Fleiri fréttir

Skeljungur ekki seldur fyrr en eftir mánuð

Skeljungur verður ekki seldur fyrr en eftir mánuð í fyrsta lagi. Nú stendur yfir áreiðanleikakönnun á félaginu og er ekki búist við að henni ljúki fyrr en eftir þrjár vikur. Þá fyrst munu eigendur félagsins setjast niður með mögulegum kaupendum.

Hækkun á Wall Street

Verð á hlutabréfum á Wall Street hækkaði í dag í kjölfar þess að seðlabanki Bandaríkjanna lækkaði stýrivexti sína. Dow Jones vísitalan hafði hækkað um 130 stig við lokun markaða í kvöld.

Stýrivextir lækka í Bandaríkjunum

Bankastjórn bandaríska seðlabankans ákvað í dag að lækka stýrivexti um 25 punkta og fara vextirnir því úr 4,75 prósentum í 4,5 prósent. Flestir höfðu reiknað með þessari niðurstöðu en útilokuðu þó ekki 50 punkta vaxtalækkun vegna aðstæðna í bandarísku efnahagslífi.

Gengi Google aldrei hærra

Gengi hlutabréfa í netleitarrisanum Google fór yfir 700 dali á hlut í dag en þetta mun vera í fyrsta sinn síðan fyrirtækið var skráð á hlutabréfamarkað um mitt ár 2004 sem gengið hefur farið svo hátt.

Íslendingar koma að byggingu risaturna í Kaupmannahöfn

Fasteignaþróunarfélagið Sjælsö Gruppen greindi í morgun frá áformum sínum um smíði tveggja risaturna í Kaupmannahöfn. Tveir íslenskir aðilar eiga aðild að verkefninu þar á meðal Samson Properties, eignarhaldsfélag Björgólfs Thors Björgólfssonar.

Mannabreytingar hjá Securitas

Miklar skipulagsbreytingar standa nú yfir hjá Securitas og hafa þrír nýir framkvæmdastjórar tekið við störfum hjá fyrirtækinu að undanförnu.

Hagvöxtur í Bandaríkjunum umfram spár

Hagvöxtur í Bandaríkjunum mældist 3,9 prósent á þriðja ársfjórðungi samanborið við 3,8 prósent á öðrum ársfjórðungi, samkvæmt útreikningum bandaríska viðskiptaráðuneytisins. Þetta er nokkuð meiri hagvöxtur en reiknað hafði verið með á fjórðungnum sem einkennst hefur á þrengingum á bandarískum fasteignamarkaði og lausafjárkrísu á fjármálamörkuðum.

Tap Teymis tæpir 1,2 milljarðar króna

Teymi tapaði 1.187 milljónum króna á þriðja ársfjórðungi. Hagnaðurinn á níu fyrstu níu mánuðum ársins nam hins vegar 1.575 milljónum króna.

Húsnæðislán bankanna dragast saman

Töluvert hefur dregið úr húsnæðislánum viðskiptabankanna á síðustu mánuðum og rekur greiningardeild Glitnis það til hækkun vaxta á húsnæðislánum um mánaðamótin júlí og ágúst.

Mestar líkur á óbreyttum stýrivöxtum

Greiningardeild Glitnis telur líkur á því að Seðlabankinn ákveði að halda stýrivöxtum óbreyttum í 13,3 prósentum á vaxtaákvörðunarfundi bankans á morgun og muni hugsanlega ekki hefja lækkanaferli fyrr en á öðrum fjórðungi á næsta ári.

Óbreyttir stýrivextir í Japan

Japanski seðlabankinn ákvað í dag að halda stýrivöxtum óbreyttum í 0,5 prósentum. Bankinn segir ennfremur í endurskoðaði hagspá sinni fyrir árið að hagvöxtu verði um 1,8 prósent í stað 2,1 eins og fyrri spá hljóðaði upp á. Hann telur að á næsta ári muni blása byrlega og muni hagvöxtur nema 2,1 prósenti.

Úrvalsvísitalan lækkar

Úrvalsvísitalan lækkaði um 0,18 prósent við opnun markaða í kauphöllinni í morgun. Mesta hafa hlutabréf í Atlantic Petroleum lækkað eða um 2,39 prósent.

Færeyingar efstir og neðstir

Gengi færeyska olíuleitarfélagsins Atlantic Petroleum hefur lækkað um 2,39 prósent eftir að viðskipti hófust í Kauphöll Íslands í dag en þetta er mesta lækkun dagsins. Gengi félagsins hefur rokið upp um l80 prósent síðan það féll í óróleika á fjármálamörkuðum í ágúst og stendur nú nálægt sínu hæsta gildi, sem náðist í gær. Á sama tíma hefur gengi Föroya banka hækkað mest í dag.

Enn lækkar dollarinn

Gengi bandaríkjadals fór enn á ný í lægstu lægðir gagnvart breska pundinu í dag en 2,0727 dalir fást nú fyrir hvert pund. Bilið hefur aukist hratt síðustu daga og hefur ekki verið meira síðan um mitt sumar 1981.

Hagnaður Deutsche Bank jókst um 31 prósent

Hagnaður Deutsche Bank nam 1,62 milljörðum evra, jafnvirði tæplega 141 milljarðs króna, á þriðja ársfjórðungi samanborið við 1,24 milljarða á sama tíma í fyrra. Þetta er 31 prósents hækkun á milli ára og nokkuð yfir væntingum. Inn í afkomutölurnar koma endurgreiddir skattar og hagnaður af sölu eigna sem vegur upp á móti fyrsta tapi af fjárfestingum bankans í heil fimm ár.

Hlutabréf í Fujifilm fyrirtækinu hækkuðu

Hlutabréf í Fujifilm fyrirtækinu hækkuðu við lokun markaðar í Japan í morgun. Markaðurinn var hinsvegar með rólegra móti. Stutt er í að seðlabankinn í Japan taki ákvörðun um stýrivaxtahækkun og ljóst að fjárfestar halda að sér höndum þangað til. Verðlækkun á olíumarkaði kom sér illa fyrir olíufyrirtæki eins og Inpex Holdings og stærstu hluthafa þess fyrirtækis.

Hafa keypt fyrirtæki upp á 544 milljarða

Viðskiptabankarnir þrír hafa eytt sem svarar 544 milljörðum króna í helstu fyrirtækjakaup og samruna í útlöndum. Kaupþing á 78 prósent upphæðarinnar.

Ólíkar leiðir bankanna í alþjóðavæðingu

Kaupþing nýtur forskots og áræðis í samanburði á vexti viðskiptabankanna þriggja utan landsteinanna. Óli Kristján Ármannsson kynnti sér útrás bankanna. Í ljós kemur að Landsbankinn hefur fetað svipaða slóð og Kaupþing en tekið smærri skref enn sem komið er og er skemmra á veg kominn. Leið Glitnis hefur hins vegar verið önnur og nýtur hann nokkurrar sérstöðu með aðferð syllumarkaðssetningar.

Gósentíð fyrir íslenska listamenn

Velmegun og aukinn listáhugi landans hefur þrýst verði íslenskra verka upp á skömmum tíma. Bragi Guðlaugsson listaverkasafnari hefur notið góðs af því, rétt eins og listamennirnir sjálfir.

Keppnisíþrótt bankamanna

Landsbankinn Kepler í Frakklandi hefur greinilega á að skipa úrvalsfólki. Greiningardeild bankans lenti í öðru sæti í vali á bestu greiningaraðilum Frakklands milli áranna 2006 og 2007. Verðlaunin voru fyrir árangur í vali á hlutabréfum og spá um hagnað

Rektor í fjárfestingar

Svafa Grönfeldt, rektor Háskólans í Reykjavík, hefur nú stofnað fjárfestingafélag með 61 milljónar króna höfuðstól. Ætlar rektor greinilega að fjárfesta í fleiru en menntun ungra nemenda með starfi sínu í HR.

Lausn fyrir leiðindapúka

Í nútímasamfélagi má finna lausn á öllum sköpuðum hlutum. Meira að segja því að vera drepleiðinlegur frá náttúrunnar hendi. Stjórnendur og aðrir þeir sem eiga við þetta hvimleiða vandamál að stríða geta skráð sig á námskeið hjá Stjórnunarfélagi Íslands sem hin drepfyndna Edda Björgvinsdóttir stendur fyrir.

Fjárfestar bíða ákvörðunar bandaríska seðlabankans

Gengi helstu hlutabréfavísitalna lækkaði er nær dró lokun viðskipta á bandarískum fjármálamörkuðum í dag. Nokkrir þættir skýra lækkunina en fjáfestar þykja bjartsýnir á að bankastjórn seðlabanka Bandaríkjanna tilkynni um 25 punkta lækkun stýrivaxta á morgun að loknum tveggja daga vaxtaákvörðunarfundi, sem hófst í dag.

Hagar hagnast um rúmar 700 milljónir

Hagnaður Haga, sem rekur meðal annars verslanir Bónuss, Hagkaupa og 10-11, á tímabilinu 1. mars til 31. ágúst nam 715 milljónum samkvæmt uppgjöri sem birt er á vef Kauphallar Íslands.

Lækkanir í Kauphöllinni í dag

Segja má að dagurinn hafi verið rauður í Kauphöll Íslands í dag því flest fyrirtækin lækkuðu á markaði.

Kaupþing spáir aukinni verðbólgu og óbreyttum vöxtum

Greiningardeild Kaupþings spáir því að vísitala neysluverðs hækki um 0,2 prósent á milli mánaða í nóvember. Gangi það eftir hækkar verðbólga úr 4,5 prósentum nú í 4,7 prósent. Kaupþing spáir því að seðlabankinn muni halda stýrivöxtum óbreyttum í 13,3 prósentum á fimmtudag.

Pundið nálægt hæstu hæðum gagnvart bandaríkjadal

Gengi breska sterlingpundsins fór í hæstu hæðir gagnvart bandaríkjadal á mörkuðum í dag en 2,066 dalir fengust fyrir hvert pund. Dollarinn hefur ekki verið ódýrari síðan um mitt sumar árið 1981.

Skype farsími býður upp á frí símtöl

Farsímaframleiðandinn 3 hefur sett nýjan farsíma á markað sem leyfir notendum að hringja frítt á internetinu í gegnum internetsímafyrirtækið Skype. Notendur munu einnig geta notað textaþjónustu Skype.

Fyrsta pöntun á 100 dollara tölvum

Urugvæ er fyrsta landið til að gera opinbera pöntun á hinum svokölluðu 100 dollara tölvum. Ríkisstjórnin keypti 100 þúsund tölvur fyrir skólabörn á aldrinum sex til 12 ára. Til stendur að kaupa 300 þúsund tölvur í viðbót handa hverju skólabarni í landinu fyrir árið 2009.

Glitnir hagnast um 25 milljarða

Hagnaður Glitnis á fyrstu níu mánuðum ársins nam 25, 2 milljörðum króna samkvæmt uppgjöri sem birt var í dag. Það er um þremur milljörðum króna minna en á sama tíma í fyrra. Fram kemur í uppgjörinu að hagnaður bankans á þriðja ársfjórðungi hafi numið rúmum 8,6 milljörðum króna sem er svipað og greiningardeildir hinna bankanna höfðu spáð.

Skipti kaupir danskt fjarskiptafyrirtæki

Skipti, sem meðal annars rekurinn Símann og Skjáinn, hefur keypt danska fjarskiptafyrirtækið Ventelo A/S. Það var hluti af Ventelo Group sem auk þess er með starfsemi í Noregi og Svíþjóð.

Tekur Baugur yfir Saks ásamt fleirum?

Hugsanlegt er að Baugur bjóði í bandarísku lúxusvöruverslunarkeðjuna Saks ásamt fyrirtækinu Landmark Group sem er í eigu aðila í Dubai.

Nikkei niður um 0,3%

Japanska Nikkei vísitalan féll um 0,3 prósent í morgun. Takeda lyfjafyrirtækið féll í verði þegar heilbrigðisyfirvöld mæltu með því að þeir hættu tilraunaframleiðslu á ákveðnu lyfi sem hafði gefið vel af sér.

Segir viðbrögð markaðarins of sterk

Gengi bréfa Icelandair lækkaði um rúm 5 prósent í gær í kjölfar þess að stjórn félagsins gaf frá sér yfirlýsingu um að afkoma félagsins yrði undir áætlunum á þriðja fjórðungi.

Boða breytingar

FL Group birti yfirtökutilboð sitt í Tryggingamiðstöðina í Kauphöllinni í gær. Fá hluthafar í TM 47 krónur fyrir hvern hlut sinn í félaginu taki þeir yfirtökutilboðinu.

Fjárfestar bíða stýrivaxtadags

Gengi helstu hlutabréfavísitalna hækkaði við lokun hlutabréfamarkaða í Bandaríkjunum í dag. Fjármálaskýrendur höfðu gert ráð fyrir mikilli hækkun enda vaxtaákvörðunardagur vestanhafs á miðvikudag. Nokkurrar spennu gætir á meðal fjárfesta.

Gengi SAS-hlutabréfa lækkar vegna Dash-véla

Gengi hlutabréfa SAS-flugfélagsins hefur lækkað um nærri 5% á mörkuðum í morgun og er það rakið til nauðlendingar Dash 8 vélarinnar í Kaupmannahöfn á laugardag.

Von á fjölmörgum afkomutölum í vikunni

Kauphallarfélög sem birta afkomutölur sínar í vikunni eru Glitnir, Össur, Teymi, Landsbankinn, TM, 365 og FL Group. Greiningardeildir bankanna eru nokkuð samstíga í spáum sínum um afkomu þessara félaga.

Hráolíuverð hækkar enn

Verð á hráolíu fór upp fyrir 93 Bandaríkjadali tunnan í New York í morgun og hefur þá hækkað um 16 prósent það sem af er þessum mánuði. Á þetta er bent í Morgunkorni Glitnis.

Sjá næstu 50 fréttir

Mest lesið