Fleiri fréttir

Líklegt að Darling verði látinn fjúka

Gordon Brown segir að hann muni ekki láta af embætti forsætisráðherra Bretlands þótt stjórn hans sé rúin trausti. Hins vegar er líklegt að Alastair Darling fjármálaráðherra verði látinn fjúka.

Farþegavél með 228 farþega hvarf yfir Atlantshafi

Farþegaflugvél með 228 farþega innaborðs frá franska flugfélaginu Air France er saknað eftir að hún hvarf yfir Atlantshafinu. Vélin var á leið frá Rio de Janeiro í Brasilíu og var á leið til París. Samkvæmt flugmálayfirvöldum á Charles de Gaulle flugvellinum í París misstu þeir samband við vélina um sex leytið í morgun. Það er BBC sem greinir frá.

Rukkaði ríkið fyrir skattaskýrslugerð

Líkur á því að Alastair Darling fjármálaráðherra Bretlands sé á útleið hafa enn aukist eftir að dagblaðið Daily Telegraph upplýsti að hann sendi ríkisstjóði reikning fyrir að láta endurskoðanda gera skattskýrslu sína.

Elísabet Fritzl komin með kærasta

Austurrískir fjölmiðlar skýra frá því að Elísabet Fritzel hafi fundið ástina í fyrsta skipti. Sá útvaldi er einn af lífvörðum hennar. Faðir Elísabetar hélt henni í fangelsi í tuttugu og fjögur ár og eignaðist með henni sjö börn. Hún er nú fjörutíu og fjögurra ára gömul en kærastinn er sagður allnokkuð yngri. Þau eru sögð hafa hafið sambúð.

Síðasti eftirlifandi Titanic farþeginn látinn

Síðasti eftirlifandi farþeginn af Titanic lést í gær 97 ára að aldri. Elisabeth Gladys Dean, sem oft var kölluð Millvina, lést á hjúkrunarheimili nærri Southampton, en þar hafði hún dvalið í boði Leonardo Di Caprio og Kate Winslet, sem léku aðalhlutverkin í Titanic myndinni.

Sex menn fórust í átökum Hamas og Fatah

Sex menn fórust þegar sérsveitir Fatah hreyfingarinnar börðust við Hamasliða í borginni Qalqilya á Vesturbakkanum í gær. Vefsíða breska blaðsins Telegraph segir að um sé að ræða verstu bardagar milli Palestínumanna, sem eiga sér stað utan Gaza, í mörg ár.

Meintur morðingi kvensjúkdómalæknis fundinn

Lögreglan í Wichita í Kansasfylki í Bandaríkjunum hefur handtekið mann sem hún grunar um að hafa myrt George Tiller, lækni sem er þekktur fyrir að framkvæma fóstureyðingar á konum sem ganga með mjög þroskuð fóstur.

Óhugnalegt yfirstéttarmorð í Frakklandi

Lögreglan í Bretlandi leitar Ian Griffins auðjöfurs sem grunaður er um að hafa barið kærustuna sína til bana á lúxushóteli í París fyrir fáeinum dögum.

Þróa nýja krabbameinsmeðferð

Eftir 30 ára þrotlausar tilraunir hefur læknum hefur tekist að finna leið til þess að fá ónæmiskerfið til þess að berjast gegn krabbameini.

Brown vill Darling burt úr ríkisstjórninni

Gordon Brown, forsætisráðherra Breta, er reiðubúinn til þess að skipta Alistair Darling út úr fjármálaráðuneytinu í staðinn fyrir Ed Balls menntamálaráðherra og nánasta pólitíska samherja sinn. Þetta hefur vefútgáfa breska blaðsins Timess eftir hátt settum embættismönnum úr Downingstræti.

Blæs á gagnrýni á útnefningu dómara

Barack Obama, forseti Bandaríkjanna, blæs á alla gagnrýni á útnefningu Soniu Sotomayor sem hæstaréttadómara og vonast til þess að Öldungadeild þingsins muni styðja ákvörðun hans sem fyrst.

Saka dönsk stjórnvöld um ritskoðun

Gagnrýnendur stjórnvalda í Danmörku setja þau á stall með stjórnvöldum í Kína og Norður - Kóreu vegna strangs aðhalds með netnotkun. Í lesendabréfi sem sent hefur verið Berlingske Tidende sem stjórnendur nokkurra risafyrirtækja senda frá sér eru stjórnvöld sökuð um ritskoðun.

Enn eitt áfallið fyrir Brown

Ný fylgiskönnun Sunday Telegraph er enn eitt áfallið fyrir Gordon Brown, forsætisráðherra Breta. Samkvæmt könnuninni er Verkamannaflokkur Browns þriðji stærsti flokkurinn í Bretlandi. Íhaldsflokkurinn mælist með 40% fylgi,

Gengst við 21 barni

Desmond Hatchett, 29 ára gamall íbúi í Tennessee í Bandaríkjunum gengst við því að 21 kona hafi alið honum barn. Tvisvar sinnum var honum alin fjögur börn á einu ári. Þetta kom fram þegar Hatchett var leiddur fyrir rétt í vikunni fyrir að standa ekki skil á meðlagsgreiðslum.

Kínverjar hundfúlir yfir samskiptum Dana við Dalai Lama

Fundur danska forsætisráðherrans með Dalai Lama skaðar vináttusamband Danmerkur og Kína. Þetta segir í tilkynningu frá kínverska utanríkisráðuneytinu í dag, en Lars Løkke Rasmussen forsætisráðherra Danmerkur hitti Dalai Lama bústað ráðherrans í gær.

Svínaflensan komin til Líbanon

Svínaflensa hefur greinst í fyrsta sinn í Líbanon. Þrír hafa veikst af flensunni þar í landi að sögn líbanskra heilbrigðisyfirvalda. Fólkið fái nú læknismeðferð og sé á batavegi. Alþjóða heilbrigðismálastofnunin segir að fleiri en fimmtán þúsund og fimm hundruð manns hafi smitast af svínaflensunni víða um heim. Níutíu og níu hafi látist af völdum hennar, flestir í Mexíkó. Aðeins er vitað um eitt smit á Íslandi.

Brown mun gjalda afhroð

Útlit er fyrir að Verkamannaflokkur Gordons Browns, forsætisráðherra Bretlands, gjaldi afhroð í næstu þingkosningum sem haldnar verða í síðasta lagi næsta vor.

Aung San Suu Kyi sögð sjúk

Aung San Suu Kyi, leiðtogi stjórnarandstöðunnar í Búrma (Myanmar), er í brýnni þörf fyrir læknisaðstoð í fangelsinu þar sem hún dvelur á meðan réttað er yfir henni. Þetta fullyrða samflokksmenn hennar.

Fyrrum ráðherra víkur vegna útgjaldahneykslisins

Elliot Morley, fyrrum landbúnaðarráðherra Bretlands, segir að það hafi verið mistök hjá sér að láta breska þingið greiða af húsnæðisláni hans eftir að lánið var að fullu greitt upp. Hann hefur ákveðið að sækjast ekki eftir endurkjöri en hann hefur setið á þingi um árabil fyrir Verkamannaflokkinn.

Þúsundir minntust fyrrum forseta S-Kóreu

Tugir þúsunda komu saman á götum Seoul í dag og minntust Roh Moo-Hyun, fyrrverandi forseta Suður-Kóreu, sem framdi sjálfsmorð fyrir rúmri viku. Forsetinn fyrrverandi var afar vel liðinn af fjölmörgum samlöndum sínum. Útför hans fór fram í dag og þar sagði Han Seung-soo, forsætisráðherra landsins, að Roh yrði meðal annars minnst fyrir að hafa barist fyrir mannréttindum og stéttlausu samfélagi.

Hvað á að gera við Norður-Kóreumenn?

Bandarísk sendinefnd er nú á leið til Asíu til að ráðfæra sig við nokkra þjóðarleiðtoga þar, um hvað skuli eiginlega gera í málefnum Norður-Kóreumanna sem hafa allt á hornum sér þessa dagana og hóta Suður-Kóreumönnum og fleirum öllu illu.

Rændu feðga dulbúnir sem pizzasendlar

Ráðist var inn á heimili feðga í danska bænum Skibby laust eftir miðnætti í nótt, þeir bundnir og heimilið rænt verðmætum. Faðirinn er rúmlega fertugur en sonur hans fjögurra ára og voru ræningjarnir tveir.

Bing er nýjasta leitarvél Microsoft

Steve Ballmer, framkvæmdastjóri Microsoft, hleypti í gær af stokkunum tilraunaútgáfu nýrrar leitarvélar hugbúnaðarfyrirtækisins sem gengur undir nafninu Bing og er ætlað að verða eins konar keppinautur og jafnvel arftaki Google-leitarvélarinnar sem einnig er runnin undan rifjum Microsoft.

Obama fundaði með Abbas í gær

Barack Obama Bandaríkjaforseti átti í gær fund með Mahmoud Abbas, forseta Palestínu, þar sem þjóðhöfðingjarnir ræddu málefni Vesturbakkans.

Bandaríski bílarisinn GM endar í ríkiseigu

Samkvæmt því sem lekið hefur út um drög að samkomulagi milli bandaríska fjármálaráðuneytisins og helstu lánardrottna bílarisans GM stefnir í að ríkið eignist yfir 70 prósent í endurreistu fyrirtæki eftir hraðgjaldþrot. Óljóst um örlög Opel.

Fjögur börn sögð hafa farist

Minnst fjórir létust í Hondúras í gær þegar sterkur jarðskjálfti, 7,1 á Richterkvarða, reið yfir undan ströndum Mið-Ameríkulandsins. Hús hrundu bæði í Hondúras og nágrannalandinu Belís og fólk allt til höfuðborgarinnar í Gvatemala flúði híbýli sín á náttfötunum.

Fimmtán féllu í mosku í Íran

Að minnsta kosti 15 manns biðu bana og meira en 50 særðust í sprengjuárás ódæðismanna á mosku í borginni Zahedan í suðausturhluta Írans í kvöld. Sprengja sprakk í moskunni þegar fjölmargir sjíta-múslimar voru þar við kvöldbænir.

Vill að Ísraelar hætti við landtökubyggðir

Barack Obama, Bandaríkjaforseti, ætlar að beita sér fyrir því að Ísraelar hætti við frekari framkvæmdir við landtökubyggðir á Vesturbakka Palestínu en þær eru afar umdeildar og stangast á við alþjóðalög. Obama fundaði með Mahmoud Abbas, forseta Palestínu, í kvöld. Þar ræddu þær um leiðir til að koma á friði í heimshlutanum.

Pelosi vill að Kínverjar beiti sér í málefnum N-Kóreu

Nancy Pelosi, forseta fulltrúadeildar Bandaríkjaþings, fordæmir kjarnorkutilraunir Norður-Kóreumanna. Jafnframt hvetur hún ráðamenn í Kína til að beita áhrifum sínum og fá Norður-Kóreumenn til að láta af tilraunum sínum með skammdrægar eldflaugar.

Mannskæðar sprengjuárásir í Pakistan

Að minnsta kosti tíu eru látnir og hið minnsta 70 eru slasaðir eftir tvær sprengjuárásir í borginni Peshawar sem er í norðausturhluta Pakistans. Tvær sprengjur sprungu á markaði í miðbæ borgarinnar og þar er talið að sex einstaklingar hafi fallið. Á sama tíma sprengdi karlmaður með sprengjubelti sig í loft upp við starfsstöð hersins í útjaðri borgarinnar og þar munu að minnsta kosti fjórir hafa dáið.

Að minnsta kosti fjórir látnir í Hondúras

Nú er ljóst að fjögur börn eru látin í kjölfar jarðskjálfta úti fyrir ströndum Hondúras í Mið-Ameríku. Skjálftinn var 7,1 á Richter kvarðanum og óttast hjálparstarfsmenn á svæðinu að tala látinna eigi eftir að hækka.

Öflugur skjálfti undan ströndum Hondúras

Öflugur jarðskjálfti, 7,1 á Richter-kvarða reið yfir undan ströndum Hondúras í morgun. Upptök skjálftans eru um 64 kílómetra undan ströndum landsins og var hann á tiltölulega grunnu dýpi að því er landfræðistofnun Bandaríkjanna segir. Fylgst er með því hvort skjálftanum fylgi flóðbylgja. Engar fréttir hafa borist af tjóni af völdum skjálftans en hann fannst greinilega í Hondúras og í Gvatemala.

Sjálfsvíg aldrei fleiri í Japan

Sjálfsvígum fjölgar nú sem aldrei fyrr í Japan en rúmlega eitt hundrað manns styttu sér aldur þar í landi í apríl. Sjálfsmorðstíðni Japana hefur lengi verið ein sú hæsta í þróuðum löndum og mælist nú 24 tilfelli á hverja 100.000 íbúa landsins.

Skart rappara hríðfellur í verði

Harðnandi árferði gerir það að verkum að rapptónlistarmenn draga nú úr gullskreytingum sínum og bera jafnvel gerviskartgripi.

Nautgripaþjófum vex fiskur um hrygg vestra

Þegar hjónin Chrissy og Benny Pinckard risu úr rekkju í smábæ nokkrum í Alabama fyrr í vor og fóru á stjá kom í ljós að tvö verðlaunanaut í eigu þeirra voru horfin.

Skotinn í brjóstið í Kaupmannahöfn

Tuttugu og sex ára gamall maður liggur á sjúkrahúsi í Kaupmannahöfn eftir að hafa verið skotinn í brjóstið í Sydhavn skömmu eftir miðnætti í nótt.

Felldu 34 talibana í Pakistan

Hersveitir NATO létu til skarar skríða ásamt afgönskum lögreglumönnum í nótt og drápu 34 talibana í árás á þorp í suðausturhluta Pakistans.

Bandaríkin nálgast jafnvægi

Jafnvægi er að komast á bandarískt efnahagslíf eftir erfiðasta krepputímabil í áratugi. Þetta sagði Barack Obama Bandaríkjaforseti þegar hann ávarpaði fjáröflunarsamkomu Demókrataflokksins í gær.

John Yettaw í vitnastúkuna

Bandaríkjamaðurinn John Yettaw, sem heimsótti stjórnarandstöðuleiðtogann Aung San Suu Kyi á Búrma í stofufangelsi hennar, kom fyrir rétt í gær og bar vitni í réttarhöldunum yfir henni.

Fundu nærri 700 kíló af kóki

Franskir tollverðir lögðu hald á 684 kíló af kókaíni við reglubundið eftirlit í flutningabíl sem var að koma frá Spáni. Tollayfirvöld í Frakklandi segja að þetta sé einn stærsti fíkniefnafundur í þeirra sögu. Talið er að verðmæti fíkniefnanna nemi 4600 milljónum íslenskra króna. Tveir voru handteknir, grunaðir um að tengjast smyglinu, en ekki hefur verið upplýst um það hverjir þeir eru eða af hvaða þjóðerni.

Sjá næstu 50 fréttir

Mest lesið