Mannskæð sprengjuárás í Pakistan

Að minnsta kosti 12 féllu og 35 særðust í sjálfsmorðsprengjuárás á markaði í bæ skammt frá borginni Peshawar í Pakistan í morgun. Talið er að tilræðinu hafi verið beint bæjarstjóranum sem var staddur á markaðnum þegar sprengjan sprakk en hann var meðal hinna látnu. Fram kemur á vef BBS að bæjarstjórinn hafi verið mikill andstæðingur Talibana.

Obama: Söguleg niðurstaða

Fulltrúadeild bandaríska þingsins samþykkti í nótt umdeilt frumvarp Barack Obama, forseta Bandaríkjanna, um breytingar á heilbrigðiskerfinu þar í landi. Sjálfur segir Obama að niðurstaðan sé söguleg. Hann er sannfærður um að öldungadeildin samþykki frumvarpið á næstu vikum og vonast til þess að það verði orðið að lögum fyrir áramót.

Umbótafrumvarp Obama samþykkt

Fulltrúadeild bandaríska þingsins samþykkti í nótt umdeilt frumvarp Barack Obama, forseta Bandaríkjanna, um breytingar á heilbrigðiskerfinu þar í landi. Það þykir mikill sigur fyrir Obama að frumvarpið hafi verið samþykkt.

Heilbrigðisráðherrann bólusettur í beinni

Bólusetning gegn svínaflensu hófst í Saudi-Arabíu í gær þegar heilbrigðisráðherra landsins var bólusettur fyrstur landsmanna. Atburðinum var sjónvarpað um land allt en með sjónvarpsútsendingunni vildu yfirvöld draga úr ótta almennings við bólusetningu gegn flensunni. Auk þess er það vilji ráðamenn að reyna að koma í veg fyrir að fjöldi pílagríma sem eru á leið til lSaudi-Arabíu smitist af svínaflensu eða dreifi henni séu þeir sýktir. Pílagrílmarnir verða að öllum líkindum sprautaðir þegar þeir koma til landsins.

Pelosi: Fulltrúadeildin mun samþykkja umbótafrumvarpið

Demókratinn Nancy Pelosi, forseti fulltrúadeildar Bandaríkjaþings, fullyrðir að fulltrúadeildin muni samþykkja umdeilt frumvarp Bandaríkjaforseta um umbætur í heilbrigðiskerfinu. Að auki lýsti repúblíkaninn Mike Pence því yfir í gær að barátta repúblíkana væri töpuð og að frumvarpið yrði að lögum. Um leið og hann gaf út þessa yfirlýsingu fordæmdi hann frumvarpið og vinnubrögð demókrata.

Brown vill nýjan skatt til auka ábyrgð bankanna

Forsætisráðherra Bretlands vill skoða hvort skattleggja eigi sérstaklega millifærslur fjármálafyrirtækja til að koma í veg fyrir aðra krísu í fjármálaheiminum.

Ísraelar áhyggjufullir vegna yfirlýsinga Abbas

Háttsettir embættismenn í Ísrael eru áhyggjufullir vegna nýlegra yfirlýsinga Mahmoud Abbas, forseti Palestínumanna, um að bjóða sig ekki fram til endurkjörs í forsetakosningunum sem haldnar verða í janúar næstkomandi. Þeir telja að hugsanlegt brotthvarf Abbas muni koma til með að torvelda allar friðarviðræður á svæðinu.

Seld strax eftir fæðingu

Eins árs gömul stúlka sem talið er að læknar hafi selt strax eftir fæðingu er nú komin aftur til móður sinnar í Mexíkóborg. Læknarnir sögðu móðurinni að stúlkan hefði látist skömmu eftir fæðingu.

Obama segir þjóðina syrgja

Barack Obama, Bandaríkjaforseti, vottaði í vikulegu ávarpi sínu í dag aðstandendum fórnarlambanna í skotárásinni í herstöðinni í Fort Hood samúð sína. Hann sagði bandarísku þjóðina alla syrgja og þá bar hann lof á viðbrögð hermenn og óbreytta borgara eftir skotárásina sem komu særðum til hjálpar.

Óvissa um framhaldið hætti Abbas

Bernard Kouchner, utanríkisráðherra Frakklands, segir það ógna friðnum geri Mahmoud Abbas alvöru úr yfirlýsingum sínum um að bjóða sig ekki fram til næsta kjörtímabils.

Byssumaður á sjúkrahúsi

Nidal Malik Hasan, majór í bandaríska hernum, var fluttur á sjúkrahús strax á fimmtudagskvöld eftir að hann hafði drepið þrettán manns og sært tugi annarra í herstöðinni Fort Wood í Texas.

Óhjákvæmilegt að Ísraelar ráðist á Íran

Hvorki Vesturlönd né Ísrael trúa því að kjarnorkuáætlun Íraks sé friðsamleg. Síðast í dag var uppýst að Íranar væru að gera tilraunir með nýja tegund kjarnaodda til þess að setja í eldflaugar.

Stálu þúsund ferðatöskum

Hjón í Arizona hafa verið handtekin fyrir að stela um eittþúsund ferðatöskum af færiböndum á flugvellinum í Phoenix.

Talibanar sprengja enn einn stúlknaskólann

Talibanar sprengdu í gær upp stúlknaskóla í Khyber í Pakistan. Það er annar stúlknaskólinn sem þeir hafa sprengt í þessari viku en alls hafa þeir sprengt yfir 200 skóla.

Saudi-Arabía gerir loftárásir í Yemen

Flugher Saudi-Arabíu hefur gert stórfelldar loftárásir á búðir skæruliða í nágrannaríkinu Yemen.

Öryggisvörður hvarf með 10 milljónir evra

Lögregla í Frakklandi leitar nú dyrum og dyngjum að öryggisverði sem gerði sér lítið fyrir og ók á brott í peningaflutningabíl með 10 milljónir evra.

Ákærðir fyrir að vera tengiliðir hryðjuverkamanna

Gefnar hafa verið út ákærur á hendur tveimur mönnum í Massachusetts fyrir að vera tengiliðir við hryðjuverkamenn og vera þeim til aðstoðar.

Danskir stöðumælaverðir á hryðjuverkavakt

Stöðumælaverðir Kaupmannahafnar munu á næstunni hljóta sérstaka þjálfun í að bera kennsl á grunsamlega aðila og koma í veg fyrir hryðjuverk og árásir.

Vilja útskýringar á tilraunum Írana

Alþjóðakjarnorkumálastofnunin hefur farið fram á að írönsk yfirvöld útskýri hvernig á því stendur að vísindamenn í Íran hafi verið að gera tilraunir með nýja tegund kjarnaodda en allt bendir til þess að svo hafi verið.

Sarkozy biður forsetafrúna að hafa sig hæga

Nicolas Sarkozy Frakklandsforseti hefur beðið eiginkonu sína, Cörlu Bruni-Sarkozy, um að taka vinsamlegast ekki þátt í stjórnmálaumræðu í fjölmiðlum.

Tólf manns liggja í valnum í Fort Hood - morðinginn á lífi

Tólf manns liggja í valnum og yfir 30 eru særðir eftir að hermaður gekk berserksgang í Fort Hood-herstöðinni í Texas í gær. Maðurinn, Nidal Malik Hasan, er majór að tign og starfar sem geðlæknir í herstöðinni.

Kastar rússneskum borgararétti

Utanríkisráðherra Georgíu hefur afsalað sér rússneskum ríkisborgararétti og skorið á fyrri tengsl við Moskvu.

Grunað um tvö morð í janúar

Rússneska lögreglan hefur handtekið mann og konu sem grunuð eru um aðild að skotárás í Moskvu í janúar, þegar mannréttindalögmaðurinn Stanislav Merkelov og blaðakonan Anastasia Baburova voru myrt.

Tölurnar sagðar niðurdrepandi

„Danska hagstofan hefur komið af stað mjög niður­drepandi umræðu vegna talna um fjölda gjaldþrota og nauðungar­uppboða,“ segir í frétt danska viðskiptablaðsins Børsen í gær.

Árás vekur óhug Breta

„Hvers konar stríð er þetta?“ spurði breska dagblaðið Daily Mail í fyrirsögn á forsíðu í gær, daginn eftir að fimm breskir hermenn voru skotnir til bana í Afganistan. Árásarmennirnir voru afganskir lögreglumenn, sem tóku upp vopn sín þegar Bretarnir voru að hita sér te.

Enn dælt fé í efnahagslífið

Evrópski seðlabankinn og Englandsbanki, seðlabanki Bretlands, ákváðu báðir að halda stýrivöxtum óbreyttum í gær. Á sama tíma héldu þeir áfram að dæla fjármagni inn í hagkerfið með ýmsu móti, svo sem til að liðka fyrir útlánavexti. Stýrivextir á evrusvæðinu standa í einu prósenti. Vextir Englandsbanka eru hálft prósent.

12 látnir - 31 særðir eftir skotárás í Bandaríkjunum

12 einstaklingar eru látnir og 31 er slasaður eftir skotárásirnar sem átti sér stað í Fort Hood klukkan 13:30 að staðartíma. Einn árásarmannanna hefur verið skotinn til bana og búið er að handtaka tvo aðra menn.

Kengúrur kvelja Ástrala

Það hefur ekki rignt í vesturhluta Queensland í marga mánuði og gróður er allur skrælnaður. Banhungruð kengúrugreyin flykkjast því inn í bæi á nóttunni þar sem þær nærast í görðum og á umferðareyjum og hvar sem er stingandi strá að finna.

Abbas vill hætta -mikið áfall

Mahmoud Abbas forseti palestínumanna mun ekki gefa kost á sér til endurkjörs í forsetakosningum sem haldnar verða í janúar næstkomandi, að sögn aðstoðarmanna.

Vilja svarta kassa í bíla

Evrópusambandið íhugar að setja reglur um að svokallaðir svartir kassar skuli settir í bíla. Þeir myndu gegna svipuðu hlutverki og flugritar í flugvélum en þaðan er nafnið svarti kassinn komið.

Fjöldamorðingi fær ekki lausn gegn tryggingu

Bandaríski fjöldamorðinginn Anthony Sowell fær ekki að ganga laus gegn tryggingu þartil réttarhöldin yfir honum hefjast.

Vill búa í Boeing breiðþotu

Norskur flugstjóri hefur sótt um lóð fyrir fjögurra hreyfla Boeing 747 breiðþotu í smábænum Farsund á suðurströnd Noregs.

Al Gore að verða kolefnis-milljarðamæringur

Al Gore fyrrverandi varaforseti Bandaríkjanna gæti orðið fyrsti græni milljarðamæringur heimsins. Hann hefur fjárfest vel í fyrirtækjum sem teljast græn og það er að skila sér margfallt aftur.

Talibanar í afgönsku lögreglunni

Breskir hermenn sem hafa gegnt herþjónustu í Afganistan segja ófagrar sögur af afgönskum lögreglumönnum.

Milljónir skoða myndband af Madeleine

Fjórar milljónir manna skoða dag hvern einnar mínútu myndband af bresku telpunni Madeleine McCann, sem sett var á netið fyrr í vikunni.

Jesú-kynskiptingur vekur bræði í Glasgow

Leikrit sem nú er sýnt í Glasgow og sýnir Jesú sem kynskipting hefur vakið reiðiöldu.

Magn geimrusls stefnir í óefni

Vísindamenn hafa töluverðar áhyggjur af auknu magni alls konar rusls í geimnum og áhrifum þess á geimferðir framtíðarinnar.

Hitabeltisstormurinn Ída geisar í Nicaragua

Mikil rigning er nú í Nicaragua í Mið-Ameríku vegna hitabeltisstormsins Ídu sem þar geisar. Viðvörun hefur verið gefin út vegna hættu á aurskriðum og talin er nokkur hætta á að Ída þróist yfir í fellibyl á næstu 36 klukkustundum.

SÞ flytja 600 manns tímabundið frá Afganistan

Sameinuðu þjóðirnar hyggjast flytja hluta af starfsmönnum sínum í Afganistan, 600 í allt, frá landinu á meðan gerðar eru ráðstafanir til að auka öryggi á dvalarstöðum þeirra.

Sviðsetti mannrán í kúgunarskyni

Auðug húsmóðir í Flórída hefur verið ákærð fyrir að sviðsetja mannrán með það fyrir augum að kúga fé út úr vellauðugum eiginmanni sínum.

Kom of seint í eigin jarðarför

Ættingjum Brasilíumannsins Ademirs Jorge Goncalves brá í brún þegar hann mætti í sína eigin jarðarför - og það sprelllifandi.

Langþráður sigur repúblikana

Demókratar töpuðu ríkisstjórakosningum í Virginíu og New Jersey, sem haldnar voru í gær. Robert Gibbs, fréttafulltrúi Bandaríkjaforseta, sagði þetta tap samt ekki segja neitt um stöðu Baracks Obama, því kosningarnar hefðu snúist að mestu um innanríkismálefni.

Vilja bæta samskipti þjóðanna

Kurt Campell, aðstoðarutanríkisráðherra Bandaríkjanna, hitti Aung San Suu Kyi, leiðtoga stjórnarandstöðunnar í Myanmar í gær og ræddi við hana í tvær klukkustundir á hóteli þar í landi í gær.

Frakkar kjósa í mars á næsta ári

Sveitarstjórnarkosningar fara fram í Frakklandi 14. og 21 mars næstkomandi. Kosningarnar eru sagðar fyrsti prófsteinninn á stöðu UMP, flokks Nicolas Sarkozy, frá kjöri hans til forseta árið 2007. Vinstriflokkar höfðu yfirburðasigur árið 2004, með meirihluta í 20 af 22 kjördæmum.

Loftslagsviðræður á síðasta snúningi

Fulltrúar Afríkuríkja vilja að auðug ríki útskýri hvernig þau hugsi sér að draga úr losun gróðurhúsalofttegunda, náist um það bindandi samkomulag á loftslagsráðstefnu Sameinuðu þjóðanna í Kaupmannahöfn í næsta mánuði. Óttast er að ekkert verði úr slíku samkomulagi. Fredrik Reinfeldt, forsætisráðherra Svíþjóðar, sagði í gær engar líkur á því að fyrir áramót næðist neitt samkomulag sem fæli í sér lagalega skuldbindingu, eins og Evrópuríki hafa barist fyrir.