Fleiri fréttir

Stjórn Landsvaka áfrýjar dómi vegna Peningabréfa

Stjórn Landsvaka hf. ákvað á fundi sínum í dag að áfrýja dómum héraðsdóms Reykjavíkur í málum er varða málefni fjárfestingarsjóðsins Peningabréf Landsbankans ISK til Hæstaréttar.

Ferðaþjónusta fær 170 milljónir í markaðsátak

Starfshópur sem í sátu fulltrúar Ferðamálastofu, Útflutningsráðs og Höfuðborgarstofu hefur farið yfir umsóknir um samstarfsverkefni til markaðssetningar Íslands á tímabilinu október 2009 til mars 2010.

Tilboðum tekið í ríkisvíxla fyrir tæpa 33 milljarða

Alls bárust 86 gild tilboð í ríkisvíxla í flokknum RIKV 10 0215 að fjárhæð tæplega 46 milljarða kr. að nafnverði. Tilboðum var tekið fyrir 32.8 milljarða kr. að nafnverði á verðinu 97,178 (flatir vextir 8,50%).

Alvogen Group byggir upp starfsemi á Íslandi

Samheitalyfjafyrirtækið Alvogen Group ætlar að byggja upp hluta starfsemi sinnar á Íslandi, að því er segir í tilkynningu frá fyrirtækinu. Félag í eigu Róberts Wessman, fyrrum forstjóra Actavis, á ráðandi hlut í Alvogen.

Íslandsbanki tjáir sig ekki um orð Jón Geralds

Íslandsbanki kveðst bundinn trúnaði um samskipti við Jón Gerald Sullenberger og geti því ekki tjáð sig um þá fullyrðingu Jóns að bankinn hafi hafnað viðskiptum við lágvöruverðsverlsun hans á þeim forsendum að fyrirhuguð álagning væri of lág.

Greining: Spáir 9% ársverðbólgu í þessum mánuði

Greining Íslandsbanka spáir því að vísitala neysluverðs (VNV) muni hækka um 0,5% í október. Gangi spáin eftir mun 12 mánaða verðbólga lækka úr 10,8% í 9%, enda dettur þá út úr 12 mánaða taktinum október á síðasta ári.

Atvinnulausum erlendum ríkisborgurum fjölgar á ný

Eftir að hafa fækkað samfellt fimm mánuði í röð fjölgaði erlendum ríkisborgurum sem eru án atvinnu í september. Í lok september voru alls 1.717 erlendir ríkisborgarar án atvinnu sem jafngildir um 12,5% allra á atvinnuleysisskrá.

Skráðum íbúðum fækkaði um 85% milli ára

Fjöldi fokheldra og fullbúinna skráðra íbúða á Íslandi í byrjun október árið 2009 var 129.824 Um áramótin 2008-2009 var fjöldi skráðra íbúða á Íslandi 129.366. Hefur því skráningum fjölgað um 458 áramótunum 2008-2009 til byrjun október 2009. Til samanburðar fjölgaði skráningum frá áramótum 2007-2008 til október 2008 um 2.896. Hlutfallslega hefur skráningum því fækkað um 85% á milli þessara tímabila.

Halvorsen: Okkur er mikið í mun að hjálpa Íslandi

Kristin Halvorsen fjármálaráðherra Noregs ræddi málefni Íslands m.a. í fjárlagaræðu sinni á norska Stórþinginu. Halvorsen segir að Norðmönnum sé mikið í mun að hjálpa Íslandi í þeim þrengingum sem íslenska þjóðin gengur í gegnum.

Ísland er grænasta landið fyrir netþjónabú

Ísland er efst á lista yfir staði sem taldir eru þeir „grænustu" hvað varðar staðsetningar og rekstur á netþjónabúum og gagnasetrum. Listinn var tekinn saman af Ronald Bowman forstjóra Tishman Technologies.

Dagvöruverslun dróst saman um 4,4% í september

Velta í dagvöruverslun dróst saman um 4,3% á föstu verðlagi í september miðað við sama mánuð í fyrra en jókst um 13,3% á breytilegu verðlagi. Leiðrétt fyrir árstíðabundnum þáttum nam samdráttur í veltu dagvöruverslana í september 4,4% frá sama mánuði í fyrra. Verð á dagvöru hækkaði um 18,4% á síðastliðnum 12 mánuðum.

Um 90% fást upp í Icesave skuldbindingarnar

Allt bendir til þess að níutíu prósent fáist upp í Icesaveskuldbindingar Íslands miðað við uppgjör milli gamla og nýja bankans sem gert var um helgina. Um 75 milljarðar króna falla þá á íslensku þjóðina auk vaxta.

Rólegur dagur í kauphöllinni

Dagurinn var mjög rólegur í kauphöllinni og er OMX16 úrvalsvísitalan nær óbreytt frá því á föstudag í rúmum 810 stigum.

Havila Shipping lýkur kaupum á íslenskum skuldabréfum

Norska skipafélagið Havila Shipping hefur lokið kaupum á íslenskum skuldabréfum sem voru gefin út 2005 og áttu að koma til borgunar á næsta ári. Skuldabréfin voru skráð í kauphöllinni og námu 250 milljónum norskra kr. eða ríflega 5 milljörðum kr.

VÍ: Óskynsamlegt að kollsteypa lífeyrissjóðakerfinu

Viðskiptaráð Íslands (VÍ) segir að það væri óskynsamlegt að leggja í illa ígrundaðar kollsteypur á lífeyrissjóðakerfinu þrátt fyrir þær miklu þrengingar sem nú standa yfir. Engu að síður er mjög mikilvægt að kanna alla fleti þess að lífeyrissjóðirnir verði nýttir til að efla viðnám hagkerfisins, án þess að langtímahagsmunum þjóðarinnar sé ógnað.

Raunvirði eigna lífeyrissjóðann minnkaði um tæp 16%

Í ágústlok hafði hrein eign lífeyrissjóðanna rýrnað um 4,7% að nafnvirði frá sama mánuði árið 2008. Sé hins vegar tekið mið af verðbólgu minnkaði hrein eign að raunvirði um tæplega 16% á tímabilinu.

Atvinnuleysi var 7,2% í september

Skráð atvinnuleysi í september 2009 var 7,2% eða að meðaltali 12.145 manns og minnkar atvinnuleysi um 9,3% að meðaltali frá ágúst eða um 1.242 manns. Á sama tíma á árinu 2008 var atvinnuleysi 1,3%, eða 2.229 manns.

Spennandi að sjá þátttökuna í ríkisvíxaútboði á morgun

Í vikunni verður haldið útboð á ríkisvíxlum og líklega einnig á ríkisbréfum. Víxlaútboðið heldur Seðlabankinn á morgun, þriðjudag, kl. 11 og verða boðnir út 4ra mánaða víxlar. Greining Íslandsbanka segir spennandi að sjá hvort innlendir aðilar taki þátt í víxlaútboðinu af jafnmiklum krafti og raunin varð í september.

Unnið úr 1.700 tonnum af síld hjá Síldarvinnslunni

Um helgina hefur síldarvinnsla hjá Síldarvinnslunni hf. í Fjarðabyggð verið í fullum gangi en Bjarni Ólafsson kom með 500 tonn til vinnslu í gærmorgun. Háberg GK og Börkur NK komu báðir með 600 tonn. Samtals er því verið að vinna 1.700 tonn af síld sem veiddist í nót í síldarsmugunni en um sólarhringsstím er á miðin.

Útflutningsráð skrifar undir Global Compact

Útflutningsráð nú skrifað undir Global Compact samkomulag Sameinuðu þjóðanna. Með því að skrifa undir samkomulagið skuldbindur Útflutningsráð sig til að taka þátt í umræðunni um samfélagslega ábyrgð fyrirtækja á sínum vettvangi ásamt því að hvetja þau til þess að tileinka sér samfélagslega ábyrgð í starfsháttum sínum.

NRK: Íslendingar vilja helst fjármagn frá Norðmönnum

Í nýrri könnun sem gerð var fyrir hóp af stjórnendum Sparebankgruppen 1 í Noregi kemur fram að Íslendingar vilja helst að norrænir fjárfestir komi til landsins og aðstoði við uppbyggingu Íslands í kreppuni. Og af norrænum aðilum eru Norðmenn í sérstöku uppáhaldi.

Góður hagnaður hjá Icelandair í ágúst

Rekstur Icelandair Group samstæðunnar gekk vel í ágúst. Samkvæmt óendurskoðuðu uppgjöri var hagnaður fyrir fjármagnsliði og skatta 0,5 milljörðum hærri en í ágúst 2008 eða 3,1 milljarður króna.

Meint sýndarviðskipti með hlutabréf í Kaupþingi í rannsókn

Meint sýndarviðskipti með hlutabréf í Kaupþingi upp á hátt í 40 milljarða króna eru í rannsókn hjá opinberum aðilum. Viðskipti Gertner-fjölskyldunnar bresku og Katarbúans Al-Thani eru stærstu málin en fjölmargir einstaklingar liggja undir grun.

19 starfsmönnum Mílu sagt upp

19 starfsmönnum verður sagt upp hjá Mílu ehf. en fyrirtækið rekur fjarskiptanet hér á landi og er í eigu Skipta. Í kjölfar niðurskurðar í framkvæmdum í byggingariðnaði þarf fyrirtækið að gera breytingar á starfsemi sinni og eru uppsagnirnar liður í þeim breytingum.

Seðlabankinn þarf ekki spilapeninga

Ólafur Ísleifsson, lektor við Háskólann í Reykjavík, tekur undir með Má Guðmundssyni, seðlabankastjóri, sem segir að íslenska ríkið þurfi ekki nauðsynlega á öllum þeim erlendu lánum að halda sem eru í boði. Ólafur segir ennfremur að Seðlabankinn þurfi ekki á spilapeningum að halda.

Sigurður Einarsson með stöðu grunaðs manns

Sigurður Einarsson, fyrrverandi stjórnarformaður Kaupþings, er með réttarstöðu grunaðs manns í rannsókn sérstaks saksóknara á kaupum Katarbúans Al-Thani á rúmlega fimm prósent hlut í bankanum. Breska blaðið Guardian greinir frá því í dag.

Seðlabankastjóri segir þörfina á lánum hugsanlega ofmetna

Már Guðmundsson, seðlabankastjóri, segir að íslenska ríkið þurfi ekki nauðsynlega á öllum þeim erlendu lánum að halda sem eru í boði. Það myndi lækka skuldastöðu ríkisins um hundruð milljarða og minnka vaxtakostnað verulega ef einungis hluti lánanna yrði þeginn. Þetta kom fram í kvöldfréttum Ríkissjónvarpsins.

Kaupás kannar bótarétt sinn

Kaupás kannar nú hugsanlegan skaðabótarétt sinn gegn Högum vegna brota síðarnefnda félagsins á samkeppnislögum. Matsmenn, sem meta eiga hugsanlegt tjón Kaupáss vegna brotanna, voru kvaddir til í Héraðsdómi Reykjavíkur í gær.

Actavis: Borgar 55 milljarða í vexti

Lyfjafyrirtækið Actavis tapaði þrjátíu og fjórum milljörðum króna í fyrra og greiddi fimmtíu og fimm milljarða króna í vexti. Félagið er skuldasettasta fyrirtæki landsins og skuldaði tæpa þúsund milljarða í árslok 2008. Hugmyndir eru um að skrá félagið í kauphöll að nýju.

Leiðrétting

Fram kom í fréttum Stöðvar 2 í gærkvöld, að Áslaug Árnadóttir, skrifstofustjóri í viðskiptaráðuneytinu, hefði setið í stjórn Nýja Landsbankans, dagana eftir hrun. Áslaug vill koma því á framfæri að hún vék úr stjórninni 8. Október í fyrra, daginn eftir að hún var skipuð í hana, Því hafi hún ekki komið nálægt ákvörðunum um að greiða tugi milljarða króna inn í peningamarkaðssjóði Landsbankans.

Grænn dagur í kauphöllinni

Það var grænt á öllum tölum í kauphöllinni í dag. Úrvalsvísitalan OMX16 hækkaði um tæpt prósent og stendur í 810 stigum.

Fjármálaeftirlitið heimsótti Exista í dag

Fulltrúar Fjármálaeftirlitsins mættu í höfuðstöðvar Exista í dag og óskuðu eftir aðgangi að gögnum. Talsmaður Exista staðfestir þetta við fréttastofu og segir að óskað hafi verið eftir gögnum er varða birtingu upplýsinga í Kauphöll, en Exista er skráður skuldabréfaútgefandi. „Þessi gögn voru góðfúslega veitt enda mun Exista verða FME innan handar í þeirri athugun sem nú fer fram,“ segir ennfremur.

Hafnarfjörður tapaði 347 milljónum fyrrihluta ársins

Milliuppgjör Hafnarfjarðarbæjar fyrir fyrstu 6 mánuði ársins hefur verið lagt fram en samkvæmt niðurstöðutölum þess eru rekstrartekjur í góðu samræmi við áætlun. Afkoma rekstrarreiknings er neikvæð um 138 milljónir í samstæðu en um liðlega 347 milljónir í A-hluta, þe. aðalsjóði og eignasjóði.

Fréttaskýring: Nánasta framtíð þjóðarinnar í miklli óvissu

Þeir Már Guðmundsson seðlabankastjóri og Arnór Sighvatsson aðstoðarseðlabankastjóri segja í bréfi til forsætisráðherra í vikunni að af viðtölum þeirra við fjölda erlendra fjárfesta, bankamenn og sérfræðinga á sviði alþjóðafjármála megi ráða að afar mikilvægt sé að draga úr óvissu af völdum Icesave-deilunnar. Og óvissu af töfum á endurskoðun áætlunar stjórnvalda og Alþjóðagjaldeyrissjóðsins (AGS) sem af þeirri deilu leiðir.

Forsætisráðherra: Mjög alvarlegt ef AGS tefst lengur

Töf á afnámi gjaldeyrishafta, lækkun á lánshæfismati ríkins niður í flokk ótryggra fjárfestinga, líkur á vaxtahækkun, þrýstingur á gengislækkun og þar með aukning verðbólgu ásamt töfum á endurreisn atvinnulífs með vaxandi atvinnuleysi, eru meðal líklegra afleiðinga þess að frekari tafir verði á endurskoðun efnahagsáætlunar stjórnvalda og Alþjóða gjaldeyrissjóðsins (AGS).

Kaupmáttur Íslendinga á erlendri grundu hefur hrapað

Ætli Íslendingur að ferðast til Japans þarf hann nú að reiða fram 2,5 sinnum fleiri krónur fyrir jenin en í árslok 2007 og 2,2 sinnum fleiri franka ef ferðinni er heitið til Sviss. Hefur kaupmáttur krónunnar rýrnað hvað mest gagnvart þessum myntum á tímabilinu frá árslokum 2007.

Landsbankinn gefur kost á lækkun erlendra fasteignalána

Fólk með erlend fasteignalán hjá Landsbankanum geta fengið lækkun á höfuðstól við skuldbreytingu í óverðtryggð krónulán, líkt og hjá Íslandsbanka. Enn er óljóst hvort Kaupþing býður viðskiptavinum sínum upp á að leiðréttingu fasteignalána.

Sjá næstu 50 fréttir

Mest lesið