Fæðingartíðni í Danmörku sú lægsta í aldarfjórðung

Fæðingartíðnin í Danmörku þessa dagana er sú lægsta undanfarin aldarfjórðung. Á móti hefur fjöldi innflytjenda aldrei verið meiri.

Sekur um að misnota vald

Spænski rannsóknardómarinn Baltasar Garzon hefur verið dæmdur fyrir að misnota völd sín.

Umsátur kostar hundruð lífið

Sýrlenskir hermenn skutu sprengjum á borgina Homs í gær, sjötta daginn í röð. Sprengjuárásirnar á borgina hafa kostað hundruð manna lífið síðan þær hófust fyrir tæpri viku.

Samkomulag á síðustu stundu

Leiðtogar grísku stjórnarflokkanna náðu í gær samkomulagi um sparnaðaraðgerðir eftir að erfiðar samningaviðræður höfðu dregist á langinn dag eftir dag í meira en viku.

Vill fá 900 milljarða í skaðabætur

Kona í New York krefst þess að fá 900 milljarða í skaðabætur frá opinberum starfsmönnum borgarinnar. Hún segir að börn sín hafi verið ranglega tekin af henni og færð fósturheimili.

Fallhlífarstökkvari mun rjúfa hljóðmúrinn

Austurríski ofurhuginn Felix Baumgartner mun á næstu dögum reyna að slá heimsmet í fallhlífarstökki. Hann verður á jaðri gufuhvolfsins þegar hann stekkur.

Obama skaut úr sykurpúðabyssu

Árleg vísindahátíð var haldin í Hvíta húsinu í Washington í vikunni. Grunnskólanemar víðsvegar að úr Bandaríkjunum sóttu Bandaríkjaforseta heim og sýndu sköpunarverk sín.

NASA boðar byltingu í læknisvísindum

Vísindamenn hjá NASA opinberuðu í síðustu viku byltingarkennda tækni sem getur meðhöndlað sjúkdóma og kvilla án þess að sjúklingurinn sé þess var.

Starfsmaður Iceland Foods vann 45 milljón pund

Ungt par í Bretlandi vann 45 milljón pund í happdrætti fyrr í vikunni. Vinningurinn kemur á heppilegum tíma enda bilaði þvottavélin þeirra fyrir stuttu.

Reyndi að ræna stúlku í stórmarkaði

Öryggismyndavélar í Wal Mart búð í Georgia í Bandaríkjunum festu í gær á filmu það sem virðist vera mannránstilraun. Í myndskeiðinu sést hvernig maður grípur sjö ára gamla telpu og reynir að nema hana á brott. Stelpan, Britney Baxter, barðist hinsvegar um á hæl og hnakka og öskraði af lífs og sálar kröftum.

Hörmungar íbúa Homs halda áfram

Þung stórskotahríð skall í morgun á íbúa borgarinnar Homs í Sýrlandi. Íbúarnir hafa mátt þola slíka skothríð frá stjórnarher landsins á hverjum morgni frá því um síðustu helgi.

Brotttreknir íbúar Bakú fá 230 þúsund fyrir fermetrann

Íbúðaeigendur, sem hefur verið gert að rýma húnæði sitt vegna byggingar tónleikarhallar í Bakú í Azerbaijan fyrir Eurovision söngvakeppnina, fá greiddar 230 þúsund krónur á fermetrann samkvæmt fréttavef BBC. Það er álíka og fermetraverðið er í góðum hverfum í Reykjavík. Engu að síður er það helmingi lægra en gengur og gerist á þessu svæði í Bakú samkvæmt frétt BBC.

Segir ofríki karla ógna hagvexti

David Cameron, forsætisráðherra Breta, segir að það þurfi fleiri konur við stjórn fyrirtækja í Bretlandi. Kvennaskorturinn hamli efnahagslegum vexti í landinu. Ef ráðist yrði gegn ofríki karla í viðskiptaheiminum myndi staða fyrirtækjanna batna. Þetta sagði hann á ráðstefnu í Svíþjóð þar sem staddir eru leiðtogar Norðurlandanna og Eystrasaltslandanna eru saman komnir. Cameron sagði að Bretar gætu lært ýmislegt af Norðurlöndunum og Eystrasaltsríkjunum í jafnréttismálum. Jóhanna Sigurðardóttir situr fundinn í Svíþjóð fyrir hönd Íslands.

Dularfullt mál kínversks lögreglustjóra

Mál Wang Lijun eins af þekktustu lögreglustjórum Kína verður æ dularfyllra. Nú er talið að Wang hafi sótt um pólitískt hæli í Bandaríkjunum en bandaríska innanríkisráðuneytið hefur ekki viljað staðfesta að svo sé.

Eitt stærsta húsið sem hrundi í Christchuch var illa byggt

Ný skýrsla leiðir í ljós að eitt stærsta húsið sem hrundi í jarðskjálftanum í Christchurch á Nýja Sjálandi fyrir um ári síðan uppfyllti ekki byggingastaðla.

Um 20% Repúblikana myndu kjósa Obama

Ný skoðannakönnun leiðir í ljós að um 20% Repúblikana í Bandaríkjunum myndu kjósa Barack Obama sem forseta ef kosið yrði núna. Því stefni í að kosningarnar í haust verði endurtekning á kosningunum 2008 þegar Obama náði kjöri.

Mikill þrýstingur á ráðamenn í Grikklandi

Enn hefur ekkert samkomulag náðst milli stjórnarflokkanna í Grikklandi um nauðsynlegar hagræðingar og sparnaðaraðgerðir svo landið fái nýtt neyðarlán frá Alþjóðagjaldeyrissjóðnum og Evrópusambandinu.

Liggur enn milli heims og helju eftir skotárás á Grænlandi

Einn af þeim fimm einstaklingum sem urðu fyrir skotárás tvítugs manns í litlu þorpi á Grænlandi í gærdag liggur nú milli heims og helju á Dronnings Ingrid sjúkrahúsinu í Nuuk.

ESB undirbýr refsiaðgerðir gegn Sýrlandi

Rússar vilja reyna að koma á viðræðum milli stjórnar og uppreisnarmanna í Sýrlandi. Nýjar refsiaðgerðir gegn Sýrlandsstjórn eru í smíðum.

Romney tapaði fyrir Santorum í þremur ríkjum

Mitt Romney, sem tapaði fyrir Rick Santorum í forkosningum Repúblikanaflokksins í þremur ríkjum Bandaríkjanna á þriðjudag, segist þrátt fyrir það nokkuð viss um að verða forsetaefni flokksins.

Sakaður um að nauðga stúlku

Sautján ára gömul stúlka hefur kært Helge Solum Larsen, varaformann stjórnmálaflokksins Venstre og bæjarstjórnarmann í Stavangri, fyrir nauðgun. Brotið mun hafa átt sér stað á ársfundi Rogalands-deildar Venstre um síðustu helgi.

Elstu tvíburar í heimi

Tvíburasysturnar Edith Ritchie og Evelyn Middleton eru elstu tvíburar í heimi samkvæmt heimsmetabok Guinness. Þær eru 102 ára gamlar.

Þrír skotnir til bana á Grænlandi - tveir alvarlega sárir

Þrír eru látnir og tveir alvarlega sárir eftir að maður gekk berserksgang á Grænlandi í dag. Maðurinn skaut fólkið en ástæða árásarinnar er enn óljós að því er fréttastofa AP hefur eftir lögreglunni. Árásarmaðurinn er í haldi en ódæðið var framið í bænum Nutaarmiut sem er 900 kílómetrum norðan við heimskautsbaug.

Sýking algengari hjá körlum en konum

Sýking í munni sem orsakað getur krabbamein í hálsi, á kynfærum, í ristli og í höfði er töluvert algengari í körlum en konum samkvæmt niðurstöðum nýrrar rannsóknar sem gerð var á vegum Læknafélagsins í Bandaríkjunum.

Danir hafa sloppið við flensufaraldur í vetur

Heilbrigðisyfirvöld í Danmörku eru svolítið gáttuð á því að þrátt fyrir mikla kulda í landinu lætur hefðbundinn inflúensufaraldur alveg standa á sér.

Íranska þingið reiðubúið að stöðva olíusölu til ESB

Þingmenn á íranska þinginu eru reiðubúnir að samþykkja frumvarp sem bannar allan útflutning á olíu frá landinu til ríkja innan Evrópusambandsins.

Ekkert bólar á samkomulagi í Grikklandi

Enn bólar ekkert á samkomulagi meðal stjórnarflokkanna þriggja í Grikklandi um nauðsynlegar niðurskurðar- og hagræðingaraðgerðir svo landið fái nýtt neyðarlán frá Alþjóðagjaldeyrissjóðnum og Evrópusambandinu.

Argentína kvartar til SÞ vegna Falklandseyja

Stjórnvöld í Argentínu ætla að senda inn formlega kvörtun til Sameinuðu þjóðanna vegna þess sem þau kalla hervæðingu Breta á Falklandseyjum.

Santorum kom, sá og sigraði í þremur prófkjörum

Rick Santorum kom sá og sigraði í prófkjörum Repúblikanaflokksins í Minnesota, Missouri og Colorado í nótt.

Denzel Washington leikur í nýjustu mynd Baltasars

Baltasar Kormákur og Mark Wahlberg eiga nú í samningaviðræðum við Hollywood stjörnuna Denzel Washington um að Washington taki að sér annað aðalhlutverkið í myndinni 2 Guns sem þeir Baltasar og Wahlberg hafa ákveðið að gera saman.

Viðræðurnar dragast enn

Grísku stjórninni tókst ekki í gær, frekar en síðustu daga, að leggja lokahönd á nýja aðhaldsáætlun til að tryggja fjárhagsaðstoð frá ESB og AGS. Almenningur í Grikklandi efndi til mótmæla um land allt í gær.

Mótmælendur hröktu forsetann úr embætti

Mohammed Nasheed, fyrsti lýðræðislega kjörni forseti Maldíveyja, sagði af sér í gær eftir öflug mótmæli gegn honum.

Háhyrningar höfða mál gegn sædýrasafni

Alríkisdómari í Bandaríkjunum hafnaði því á mánudag að vísa frá máli sem gæti skorið úr um hvort dýr njóti sömu verndar gegn þrælahaldi og menn. Dýraverndarsamtökin PETA hafa höfðað málið fyrir hönd fimm háhyrninga.

Liverpool-kötturinn slær í gegn á internetinu

Kötturinn sem náði að læðast inn á Anfield, heimavöll knattspyrnuliðsins Liverpool, í gærkvöldi hefur slegið í gegn á internetinu. Stöðva þurfti leikinn í þrjár mínútur á meðan kisi kannaði völlinn en það voru svo vallarstarfsmenn sem tóku hann í fangið og komu honum á betri stað.

Bjór með pizza-bragði

Síðar á þessu ári kemur bjór með pizza-bragði á markað í Bretlandi. Það er bruggfyrirtæki í Bandaríkjunum sem bruggar bjórinn en hann hefur verið á markaði í Bandaríkjunum í fimm ár með góðum árangri. Í bjórnum eru tómatar og hvítlaukur ásamt kryddunum basil og oreganó.

Frost í Feneyjum

Kuldakastið í Evrópu virðist síst vera á undanhaldi og í dag hefur frostið þýtt margskonar tafir á samgöngum. Vegir hafa lokast og flugumferð stöðvast vegna kuldans. Þá voru skólar lokaðir í Róm í dag og um stærstan hluta Ítalíu hefur verið snjókoma. Meðal annars eru hin heimsfrægu síki í Feneyjum nú í klakaböndum eins og sjá má á meðfylgjandi mynd. Talið er að tíu manns hafi látist af völdum veðursins á Ítalíu og meðal annars létust tveir þegar snjór féll af þaki of kaffærði þá.

Utanríkisráðherra Rússa fagnað sem hetju í Rússlandi

Sergei Lavrov utanríkisráðherra Rússlands var fagnað sem þjóðhetju af stuðningsmönnum Assads Sýrlandsforseta þegar Lavrov kom til landsins í dag. Þúsundir veifuðu sýrlenskum og rússneskum fánum á götum höfuðborgarinnar Damaskus en Lavrov kom til borgarinnar til viðræðna við Assad forseta.

Háhyrningar stefna Sea World fyrir þrælahald

All sérkennilegt dómsmál er nú rekið fyrir dómstól í Flórída en sækjendurnir í því eru fimm háhyrningar sem eru í eigu skemmtigarðsins Sea World.

Þrjú prófkjör hjá Repúblikönum í dag

Prófkjör verða hjá Repúblikönum í þremur ríkjum í dag en það eru Colorado, Minnesota og Missouri.

Jarðskjálftinn á Filippseyjum kostaði 15 mannslíf

Að minnsta kosti 15 manns létu lífið í öflugum jarðskjálfta sem varð við Filippseyjar í gær. 44 er enn saknað og rúmlega 50 eru slasaðir.

Þolinmæðin gagnvart leiðtogum Grikklands á þrotum

Grísk stjórnvöld eru farin að reyna mjög á þolinmæði annarra leiðtoga ríkja á evrusvæðinu.

Ríkisstjórnin hrökklast frá

Ríkisstjórn Rúmeníu hefur sagt af sér vegna mikillar ólgu og mótmæla undanfarnar vikur. Aðhaldsaðgerðir að kröfu AGS og EBS eru óvinsælar.

Sprengjum rigndi á Homs

Stjórnarherinn í Sýrlandi gerði öflugar sprengjuárásir á borgina Homs í Sýrlandi í gær, þar sem harðir bardagar við uppreisnarmenn hafa staðið yfir undanfarna daga. Þetta eru hörðustu árásir stríðsins til þessa.

Sagðist eiga skilið heiðursmerki

Norski fjöldamorðinginn Anders Behring Breivik sagðist eiga skilið heiðursmerki og krafðist þess að vera látinn laus.

Handleggirnir geta sagt til um sjúkdóma

Mishár blóðþrýstingur í handleggjum fólks getur verið merki um sjúkdóma í æðakerfinu samkvæmt niðurstöðum rannsóknar sem gerð var við Exeter-háskóla í Bretlandi.