Gósentíð fyrir íslenska listamenn Hólmfríður Helga Sigurðardóttir skrifar 31. október 2007 00:01 Bragi Guðlaugsson veggfóðrarameistari hefur safnað íslenskri list í hátt í þrjátíu ár. Meira en tvö hundruð verk þekja veggi heimilis hans. MYND/Anton Velmegun og aukinn áhugi, bæði almennings og sterkra fjárfesta, hefur gefið sölu íslenskrar myndlistar aukinn kraft. Fyrir vikið hefur verð á íslenskum verkum rokið upp á stuttum tíma. Bragi Guðlaugsson veggfóðrarameistari er ábyggilega með virkustu listaverkasöfnurum landsins. Hann keypti sitt fyrsta málverk um miðjan áttunda áratuginn. Síðan hefur hann ekki hætt. Í dag á hann meira en tvö hundruð verk eftir marga af ástsælustu listmálurum Íslands. Þótt Bragi hafi aldrei litið á söfnun sína sem fjárfestingu hefur safn hans margfaldast í virði á fáeinum árum. Má því segja að áhugamálið hafi breyst í prýðisfjárfestingu. „Verð á íslenskri myndlist hefur hækkað verulega að undanförnu. Maður hefur nýtt það á uppboðum, látið góðar millimyndir og fengið eina eða tvær perlur í staðinn eftir aðra. Ég hef til dæmis verið að skipta myndum til að kaupa Kristján Davíðsson og Þorvald Skúlason. Það eru góð skipti.“ Bragi er illfáanlegur til að leggja peningalegt mat á málverkasafn sitt, enda breytist það frá einu tímabili til annars. Hann fæst þó til að meta það á eins og eitt gott einbýlishús. Hvorki þó einbýlishús í Vesturbæ Reykjavíkur eða í litlum bæ á landsbyggðinni. „Eigum við ekki bara að segja einhvers staðar þar á milli, eins og kannski gott einbýlishús í Fossvoginum?“ Sveinn Þórhallsson, einn eigenda Gallery Turpentine, tekur undir orð Braga. Hann segir mikla breytingu hafa orðið á listaverkamarkaðnum á síðastliðnum tveimur árum. „Nú eru góð verk að seljast fyrir himinháar upphæðir sem ekki sáust áður. Verk eftir suma listamenn hafa allt að því tvöfaldast í verði, til dæmis verk eftir Kristján Davíðsson, Húbert Nóa og Georg Guðna. Þau hafa verið að fara á allt að fimm til sex milljónir króna.“ Þá segir hann að verk eftir yngri listamenn eigi einnig meira upp á pallborðið en nokkru sinni fyrr. „Samtímalist er sem betur fer sjóðandi heit í dag.“ Allir veggir einbýlishúss Braga í Háaleitishverfi eru þaktir listaverkum, frá gólfi og upp að lofti. Hann á nokkrar þjóðargersemar sem hann segir sjálfur að ættu best heima á söfnum. „Ég á eina mynd eftir Kjarval sem er úr seríunni Andlit að austan, eina af fáum myndum úr þeirri seríu sem eru ekki í eigu Listasafns Íslands, að ég best veit.“ Þá á hann olíumynd af tröllum eftir Mugg, Tröllagleði, sem mun vera mikill dýrgripur. Bragi hefur sýnt myndir úr safni sínu oftar en einu sinni. Í sumar sýndi hann tólf myndir eftir Kristján Davíðsson í Gallerí Fold og á milli tuttugu og þrjátíu myndir eftir Þorvald Skúlason í fyrrasumar. Auk mynda eftir þá á hann talsvert af myndum eftir Jóhannes Jóhannesson, Guðmundu Andrésdóttur og Karl Kvaran, sem öll eru í miklu uppáhaldi hjá honum. Mörgum þeirra kynntist hann persónulega. Hann keypti til að mynda allar myndirnar beint af þeim Jóhannesi, Karli og Guðmundu. Af yngri listamönnum á hann meðal annars verk eftir Eggert Pétursson, Georg Guðna, Húbert Nóa og Helga Þorgils. Hvað knýr áhugann segir Bragi ekki gott að segja til um. „Kannski er þetta eitthvað úr æskunni, ég átti nú aldrei mikið af leikföngum,“ segir hann og hlær. „En í alvöru talað er það bara fegurðin og krafturinn sem dregur mig að myndunum.“ Héðan og þaðan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Velmegun og aukinn áhugi, bæði almennings og sterkra fjárfesta, hefur gefið sölu íslenskrar myndlistar aukinn kraft. Fyrir vikið hefur verð á íslenskum verkum rokið upp á stuttum tíma. Bragi Guðlaugsson veggfóðrarameistari er ábyggilega með virkustu listaverkasöfnurum landsins. Hann keypti sitt fyrsta málverk um miðjan áttunda áratuginn. Síðan hefur hann ekki hætt. Í dag á hann meira en tvö hundruð verk eftir marga af ástsælustu listmálurum Íslands. Þótt Bragi hafi aldrei litið á söfnun sína sem fjárfestingu hefur safn hans margfaldast í virði á fáeinum árum. Má því segja að áhugamálið hafi breyst í prýðisfjárfestingu. „Verð á íslenskri myndlist hefur hækkað verulega að undanförnu. Maður hefur nýtt það á uppboðum, látið góðar millimyndir og fengið eina eða tvær perlur í staðinn eftir aðra. Ég hef til dæmis verið að skipta myndum til að kaupa Kristján Davíðsson og Þorvald Skúlason. Það eru góð skipti.“ Bragi er illfáanlegur til að leggja peningalegt mat á málverkasafn sitt, enda breytist það frá einu tímabili til annars. Hann fæst þó til að meta það á eins og eitt gott einbýlishús. Hvorki þó einbýlishús í Vesturbæ Reykjavíkur eða í litlum bæ á landsbyggðinni. „Eigum við ekki bara að segja einhvers staðar þar á milli, eins og kannski gott einbýlishús í Fossvoginum?“ Sveinn Þórhallsson, einn eigenda Gallery Turpentine, tekur undir orð Braga. Hann segir mikla breytingu hafa orðið á listaverkamarkaðnum á síðastliðnum tveimur árum. „Nú eru góð verk að seljast fyrir himinháar upphæðir sem ekki sáust áður. Verk eftir suma listamenn hafa allt að því tvöfaldast í verði, til dæmis verk eftir Kristján Davíðsson, Húbert Nóa og Georg Guðna. Þau hafa verið að fara á allt að fimm til sex milljónir króna.“ Þá segir hann að verk eftir yngri listamenn eigi einnig meira upp á pallborðið en nokkru sinni fyrr. „Samtímalist er sem betur fer sjóðandi heit í dag.“ Allir veggir einbýlishúss Braga í Háaleitishverfi eru þaktir listaverkum, frá gólfi og upp að lofti. Hann á nokkrar þjóðargersemar sem hann segir sjálfur að ættu best heima á söfnum. „Ég á eina mynd eftir Kjarval sem er úr seríunni Andlit að austan, eina af fáum myndum úr þeirri seríu sem eru ekki í eigu Listasafns Íslands, að ég best veit.“ Þá á hann olíumynd af tröllum eftir Mugg, Tröllagleði, sem mun vera mikill dýrgripur. Bragi hefur sýnt myndir úr safni sínu oftar en einu sinni. Í sumar sýndi hann tólf myndir eftir Kristján Davíðsson í Gallerí Fold og á milli tuttugu og þrjátíu myndir eftir Þorvald Skúlason í fyrrasumar. Auk mynda eftir þá á hann talsvert af myndum eftir Jóhannes Jóhannesson, Guðmundu Andrésdóttur og Karl Kvaran, sem öll eru í miklu uppáhaldi hjá honum. Mörgum þeirra kynntist hann persónulega. Hann keypti til að mynda allar myndirnar beint af þeim Jóhannesi, Karli og Guðmundu. Af yngri listamönnum á hann meðal annars verk eftir Eggert Pétursson, Georg Guðna, Húbert Nóa og Helga Þorgils. Hvað knýr áhugann segir Bragi ekki gott að segja til um. „Kannski er þetta eitthvað úr æskunni, ég átti nú aldrei mikið af leikföngum,“ segir hann og hlær. „En í alvöru talað er það bara fegurðin og krafturinn sem dregur mig að myndunum.“
Héðan og þaðan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Reynslubolti í hótelrekstri færir sig um set Viðskipti innlent Hvetja fólk til að taka verðmerkingum í Hagkaup með fyrirvara Viðskipti innlent „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira