Hamilton og Alonso sættast

Ökuþórarnir og liðsfélagarnir Lewis Hamilton og Fernando Alonso eru nú loksins orðnir sáttir við hvorn annan. Mikill rígur á milli þeirra hefur einkennt þetta tímabil í formúlunni en kapparnir hafa nú ákveðið að gleyma ágreiningi sínum og einbeita sér að restinni af tímabilinu.

Steve Bruce biður Halsey afsökunar

Steve Bruce, knattspyrnustjóri Birmingham, hefur beðið dómarann Mark Halsey afsökunar á að hafa gagnrýnt hann fyrir að hafa dæmt vítaspyrnu þegar Colin Doyle felldi Craig Bellamy í leik Birmingham og West Ham um síðustu helgi. Mark Noble skoraði úr vítinu og trygði West Ham sigur, 1-0. Eftir að hafa skoðað atvikið betur viðurkennir Bruce að hann hafi haft rangt fyrir sér.

Birgir komst ekki í gegnum niðurskurðinn

Kylfingurinn Birgir Leifur Hafþórsson mátti í dag sætta sig við að komast ekki í gegnum nðurskurðinn á KLM mótinu í Hollandi. Birgir byrjaði annan hringinn í dag af miklum krafti og var á fjórum höggum undir pari að loknum fimm fyrstu holunum.

City ætlar að gera Richards að launahæsta leikmanni liðsins

Manchester City ætlar að bjóða varnarmanninum unga, Micah Richards, nýjan samning í næstu viku sem gerir hann að hæstlaunaðasta leikmanni félagsins. City grípur til þessa ráðs til að halda Manchester United og Chelsea frá leikmanninum. Samningurinn er sagður vera til fjögurra ára og mun tryggja Richards 50 þúsund punda á viku, eða 6,5 milljónir íslenskra króna.

Andy Cole skrifar undir hjá Sunderland

Gamla kempan Andy Cole hefur skrifað undir eins árs samning við Sunderland og spilar því undir stjórn fyrrverandi liðsfélaga sínum úr Manchester United, Roy Keane. Sunderland fær leikmanninn frítt því að Cole var leystur undan samningi hjá Portsmouth fyrr í sumar. Ekki nóg með það að Roy Keane sé fyrir hjá félaginu þá er Dwight Yorke einnig hjá félaginu, en þeir tveir mynduðu baneitrað sóknarteymi hjá United á seinni hluta síðustu aldar.

Platini vill að bikarmeistarar komist í Meistaradeildina

Forseti Evrópska knattspyrnusambandsins, Michel Platini, ætlar að leggja fram tillögu þess efnis að í stað þess að fjögur efstu lið stærstu deilda Evrópu komist í Meistardeildina muni þrjú efstu liðin fara áfram auk sigurvegarana í FA bikarnum. Platini ætlar að leggja fram tillöguna í næstu viku áður en dregið verður í riðlakeppni Meistaradeildarinar.

Lee kennir Allardyce um slæmt gengi Bolton

Sammy Lee, knattspyrnustjóri Bolton, segir að hann eigi enga sök á lélegu gengi liðsins það sem af er leiktíðar. Hann heldur því fram að vandamálin séu sök Sam Allardyce, fyrrverandi knattspyrnustjóra liðsins. Allardyce sagði upp þegar aðeins tveir leikir voru eftir af síðasta tímabili og þá tók Lee við stjórnartaumunum, en hann var aðstoðarþjálfari hjá félaginu.

Þýski handboltinn byrjar um helgina

Þýska úrvalsdeildin í handbolta hefst um helgina, en ellefu íslenskir leikmenn spila í þeirri deild. Handboltaspekingar spá því að Kiel og Hamburg, sem farið hefur mikinn á leikmannamarkaðnum, muni berjast um þýska meistaratitilinn. Íslendingaliðið Flensburg, þar sem þeir félagar Alexander Petterson og Einar Hólmgeirsson munu leika stórt hlutverk með, er einnig nefnt til sögunnar.

Leikmaður Stoke dæmdur í fangelsi

Vincent Pericard, leikmaður Stoke City sem um tíma var í eigu íslenskra fjárfesta, hefur verið dæmdur í fjögurra mánaða fangelsi fyrir ofsaakstur og að ljúga því að lögreglumönnum að sjúpfaðir sinn hefði verið undir stýri þegar hraðamyndavélar gripu leikmanninn glóðvolgann.

Video: Heinze og Robben kynntir fyrir stuðningsmönnum Real Madrid

Seinni partinn í gær voru þeir Gabriel Heinze og Arjen Robben kynntir fyrir stuðningsmönnum Real Madrid. Argentínumaðurinn Heinze, sem kom frá Manchester United og Hollendingurinn Robben, sem kom frá Chelsea léku listir sínir fyrir stuðningsmenninna, sem voru nokkur þúsund talsins á Bernabeu í gær og sátu fyrir hjá ljósmyndurum. Myndband frá kynningunni má sjá hér.

Everton flytur frá Liverpool

Stjórn enska knattspyrnufélagsins Everton hefur ákveðið að nýr heimavöllur félagsins verði byggður í smábænum Kirkby, rétt fyrir utan Liverpool. Ákvörðunin var tekin eftir að tæp 60 prósent þeirra sem tóku þátt í atkvæðagreiðslu stuðningsmanna félagsins samþykktu áætlanir stjórnarinnar. Stjórnin hafði áður gefið það út að ef tillögunni hefði verið hafnað af stuðningsmönnum hefði ný staðsetning verið fundinn.

United rannsaka meint ólögleg samskipti Heinze og Liverpool

Manchester United hefur hafið rannsókn á því hvort Liverpool hafi haft ólögleg samskipti við argentínska varnarmanninn Gabriel Heinze. United neitaði að selja Heinze til Liverpoll þrátt fyrir að þeir síðarnefndu hafi boðið þá upphæð sem United fór fram á fyrir leikmanninn. Síðan þá hefur Heinze verið seldur til Real Madrid fyrir 8 milljónir punda.

Video: Beckham trylltist eftir gróft brot

Það varð allt vitlaust í leik Los Angeles Galaxy og Chivas USA í bandaríska fótboltanum í gær. Lætin byrjuðu eftir grófa tæklingu Jessie Marsch á David Beckham en March sparkaði í síðuna á honum. Beckham brást þá ókvæða við og rauk í Marsch. Fjöldi leikmanna þurfti að stía þá í sundur en fyrr en varir voru tveir leikmenn komnir með rauða spjaldið. Leikurinn endaði 3-0 fyrir Chivas.

Luque vill fara til Real Betis

Albert Luque, framherji Newcastle, hefur mikinn áhuga á að komast að hjá Real Betis og ganga þar með í lið með fyrrverandi þjálfara sínum, Hector Cuper, en sá þjálfaði einmitt Luque þegar hann spilaði með Mallorca. Rafael Luque, faðir og umboðsmaður leikmannsins, er sagður hafa átt fund með Manuel Ruiz de Lopera, forseta Betis og rætt við hann um möguleg félagsskipti sonarins.

Dynamo Kiev vill fá Schevchenko

Dynamo Kiev frá Úkraínu vilja fá Andriy Schevchenko á láni frá Chelsea út tímabilið. Forseti Dynamo, Igor Surkis, greindi frá þessu á heimasíðu félagsins. Surkis segist ekki vera hissa á að Schevchenko hafi ekki náð sama árangri hjá Chelsea og hann gerði hjá Dynamo og AC Milan.

Jol fær 100% stuðning frá Levy

Framtíð Martin Jol, knattspyrnustjóra Tottenham, hefur verið mikið í umræðunni í kjölfar þess að liðið tapaði fyrstu tveimur leikjum sínum í ensku úrvalsdeildinni. Daniel Levy, stjórnarformaður Tottenham, segir þó að Jol þurfi ekki að hafa áhyggjur því að hann styðji 100% við bakið á honum.

Mendieta á sér enga framtíð hjá Middlesbrough

Forráðamenn Middlesbrough hafa gefið það út að Gaizka Mendieta eigi sér enga framtíð hjá klúbbnum. Mendieta sagði í dag að hann vildi hjálpa liðinu og að hann vildi fá tækifæri til að sýna hvað í sér býr. Hann tók einnig fram að engar viðræður hefðu átt sér stað á milli hans og Middlesbrough um að hann væri á leið frá félaginu.

Alonso fetar í fótspor Schumacher - Byrjaður í boltanum

Ökuþórinn og heimsmeistarinn Fernando Alonso hefur nú fetað í fótspor fyrrverandi heimsmeistara í formúlunni, Michael Schumacher, og gengið til liðs við knattspyrnulið í þriðju deildini í Sviss. Dagblaðið „24 Heures" í Sviss greindi frá því í gær að Alonso hefði mætt á sína fyrstu æfingu með Prangis FC í síðustu viku.

Jens Lehmann frá vegna meiðsla næstu tvær vikur

Jens Lehmann, markvörður Arsenal og þýska landsliðsins, verður frá vegna meiðsla á hásin næstu tvær vikur að minnsta kosti. Lehman mun missa af deildarleikjum gegn Manchester City og Portsmouth auk þess að hann missir af seinni leiknum gegn Sparta Prague í forkeppni Meistaradeildar Evrópu.

Robben og Heinze búnir að skrifa undir hjá Real Madrid

Real Madrid er búið að ganga frá kaupunum á Gabriel Heinze frá Manchester United og Arjen Robben frá Chelsea. Leikmennirnir skrifuðu báðir undir samning í dag eftir að hafa staðist læknisskoðun hjá félaginu. Madrid borgaði 24 milljónir punda fyrir Robben sem skrifaði undir fimm ára samning, en Heinze kostaði félagið átta milljónir punda og skrifaði hann undir fjögurra ára samning.

Sammy Lee er hræddur um að missa Diouf og Anelka

Sammy Lee, knattspyrnustjóri Bolton, viðurkennir að hann sé hræddur um að Nicolas Anelka og El-Hadji Diouf yfirgefi félagið áður en leikmannaglugginn lokar þann 31. ágúst. Diouf hefur gefið það út að hann vilji spila með liði sem er í Meistaradeild Evrópu eða liði sem hefur metnað til að spila þar á næsta ári. Þá hafa verið þrálátar sögusagnir um að Anelka sé óánægður, en hann hefur verið orðaður við Arsenal, Manchester United og Lyon.

Fótboltaliði frá Palestínu meinað að koma til Englands

Úrvalslið ungra palestínskra knattspyrnumanna hefur þurft að falla frá fyrirhugaðri keppnis og æfingaferð til Englands þar sem óttast er að leikmenn liðsins muni óska eftir pólitísku hæli í landinu.

Markvörður Dortmund í bann fyrir að kalla Asamoah "svart svín"

Þýska knattspyrnusambandið dæmdi í dag Roman Weidenfeller, markvörð Borussia Dortmund, í þriggja leikja bann fyrir að hafa kallað Gerald Asamoah, leikmann Schalke, "svart svín", þegar lið þeirra tveggja mættust á laugardaginn.

Gerrard ekki með gegn Sunderland

Steven Gerrard, fyrirliði Liverpool, verður hvíldur þegar lið hans fer norður til Sunderland um helgina. Eins og áður hefur verið greint frá er Gerrard meiddur og tá og Benitez þjálfari ætlar sér ekki að tefla á tvær hættur með bata hans.

Video: Ótrúlegir stuðningsmenn Rauðu stjörnunnar

Leikmenn Rauðu stjörnunnar frá Belgrad vissu ekki hvaðan á þá stóð veðrið nú fyrir skömmu þegar þeir mættu einu sinni sem oftar á æfingu. Þegar á æfingavöllinn var komið biðu þeirra þúsundir trylltra stuðningsmanna sem sungu og héldu blysum á loft leikmönnum til heiðurs.

Parker og Neill með Hömrunum um helgina

Þeir Scott Parker og Lucas Neill verða báðir með West Ham þegar liðið mætir Wigan um helgina. Þeir hafa verið meiddir undanfarið en eru báðir byrjaðir að æfa með liðinu og ættu báðir að verða í byrjunarliði West Ham þegar leikurinn við Wigan verður flautaður á.

5 sem gætu tekið við af Robinson

Eftir hræðileg mistök Paul Robinson í leiknum gegn Þjóðverjum í gær eru Englendingar strax byrjaðir að líta í kring um sig eftir arftaka. Vísir fór á stúfanna og fann fimm markverði sem koma til greina sem næstu landsliðsmarkverðir Englendinga.

Mourinho bíður í Börsung

José Mourinho hefur að sögn fjölmiðla á Bretlandseyjum boðið Barcelona tæpar fjórar milljónir punda fyrir Brasilíumanninn Juliano Belletti. Sá er sókndjarfur hægri bakvörður sem er líklega þekktastur fyrir að hafa skorað sigurmark Barcelona gegn Arsenal í úrslitaleik Meistaradeildarinnar fyrir tveim árum.

Real Madrid nær samkomulagi við Chelsea um Robben

Real Madrid hefur náð samkomulagi við Chelsea um kaupverð á hollenska vængmanninum Arjen Robben. Robben hefur lengi verið undir smásjá Spánarmeistaranna og lofaði einmitt forseti klúbbsins, Ramon Calderon, að hann myndi fá Robben til liðsins yrði hann kosinn forseti.

Undankeppni EM: Úrslit kvöldsins

Sex leikir fóru fram í undankeppni EM ´08 fóru fram í kvöld. Einn leikur í riðli Íslands var leikinn, en N-Írland sigraði Liechtenstein örugglega með þremur mörkum gegn einu þar sem David Healy skoraði tvö fyrir N-Íra. Athygli vekur að Portúgalar náðu aðeins jafntefli gegn Armenum.

Vináttuleikir: Úrslit kvöldsins

Fjölmargir vináttulandsleikir fóru fram í kvöld. Mörg áhugaverð úrslit áttu sér stað, þar á meðal má nefna að Norðmenn sigruðu Argentínu og Ítalía tapaði fyrir Ungverjalandi. England tapaði fyrir Þjóðverjum á heimavelli og Íslendingar gerðu jafntefli við Kanada.

Ísland gerði jafntefli við Kanada

Íslenska landsliðið í knattspyrnu gerði í kvöld jafntefli við Kanada, 1-1. Leikurinn var ekki mikið fyrir augað og fá færi litu dagsins ljós. Íslenska liðið var þó sterkara í leiknum en það dugði ekki til. Gunnar Heiðar Þorvaldsson kom Íslendingum yfir með marki af stuttu færi eftir fína sendingu frá Baldri Aðalsteinssyni á 65. mínútu en Oliver Occean jafnaði fyrir Kanada á 74. mínútu með skoti af stuttu færi.

Kanada jafnar leikinn á Laugardalsvellinum

Oliver Occean var núna rétt í þessu að jafna leikinn fyrir Kanada gegn Íslandi. Paul Stalteri átti þrumuskot sem að Fjalar Þorgeirsson varði ágætlega en boltinn datt beint fyrir fæturnar á Occean sem átti ekki í erfiðleikum með að setja boltann yfir marklínuna. Staðan er 1-1, en Gunnar Heiðar Þorvaldsson skoraði mark Íslands.

Gunnar Heiðar kemur Íslandi yfir

Gunnar Heiðar Þorvaldsson er búinn að koma íslenska landsliðinu yfir gegn því kanadíska á Laugardalsvellinum. Gunnar Heiðar skoraði markið á 65. mínútu af stuttu færi eftir sendingu frá Baldri Aðalsteinssyni sem var kominn upp á endamörkum. Staðan er 1-0.

Heinze skrifar undir hjá Real Madrid á morgun

Real Madrid hefur náð samkomulagi við Manchester United um kaup á varnarmanninum Gabriel Heinze. Spánarmeistararnir hafa lengi haft augastað á varnarmanninum og í kjölfar þess að Heinze fékk ekki að ganga til liðs við Liverpool gerði félagið tilboð í leikmanninn. Real Madrid hefur staðfest að tilboðið hafi verið samþykkt.

Markalaust í hálfleik í Laugardalnum

Markalaust er í hálfleik í vináttuleik Íslands og Kanada sem hófst klukkan 18:05 á Laugardalsvellinum. Leikurinn hefur verið rólegur og ekki mikið um færi. Emil Hallfreðsson átti þó fínt skot á fyrstu mínútu leiksins sem var varið í horn. Brynjar Björn Gunnarsson átti svo fínan skalla eftitr hornið en markvörður Kanada sá við honum. Leikmenn Kanada hafa komist lítt áleiðis en áttu þó fínt skot fyrir utan teig sem að Daði Lárusson varði vel.

Zlatan hefur ekki áhuga á að yfirgefa Inter

Sænski framherjinn Zlatan Ibrahimovic segir að hann sé ánægður hjá Inter og ekki á leið frá félaginu. Chelsea og Real Madrid eru sögð hafa áhuga á leikmanninum. Zlatan stóð sig vel á síðasta tímabili og hjálpað Inter að vinna deildina. Þrátt fyrir að hafa unnið deildina í fyrra eru ennþá sögusagnir um að leikmaðurinn vilji fara frá Inter.

U21: Ísland tapaði fyrir Kýpur

U21 landslið Íslands tapaði í dag sínum fyrsta leik í undankeppni EM ´09 fyrir Kýpur með einu marki gegn engu. Íslenska liðið var sterkara í leiknum en Kýpur skoraði sigurmarkið úr aukaspyrnu tuttugu mínútum fyrir leikslok.

Kýpur komið yfir í Grindavík

Kýpur var rétt í þessu að komast yfir gegn U21 liði Íslands í fyrsta leik Íslands í undankeppni EM ´09. Staðan er 0-1. Íslendingar eru búnir að sækja allan leikinn og því kemur markið gegn gangi leiksins. Markið kom úr aukaspyrnu af löngu færi.

Pálmi framlengir við Val

Pálmi Rafn Pálmason, miðjumaðurinn sterki hjá Val, framlengdi í dag samning sinn við félagið um tvö ár. Samingur hans átti að renna út um áramótin en Pálma líður að eigin sögn vel hjá Hlíðarendafélaginu og ákvað því að vera áfram hjá Val.

Úttekt: Hvað græða liðin á að reka stjórann?

Martin Jol og Sammy Lee þykja líklegir kandídatar í að verða fyrstu knattspyrnustjórarnir til þess að taka pokann sinn á þessu tímabili. Vísir rifjar hér upp hverju það hefur skilað liðum á síðustu árum að reka knattspyrnustjórann svo snemma á leiktíðinni.

Benítez er ekki sáttur við stjórn úrvalsdeildarinnar

Rafa Benítez, knattspyrnustjóri Liverpool, segir stjórn úrvalsdeildarinnar vera ósanngjarna gagnvart Liverpool. Benítez er mjög ósáttur við að Gabriel Heinze fái ekki leyfi til að yfirgefa Manchester United þrátt fyrir að vera með skjöl sem sanna það að hann hafi rétt á því.

Sjónvarpssamningur eyðileggur knattspyrnuveislu

Nokkur óánægja hefur verið á meðal knattspyrnuáhugamanna á Íslandi vegna ákvörðunar KSÍ að raða niður leikjum landsliða Íslands sem fara fram í dag með svo stuttu millibili. Geir Þorsteinsson, formaður KSÍ, sagði í samtali við Vísi að þeir hafi verið í vandræðum með að raða niður leikjunum.

Leikir kvöldsins í undankeppni EM ´08

Sex leikir fara fram í kvöld í undankeppni Evrópumóts landsliða sem fram fer í Sviss og Austurríki á næsta ári. Íslenska liðið á ekki leik í undankeppninni í kvöld en leikur þess í stað vináttuleik gegn Kanada. Einn leikur fer fram í riðli Íslands í kvöld þegar N-Írland tekur á móti Liechtenstein.

Byrjunarlið Íslands gegn Kanada

Eyjólfur Sverrisson landsliðsþjálfari hefur tilkynnt byrjunarlið sitt fyrir leikinn gegn Kanada sem fram fer á Laugardalsvellinum í kvöld.