Reiknað með að næsti Bandaríkjaforseti loki Guantanamo

Líklegt er talið að næsti Bandaríkjaforseti muni loka fangelsinu við Guantanamo-flóa á Kúbu. Mannréttindafrömuðir Sameinuðu þjóðanna velta því fyrir sér hvað verði um fangana 255 sem þar eru.

Auðgað úran flutt í örugga geymslu

Bandaríkjamenn og Rússar hafa farið 15 ferðir með auðgað úran úr kjarnorkuverum víðs vegar um Evrópu í örugga geymslu í Síberíu á síðustu þremur árum.

Olíuverð fellur enn

Heimsmarkaðsverð á olíu fellur enn og hefur ekki verið lægra í 16 mánuði. Ástæðan er rakin til vísbendinga um að slakinn í efnahagslífinu muni draga úr spurn eftir olíu.

Georgíumenn fá 500 milljarða eftir átök við Rússa

Bæði samtök og einstök ríki hafa lofað Georgíumönnum 4,5 milljörðum dollara, jafnvirði rúmlega 500 milljarða króna, til uppbyggingar í landinu eftir átök við Rússa í ágústmánuði.

Fyrsti fundur vegna alþjóðakreppunnar í Washington 15. nóvember

Ákveðið hefur verið að fyrsti fundur í fundarröð leiðtoga heimsins vegna yfirstandandi fjármálakreppu verði í Washington 15. nóvember. Þetta hefur Reuters-fréttaveitan eftir heimildarmanni innan Bandaríkjastjórnar.

Sarkozy í mál vegna Vúdú-dúkku

Nicolas Sarkozy Frakklandsforseti hefur hótað að lögsækja franskt útgáfufyrirtæki nema þeir taki Vúdú-dúkku í hans mynd úr sölu. Þetta hefur Reuters fréttastofan eftir lögfræðingi hans. Dúkkunni fylgir leiðbeiningabæklingur þar sem eigendum hennar er kennt hvar að stinga í hana nálum.

Íslendingar verða að sjá um eyjaskeggjana á Ermarsundi

Gordon Brown, forsætisráðherra Englands, segir það á ábyrgð Íslendinga að standa skil á Icesave reikningum íbúa Ermarsundseyjanna Guernsey, Mön og Jersey. Bretar ábyrgjast ekki innlán reikningseigenda á þessum eyjum því þær eru að nokkru leyti sjálfstæðar og óháðar Bresku krúnunni. Fjölmargir íbúar eyjanna voru með reikninga hjá Icesave og Kaupthing Edge og eru þeir ósáttir við að njóta ekki sömu trygginga og Brown hefur lofað öðrum Bretum.

Al Fayed sakaður um ósæmilega hegðun gagnvart 15 ára stúlku

Mohamed al Fayed, eigandi Harrods-verslunarinnar í Lundúnum, hefur verið kallaður til skýrslutöku hjá lögreglu vegna ásakana um ósæmilega hegðun gagnvart 15 ára stúlku. Al Fayed kom sjálfur til skýrslutöku í morgun að viðstöddum lögfræðingi.

Ný gegnumlýsingartæki á flugvöllum umdeild

Nýju gegnumlýsingartækin sem ráðgert er að taka í notkun við vopnaleit á flugvöllum innan Evrópusambandsins hafa vakið nokkurn úlfaþyt og er það nú til skoðunar hvort þau brjóti hugsanlega í bága við reglur um friðhelgi einkalífsins.

Evrópuríki stofni þjóðarsjóði til að verjast ásælni að utan

Forseti Frakklands vill að Evrópuríki taki höndum saman um að verjast ásælni fjárfesta í öðrum heimshlutum þegar efnahagsvandi steðjar að.

Hvíta-Rússland óska eftir láni hjá IMF

Yfirvöld í Hvíta-Rússlandi hafa beðið Alþjóðagjaldeyrissjóðinn um lán. Talsmaður seðlabankans þar í landi staðfesti þetta í morgun, og sagði þetta gert til að til að viðhalda stöðugleika og hagvexti í Sovétlýðveldinu fyrrverandi. Hann sagði upphæð lánsins velta á gjaldeyrissjóðnum sjálfum, en Interfax fréttastofan hefur það eftir starfsmanni seðlabankans að lánið sé upp á tvo milljarða dollara.

Obama að ná afgerandi forystu

Forskot Baracks Obama á John McCain er nú orðið meira en nokkru sinni áður ef marka má nýja skoðanakönnun CNN.

Bréf með dufti til bandarískra banka

Rúmlega þrjátíu skammarbréf sem hafa auk þess innihaldið óþekkt hvítt duft, hafa verið send bandarískum bönkum upp á síðkastið.

Al Qaeda fagna kreppu og hreykja sér af henni

Al Qaeda-hryðjuverkasamtökin fagna því fjármálaástandi sem nú ríkir í Bandaríkjunum og segjast jafnvel eiga heiðurinn af því.

Ísland á lista með Al Kaida hjá Bretum

Á heimasíðu breska fjármálaráðuneytisins er listi yfir samtök og þjóðlönd sem hafa verið beitt hryðjuverkalögunum.

Vilja sérstaka rannsókn á Fannie Mae og Freddie Mac

Háttsettir menn úr röðum þingmanna Repúblikanaflokksins í fulltrúadeildinni vilja að dómsmálaráðuneytið skipi sérstaka nefnd til að rannsaka ákvarðanir stjórnenda fasteignalánasjóðanna Fannie Mae og Freddie Mac.

Breytingar á samkomulagi Íraka við Bandaríkjamenn

Írakska ríkisstjórnin hefur gert breytingar á samkomulagi við Bandaríkjamenn sem kveður á um að Bandaríkjaher megi vera í landinu til ársins 2011.

Dæmdir í tólf og sjö ára fangelsi fyrir að undirbúa hryðjuverk

Tveir múslímar í Danmörku voru í dag dæmdir í tólf og sjö ára fangelsi fyrir að leggja á ráðin um hryðjuverk og búa til sprengiefni til verksins. Dómur í Glostrup í Kaupmannahöfn hafði fyrr í dag sakfellt mennina fyrir athæfið.

Mikið mannfall í fangauppreisn í Mexíkó

Að minnsta kosti tuttugu og einn fangi lét lífið í innbyrðis átökum glæpagengja í fangelsi í Mexíkó í nótt.

Obama heimsækir veika ömmu sína

Barack Obama forseta frambjóðandi demókrata ætlar að gera tveggja daga hlé á kosningabaráttu sinni til að heimsækja veika ömmu sína á Havaí.

Dæmdir í Danmörku fyrir að leggja ráðin um hryðjuverk

Dómstóll í Kaupmannahöfn sakfelldi í dag tvo múslíma í Danmörku fyrir að leggja á ráðin um hryðjuverk og búa til sprengiefni fyrir slíkan verknað.

Shinawatra dæmdur í tveggja ára fangelsi fyrir spillingu

Hæstiréttur Taílands hefur dæmt Thaksin Shinawatra, fyrrverandi forsætisráðherra landsins, í tveggja ára fangelsi fyrir spillingu í embætti.

Íshnullungur á braut um sólu skýrir halastjörnugerð

Íshnullungur sem sveimar öfugan hring um sólina miðað við pláneturnar átta og allt annað lauslegt í sólkerfinu er talinn geta skýrt tilurð sumra halastjarna.

Kóreumaður í fjárkröggum myrti sex

Sex eru látnir og sjö slasaðir eftir að fjárhagslega aðþrengdur starfsmaður í verksmiðju í Seoul, höfuðborg Suður-Kóreu, gekk berserksgang, kveikti í herbergi sínu í verkamannabústað og réðst svo gegn samverkamönnum sínum með hníf á lofti.

Síðasti fundur Olmerts og Abbas í nánd

Ehud Olmert , forsætisráðherra Ísraels, og Mahmoud Abbas Palestínuforseti hittast í lok mánaðarins til friðarumleitana fyrir botni Miðjarðarhafs.

Framganga Brown skilar honun engu

Bretar eru ánægðir með framgöngu Gordons Brown síðustu daga en mikið hefur borið á breska forsætisráðherranum í þeirri fjármálakrísu sem nú skekur heiminn. Það þýðir samt ekki fylgisaukningu hjá flokki hans. Margir hafa sagt að harka Brown gagnvart Íslendingum hafi stafað af því að hann hafi verið á atkvæðaveiðum, hann hafi séð sóknarfæri í því að gagnrýna Íslendinga með von um að það aflaði honum fylgis á meðal breskra kjósenda. Íhaldsflokkurinn hefur síðustu misserin haft yfirburði í skoðannakönnunum á Bretlandi og það hefur ekki breyst ef marka má nýja könnun breska blaðsins The Guardian.

Fimmtán létust í fangauppþotum

Að minnsta kosti fimmtán fangar létust í dag í fangauppþoti í mexíkósku landamæraborginni Reynosa. Tveir hópar stríðandi fylkinga áttust við með þessum afleiðingum en auk hinna látnu slösuðust fjölmargir í átökunum.

Þýsk kona ól sexbura

Þýsk kona hefur komist í heimsfréttirnar eftir að hún ól í dag sex börn á sjúkrahúsi í Berlín.

Flugmaður UA grunaður um ölvun

Lögregla í Bretlandi handtók í gær flugstjóra á vegum bandaríska flugfélagsins United Airlines um borð í einni véla félagsins á Heathrow-flugvelli vegna gruns um ölvun.

Yfir 30 talibanar felldir í herför NATO og afganskra sveita

Hersveitir á vegum afganskra stjórnvalda og NATO hafa fellt yfir 30 talibana í átökum í Helmand-héraði sem staðið hafa yfir í tvo daga. Frá þessu greindi talsmaður héraðsstjórans í dag.

Snarpur skjálfti við Indónesíu

Snarpur jarðskjálfti að styrkleika 6 stig á Richter skók strönd Indónesíu í morgun og voru upptök hans nærri eynni Sulawesi sem liggur skammt fyrir utan Tomini-flóann á norðaustanverðri Indónesíu.

Viðgerð á Hubbles gæti tekið lengri tíma en búist var við

Bilunin sem upp kom í Hubbles-stjörnusjónaukanum í lok september gæti verið viðameiri en talið var í upphafi og viðgerðin því dregist um óákveðinn tíma.

Búist við 200 milljarða dollara framlagi frá IMF

Þær þjóðir sem hvað höllustum fæti standa fjárhagslega fá að líkindum lán frá Alþjóðagjaldeyrissjóðnum svo bjarga megi því sem bjargað verður

Óvíst að Danir sendi þotur sínar til Afganistan

F-16 orrustuþotum danska flughersins verður líklega ekki beitt í Afganistan þrátt fyrir að nokkur þörf sé talin á því.

Obama með metsöfnun í kosningasjóð

Barack Obama, forsetaframbjóðandi Demókrataflokksins, safnaði rúmlega 150 milljónum dollara, jafnvirði tæpra 17 milljarða króna, í kosningasjóð sinn í september en það er metupphæð bandarísks forsetaframbjóðanda fram að þessu í einum og sama mánuðinum.

Of feitir mynda þol gagnvart mat

Neysla matar er offitusjúklingum ef til vill ekki sú nautn sem ætla mætti miðað við það magn sem þeir borða.

Engin niðurstaða í Írak

Stjórnmálaleiðtogar í Írak reyndu í dag árangurslaust að komast að niðurstöðu um framtíð Bandaríska hersins í landinu. Drög að sáttmála gera ráð fyrir því að Bandarískt herlið verði í þrjú ár til viðbótar en margir háttsettir menn í Írak hafa efasemdir um hugmyndina.

Albínóar í Tansaníu mótmæla ofsóknum

Albínóar í Tansaníu komu í gær saman á mótmælafundi í borginni Dar es Salaam þar sem aðgerðaleysi ríkisstjórnarinnar í ofsóknum gegn albínóum var mótmælt.

Colin Powell styður Obama

Colin Powell, fyrrverandi utanríkisráðherra í ríkisstjórn George W. Bush, lýsti í morgun yfir stuðningi við Barack Obama í komandi kosningum. Powell var gestur í þættinum Meet the Press á NBC sjónvarpsstöðinni og þar sagðist hann styðja Obama.

Jarðskjálfti skók Tonga

Öflugur jarðskjálfti sem mældist sjö komma einn á Richter skók eyjuna Tonga í afskekktari hluta Suður Kyrrahafs í nótt. Byggingar í höfuðborginni Nukualufa hrystust í tvær mínútur meðan skjálftinn reið yfir.

McCain segir skattastefnu Obama sósíalíska

Baráttan um forsetaembættið Bandaríkjunum tók á sig nýja mynd í dag þegar John McCain, forsetaframbjóðandi repúblikana, lýsti því yfir að áherslur keppinautarins Baracks Obama í skattamálum bæru keim af sósíalisma. Eftir því sem bandarískir miðlar greina frá er slíkt mikið hnjóðsyrði þar í landi.

Hundur Pútíns prófaði staðsetningaról

Labrador Pútíns, forsætisráðherra Rússlands, fékk í dag að prufa ól sem tengd er nýju gervihnattastaðsetningarkerfi sem Rússar eru að þróa.

Leynigöng til sölu í Lundúnum

Breska símafyrirtækið BT hefur boðið til sölu jarðgöng sem voru grafin í miðborg Lundúna á þrjátíu metra dýpi árið 1940 og nota átti sem loftvarnarskýli ef ráðist yrði á borgina.

Kreppufundur iðnríkja verður í Bandaríkjunum

Leiðtogafundur átta helstu iðnríkja heims og fleiri ríkja vegna fjármálakreppunnar mun fara fram í Bandaríkjunum og mun George Bush Bandaríkjaforseti tilkynna um það síðar í dag.

Maður talinn hafa myrt konu sína og börn í Finnlandi

Fjögurra manna fjölskylda fannst látin í bænum Uleåborg í norðvesturhluta Finnlands fyrr í dag.