Deildarbikarinn í dag

Þrír leikir fara fram í 2. riðli deildarbikarkeppni karla í knattspyrnu í dag. Nú kl. 13.05 taka Íslandsmeistarar FH á móti HK í Fífunni og kl. 15 mætast Fram og Keflavík. Í Boganum á Akueyri mætast Völsungur og KA kl. 17.15.

Jói Kalli í byrjunarliði Leicster

Jóhannes Karl Guðjónsson er í byrjunarliði Leicester sem leikur nú við úrvalsdeildarlið Blackburn í 8 liða úrslitum ensku bikarkeppninnar í knattspyrnu. Leikurinn hófst kl. 13.00 og er í beinni útsendingu á Sýn. Staðan eftir 10 mínútna leik er enn 0-0.

Sigurganga Barcelona heldur áfram

Barcelona heldur áfram sigurgöngu sinni í spænsku úrvalsdeildinni. Barcelona sigraði Athletic Bilbao með tveimur mörkum gegn engu. Deco og Ludovic Giuly skoruðu mörk Barcelona sem hefur nú 11 stiga forskot.

Enn eitt jafnteflið hjá Inter

Internationale gerði enn eitt jafnteflið í ítölsku úrvalsdeildinni í gærkvöld. Lazio og Inter gerðu jafntefli, 1-1. Antonio Filippini skoraði mark Lazio en Julio Crus fyrir Inter. Þá gerðu Lecce og Fiorentina jafntefli, 2-2. Leikur Chievo og Juventus verður sýndur á Sýn klukkan 20 í kvöld.

Logi horfði á Lokeren

Logi Ólafsson landsliðsþjálfari fór til Belgíu í gær til að sjá Íslendingaliðið Lokeren spila gegn Beeschot á heimavelli í belgísku úrvalsdeildinni í knattspyrnu í gærkvöld. Lokeren tapaði 1-0. Arnar Þór Viðarsson og Rúnar Kristinsson léku allan leikinn í liði Lokeren og Arnar Grétarsson síðari hálfleikinn.

10 ára heimsmet loks slegið

10 ára gamalt heimsmet bandaríska hlauparans Michael Johnson í 400 metra hlaupi innanhúss var slegið í gær af 19 ára gömlum srták úr Florida háskóla á bandaríska háskólameistaramótinu í Fayetteville í Arkansas. Kerron Clement sem er fæddur í Trinidad hljóp 400 metrana á 44.57 sekúndum.

Mourinho er óvinur fótboltans

Formaður dómaranefndar UEFA, evrópska knattspyrnusambandsins, Volker Roth, segir að það sé þjálfurum óbeint um að kenna þegar upp koma mál eins og það sem þvingaði Anders Frisk til að hætta dæmgæslu alfarið. Roth skellir skuldinni alfarið á Jose Mourinho þjálfara Chelsea og kallar hann "óvin fótboltans".

Solberg jók forskot sitt

Norski rallökuþórinn Petter Solberg jók forskot sitt í Mexíkórallinu í gær þegar tvær sérleiðir eru eftir af 14. Hann hefur 29,6 sekúndna forskot á Finnann Marcus Grönholm. Eistlendingurinn Markko Martin er þriðji.

Breiðablik áfram á sigurbraut

Breiðablik hélt áfram sigurgöngu sinni í deildarbikarnum í gær þegar liðið sigraði ÍA með tveimur mörkum gegn einu. Valur skellti Víkingi 5-2 þar sem Matthías Guðmundsson skoraði þrennu fyrir Val.

Heimsmet í 50 metra flugsundi

Anna Karin Kammerling frá Svíþjóð sló eigið heimsmet í 50 metra flugsundi á sænska meistaramótinu í sundi í gær. Kammerling sló metið sitt um þrjá hundraðs hluta úr sekúndu, synti á 25,33 sekúndum.

Sölvi skoraði fyrir Djurgården

Sænska knattspyrnuliðið Djurgården gerði 2-2 jafntefli við Åtvidaberg í æfingæleik í gær. Sölvi Ottesen og Kári Árnason, fyrrverandi Víkingar, voru báðir í liði Djurgården og skoraði Sölvi annað mark liðsins.

Blackburn sló Leicester út

Blackburn vann Leicester City 1-0 í 8 liða úrslitum ensku bikarkeppninnar í knattspyrnu í dag. Paul Dickov skoraði úr vítaspyrnu á 83. mínútu eftir að Darren Kenton leikmaður Leicester braut á Morten Gamst Pedersen inni í vítateig. Jóhannes Karl Guðjónsson lék allan leikinn í liði Leicester og átti góðan leik.

Meistararnir steinlágu fyrir HK

Óvænt úrslit urðu í riðli 2 í deildarbikarkeppni karla í knattspyrnu í dag þegar Íslandsmeistarar FH steinlágu fyrir HK, 3-0 í Fífunni í Kópavogi. HK er þar með komið á toppinn með 6 stig. Gísli Ólafsson, Hörður Már Magnússon og Stefán Eggertsson skoruðu mörk HK. Nú kl. 15 hófst leikur Fram og Keflavík í Fífunni.

Áttundi sigurleikur Miami í röð

Sex leikir fóru fram í NBA-körfuboltanum í nótt. Miami Heat sigraði New Jersey Nets með 90 stigum gegn 65 en þetta var áttundi sigurleikur Miami í röð. Shaquille O'Neal skoraði 15 stig fyrir Miami og hirti 11 fráköst.

Newcastle yfir gegn Tottenham

Patrick Kluivert er búinn að koma Newcastle yfir gegn Tottenham í 8 liða úrsitum ensku bikarkeppninnar í knattspyrnu. Alan Shearer lagði markið upp strax á 6. mínútu en leikurinn hófst kl. 16.00 og er í beinni útsendingu á Sýn.

Ljungberg og Pires á förum

Svo virðist sem stjórn enska meistaraliðsins Arsenal sé reiðubúin að losa sig við nokkra leikmenn aðalliðsins í sumar. Meðal þeirra eru Robert Pires og Freddie Ljungberg að því er fram kemur í breska dagblaðinu The Observer í dag en samningar leikmannanna renna út innan árs.

Keflavík á toppinn í riðli 2

Keflavík tyllti sér á topp 2. riðils í A-deild deildarbikarsins í knattspyrnu nú síðdegis með 2-0 sigri á Fram en leikið var í Fífunni. Guðmundur Steinarsson skoraði á 11. mín og Ingvi Guðmundsson bætti síðara markinu við á 57. mínútu. Guðjón Þórðarson og lærisveinar hans klifruðu því aftur upp fyrir HK sem fyrr í dag náðu toppsætinu.

Newcastle vann Tottenham

Newcastle bar sigurorð af Tottenham, 1-0, í ensku bikarkeppninni FA Cup á St. James Park í dag.

Njarðvík úr leik, ÍR áfram

ÍR braut blað í sögu félagsins er liðið komst í undanúrslit úrslitakeppninnar í Intersportdeildinni í körfuknattleik í gær þegar liðið lagði Njarðvík, 86-83, í Seljaskóla. ÍR vann því samanlagt 2-0 og afrekið ekki síður merkilegt fyrir það leyti að 12 ár eru liðin síðan að Njarðvíkurliðið komst ekki í undanúrslit en það var árið 1993.

Bryant tryggði sigur í lokin

Kobe Bryant tryggði Los Angeles Lakers sigur á Charlotte Bobcats á útivelli í fyrrinótt með stökkskoti utan af velli þegar rúm sekúnda var til leiksloka.

Mourinho fylgist með Veron

Jose Mourinho, knattspyrnustjóri Chelsea, fór ásamt eiganda liðsins, Roman Abramovich, til Ítalíu í gær til að fylgjast með gengi Juan Sebastian Veron sem er í láni hjá Inter frá Chelsea.

Williams sér fram á betri árangur

Lið Williams í Formúlu 1 kappakstrinum hefur fullyrt að bíll þess verði betri í næstu keppni sem fram fer í Kúala Lúmpúr í Malasíu 20. mars næstkomandi.

Miller frá í 4-6 vikur

Sacramento Kings í NBA-körfuboltanum varð fyrir áfalli í fyrradag þegar miðherjinn Brad Miller fótbrotnaði á æfingu.

Höttur í þriðja sætið

Hattarmenn unnu tvo góða sigra í 1. deild karla í körfubolta um helgina og tryggðu sér með því þriðja sætið í deildinni og hafa þar með heimavallarrétt í úrslitakeppninni sem hefst í vikunni.

Þrjú þýsk lið í undanúrslit

Það gekk betur hjá þýsku handboltaliðunum í EHF-bikarnum heldur en í meistaradeildinni um helgina því á meðan öll þýsku liðin þrjú duttu út úr átta liða úrslitum meistaradeildarinnar komu þrjú áfram í undanúrslit EHF-bikarsins. Lemgo, Flensburg og Kiel sátu öll eftir með sárt ennið í meistaradeildinni en Magdeburg, Lemgo og Gummersbach komust öll inn í undanúrslit EHF-keppninnar en auk þeirra er rússneska liðið Lukoil-Dynamo Astrakhan í pottinum þegar dregið verður í undanúrslitin í vikunni.

Reyes enn áhugasamur um Real

Spánverjinn Jose Antonio Reyes, framherji Arsenal-liðsins, hefur enn á ný viðurkennt áhuga sinn á að segja skilið við liðið og semja við Real Madrid - svo framarlega sem forráðamenn Arsenal gefi grænt ljós á það.

Móðgandi ásakanir, segir Barnett

Jonathan Barnett, umboðsmaður Ashley Cole hjá Arsenal, hefur þvertekið fyrir það að skjólstæðingur sinn hafi átt leynilegan fund með Jose Mourinho, knattspyrnustjóra Chelsea.

Bolton undir og manni færri

Núna stendur yfir leikur Bolton og Arsenal á Reebok Stadium í 8-liða úrslitum ensku bikarkeppninnar og í hálfleik leiða gestirnir með einu mari gegn engu. Freddy Ljungberg kom Arsenal yfir strax á þriðju mínútu er hann komst einn innfyrir vörnina eftir sendingu frá Robert Pires og lyfti boltanum yfir Jussi Jaaskelainen sem kom út á móti honum.

Owen hvetur Liverpool áfram

Michael Owen segist vona að hans fyrrum félagar hjá Liverpool muni fara alla leið og vinna Meistaradeildina nú eftir að Real Madrid er dottið út. Draumur Owen um að Real og Liverpool myndu dragast saman varð að engu í Tórínó á miðvikudaginn er Juventus sló Real út

Afturelding vann Núma

Einn leikur fór fram í B deild Deildarbikarkeppni karla í dag er Afturelding vann Núma, 3-0, í Reykjaneshöllinni. Jóhann Valsson gerði tvö mörk fyrir Aftureldingu og Gunnar Borgþórsson eitt.

Arsenal í undanúrslitin

Arsenal er komið í undanúrslit í ensku bikarkeppninni eftir 1-0 sigur gegn Bolton á Reebok Stadium í dag. Það var Svíinn Freddy Ljungberg sem skoraði eina mark leiksins strax á þriðju mínútu. El-Hadji Diouf fékk réttilega að líta rauða spjaldið á níundu mínútu er hann gaf Jens Lehman olnbogaskot.

Brynjar Björn og Heiðar byrja

Brynjar Björn Gunnarsson og Heiðar Helguson eru í byrjunarliði Watford sem sækir QPR heim í dag. Gylfi Einarsson er ekki í leikmannahópi Leeds sem fær Gillingham í heimsókn. Jóhannes Karl Guðjónsson og félagar í Leicester spilar ekki í ensku deildinni um helgina þar sem þeir eiga leik gegn Blackburn, á Ewood Park, í FA bikarkeppninni á morgun.

Stjarnan lagði FH

Einn leikur fór fram í Deildarbikarkeppni kvenna, A-deild, í dag. Stjarnan lagði FH að velli með tveimur mörkum gegn einu. Harpa Þorsteinsdóttir og Lilja Kjalardóttir komu Stjörnunni í 2-0 fyrir hlé en Linda Björgvinsdóttir gerði mark FH átta mínútum fyrir leikslok.

Pizarro vill ekki mæta Chelsea

Landsliðsmaður Perú og framherji Bayern Munchen, Claudio Pizarro, sagði í dag að hann vildi ekki mæta Chelsea í 8-liða úrslitum Meistaradeildar Evrópu, en dregið verður á föstudaginn eftir viku.

Afhverju Frisk hætti

Sænski knattspyrnudómarinn Anders Frisk hefur staðfest að það hafi verði stuðningsmenn Chelsea sem gerðu útslagið í ákvörðun hans í að hætta að dómgæslu.

Blikar lögðu Skagamenn

Einum leik, af þremur, er lokið í Deildarbikarkeppni karla í knattspyrnu í dag, en þar lögðu Blikar Skagamenn að velli með tveimur mörkum gegn einu.

Matthías með þrennu fyrir Valsmenn

Matthías Guðmundsson átti stórleik er Valsmenn sigruðu Víkinga 5-2 í öðrum leik dagsins í Deildarbikarkeppni karla í knattspyrnu, en leikið var í Reykjaneshöll suður með sjó.

Úrslit úr kvennahandboltanum

Fjórir leikir fóru fram í úrvaldsdeild kvenna í handknattleik í dag. Í Eyjum sigruðu heimastúlkur tíu marka sigur á Fram, 27-17, Grótta/KR lágu heima gegn Haukum, 21-30, Valsstúlkur lágu heima gegn FH með eins marks mun, 22-23 og Víkingsstúlkur töpuðu heima gegn Stjörnunni með 22 mörkum gegn 30.

Ólafur ég félagar áfram

Ólafur Stefánsson og félagar hans í Ciudad Real unnu í dag góðan sigur á ungverska liðinu Fortex, 34-33 í síðari leik liðanna í Meistaradeild Evrópu í handknattleik, en leikið var í Ungverjalandi. Ciudad vann einnig fyrri leikinn, 29-22, og fara því áfram.

United 2-0 yfir í hálfleik

Nú stendur yfir leikur Southampton og Manchester United í 8-liða úrslitum ensku bikarkeppninnar. Í hálfleik er staðan 2-0 fyrir Man Utd. Það var fyrirliðinn sjálfur, Roy Keane, sem skoraði fyrra markið strax á annarra mínútu, og Cristiano Ronaldo bætti öðru við rétt fyrir leikhlé. United er búið að vera mun betri aðilinn í fyrri hálfleknum og staðan fyllilega sangjörn.

Snæfell tryggði sér oddaleik

Snæfell frá Stykkishólmi tryggði sér í dag oddaleik í einvígi sínu gegn KR í 8-liða úrslitum Intersportdeildarinnar í körfuknattleik karla er þeir sigruðu KR, í Vesturbænum, nokkuð auðveldlega með 25 stiga mun, 82-57.

Grindvíkingar jöfnuðu

Grindvíkingar mættu harðákveðnir til leiks á heimavelli sínum í gær og náðu að leggja granna sína úr Keflavík og jafna metin í viðureign liðanna í 1-1 og knýja fram oddaleik í Keflavík á miðvikudag.

Björgólfur Takefusa með þrennu

Fylkir vann Grindavík í miklum markaleik, 5-4, í Deildarbikarkeppni karla í knattspyrnu í Reykjaneshöll í dag.

Man Utd í undanúrslitin

Manchester United tryggði sér í dag farseðilinn í undanúrslit ensku bikarkeppninnar með öruggum sigri á Southampton á St. Merys Stadium í dag með fjórum mörkum gegn engu.

Grinavík tryggði sér oddaleik

Grindavík tryggði sér í dag oddaleik gegn Keflavík í úrslitakeppni Intersportdeildarinnar í körfuknattleik karla er þeir sigruðu Keflvíkinga með ellefu stiga mun, 87-76.