Hamas gerir hlé á árásum

Hamasliðar á Gasa ströndinni hafa fallist á sólarhrings vopnahlé í átökum þeirra og Ísraelsmanna. Egyptar gengu á milli stríðandi fylkinga og lofa Hamas að gera hlé á eldflaugaárásum sínum á Ísraelskt landsvæði.

Líkir stjórn Browns við þriðja ríki Hitlers

Erkibiskupinn af Kantaraborg líkir efnahagsstjórn Gordons Brown við þriðja ríki Adolfs Hitler.

Bresk hundaathvörf full af yfirgefnum hundum

Æ meira er um að breskir hundaeigendur losi sig við hunda sína með því að skilja þá eftir á víðavangi þegar fjárhagsaðstæður þrengja að. Talsmaður stærsta hundaathvarfs Lundúna segir húsnæði athvarfsins nú yfirfullt og að hann muni ekki annað eins ástand. Athvarfið beitir sér fyrir því að finna yfirgefnum hundum nýja eigendur og heimili.

Dómstóll heimilar ekki skilnað átta ára barns

Sádi-arabískur dómstóll hefur hafnað kröfu um að heimila skilnað átta ára stúlku og tæplega sextugs manns en það var móðir stúlkunnar sem gerði kröfu um skilnaðinn.

Indverjar útiloka ekki stríð við Pakistan

Indverjar útiloka ekki árás á nágrannaríki sitt Pakistan til að hefna fyrir hryðjuverkaárásirnar á Mumbai í lok nóvember en indversk stjórnvöld draga ekki fjöður yfir þá skoðun sína að Pakistanar beri ábyrgð á ódæðisverkunum á Taj Mahal-hótelinu og fleiri stöðum í Mumbai þar sem tæplega 200 manns biðu bana.

Brown segist ekki halda kosningar eftir áramótin

Bretar munu ekki ganga til kjörklefanna og velja sér nýja þingmenn og ríkisstjórn í febrúar eða mars eins og verið hefur í umræðunni. Þetta segir Gordon Brown, forsætisráðherra Bretlands, í viðtali við Daily Mirror.

Fjórfalt fleiri breskir en bandarískir hermenn falla í Afganistan

Bretar hafa misst fjórfalt fleiri hermenn í Afganistan en Bandaríkjamenn síðastliðnar sjö vikur. Þetta kemur fram í skýrslu Bandaríkjahers sem fjallar meðal annars um væntanlega fjölgun bandarískra hermanna í Afganistan.

Þungur róður fram undan hjá dönskum háskólanemum

Verulega mun kreppa að dönskum háskólanemum á næsta ári þar sem framlög hins opinbera til skólanna verða skorin niður vegna efnahagsörðugleika í Danmörku.

Búa sig undir skjóta lokun

Robert Gates, varnarmálaráðherra í ríkisstjórn George W. Bush, hefur beðið starfsfólk sitt í varnarmálaráðuneytinu um að búa sig betur undir hugsanlega lokun Guantánamo-fangabúðanna á Kúbu.

Viðræðum fram haldið

Evrópusambandið hefur samþykkt að bæta tveimur nýjum málefnasviðum við aðildarviðræðurnar við Tyrki.

Athafnir austan hafs og vestan

Þess var víða minnst í gær að rétt 20 ár voru liðin frá því risaþota Pan Am-flugfélagsins hrapaði á skoska smábæinn Lockerbie eftir að sprengja sprakk í þotunni. Alls fórust 270 manns, þar af ellefu á jörðu niðri.

NASA safnar gúmmíöndum

Í september sjósetti NASA, geimvísindastofnun Bandaríkjanna, 90 merktar baðendur undir Jakobshavnjökli á Grænlandi í þeim tilgangi að rannsaka farveg bráðnunarvatns um jökulbreiðuna.

Lögregla sökuð um afglöp

Lögreglumenn sem áttu í höggi við skotglaða hryðjuverkamenn í Taj Mahal-lúxushótelinu í Mumbai í fyrra mánuði tjáðu gestum að þeim væri óhætt að yfirgefa herbergi sín, með þeim afleiðingum að þeir gengu í flasið á morðingjunum sem sölluðu fólkið niður.

Ísraelar hóta Hamas stríði

Tugum sprengiflauga var skotið frá Gazasvæðinu að ísraelskum bæjum í gær, og Ísraelsher brást við með loftárás á meintar stöðvar skæruliða Hamas-samtakanna á Gaza.

Uppáhald Stalíns lést í gær

Rússneska balletdansmeyjan, Olga Lepeshinskaya, sem dansaði áratugum saman við Bolshoi leikhúsið og vakti mikla athygli einræðisherrans Jósefs Stalín lest í gær, 92 ára að aldri.

Hugsanlega verða vextir af neyðarlánum til bótaþega

Svo gæti farið að neyðarlán breska ríkisins til handa bótaþegum verði ekki lengur vaxtalaus nema í undantekningar tilvikum. Félagþjónustan í Bretlandi veitir árlega samanlagt hálfum milljarði punda í vaxtalaus neyðarlán úr opinberum sjóði til rúmlega milljón bótaþega.

Enn átök í Grikklandi

Enn kom til átaka milli mótmælenda og lögreglu víða í Grikklandi í nótt. Til óeirða hefur komið daglega í rúman hálfan mánuð.

Slösuðust þegar Boeing vél fór út af flugbraut

Nærri fjörutíu manns slösuðust þegar Boeing sjö þrír sjö farþegaþota Continental flugfélagsins bandaríska rann út af flugbraut í Denver í Colorado-ríki í Bandaríkjunum í gærkvöldi.

Salan á Fortis að buga Belga

Albert II, konungur Belgíu fundaði í gær með helstu ráðamönnum landsins í tilraun sinni til að ráða bót á þeim pólitíska vanda sem upp er kominn í kjölfar efnahagsþrenginga í landinu.

Karadzic nýtur ekki friðhelgi

Dómarar á vegum Sameinuðu þjóðanna (SÞ) hafa úrskurðað að samningur um friðhelgi sem Radovan Karadzic, fyrrum leiðtogi Bosníu-Serba, segist hafa gert við friðarerindreka SÞ árið 1996 sé ógilt. Hin meinta friðhelgi muni því ekki koma í veg fyrir að réttað verði yfir Karadzic vegna ákæru um þjóðarmorð.

Auknar líkur á kosningum

Robert Mugabe, forseti Simbabve sagði í gær að flokksfélagar hans í Zanu-Pf ættu að byrja að undirbúa snemmbúnar forsetakosningar og að þeir ættu að safna liði til að tap kosninganna í mars síðastliðnum endurtæki sig ekki.

Féll í loftárás á Gaza

Herskár Palestínumaður féll í loftárás Ísraelsmenna á Gaza-svæðið í morgun. Hálfs árs vopnahlé Ísraela og Hamas-samtakanna, sem stjórna Gaza, var ekki framlengt og lauk í gær.

Danskir hermenn féllu í Afganistan

Þrír danskir hermenn féllu og einn særðist þegar bifreið þeirra ver ekið yfir vegsprengju í Helmand héraði í suðvestur Afganistan í nótt. Bifreið hermannanna var hluti af bílalest en verið var að flytja birgðir.

Írska innanríkisráðuneytið fellur frá ákærum

Íraska innanríkisráðuneytið hefur fallið frá ákærum gegn tuttugu og þremur mönnum sem handteknir voru á fimmtudaginn grunaðir um að hafa ætlað að ræna völdum í landinu. Nítján hafa þegar verið látnir lausir.

Páfi biður fyrir Íslendingum

Benedikt XVI. páfi óskar íslenskum stjórnmálamönnum „visku og framsýni“ við að ráða fram úr fjármálakreppunni. Páfi lét þessi orð falla er Elín Flygenring, sem nýlega tók við sem fastafulltrúi Íslands við Evrópuráðið í Strassborg, afhenti trúnaðarbréf sitt sem sendiherra Íslands gagnvart Páfagarði á fimmtudag.

Abstrakt-verk hests slá í gegn

Til stendur að setja upp sýningu á abstrakt-málverkum í Feneyjum á næstunni. Málverkin eru eftir Cholla, hest frá Nevada í Bandaríkjunum. Þau hafa selst á hundruð þúsunda króna.

Þrír danir látnir í Afganistan

Þrír danskir hermenn létust sprengingu í Helmand-sýslu í Afghanistan í dag og sá fjórði liggur særður á sjúkrahúsi. Þetta er mannskæðasta árás sem danski herinn í landinu hefur orðið fyrir.

Ríkisstjórn Belgíu segir af sér

Ríkistjórn Belgíu hefur boðist til að segja af sér, eftir að hæstiréttur komst að þeirri niðurstöðu að stjórnin hefði reynt að hafa áhrif á úrskurð dómstóla í tengslum við fall Fortis bankans.

Þorskkvóti í Norðursjó aukinn

Sjávarútvegsráðherrar Evrópusambandsins náðu í dag samkomulagi um að auka þorskveiðikvóta í Norðursjó um 30 prósent. Veiðar á ýmsum öðrum tegundum verða skornar niður. Þúsundir starfa hafa tapast í sjávarútvegi í ríkjum Evrópusambandsins á síðustu tíu árum, vegna minnkandi fiskistofna. Stjórn Evrópusambandsins segir að alltof stór floti sambandsríkjanna geri uppbyggingu fiskistofna erfiða.

Dauðsfall ekki rakið til rafbyssu

Myndir af því þegar Pólverjinn Róbert Dziekanski gekk berserksgang með ópum og óhljóðum á flugvellinum í Vancouver í október á síðasta ári vöktu óhug um allan heim.

Bush bjargar Bílaframleiðendum

Bandaríkjastjórn hefur tilkynnt um aðgerðir til bjargar bílaiðnaðinum þar í landi. Stjórnvöld munu lána bílaframleiðendunum GM og Chrysler 17,4 milljarða dollara. Stærsti hluti lánsins verður veittur strax í desember og í janúar og verður lánið veitt úr 700 milljarða björgunarsjóðnum sem settur var á laggirnar á dögunum og var upphaflega ætlað til aðstoðar fjármálafyrirtækjum.

Eldflaugum skotið á Ísrael

Tveimur eldflaugum var í dag skotið á Ísrael af palestínskum vígamönnum. Hamas samtökin á Gasa svæðinu lýstu því yfir í morgun að sex mánaða vopnahlé sem samtökin gerðu við Ísrael sé á enda. Enginn slasaðist í árásunum en einn bíll eyðilagðist að því er fram kemur á CNN fréttastöðinni. Þá bárust fregnir af því að skotið hafi verið á ísraelska landnema á Gasa.

"Deep Throat" er dáinn

Mark Felt, yfirmaðurinn hjá bandarísku alríkislögreglunni, sem kallaður var "Deep Throat" í Watergate málinu á áttunda áratugnum , er látinn. Felt, sem var 95 ára þegar hann lést, var heimildarmaður blaðamannana Bernstein og Woodward sem birtu greinar í Washington Post sem afhjúpuðu spillingarmál sem Richard Nixon bandaríkjaforseti tengdist. Málið leiddi að lokum til afsagnar hans.

Fótur fjarlægður úr heila nýbura

Örsmár fótur og nokkrir aðrir líkamshlutar voru fjarlægðir úr heila nýfædds drengs með skurðaðgerð á sjúkrahúsi í Colorado Springs í Bandaríkjunum. Sneiðmyndataka af höfði drengsins leiddi í ljós eitthvað sem líktist æxli í heilanum og þegar barnataugaskurðlæknirinn Paul Grabb gerði á honum aðgerð komu líkamshlutarnir í ljós.

Tyrknesk mafía neyddi Bagger til svikanna að hans sögn

Það voru glæpamenn af tyrkneskum og pakistönskum uppruna sem neyddu stórsvindlarann Stein Bagger út á glæpabrautina.

Heimilislausum innflytjendum fjölgar í Danmörku

Betlarar, götulistamenn og blaðasalar frá Austur-Evrópu verða æ algengari sjón á götum Danmerkur þar sem þetta fólk freistar gæfunnar í æ ríkari mæli en oft á það erfitt uppdráttar og margir innflytjendanna eru heimilislausir.

Kjarnorkuvopnageymslur Bandaríkjamanna enn í ólestri

Bandaríski flugherinn hefur rétt einu sinni fengið skömm í hattinn fyrir gjörsamlega ófullnægjandi geymslu á kjarnavopnum.

Sjóræningjar fá að líkindum lausnargjald fyrir vopnaskip

Líklegt þykir að sómölsku sjóræningjarnir sem rændu úkraínsku skipi, fullu af gömlum skriðdrekum og alls kyns vopnum, fái greiddar 20 milljónir dollara í lausnargjald fyrir skipið. Þetta hefur CNN eftir háttsettum heimildamanni innan Bandaríkjahers.

Fangar lesa fyrir börn sín á DVD-diskum

Fangelsi í Edinborg hefur nú hleypt af stokkunum verkefni sem gerir föngum kleift að lesa sögur fyrir framan myndavél og senda börnum sínum á DVD-diski.

Áætla 70 prósent fjölgun þeirra sem missa húsnæði í Bretlandi

Samtök lánastofnana í Bretlandi áætla að fólki, sem missir húsnæði sitt vegna greiðsluerfiðleika, muni fjölga um tæplega 70 prósent á næsta ári og muni ástandið ekki hafa verið verra síðan í fjármálakreppunni þar í landi árið 1991 þegar 75.500 manns misstu heimili sín.

Barnfóstra sýknuð eftir þrjú ár í fangelsi

Breskur áfrýjunardómstóll sýknaði í gær barnfóstruna Suzanne Holdsworth sem dæmd var í lífstíðarfangelsi árið 2005 fyrir að hafa orðið tveggja ára dreng, sem hún gætti, að bana.

Indverjar koma sér upp FBI

Indverska þingið hefur samþykkt lagafrumvarp þess efnis að komið verði á fót alríkislögreglu í landinu sem starfa muni á svipaðan hátt og bandaríska alríkislögreglan FBI, það er óháð stjórnsýsluumdæmum.

Segja færri skoðanir fjölga slysum

Fjöldi slysa og dauðsfalla í umferðinni myndi stóraukast ef dregið yrði úr tíðni ástandsskoðana, að því er kemur fram í nýrri skýrslu frá breska samgönguráðuneytinu.

Skókastarinn biðst afsökunar

Íraski blaðamaðurinn sem kastaði skóm í átt að George Bush, Bandaríkjaforseta, og Nouri al-Maliki, forsætisráðherra Íraks, fyrr í vikunni hefur beðist afsökunar. Afsökunarbeiðnin beinist þó ekki að Bush, heldur Maliki.

Flugmaður hafði ekki þjálfun til að lenda í þoku

Farþegum í flugvél á leið frá Bretlandi til Frakklands brá í brún þegar flugstjórinn tilkynnti að mikil þoka væri á flugvellinum í París og hann hefði ekki nauðsynlega þjálfun til þess að lenda í þoku.