Einkaflugvél brotlendir á flugskýli

Lítil einkaflugvél brotlenti á flugskýli á flugvellinum í Ringsted í Danmörku í kvöld. Tveir voru um borð í vélinni en þeir slösuðust ekki alvarlega.

Óttast fjölgun hælisleitenda í Danmörku

Danski Rauði krossinn vonar að þingkosningarnar í Danmörku leiði til nýs þingmeirihluta sem vilji bæta aðstæður hælisleitenda sem synjað hefur verið um dvalarleyfi í Danmörku. Forsætisráðherrann óttast að rýmri reglur fjölgi hælisleitendum í landinu.

Vildi láta ræna dönskum ríkisborgurum

Lögreglan í Danmörku handtók í dag þrítugan karlmann fyrir að hvetja múslima til að ræna dönskum ríkisborgurum til útlanda. Átti að nota dönsku gíslana til að þrýsta á dönsk stjórnvöld til að láta lausa tvo múslima sem handteknir voru í tengslum við hryðjuverkastarfsemi.

Telja sig hafa fundið mikilvægar vísbendingar í máli Madeleine McCann

Lögreglan í Portúgal telur sig hafa undir höndum mikilvægar vísbendingar sem gætu varpað ljósi á hvarf Madeleine McCann. Um er að ræða hár sem fannst í bakpoka sem skilinn var eftir skammt frá flugvellinum Í Faro. Í bakpokanum fundust einnig hlutir sem gætu tengst Madeleine.

Ítalskur lögreglumaður skaut fótboltaáhanganda til bana

Ítalskur lögreglumaður skaut fótboltaáhanganda til bana í borginni Arezzo á Ítalíu í dag. Atvikið átti sér stað á veitingastað. Maðurinn sem lést var stuðningsmaður Lazio.

Lætur endurskoða skotvopnalög í Finnlandi

Skotvopnalög í Finnlandi verða endurskoðuð meðal annars til að koma í veg fyrir of mikla útbreiðslu skotvopna. Þetta kom fram í máli Matti Vanhanen, forsætisráðherra Finnlands, á blaðamannafundi í Helsinki í dag. Hann segist vera undrandi á því hversu auðvelt það sé að fá skotvopnaleyfi.

Segir Bandaríkjamenn vilja hindra aftöku fylgismanna Saddams

Nuri al-Maliki, forsætisráðherra Íraks, sakaði Bandaríkjaher í dag um að reyna að hindra að fyrrum meðlimir í ríkisstjórn Saddam Hussein verði teknir af lífi. Mennirnir voru allir dæmdir til dauða í september og áttu aftökurnar að fara fram í síðasta mánuði.

Fæðingu fagnað

Starfsmenn í dýragarðinum í San Diego í Kaliforníu í Bandaríkjunum hafa haft ástæðu til að gleðjast undanfarið. Fyrir tveimur vikum fæddist þar karlkyns bonobo api en sú tegund apa er í bráðri útrýmingarhættu.

Rússneskt olíuflutningaskip brotnar í tvennt á Svartahafi

Rússneskt olíuflutningaskip brotnaði í tvennt í miklu óveðri á Svartahafi í morgun. Að minnsta kosti tvö þúsund tonn af olíu láku úr skipinu.

YouTube myndband vekur óhug í Finnlandi

Lögreglan í Finnlandi hefur í haldi sextán ára dreng sem setti myndband sem hann kallaði Maaninka fjöldamorð inn á vefsíðu YouTube. Drengurinn býr í bænum Maaninka í austurhluta Finnlands.

Ekkert gefið upp um hvenær neyðarlögum verður aflétt

Pervez Musharraf, forseti Pakistans, ætlar að boða til almennra kosninga fyrir 9. janúar næstkomandi. Hann vill þó ekkert gefa upp um hvenær neyðarlögunum verður aflétt.

Þúsundir mótmæla í Venezúela

Þúsundir manna komu saman í miðborg Caracas, höfuðborg Venezúela, í dag til að mótmæla stjórnarskrárbreytingum Húgó Chavez, forseta landsins.

Verkfall á Broadway

Nánast öllum sýningum á Broadway í New York var aflýst í dag eftir að þúsundir starfsmanna leikhúsa hófu boðað verkfall. Óttast er að verkfallið kunni að standa í margar vikur.

Frakkar vilja að frönskumælandi hluti Belgíu sameinist Frakklandi

Meirihluti Frakka sem búsettir eru við landamæri Belgíu eru hlynntir því að frönskumælandi hluti Belgíu renni saman við Frakkland flosni landið upp. Þetta kemur fram í könnun sem franska dablaðið Le Journal du Dimanche lét gera.

Ráku fjóra klerka úr landi fyrir að predika hatur gegn kristni

Stjórnvöld í Afríkuríkinu Zanzibar ráku í dag fjóra múslimaklerka úr landi eftir að þeir höfðu predikað hatur gegn kristnum mönnum. Um 98 prósent íbúa Zanzibar eru múslimatrúar.

Þjóðverjar reiðubúnir að endurskoða viðskiptatengsl sín við Íran

Þjóðverjar eru reiðubúnir að endurskoða viðskiptatengsl sín við Íran til að fá þá til að falla frá kjarnorkuáætlun sinni. Þetta kom fram í máli Angelu Merkel, kanslara Þýskalands, í dag.

Líkir loftlagsbreytingum við neyðarástand

Ban Ki-moon, aðalritari Sameinuðu þjóðanna, hvatti þjóðir heims í dag til að taka höndum saman í baráttunni gegn loftlagsbreytingum. Lýsti hann ástandinu sem mjög alvarlegu.

Sakaður um að hafa lekið upplýsingum til andstæðingsins

Einn lykilmanna danska jafnaðarmannaflokksins er sakaður um að hafa lekið upplýsingum til höfuðandstæðingsins, stjórnarflokksins Venstre, fyrir þingkosningarnar í Danmörku árið 2005. Sighvatur Jónsson fylgist með kosningabaráttunni í Danmörku.

Ný ríkisstjórn í Póllandi

Forysta pólska stjórnmálaflokksins Borgaravettvangur samþykkti í morgun að mynda ríkisstjórn með Bændaflokknum. Donald Tusk, leiðtogi Borgaravettvangsins, verður forsætisráðherra en Waldemar Pawlak, leiðtogi Bændaflokksins, verður aðstoðarforsætisráðherra og ráðherra efnhagsmála.

Blaða- og fréttamenn mótmæla í Pakistan

Pakistanskir blaða- og fréttamenn söfnuðust saman í Islamabad, höfuðborg landsins, í morgun til að mótmæla fjölmiðlabanni stjórnar Pervez Musharraf. Meðal þeirra sem tóku þátt í mótmælunum var Benazir Bhutto, fyrrverandi forsætisráðherra Pakistan.

Rithöfundurinn Norman Mailer látinn

Bandaríski rithöfundurinn Norman Mailer er látinn áttatíu og fjögurra ára að aldri. Mailer var tvöfaldur Pulitzer verðlaunahafi og af mörgum talinn einn áhrifamesti rithöfundur Bandaríkjanna á síðari hluta tuttugustu aldarinnar.

Tugir falla í átökum á Sri Lanka

Að minnsta kosti 38 Tamil tígrar féllu þegar til átaka kom milli þeirra og stjórnarhermanna á Sri Lanka í morgun. Þá er talið að um 20 Tamil tígrar hafi særst í átökunum að sögn talsmanns stjórnarhersins.

Átök magnast í Afganistan

Sex hermenn Atlantshafsbandalagsins og þrír afganskir hermenn féllu í átökum í austurhluta Afganistan. Átök milli alþjóðlegra herliða og uppreinsnarmanna hafa magnast á svæðinu síðustu tvo mánuðina.

Bhutto heldur ótrauð áfram

Benazir Bhutto, fyrrverandi forsætisráðherra Pakistans, hélt í morgun til fundar við erlenda stjórnarerindreka og stuðningsmenn sína og reyndi þannig að sýna fram á að atburðir gærdagsins hafi ekki áhrif á hana.

Bhutto laus úr stofufangelsi

Benazir Bhutto, fyrrverandi forsætisráðherra Pakistan, hefur verið látin laus úr stofufangelsi í Islamabad. Bhutto var handtekin til að koma í veg fyrir að hún gæti barist gegn neyðarlögunum sem Musharraf forseti setti á í síðustu viku.

Engan dónaskap hér

Megan Coulter, sem er 13 ára gömul var látin sitja eftir í skólanum í tvo daga fyrir að knúsa bekkjarfélaga sinn.

Það má víst segja negri

Lögreglustjórinn í Tromsö, í Noregi, hefur verið gagnrýndur fyrir að segja mönnum sínum að það sé í lagi að nota orðið negri.

Jarðhræringar í Yellowstone

Bráðið hraun virðist vera að ýta upp leifunum af fornu eldfjalli í Yellowstone þjóðgarðinum í Bandaríkjumum.

Rukkun fyrir þyrlubjörgun

Portúgalski flugherinn hefur rukkað fiskimann um eina komma tvær milljónir króna fyrir að bjarga honum af bát sínum þegar hann fékk botlangakast.

Unglingar og netið undir smásjá í Finnlandi

Umræðan í Finnlandi eftir fjöldamorðin í Jokela menntaskólanum í Tuusula fyrr í vikunni snýst nú um hvar ábyrgð á því efni sem birt er á netinu liggur. Þetta segir Bryndís Hólm fréttaritari Stöðvar 2 á staðnum. Morðinginn birti myndband á YouTube stuttu fyrir skotárásina þar sem hann gaf til kynna hvað var í vændum.

Finna rækjur til ?

Írskur líffræðingur heldur því fram að rækjur og önnur skeldýr finni til sársauka ef þau eru soðin lifandi.

Tveir sænskir piltar handteknir fyrir að hóta rektor menntaskóla

Tveir sænskir piltar, 16 og 17 ára, hafa verið handteknir eftir að þeir hótuðu rektor skólans sem þeir sækja, Enskede Gårds menntaskólanum.

Áhöfn íslensku vélarinnar í Tsjad leyst úr haldi

Þrír áhafnarmeðlimir íslensku flugvélarinnar í afríkuríkinu Tsjad sem grunaðir voru um að ræna afrískum börnum, hafa verið leystir úr haldi. Belgískur flugstjóri sem er á batavegi á frönskum herspítala í landinu eftir hjartavandamál er einnig frjáls að yfirgefa landið.

Þetta var ekki fyndið

Sænsk sjónvarpskona hefur verið dæmd í 200 þúsund króna sekt fyrir að sprauta vatni framan í Fredrik Reinfeldt, forsætisráðherra, og börn hans.

Kúrdar ljá máls á að leggja niður vopn

Skæruliðar hins svokallaða Kúrdiska verkamannaflokks segjast reiðubúnir að hefja samningaviðræður sem gætu orðið til þess að þeir legðu niður vopn.

Sólböð hægja á öldrun

Sólböð geta seinkað öldrun um allt að fimm ár, samkvæmt nýrri rannsókn sem gerð var í Bretlandi.

Einn af fjórum segja Bush versta forsetann

Tæplega einn af hverjum fjórum, eða 24 prósent þátttakenda í könnun á vegum CNN sjónvarpsstöðvarinnar, segja að George Bush sé versti forseti í sögu Bandaríkjanna. Fjórðungur segir Bush standa sig illa en 40 prósent segja Bush hins vegar standa sig vel miðað við fyrirrennara hans. Einungis eitt prósent segja Bush besta forseta í sögu Bandaríkjanna.

Mesta flóðahættan í Englandi liðin hjá

Flóðin á austurströnd Englands eru nú í rénun. Opnað hefur verið fyrir vegi sem flæddi yfir og íbúar eru að snúa aftur á heimili sín eftir að hafa yfirgefið þau. Fjöldi vega lokaðist um stund þegar flóðin náðu hámarki og vatn flæddi inn í fjölmargar byggingar og heimili.

Óttast að fleiri árásir fylgi í kjölfarið

Kyrkonkyla skólinn í finnska bænum Kyrkslatt hefur verið rýmdur vegna hótunar. Lögregla er sögð taka hótunina alvarlega en Finnar eru enn í sárum vegna skotárásar í bænum Tuusula þar sem níu lágu í valnum.

Fyrrverandi lögreglustjóri New York kærður fyrir spillingu

Fyrrverandi lögreglustjóri New York borgar verður ákærður í dag fyrir spillingu í starfi, mútuþægni og skattsvik.

Arnold í dómsmáli gegn Bush

Arnold Schwarzenegger ríkisstjóri Kaliforníu leiðir nú hóp 14 ríkisstjóra í málaferlum þeirra gegn Bush-stjórninni.

Risaolíufundur undan strönd Brasilíu

Stjórnvöld í Brasilíu hafa tilkynnt að nýr olíufundur við strendur landsins geti gert það að verkum að Brasilía skipir sér í hóp mestu olíuframleiðenda í heiminum.

Bhutto umkringd af lögregluliði

Lögreglumenn á brynvörðum ökutækjum hafa umkringt heimili Benazir Bhutto í Pakistan nokkrum tímum áður en hún átti að koma fram á fjölmennum mótmælafundi í borginni Rawalpindi í dag.

Þúsundir Breta flýja undan sjávarflóðbylgju

Tugir þúsunda Breta búa sig nú undir eitt versta sjávarflóð í áratugi sem skella mun á austurströnd landsins eftir um tvo tíma. Starfsmenn flóðavarna Hollands eru í viðbragðsstöðu af sömu sökum.

Þriðja mest lesna blaðið

Danmörk Lesendahópur Nyhedsavisen, systurblaðs Fréttablaðsins í Danmörku, heldur áfram að vaxa. Samkvæmt nýrri könnun er blaðið með 550 þúsund lesendur, en í síðustu könnun mældist það með 503 þúsund lesendur.