Ætlar að hlaupa lengur en sólarhring

Ofurmaraþonhlauparinn Dean Karnazes ætlar að reyna að slá heimsmetið í því að hlaupa á hlaupabretti með því að hlaupa tæpa 250 kílómetra á hlaupabretti á Times Square í New York.

Pamela Anderson skammar Finna fyrir loðdýrarækt

,,Finnland þarf að ganga inn í 21 öldina og hætta loðdýrarækt." Þetta eru skilaboðin frá Pamelu Anderson til forseta landsins. Í opnu bréfi til Tarja Halonen, forseta Finnlands, segir Anderson: ,,Ég er stolt af finnskum rótum fjölskyldu minnar, en ég var vonsvikin þegar ég komst að því að fleiri refir eru drepnir í Finnlandi en nokkurs staðar annars staðar í heiminum."

Paris Hilton er þakklát fyrir litlu hlutina í lífinu

Paris Hilton segir að fangelsisvistin hafi gert hana þakklátari fyrir litlu hlutina í lífinu. Hótelkeðjuerfinginn á nú einungis nokkra daga eftir af fangelsisdómi sem hún hlaut fyrir að brjóta skilorð með því að keyra án ökuréttinda.

Retro Stefson á föstudagstónleikum 12 tóna

Hljómsveitin Retro Stefson treður upp á föstudagstónleikum 12 tóna í dag. Sveitin lýsir tónlist sinni sem blöndu af Retro-Latin-Surf-Soul-Powerpoppi og eiga meðlimir rætur sínar að rekja um allan heim, þó einkum til rómanskra málsvæða sem endurspeglast bæði í tónlist þeirra, textagerð og klæðnaði.

Höfðar til barnssálarinnar

Breski tónlistarmaðurinn Jarvis Cocker les upp úr íslensku þjóðsögunni Búkollu á tónlistarsíðunni Daytrotter.com. Árni Björnsson þjóðháttafræðingur segir söguna í uppáhaldi hjá mörgum.

Réði nýjan lögfræðing

Pamela Bach, fyrrverandi eiginkona „strandvarðarins“ Davids Hasselhoff, hefur ráðið sér nýjan lögfræðing í forræðisdeilu sinni við Hasselhoff. Bach ákvað að reka síðasta lögmann sinn skömmu eftir að Hasselhoff hlaut forræði yfir tveimur dætrum þeirra, þrátt fyrir að myndir hafi verið birtar af honum á netinu ofurölvi. Bach hefur áfrýjað málinu og ætlar sér ekki að tapa í þetta sinn.

Blístrar eins og teketill

„Ég er búinn að gera þetta margoft með humra og krabba. Þeir eru soðnir lifandi. Ég veit ekki hvernig humar finnur til eða krabbi eða hvers kyns skepnur þetta eru en þær lamast um leið og þær fara ofan í,“ segir matreiðslumaðurinn Siggi Hall.

Æfir með meistaraflokki Vals að Hlíðarenda

„Mér finnst bara helvíta gaman í fótbolta og graslyktin er alltaf jafn góð,“ segir Ólafur Stefánsson, einn besti handknattleiksmaður Íslands og heims, en hann æfir um þessar mundir með meistaraflokki Vals í knattspyrnu.

Nýju ljósi varpað á Díönu

Hefur ekki allt verið skrifað, myndað og sagt um Díönu Spencer, prinsessuna af Wales? Það finnst fyrrum glanstímaritaritstjóranum Tinu Brown ekki og nýlega gaf hún út bókina Diana‘s Chronicle sem er sögð varpa nýju ljósi á prinsessu fólksins.

Vilhjálmur bretaprins 25 ára með milljónir á mánuði

Prinsinn ætti að minnsta kosti ekki að þurfa að hafa áhyggjur af því að eiga ekki fyrir 25 ára afmælisveislunni, því hann fær á afmælisdaginn aðgang að vöxtum á arfi eftir Díönu móður sína. Arfurinn er metinn á 6.5 milljónir punda eða rúmar 800 milljón krónur. Fjármálasérfræðingar reikna með að vextirnir nemi á milli 30 og 43 milljónum króna á ári.

Búsið gæti drepið Britney

John Sundahl, áfengisráðgjafi Britney Spears, hefur varað hana við því að hætti hún ekki að drekka gæti hún dáið. ,,Ég sagði henni að ef hún falli, haldi ég ekki að hún lifi það af" sagði Sundahl. ,,Ef þú vilt ekki að verða edrú fyrir sjálfa þig, gerðu það þá fyrir börnin þín"

Jónsmessurganga um Elliðarárdal

Jónsmessuganga verður farin um Elliðaárdal á föstudagskvöldið klukkan 22:30. Minjasafn Reykjavíkur og Minjasafn Orkuveitu Reykjavíkur standa fyrir göngunni um þetta einstaka útivistarsvæði í miðju Reykjavíkur.

Vilja skýra barn sitt ,,4real"

Nýsjálenskt par berst nú fyrir réttinum til að skýra son sinn ,,4real", sem gæti útlagst ,,í alvöru", en yfirvöld eru ekki hrifin. Pat og Sheena Wheaton ákváðu nafnið þegar þau sáu barnið fyrst í ómskoðun og áttuðu sig á því að þau væru ,,í alvöru" að verða foreldrar.

Bannar Kryddpíunum að verða óléttar

Simon Fuller, heilinn á bak við endurkomu kryddpíanna, ætlar ekki að standa í neinu rugli. Hann hefur þess vegna sett þeim nokkrar reglur, sem þær þurfa að fara eftir í samstarfinu.

Hollywood stjörnur ættu að fylgja fordæmi evrópskra kvenna

Leikkonan Ellen Barkin, sem leikur í Ocean's Thirteen, er ekki hrifin af því að leikkonur fari í fegrunaraðgerðir til að sýnast yngri, og vill meina að með því hætti þær heilsu sinni.

Kate Moss mætti ein í afmæli McCartneys

Kate Moss skildi vandræðagemsann sinn, Pete Doherty, eftir heima þegar hún mætti í 65 ára afmæli bítilsins Paul McCartney í gær. Súpermódelið líktist helst Hollywood-dívu af gamla skólanum þegar hún mætti til veislunnar að heimili McCartneys í St John's Wood í skósíðum hvítum silkikjól.

Vill að Amy Winehouse semji næsta Bond-lag

Tónskáldið David Arnold, sem séð hefur um tónlistina í síðustu fjórum Bond-myndunum vill fá vandræðabarnið Amy Winehouse til að semja næsta Bond-lag.

Fær bætur fyrir að bera brjóstin

Ung kona sem var handtekin fyrir að spóka sig berbrjósta á götum New York fær tæpar tvær milljónir í bætur frá borginni. Jill Coccaroo, 27 ára listamaður, var þann fjórða ágúst árið 2005 á listasýningu í East Village. Henni varð heitt, og brá á það ráð að leysa niður um sig efri hluta samfestings sem hún var í, og tölta svo um ber að ofan til að kæla sig.

Nicole Richie ekki á leið í steininn strax

Réttarhöldum yfir raunveruleikaþáttastjörnunni Nicole Richie fyrir að keyra undir áhrifum var í gær frestað til 11. júlí. Richie var handtekin þar sem hún keyrði á röngum vegarhelmingi á hraðbraut í Los Angeles. Lögregla sagði að hún hefði viðurkennt að vera undir áhrifum kannabisefna og verkjalyfsins vicodin.

Sólstöðuganga í Hrísey

Sólstöðuganga verður farin í Hrísey annað kvöld, fimmtudagskvöldið 21. júní klukkan 20.00. Ferðin er á vegum minjasafnsins á Akureyri. Þorsteinn Þorsteinsson leiðir gönguna og mun segja frá Hrísey fyrr og nú. Allir eru velkomnir í gönguna sem er ókeypis.

Visir býður á Die Hard 4.0 í London

Berglind Anna er á leiðinni á rauða dregilinn í London að hitta stjörnurnar úr stórmyndinni Die Hard 4.0 á heimsfrumsýningu myndarinnar í dag, miðvikudag. Þar mun hún vera í félagsskap með frægðarfólki eins og Bruce Willis, Timothy Olyphant, Justin Long, Maggie Q, Kevin Smith og fleirum.

Ferðamenn fara úr hvalaskoðun í hvalkjötsát

„Þeir koma hér til mín og gleypa þetta í sig alveg hreint," segir Kjartan Halldórsson sem rekur veitingastaðinn Sægreifann við Reykjavíkurhöfn. Hann segir það daglegt brauð að erlendir ferðamenn komi til hans að smakka hvalkjöt eftir að hafa farið í hvalaskoðun. „Þeir fara út að skoða hvalina og svo blæs hvalurinn framan í þá og þá koma þeir gráðugir til mín að borða," segir sægreifinn og hlær.

Kvæðakonan Camilla á blogginu

Steinunn Camilla úr stúlknasveitinni Nylon hefur opnað bloggsíðuna manzana.blog.is sem væri ef til vill ekki til frásögur færandi nema þar sýnir söngkonan hæfileika sína með kveðskap og ljóðagerð. „Ég hef nú skrifað ljóð síðan að ég var níu ára,“ segir Steinunn sem tók bloggið í sína þjónustu í síðustu viku.

Fóstran með kærasta

Daisy Wright, barnfóstran sem leikarinn Jude Law hélt framhjá með er hann var enn með Siennu Miller, er byrjuð með Maxi Jazz, söngvara Faithless. Wright, sem er 28 ára, og Maxi, sem er nýorðinn fimmtugur, sáust láta vel hvort að öðru á Wire­less-hátíðinni sem var haldin í Bretlandi um síðustu helgi.

Tiger Woods fjölgar mannkyninu

Síðustu misseri hafa verið erfið fyrir Tiger Woods. Hann missti pabba sinn, Earl Woods, á síðasta ári en þeir voru mjög nánir vinir. Þrátt fyrir tap á US-Open um helgina gafst Woods tækifæri til að fagna sínum stærsta sigri á mánudeginum.

VR skoðar mál FL Media

„Við reiknum með því að fá reikningana frá Rottweiler í dag og þá munum við fara yfir málin,“ segir Ómar Vilhelmsson, framkvæmdarstjóri Flass.net. Fréttablaðið hefur að undanförnu fjallað um meintar vanefndir viðburðarfyrirtækisins FL Media hvað launamál varðar í kjölfar þess að rapphljómsveitin XXX Rottweiler setti upp heimasíðuna oskaraxelskuldarpening.blogspot.com.

Konur yfirsnyrtar?

Snyrtifræðingur með yfir 20 ára starfsreynslu segir það færast mjög í aukana að konur fari í svokallað Brasilískt vax. Hún segir að staðan sé að breytast þannig að konur treysti sér varla í almenningssturtur lengur nema vel snyrtar.

Velgengni Vesturports

Leikhópurinn Vesturport hefur slegið í gegn í leikhúsum í Bretlandi eins og hér á landi og ekki má gleyma kvikmyndunum Foreldrar og Börn. Hópurinn undirbýr nú kvikmynd sem byggist á leikritinu Brim en þangað til það gerist heldur vöxturinn í Bretlandi áfram.

Át sautján metra af brenninetlu

Ellefta heimsmeistarakeppnin í brenninetluáti fór fram í enska smáþorpinu Marshwood á laugardaginn. Keppnin er haldin laugardag fyrir sumarsólstöður ár hvert, og dró í ár að sér keppendur alla leið frá Ástralíu og Rússlandi.

Stefnir í drullubað á Glastonbury

Gangi spár eftir verður rigning á Glastonbury hátíðinni í ár. ,,Vikan verður vætusöm, svo þetta verður sami drullupytturinn og venjulega" sagði veðurfræðingurinn Stewart Wortley við BBC. Upphafsmaður hátíðarinnar, Michael Eavis mun opna hlið landareignar sinnar í Somerset fyrir hátíðargestum á miðvikudag en hátíðin sjálf stendur frá föstudegi til sunnudags.

Þriðja barn Juliu Roberts kemur í heiminn

Julia Roberts eignaðist þriðja barn sitt og eiginmannsins Danny Moder í Los Angeles í gær. Barnið, 15 marka drengur, fær nafnið Henry Daniel. Talsmaður fjölskyldunnar sagði að móður og barni heilsaðist vel.

Enginn lítill K-Fed á leiðinni

Shar Jackson, fyrrverandi kærasta og barnsmóðir Kevin Federline er æf yfir sögusögnum um að hún gangi með þriðja barn þeirra skötuhjúa.Hún hyggst nú kæra Star tímaritið sem sagði fyrst frá hinni meintu þungun og vitnaði í vini Jackson sögunni til stuðnings.

Fyrrverandi starfsmenn Flass.net íhuga lögsókn

„Þeir skulda mér 350 þúsund krónur með dráttarvöxtum," segir Carmen Jóhannesdóttir fyrrverandi viðburðastjóri hjá FL Media, sem á og rekur útvarpsstöðina og viðburðafyrirtækið Flass.net.

Hreiðurgerð í þvottahúsi

Maríuerlur hafa hreiðrað um sig í þvottahúsi einu í Norðlingaholti og búa sig nú undir að koma fjórum ungum á legg. Evu Dögg Sigurgeirsdóttur brá í brún þegar hún sá þessa leynigesti sem höfðu komið sér vel fyrir á meðan hún var í burtu.

Motion Boys hitar upp fyrir The Rapture

Íslenska rafpoppsveitin Motion Boys mun hita upp á hljómleikum danspönkararanna The Rapture á NASA við Austurvöll þann 26. júní. Motion Boys hafa vakið mikla athygli undanfarið, ekki síst í krafti lagsins „Hold me closer to your heart". Sveitin hefur aðeins sent frá sér tvö lög til þessa (hið fyrra, „Waiting to happen" naut einnig mikillar hylli fyrr í vetur), en gagnrýnendur, poppspekingar og tónlistarunnendur bíða fyrstu breiðskífu þeirra af mikilli eftirvæntingu.

Spiluðu golf á toppi Eyrarfjalls

„Þetta voru klárlega þær öfgafyllstu og dramatískustu aðstæður sem ég hef spilað við,“ segir kylfingurinn Gunnlaugur Jónasson sem tók þátt í skemmtilegri tilraun sem nokkrir golfáhugamenn gerðu á toppi Eyrarfjalls á Vestfjörðum í vikunni.

Bærinn málaður bleikur

Kvenréttindadagurinn er í dag og að því tilefni munu konur fagna um allt land enda var það á þessum degi árið 1915 sem konur fengu kosningarétt. Þeir sem styðja jafnrétti eru hvattir til að sýna stuðning í verki með því að gera eitthvað bleikt í dag. Hvort sem það er að klæðast einhverju bleiku, flagga einhverju bleiku eða jafnvel borða eitthvað bleikt.

Bæjarstjórafrú býður bakkelsi

Kaffi Edinborg er nýtt kaffihús sem opnaði á Ísafirði fyrir um tveimur vikum. Það er Helga Vala Helgadóttir bæjarstjórafrú á Bolungarvík sem hefur tekið við rekstri þess og segir viðtökurnar hafa farið fram úr öllum hennar væntingum.

Paul Potts ætlar í tannréttingar fyrir sigurlaunin

Símasölumaðurinn Paul Potts frá Wales bar sigur úr býtum í Britain"s got talent raunveruleikaþættinum í Bretlandi sem lauk á sunnudagskvöldið. Hinn 36 ára gamli Potts sló í gegn með flutningi sínum á Nessun Dorma fyrr í þáttaröðinni sem hann síðan endurflutti í sjálfum lokaþættinum.

Oprah er valdamesta stjarnan

Spjallþáttadrottningin Oprah Winfrey er valdamesta manneskjan í skemmtanaiðnaðinum samkvæmt bandaríska fjármálatímaritinu Forbes.

Pilluglas Presley selt

Pilluglas sem kóngurinn sjálfur Elvis Presley notaði seldist á tæpar 164 þúsund krónur í Bandaríkjunum. Gullhúðuð byssa sem var einnig í eigu Presleys seldist jafnframt á 1,8 milljónir króna.

Bjartari dagar barnshafandi fíkils

Fylgst hefur verið með sögu Evu Rutar Bragadóttur undanfarna daga í Íslandi í dag. Eva er eiturlyfjafíkill sem komst að því fyrir fjórum vikum að hún bæri barn undir belti og hætti því neyslu, komin 20 vikur á leið.

Frjósamir Síberíutígrar

84 síberíutígrisunga hafa fæðst á ræktunarstöð í norðaustur-Kína síðan í mars. Síberíutígrar eru ein sjaldgæfasta dýrategund í heimi. Liu Dan, starfsmaður Hengdaohezi rækunarstöðvarinnar sagði við Xinhua fréttastöðina að ungunum heilsaðist vel. Hann bætti við að þrettán kvendýr til viðbótar væru ungafullar og að þær myndu eiga á bilinu 20-30 unga fyrir október.

Magnaður dráttur

Flestum finnst okkur mikið til þess koma að sjá kraftajötna draga flutningabíl. Jaja Stone frá Jakarta í Indónesíu þykir það líklega ekki, því hér sést hann draga trukk - með typpinu. Stone sýndi svo ekki varð um villst að hann hefði kraft í kögglum, þegar hann dró tæplega níu tonna þungan trukkinn 50 metra með limnum.

Bumban á Nicole Richie næst á mynd

Vangaveltur slúðurblaðanna um meinta óléttu ofurmjónunnar Nicole Richie hafa nú fengið byr undir báða vængi. Nýjustu myndirnar af ofurmjónunni Richie sýna það sem virðist vera nokkuð áberandi kúla undir þunnum bómullarkjól.