Erlent

Wyclef áfrýjar

Rapparinn Wyclef Jean hefur ákveðið að áfrýja úrskurði yfirkjörstjórnar Haítí sem meinaði honum fyrir helgi að bjóða sig fram til forsetaembættis landsins. Wyclef er ekki kjörgengur þar sem hann hefur ekki búið samfellt í fimm ár í landinu. Rapparinn bjó á Haítí þar til hann var níu ára gamall en hefur búið í Bandaríkjunum síðan þar sem hann gerði það meðal annars gott með hljómsveitinni Fugees.

Erlent

Sonur Mubaraks býður fram

Auglýsingaspjöld þess efnis að Gamal Mubarak, yngri sonur Hosni Mubarak forseta Egyptalands, sé næsti leiðtogi Egyptalands er nú víða að finna í Egyptalandi.

Erlent

Netanyahu vill koma á óvart

Benjamin Netanyahu, forsætisráðherra Ísraels, hefur gefið í skyn að friðarviðræður Ísraela og Palestínumanna, sem hefjast aftur í næstu viku, geti skilað árangri. Það er þó með þeim fyrirvara að Palestínumenn gangi að kröfum Ísraela.

Erlent

Stjórnarandstæðingar teknir höndum

Rússneska lögreglan kom í veg fyrir að um hundrað stjórnarandstæðingar færu í fánagöngu í gegnum miðborg Moskvu í gær og handtók þrjá af leiðtogum stjórnarandstöðunnar. Þar á meðal var Boris Nemtsov sem talið er að komi til með að leiða stjórnarandstöðuna í næstu kosningum.

Erlent

Fjórir bandarískir hermenn drepnir

Fjórir bandarískir hermenn féllu í austur- og suðurhluta Afganistan í gær, að sögn NATO. Þrír þeirra létust í átökum við uppreisnar-menn en einn lést þegar hann varð fyrir heimagerðri sprengju. Þá varð fyrrum skæruliðaleiðtoginn Slaam Pahlawan fyrir bílsprengju í Faryab-héraði í norðurhluta landsins.

Erlent

Tæplega 100 þúsund fluttir á brott frá Dandong

Níutíu og fjögur þúsund manns voru fluttir frá borginni Dandong í norðurhluta Kína í dag eftir að Yalu-áin flaut yfir bakka sína vegna mikilla rigninga á svæðinu að undanförnu. Þriggja manna er saknað í borginni.

Erlent

Joly býður sig fram til forseta

Hin norsk/franska Eva Joly sem er hvað þekktust hér á landi fyrir ráðgjafastörf við embætti sérstaks saksóknara, er sögð ætla að bjóða sig fram til forseta Frakklands.

Erlent

Flytja út vopn fyrir milljarða

Vopnaframleiðendur í Noregi hafa þénað ríkulega á stríðunum í Afganistan og Írak. Nýjar sölutölur benda til þess að vopnaútflutningur frá Noregi hafi þrefaldast frá árinu 2004.

Erlent

Ástralir ganga til kosninga

Ástralir ganga að kjörborðinu í dag en mjög mjótt er á munum milli Verkamannaflokksins sem nú fer með stjórn og Frjálslyndaflokksins. Nýir leiðtogar leiða báða flokka.

Erlent

Tvísýnni kosningar en reiknað var með

Julia Gillard komst til valda fyrir tveimur mánuðum, þegar hún hrakti Kevin Rudd úr embætti leiðtoga Verkamannaflokksins. Hún tók við leiðtogaembættinu og jafnframt embætti forsætisráðherra, og í beinu framhaldi af því boðaði hún til kosninga í þeirri von að kjósendur kynnu að meta nýjan leiðtoga sem talaði hreint út. Þannig mætti henni takast að snúa við slæmri útkomu flokksins í skoðanakönnunum.

Erlent

Loðfílarnir misstu graslendið

Loðfílar dóu ekki út fyrir um fjögur þúsund árum vegna þess að menn væru svo duglegir við mammútaveiðar, heldur vegna þess að graslendi eyddist svo mjög að þeim varð ekki lengur líft.

Erlent

Gefa sér eitt ár til að semja

Ísraelsk og palestínsk stjórnvöld hafa fallist á að hefja friðarviðræður á ný í byrjun september. Hillary Clinton, utanríkisráðherra Bandaríkjanna, skýrði frá þessu í gær.

Erlent

Þurfa fleiri þyrlur

Talsmaður matvælahjálpar Sameinuðu þjóðanna segir Pakistana þurfa nauðsynlega á þyrlum að halda svo hægt sé að koma hjálpargögnum til fólks sem hafa lokast inni á flóðasvæðunum í landinu. Fjölmargar brýr og vegir hafa skemmst í flóðunum sem Ban Ki-moon, framkvæmdastjóri Sameinuðu þjóðanna, hefur líkt við hægfara tsunami-flóðbylgju. Emilia Casella, talsmaður matvælahjálparinnar, segir Sameinuðu þjóðirnar einungis hafa tíu þyrlur í Pakistan.

Erlent

Reyndi að selja albínóa

Kenískur karlmaður hlaut 17 ára fangelsisdóm í nágrannaríkinu Tansaníu í dag fyrir að reyna að selja töfralækni samstarfsmann sinn sem er albínói. Töfralæknirinn hugðist borga 180.000 punda eða tæplega 22 milljónir fyrir albínóann Robinson Mkwana.

Erlent

Rapparinn fær ekki að bjóða sig fram

Rapparinn Wyclef Jean sem kom öllum í opna skjöldu fyrir nokkrum vikum og sagðist ætla að bjóða sig fram til forsetaembættis Haíti má ekki bjóða sig fram samkvæmt yfirkjörstjórn landsins. Frá þessu var greint í gær og verður listi yfir frambjóðendur birtur í heild sinni í dag.

Erlent

Hægir á eftir uppsveifluna

Þýska Zew-vísitalan, sem mælir væntingar í viðskiptalífinu, lækkaði úr 21,2 punktum í júlí í 14,0 punkta í síðasta mánuði. Vísitalan hefur ekki verið lægri síðan í apríl í fyrra og bendir til að þýskir fjárfestar séu svartsýnir.

Erlent

Aukin aðstoð til Pakistans

Ríki heims hafa loks tekið við sér og gefið fé til neyðarhjálpar vegna flóðanna í Pakistan, þremur vikum eftir að hörmungarnar hófust.

Erlent

Um hundrað manns reknir til Rúmeníu

Frönsk stjórnvöld sendu í gær nærri hundrað manns til Rúmeníu. Allt voru þetta sígaunar, eða rómar eins og þeir kalla sig sjálfir, sem að mati franskra stjórnvalda dvöldu ólöglega í Frakklandi. Frakkar segjast ætla að senda fleiri þeirra úr landi næstu vikurnar, flesta til Rúmeníu en suma til Búlgaríu.

Erlent

Framkvæmdin orðin flóknari

Ríkisstjórnin í Sviss vill endurnýja tvíhliða samninga ríkisins við Evrópusambandið. Þeir eru orðnir tíu ára gamlir og renna út innan skamms. Doris Leuthard, forseti Sviss, viðurkennir að það verði erfitt að semja við Evrópusambandið um þetta. Bæði hafi Evrópusambandið stækkað mjög þann áratug sem liðinn er síðan tvíhliðasamningurinn var gerður og svo hafi Lissabon-sáttmáli Evrópusambandsins, sem tók gildi á síðasta ári, breytt ýmsu.

Erlent

Mest lesið