Innlent

Jón Sigurðsson: Ég hef engin lög brotið

„Ég mótmæli því harðlega hinum alvarlegu ásökunum skattrannsóknarstjóra - ég hef engin lög brotið."
„Ég mótmæli því harðlega hinum alvarlegu ásökunum skattrannsóknarstjóra - ég hef engin lög brotið."

Skattrannsóknarstjóri krafðist í gær kyrrsetningar á eignum Jóns Sigurðssonar framkvæmdastjóra Stoða um leið og gerð var krafa um kyrrsetningu á eignum félagsins. Í yfirlýsingu frá Jóni segir að rök skattrannsóknarstjóra hafi verið þau að nauðsynlegt hafi verið að kyrrsetja eignir hans til tryggingar fyrir hugsanlegri fésekt vegna meintrar refsiverðrar háttsemi hans í tengslum við skil Stoða á virðisaukaskatti.

Kyrrsetningarbeiðnin byggir á því að félagið sé talið hafa vanframtalið virðisaukaskatt af aðkeyptri þjónustu erlendis frá á árunum 2005 til 2007. „Mér er þar gefið að sök að hafa staðið skil á efnislega röngum virðisaukaskattsskýrslum fyrir hönd félagsins," segir í yfirlýsingu Jóns en tekur hann fram að hann hafi tekið við forstjórastarfinu hjá Stoðum í desember 2007 og því var hann stjórnandi félagsins í 27 daga þess þriggja ára tímabils sem um ræðir.

Hann segist enga beina aðkomu hafa haft að virðisaukaskattskílum fyrir félagið og enga persónulega hagsmuni haft af því hvernig virðisaukaskattskilum félagsins var háttað. Jón segist enga ástæðu hafa haft til að efast um hvort skattskil félagsins væru í samræmi við lög og reglur og segist hann leyfa sér að fullyrða að engum starfsmönnum né yfirmönnum félagsins hafi nokkurn tíma gengið til að komast hjá greiðslu virðisaukaskatts.

„Ég mótmæli því harðlega hinum alvarlegu ásökunum skattrannsóknarstjóra - ég hef engin lög brotið."



Færði fasteignir aftur á sitt nafn

„Mín bíður nú það verk að hreinsa mannorð mitt. Fyrsta skrefið á þeirri leið, að því gefnu að kyrrsetning eigna minna gangi efti, er að kæra þessa málsmeðferð skattayfirvalda til Héraðsdóms Reykjavíkur."






Tengdar fréttir

Farið fram á kyrrsetningu á eignum Stoða

Krafa Tollstjóra um kyrrsetningu eigna Stoða var tekin fyrir hjá Sýslumanninum í Reykjavík í gær. Í tilkynningu frá Stoðum segir að skattrannsóknarstjóri hafi farið fram á kyrrsetningu eigna að upphæð 650 milljónir króna vegna fyrirhugaðrar endurákvörðunar skatta félagsins vegna rekstaráranna 2005-2007. „Stoðir framvísuðu við fyrirtökuna fullnægjandi tryggingum fyrir samsvarandi upphæð í formi reiðufjár, með fyrirvara um lögmæti aðfararinnar,“ segir í tilkynningunni en Stoðir munu krefjast þess fyrir Héraðsdómi Reykjavíkur að kyrrsetningarbeiðninni verði synjað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×