Erlent

Wikileaks vill til Íslands

Vefsíðan Wikileaks, þar sem mikilvægar trúnaðarupplýsingar hafa verið hýstar, er ennþá lokuð. Henni var lokað fyrir síðustu áramót. Þau skilaboð fylgdu með að verið væri að afla fjár til þess að tryggja rekstur vefsíðunnar til framtíðar, en reksturinn er alfarið byggður á frjálsum framlögum.

Erlent

Hafa handtekið 100 af 4000 föngum

Lögreglan í Haítí hefur handtekið 100 af þeim 4000 föngum sem flúðu úr fangelsi í Port-au-Prince eftir jarðskjálftann í Haítí þann 12. janúar síðastliðinn. Frantz Lerebous, talsmaður lögreglunnar, segir að fleiri fanga sé leitað. Allir fangar sem voru í fangelsinu flúðu, jafnvel þeir hættulegustu sem voru dæmdir fyrir nauðgun og morð.

Erlent

Scott Brown settur í embætti

Repúblikaninn Scott Brown tók sæti Edwards Kennedy í öldungadeildinni í gær. Það var Joe Biden varaforseti sem setti Brown í embætti. Hann tekur sæti sitt viku fyrr en áætlað var.

Erlent

Bannar buffla

Susilo Bambang Yudhoyono, forseti Indónesíu, hefur bannað fólki að nota buffla á mótmælafundum. Ástæðan er sú að í síðustu viku var buffall með nafni forsetans leiddur um götur Djakarta í mótmæla­­aðgerðum gegn forsetanum.

Erlent

Trúboðar ákærðir fyrir barnsrán á Haítí

Stjórnvöld á Haítí hafa ákært tíu bandaríska trúboða fyrir mannrán en þau eru sökuð um að hafa ætlað að smygla 33 börnum úr landinu. Ef trúboðarnir verða sakfelldir gætu þau átt yfir höfði sér langa fangelsisdóma. Fólkið var stöðvað á landamærum Dóminíska lýðveldisins á föstudaginn var og þá sögðust þau vera að flytja börnin á munaðarleysingjahæli þar í landi. Síðar kom í ljós að sum barnanna voru alls ekki munaðarlaus.

Erlent

Flinkur hvalur

Þjálfunin tók eitt ár. En nú getur þessi hvíti hvalur í sædýrasafninu í Pólarlandi í Kína blásið frá sér snotru loftbólu-hjarta.

Erlent

Breska þingið setur niður

Þrjúhundruð og níutíu breskum þingmönnum hefur verið skipað að endurgreiða samtals rúma eina milljón sterlingspunda fyrir margvíslegan kostnað sem þeir létu opinbera sjóði greiða.

Erlent

Vilja að Pakistanar temji talibana

Það voru Pakistanar sem sköpuðu þessa ófreskju á sínum tima. Þeir þjálfuðu og vopnuðu talibana á níunda áratugnum. Þeir báru á þá fé og létu þeim meira að segja í té skriðdreka og stórskotalið.

Erlent

Vilja kæra fyrir þjóðarmorð

Stríðsglæpadómstólnum í Haag hefur verið uppálagt af áfrýjunardómstól að endurskoða niðurstöðu sína um að ákæra ekki Omar al-Bashir, forseta Súdan, fyrir þjóðarmorð í Darfur-héraði. Niðurstaða dómstólsins í Haag er talin leggja grunninn að því að al-Bashir komist upp með að hafa skipulagt þjóðarhreinsanir í héraðinu.

Erlent

Gagnrýna stefnu Obama í þjóðaröryggismálum

Repúblikanar í Bandaríkjunum segjast sjá veikleika í baráttu Baracks Obama gegn hryðjuverkum. Þeir telja jafnframt að þessi veikleiki hans gæti skapað þeim sóknarfæri í kosningum til fulltrúadeildar þingsins næsta haust.

Erlent

Um 200 þúsund lík hafa fundist í Haítí

Nú hafa að minnsta kosti 200 þúsund lík fundist eftir jarðskjálftann í Haítí þann 12. janúar síðastliðinn. Þetta fullyrðir Jean-Max Bellerive, forsætisráðherra landsins, í samtali við AFP fréttastofuna. Hann segir jafnframt að um 300 þúsund manns liggi slasaðir á sjúkrahúsum og að um fjögur þúsund hafi verið aflimaðir eftir skjálftann.

Erlent

Konan og sólsetrið

Konu sem var heima hjá sér í Suður-Þýskalandi langaði til að sjá sólsetur í strandbænum St. Peter-Ording sem hún hafði heimsótt.

Erlent

Góður pabbi

Moammar Gaddafi leiðtogi Libyu hefur lagt fæð á Sviss eftir að sonur hans Hannibal og eiginkona hans voru handtekin þar í landi í júlí árið 2008.

Erlent

Enn eitt fjöldamorð á pílagrímum

Minnst tveir tugir manna fórust í sprengjuárás í hinni helgu borg Karbala í Írak í dag. Þangað streyma nú tugþúsundir pílagríma vegna trúarhátíðar shía múslima.

Erlent

Fréttamenn í sprengingu í Pakistan

Fjórir eru látnir hið minnsta eftir að sprengja sprakk í Norðvesturhluta Pakistans. Að minnsta kosti þrír útlendingar létust í árásinni að sögn lögreglu á svæðinu en ekki hefur verið gefið upp af hvaða þjóðerni þeir voru. Hópur fréttamanna var á ferð í bílalest á vegum hersins þegar sprengjan, sem komið hafði verið fyrir í vegarkantinum sprakk. Að minnsta kosti 25 særðust í árásinni.

Erlent

Fyrrverandi utanríkisráðherra Mexíkó vill lögleiða Maríjúana

Bandaríkin og Mexíkó ættu að lögleiða Maríjúana og slá þannig vopnin úr höndum eiturlyfjahringa sem þrífast við landamærin. Þetta segir fyrrverandi utanríkisráðherra Mexíkó, Jorge Castaneda í viðtali á CNN sjónvarpsstöðinni. Hann segir það fáránlegt að Mexíkanar reyni hvað þeir geti til þess að stoppa flæði eiturlyfa yfir til Bandaríkjanna á meðan notkun þess hefur verið leyfð í Kalíforníu gegn framvísun lyfseðils.

Erlent

Mest lesið