Ísraelski herinn segir Assad enn vera í Damaskus

Ísraelski herinn staðhæfir að Bashar al-Assad forseti Sýrlands sé enn í Damaskus höfuðborg Sýrlands.

Berlusconi íhugar þriðju upprisuna frá pólitískum dauða

Silvio Berlusconi fyrrum forsætisráðherra Ítalíu vinnur nú leynt og ljóst að þriðju upprisu sinni frá pólitískum dauðdaga á ferli sínum.

Hart barist í borgum landsins

Sýrlenskir uppreisnarmenn berjast nú gegn stjórnarhernum í Aleppo, stærstu borg landsins, og segjast bjartsýnir á að ná henni á vald sitt. Talið er að um þúsund uppreisnarmenn hafi ráðist inn í borgina en stjórnarherinn beitti bæði þyrlum og þungavopnum.

Nöfn fórnarlamba birt

Lögreglunni í Denver í Colorado hefur tekist að aftengja allar þrjár sprengjur á heimili James Holmes sem grunaður er um að hafa drepið 12 manns í skotárás í kvikmyndahúsi á forsýningu nýjustu Batman myndarinnar á föstudag.

Af sjónarhóli Alþjóðlegu geimstöðvarinnar

Bandarískur ljósmyndir birti í gær ótrúlegt myndband sem sýnir Jörðina og stjarnfræðilega nágranna okkar í áður óséðu ljósi. Myndbandið var unnið í samstarfi við Geimferðastofnun Bandaríkjanna, NASA, en allar myndirnar voru teknar úr alþjóðlegu geimstöðinni sem æðir umhverfis jörðina á 30 þúsund kílómetra hraða.

Pussy Riot í sex mánaða varðhald

Dómstóll í Moskvu hefur ákveðið að þrjár konur úr rússnesku pönkhljómsveitinni Pussy Riot skuli sæta gæsluvarðhaldi í sex mánuði. Konurnar eiga yfir höfði sér sjö ára fangelsisdóm verði þær fundnar sekar óspektir.

Sprengjusérfræðingar ríða á vaðið

Talið er að sprengjusérfræðingar í Aurora í Colorado verði að störfum langt fram eftir degi en þeir reyna nú að aftengja sprengjur sem fjöldamorðinginn James Holmes skildi eftir sig.

Reyna á ný að fara inn á heimili ódæðismannsins

Lögreglan í Aurora í Colorado mun reyna á ný að fara inn á heimili mannsins sem myrti kvikmyndahúsagesti í bænum í gær. Ljóst er að maðurinn, James Holmes, hafði komið fyrir fjölda sprengjugildra í húsinu. Lögreglustjórinn í Aurora segir að gríðarlegt magn sprengiefna sé í íbúðinni.

Geita-maður í felum

Yfirvöld í Utah í Bandaríkjunum óttast um öryggis manns sem talin er halda til í fjöllunum í norðurhluta ríkisins. Göngufólk tók eftir manninum fyrr í vikunni en þá var hann klæddur í geita-búning og virtist vera að reyna að ganga í raðir fjallageita á svæðinu.

Boðað til mótmælafundar vegna ástandsins í Sýrlandi

"Sýnum almenningi í Sýrlandi samstöðu, krefjum alþjóðasamfélagið til aðgerða til að stöðva morð á börnum, konum og körlum.“ Þetta segir einn stofnanda og fyrrverandi framkvæmdastjóri Hinsegin daga sem boðað hefur til samstöðu og mótmælafundar á Austurvelli á miðvikudaginn.

Vottar íbúum Aurora samúð sína

Christopher Nolan, leikstjóri nýjustu kvikmyndarinnar um Leðurblökumanninn, The Dark Knight Rises, hefur vottað aðstandendum fórnarlamba skotárásarinnar í Aurora samúð sína.

Sjálfsmorðsárás í Pakistan

Að minnsta kosti 9 létust í sjálfsmorðssprengjuárás í norðvestur Pakistan í dag, þarf af þrjú börn. Atvikið átti sér stað við bækistöð Mullah Nabi, yfirmanns í pakistanska hernum, en hann hefur stjórnað aðgerðum við að stemma stigum við ágangi Talibana í

Fimm hundruð látnir á tveimur sólarhringum

Hátt í fimm hundruð manns hafa látist í átökunum í Sýrlandi síðustu tvo sólarhringa. Stjórnarherinn í landinu hefur í nótt gert árás á vígi uppreisnarmanna í höfuðborginni Damaskus en uppreisnarmenn náðu í gær völdum á landamærastöðvum við Írak og Tyrkland.

Fórnarlamba minnst

Fórnarlamba skotárásarinnar í Aurora í Colorado var minnst í nótt. Um 200 manns söfnuðust saman fyrir utan kvikmyndahúsið.

Áfram barist í höfuðborginni

Bardagar héldu áfram í Damaskus, höfuðborg Sýrlands, í gær. Öryggisráð Sameinuðu þjóðanna samþykkti að framlengja umboð friðargæslusveita um einn mánuð. Stjórnarherinn fagnaði ákaft eftir að hafa náð á vald sitt einu hverfi sem uppreisnarmenn höfðu haft á valdi sínu.

Starfsmenn á Heathrow ætla í verkfall

Starfsfólk á Heathrow flugvelli ætlar í 24 klukkustunda verkfall daginn áður en Ólympíuleikarnir hefjast í London. Áætlanir sýna að dagurinn eigi að vera sá stærsti í sögu flugvallarins segir í frétt The Financial Times.

Árásarmaðurinn er 24 ára gamall

Maðurinn sem skaut 12 manns til bana í úthverfi Denver í morgun heitir James Eagan Holmes og er 24 ára gamall. CBS fréttastofan hefur þetta eftir talsmönnum lögreglunnar í Denver. Skotárásin varð í kvikmyndahúsi þegar verið var að sýna nýju Batman myndina, The Dark Knight Rises. Lögreglan telur að maðurinn hafi verið einn að verki. Tugir manna særðust í skotárásinni.

Blóðbað á forsýningu Batman myndarinnar

Fjórtán manns féllu í skot- og sprengjuárás í kvikmyndahúsi í Denver í Colorado þegar nýjasta Batman myndin var forsýnd þar í nótt.

Keppendur á Ólympíuleikunum fá 150.000 smokka afhenta

Þeir íþróttamenn sem taka þátt í komandi Ólympíuleikum munu ekki þurfa að hafa áhyggjur af öruggu kynlífi. Ákveðið hefur verið að dreifa 150.000 smokkum meðal þeirra.

Landamærastöðvar í Sýrlandi á valdi uppreisnarmanna

Uppreisnarmenn í Sýrlandi hafa náð nokkrum landamærastöðvum við landamærin að Tyrklandi á sitt vald.

Missa sinn helsta bandamann

Andstæðingar Hezbollah-samtakanna í Líbanon hafa verið að færa sig upp á skaftið undanfarið, enda telja þeir skammt í að stjórn Bashers al Assad Sýrlandsforseta falli. Assad hefur verið helsti stuðningsmaður Hezbollah-samtakanna og ítök þeirra í Líbanon virðast að nokkru háð áframhaldandi stuðningi hans.

Romney með örlítið meira fylgi en Obama

Mitt Romney hefur örlítið forskota á Barack Obama Bandaríkjaforseta í baráttunni um forsetaembættið samkvæmt nýrri skoðanakönnun sem birt var í gærkvöldi.

Dæmdur í ævilangt fangelsi

Zine al Abidine Ben Ali, fyrrverandi forseti Túnis, var í gær dæmdur í ævilangt fangelsi af dómstól í landinu.

Bætir við sig marskálkstitli

Kim Jong Un, hinn ungi leiðtogi Norður-Kóreu, hefur tekið sér titilinn marskálkur, til viðbótar við titla sem hann ber fyrir: Formaður Verkamannaflokksins, formaður varnarmálanefndar ríkisins, formaður hermálanefndar flokksins og æðsti yfirmaður hersins auk þess sem hann á sæti í forsætisnefnd framkvæmdaráðs flokksins.

Ísraelar telja Írana ábyrga

Ísraelsk stjórnvöld telja að maður á vegum Hezbollah-samtakanna í Líbanon, sem njóta stuðnings Írans, hafi gert sjálfsvígsárás á rútu í Búlgaríu á miðvikudag.

Versti dagur byltingarinnar til þessa

Stjórnarandstæðingar í Sýrlandi hafa hertekið allar helstu eftirlitsstöðvar landsins við landamæri Írak. Á meðan harðna bardagar í Damaskus, höfuðborg Sýrlands, þar sem stjórnarhermenn og uppreisnarmenn takast á í kjölfar sjálfsmorðsárásar sem kostaði þrjá háttsetta meðlimi sýrlensku ríkisstjórnarinnar lífið.

Hótelstjóri og prestur rífast um 50 Shades of Grey

Hörð orðaskipti hótelstjóra og sóknarprests í Bretlandi hafa vakið mikla athygli síðustu daga. Málið hófst þegar hótelstjórinn fjarlægði allar Biblíur úr hótelherbergjum sínum og setti í stað þeirra erótísku metsölubókina 50 Shades of Grey.

Lítið af gulli eftir í gullverðlaunum Ólympíuleikanna

Það er svo lítið eftir af hreinu gulli í gullverðlaununum sem veitt eru á komandi Ólympíuleikum í London að verðmæti þeirra nemur aðeins rúmlega sjötíu þúsund krónum á stykkið. Væru hin rúmlega 400 gramma gullverðlaun úr hreinu gulli væri verðmætið um 2,5 milljónir króna.

Bandaríkjastjórn telur að Assad sé að missa tökin

Bandaríkjastjórn telur að Bashar Assad forseti Sýrlands sé að missa tökin á stjórn landsins og að daga hans í embætti séu taldir.

Kettlingur ferðaðist á eigin spýtur þvert yfir Kyrrahafið

Kettlingur er kominn í sviðsljós fjölmiðla í Kaliforníu eftir að hann ferðaðist á eigin spýtur þvert yfir Kyrrahafið.

Andlega fatlaður fangi tekinn af lífi í Texas

Yfirvöld í Texas hafa tekið af lífi dauðadæmdan fanga þrátt fyrir að fanginn sé andlega fatlaður.

Fjöldi austurevrópskra fanga tvöfaldast í dönskum fangelsum

Á síðustu fjórum árum hefur fjöldi austurevrópskra fanga í dönskum fangelsum meir en tvöfaldast.

Umsóknir um háskólanám aldrei fleiri í Danmörku

Umsóknir um háskólanám hafa aldrei verið meiri í sögunni í Danmörku. Alls hafa tæplega 81 þúsund nemendur sótt um nám í háskólum landsins.

Atburðir í Rúmeníu vekja áhyggjur ESB

Framkvæmdastjórn Evrópusambandsins gagnrýnir harðlega Rúmeníu og Búlgaríu fyrir að standast ekki kröfur sem gerðar eru til aðildarríkjanna. Búlgaría ræður ekkert við skipulagða glæpi og Rúmeníustjórn grefur undan lýðræðinu.

Hefur áhyggjur af fordómum

Jens Stoltenberg, forsætisráðherra Noregs, hefur áhyggjur af fordómum samlanda sinna í garð rómafólks, sem einnig er kallað sígaunar. Hann sagði í samtali við NRK að hatrið sem einkennt hefði umræðuna þar í landi síðustu vikur væri ekki í samræmi við norsk gildi, til dæmis umburðarlyndi og fjölbreytileika samfélagsins.

Hælisleitendur fá meira fé

Hælisleitendur og flóttamenn í Þýskalandi fá ekki nógu mikla ríkisaðstoð til að geta lifað mannsæmandi lífi meðan þeir bíða afgreiðslu mála sinna.

Óljóst um tilgang mannsins

Ekki er enn vitað hvað manninum sem fór inn til tígrisdýranna í dýragarðinum i Kaupmannahöfn gekk til með athæfi sínu. Maðurinn fannst látinn í búrinu að morgni sunnudags, en hann hafði brotist inn í garðinn kvöldið áður.

Rússar ásaka Vesturlönd

Rússnesk stjórnvöld ásökuðu í gær Vesturlönd fyrir að kynda undir uppreisn og átökum í Sýrlandi, sama dag og sjálfsvígsárás í höfuðborginni Damaskus kostaði nokkra nánustu samstarfsmenn Bashar al Assads forseta lífið.

Nútíma riddari í pílagrímaför um Kanada

Tuttugu og tveggja ára gamall riddari ferðast nú um Kanada í fullum herklæðum og á hestbaki. Hann boðar fagnaðarerindi ástarinnar, hreinskilni og virðingar.

Hótað lífláti fyrir neikvæða gagnrýni

Stjórnendur kvikmyndavefsíðunnar Rotten Tomatoes hafa lokað fyrir athugasemdir notenda á nýjustu Batman kvikmyndina. Þetta var ákveðið eftir að gagnrýnanda bárust líflátshótanir vegna neikvæðrar umfjöllunar um The Dark Knight Rises.

Ísraelskir ferðamenn drepnir í Búlgaríu

Að minnsta kosti þrír eru látnir og yfir tuttugu særðir eftir að rúta með ísraelska ferðamenn var sprengd í loft upp borginni Burgas í Búlgaríu nú fyrir stundu. Samkvæmt fréttavef breska ríkisútvarpsins sást maður ganga inn í rútuna og nokkrum sekúndum síðar sprakk hún í loft upp. Flugvellinum í borginni hefur verið lokað og eru miklar öryggisráðstafnir víða um borg.

Rúta sprengd í loft upp

Fjórtan fórust og fjölmargir eru særðir eftir að lítil rúta sprakk í loft upp í bænum Peshawar, í norðausturhluta Pakistan í dag. Rútan var á leið milli tveggja þorpa þegar hún keyrði á sprengju sem komið hafði verið fyrir á þjóðveginum. Þrjár konur og þrjú börn eru á meðal hinna látnu. Enginn hefur lýst yfir ábyrgð á tilræðinu en sprengjur sem þessar eru algengar á svæðinu.

Hollensk yfirvöld aðstoða FBI

Yfirvöld í Hollandi og bandaríska alríkislögreglan eru nú komin í samstarf vegna rannsóknar á því hvers vegna nálar fundust í kalkúnasamlokum um borð í flugvélum Delta Air Lines-flugfélagsins á dögunum. Fjórar nálar fundust í samlokum í fjórum flugum frá Amsterdam í Hollandi til Bandaríkjanna. Tveir farþeganna sem fengu stungusár í munninn, eftir að hafa bitið í samlokuna sína, hafa leitað til læknis til að fyrirbyggja HIV-smit. Málið þykið mjög alvarlegt og á meðan rannsókn stendur yfir hefur sala á kalkúnasamlokum um borð í vélum félagsins verið hætt.

Fá fúlgur fjár frá hinu opinbera

Fjórir fyrrverandi forsætisráðherrar í Bretlandi þéna hver um sig 100 þúsund sterlingspund, eða tæpar 20 milljónir, í eftirlaun á ári frá breska ríkinu. Til viðbótar þéna þau miklar fúlgur árlega fyrir að halda fyrirlestra og sem ráðgjafar fyrir einkafyrirtæki.

Mandela er 94 ára í dag

Nelson Mandela, fyrrum forseti Suður-Afríku, er 94 ára í dag og fagna íbúar í heimabæ hans, Qunu, því með veisluhöldum í dag. Á meðal gesta sem heimsóttu bæinn í dag var Bill Clinton, fyrrverandi forseti Bandaríkjanna, sem hefur verið náinn vinur forsetans fyrrverandi síðustu ár.