþjóna í úthverfi Óðinsvéa í Danmörku í nótt þegar þeir reyndu að handsama mann sem lenti í árekstri eftir glæfraakstur. Lögreglan hafði veitt manninum eftirför sem endaði með árekstri.

Erlent

Karzai leiðir í könnunum í Afganistan

Sitjandi forseti Afganistans, Hamid Karzai fær mest fylgi í komandi forsetakosningum í landinu samkvæmt nýrri könnun sem greint hefur verið frá. Karzai fær þó ekki hreinan meirihluta og því þyrfti að kjósa aftur á milli hans og næsta manns ef útkoman í kosningunum sem fram fara í næstu viku verður á þessa leið.

Erlent

Tævan: Óttast að mörg hundruð hafi farist

Yfirvöld í Tævan áætla nú að 390 manns hafi farist þegar aurskriða féll á þorpið Shiaolin um síðustu helgi. Þetta er í fyrsta skipti sem stjórnvöld tjá sig um tölu látinna í þorpinu en fyrst óttuðust menn að um 700 manns hefðu grafist undir þegar skriðan sópaði þorpinu bókstaflega í burtu.

Erlent

Virkar ekki sem skyldi

Bandaríkjastjórn hefur undanfarið boðið eigendum gamalla bílskrjóða að skila þeim til förgunar en fá í staðinn peninga til að kaupa sér nýja eyðsluminni bifreið fyrir.

Erlent

Edwards á barn með viðhaldinu

John Edwards, fyrrum forsetaframbjóðandi í Bandaríkjunum, á barn með fyrrum starfsmanni úr forsetaframboði hans, segir National Enquirer. Blaðið sagði í fyrra frá sambandi Edwards við konuna sem heitir Rielle Hunter. Edwards þurfti að taka faðernispróf eftir að Hunter krafðist þess að fá meðlag frá Edwards. Edwards er giftur en eiginkona hans segist ekki vita hvort hann sé faðir barnsins.

Erlent

Slasaðist á auga þegar iPhone sprakk

Átján ára karlmaður í Frakklandi slasaðist á auga þegar iPhone sími kærustu hans sprakk við venjulega notkun. Fleiri dæmi eru um að iPhone tæki hafi sprungið. Yfirvöld í Japan hafa einnig hafið rannsókn á því af hverju blossar stóðu út úr tónhlöðu af gerðinni iPod nano meðan hann var í hleðslu.

Erlent

Argentínskur hershöfðingi í lífstíðarfangelsi

Fyrrverandi hershöfðingi í her Argentínu hefur verið dæmdur í lífsstíðarfangelsi fyrir þáttöku sína í skítuga stríðinu svokallaða. Santiago Omar Riveras, sem nú er 86 ára gamall, var yfirmaður illræmds gæsluvarðhaldsfangelsis í Buenos Aires á tímum herforingjastjórnarinnar í Argentíu á áttunda og níunda áratugi síðustu aldar.

Erlent

Hart barist á Fillipseyjum

Að minnsta kosti 43 eru látnir eftir bardaga á suðurhluta Fillipseyja í nótt að því er yfirmaður hersins þar í landi greinir frá. 23 stjórnarhermenn og 20 skæruliðar féllu í bardaga sem braust út þegar hermenn gerðu árás á búðir íslamskra skæruliða sem kenna sig við Abu Sayyaf.

Erlent

Var týnda skipið í smyglferð?

Enn hefur ekkert spurst til flutningaskipsins Arctic Sea sem hvarf á Ermasundi fyrir hálfum mánuði. Rússneski flotinn skipuleggur nú leitina að skipinu en málið þykir allt hið dularfyllsta.

Erlent

Slagsmál á Nörrebro í nótt

Fimm danskir mótmælendur voru handteknir við kirkju á Nörrebro í Kaupmannahöfn í nótt í kjölfar uppþots sem þar braust út. Fólkið var að mótmæla handtöku nítján innflytjenda frá Írak sem vísað hefur verið úr landi en flóttafólkið hafði leitað skjóls í kirkjunni.

Erlent

Endurnýjun í forystu Fatah

Mikil endurnýjun hefur orðið í miðstjórn palestínsku Fatah-samtakanna eftir nýafstaðnar kosningar, þær fyrstu innan samtakanna síðan 1989.

Erlent

Mest lesið