Al-Maliki verður forsætisráðherra

Vonast er til að fjögurra mánaða stjórnarkreppa í Írak sé á enda eftir að samkomulag náðist um hver tæki við embætti forsætisráðherra landsins. Jalal Talabani var endurkjörinn forseti á íraska þinginu í dag.

Bruni í Þrándheimi

Stórbruni varð í miðborg Þrándheims í Noregi í gærkvöld. Enginn slasaðist en nokkur hús gjöreyðilögðust.

Sýkt kjöt í dönskum verslunum

Dönsk heilbrigðisyfirvöld rannsaka nú hvernig á því standi að níu tonn af ítölsku kalkúnakjöti hafi ratað í 173 danskar matvöruverslanir án tilskildrar vottunar.

Rangar líkamsleifar afhentar

Chilesk yfirvöld hafa beðið ættingja 126 fórnarlamba herforingjastjórnarinnar illræmdu afsökunar eftir að í ljós kom að þeim voru afhentar rangar líkamsleifar.

Tvöfalt tilræði í Úkraínu

Fjórtán slösuðust í tveimur sprengjutilræðum sem framin voru í úkraínsku borginni Kharkív í dag.

Fjölmenn mótmæli í Palestínu

Þúsundir fylgismanna Fatah-hreyfingar Mahmoud Abbas, forseta Palestínu, efndu til mótmæla á Vesturbakkanum og Gaza-ströndinni í dag.

Al-Maliki í stað al-Jaafari

Vonast er til að höggvið hafi verið á hnútinn í stjórnarmynduninni í Írak eftir að tilkynnt var um að Jawad al-Maliki, yrði forsætisráðherraefni fylkingar sjía, í stað Ibrahims al-Jaafari, núverandi forsætisráðherra.

Skotið á mótmælendur nærri konungshöll

Lögregla í Nepal skaut á mótmælendur í miðbæ Katmandú í morgun og særði að minnsta kosti átta menn. Tugþúsundir manna hundsuðu útgöngubann og gengu um götur borgarinnar í átt að konungshöllinni.

Bauð ókeypis brjóstaskoðun án þess að vera læknir

Lögregla á Florída handtók í gær mann á áttræðisaldri sem hafði gengið hús úr húsi í gervi læknis og boðið konum uppá ókeypis brjóstaskoðun. Upp um manninn komst þegar kona sem hann var að skoða grunaði að eitthvað misjafnt væri á ferðinni þegar maðurinn bað hana um að fara úr öllum fötunum

Sturtaði seðlunum niður

Í Þýskalandi eru ekki allir með það á hreinu hvort enn sé hægt að skipta þýska markinu í Evrur. Það var í það minnsta ekki elllilífeyrisþegi einn í Berlín sem fleygði andvirði 30.000 Evra í klósettið heima hjá sér og sturtaði niður.

Gyanendra vill sættir

Ekkert útlit er fyrir að ólgunni í Nepal linni á næstunni þrátt fyrir að konungur landsins hafi heitið því í dag að koma á lýðræði þar á ný. Stærsti flokkur landsins segir sáttatilboð kóngsins ganga alltof skammt og því verði mótmælum haldið áfram.

Deilt um skipan þingforseta á Ítalíu

Hveitibrauðsdagar sigurvegara þingkosninganna á Ítalíu urðu töluvert færri en búist var við. Brestir eru komnir í Ólívubandalag mið- og vinstri flokka, sem staðfest var í vikunni að náð hefði naumum meirihluta í báðum deildum þings.

Stjórnarandstæðingar fá að bjóða fram í Nepal

Gyanendra, konungur Nepals, hefur ákveðið að leyfa stjórnarandstöðuflokkum í landinu að bjóða fram eigin forsætisráðherraefni. Hann segir þó að starfandi ríkisstjórn verði áfram við völd enn um sinn. Nepal hefur logað í óeirðum í rúman hálfan mánuð og hafa fjórtán fallið í átökum við öryggissveitir á þeim tíma. Mótmælendur hafa krafist þess að konungur afsalaði sér alræðisvaldi sem hann tók sér fyrir rétt rúmu ári.

Nígerumenn ætla að gera upp við lánadrottna

Stjórnvöld í Nígeríu stefna að því að greiða margra milljarða skuld sína við hinn svokallaða Parísarklúbb sem nítján lánadrottnar tilheyra, þar á meðal Bretar, Rússar og Þjóðverjar. Þar með yrðu Nígeríumenn fyrsta Afríkuríkið til að gera upp alþjóðlega lánadrottna. Um er að ræða greiðslu sem nemur jafnvirði rúmlega 350 milljarða íslenskra króna. Eftir það skulda þó Nígeríumenn áfram jafnvirði tæplega 400 milljarða króna.

Tveir létust í eldsvoða

Að minnsta kosti tveir stúdentar létu lífið og fjórir slösuðust þegar eldur kviknaði í Ríkisháskólanum í Moskvu í morgun. Byggingin er eitt eftirtektarverðasta kennileiti höfuðborgar Rússlands. Greiðlega gekk að slökkva eldinn sem kviknaði á tótfu hæð í heimavist skólans.

Elísabet Bretlandsdrottning fagnar 80 ára afmæli

Elísabet önnur Bretlandsdrottning fagnar áttræðis afmæli sínu í dag. Opinber hátíðarhöld í tilefni af afmælinu hefjast fyrir hádegi í dag en drottningin mun halda upp á afmæli sitt í Windsor kastala í dag.

Lausna leitað í milliríkjadeilu milli Japan og Suður-Kóreu

Tilraun verður gerð í dag til að leysa þá milliríkjadeilu sem upp er komin á milli Japans og Suður-Kóreu. Málið varðar eyjaklasa og hafssvæðið þar í kring sem bæði ríki gera tilkall til.

Lítill árangur hjá Bush og Jintao

Lítill sem enginn árangur virðist hafa orðið af viðræðum Hu Jintao, forseta Kína, og George Bush Bandaríkjaforseta í Washington í gær, að sögn Reuters-fréttastöðvarinnar. Stærstu málin sem þeir hugðust ræða snerust um efnahags- og öryggismál. Annars bar hæst á fundi leiðtoganna með blaðamönnum í gær að kona úr röðum Falun Gong hreyfingarinnar setti þessa hefðbundu athöfn úr skorðum um stund með framíköllum, og var hún fjarlægð af öryggisvörðum.

Hjálparstarf í Darfúr héraði í hættu

Hjálparstarfið í Darfúr-héraði í Afríkuríkinu Súdan gæti svo gott sem hrunið innan fárra vikna, ef ekki fæst meira fjármagn til hjálparstarfa.

Andstaða við forsætisráðherra Íraks

Ibrahim al-Jaafari, forsætisráðherra Íraks, hefur ákveðið að eftirláta bandamönnum sínum í stjórnmálafylkingu sjía-múslima að ákveða hvort hann eigi að víkja úr embætti. Kúrdar og súnní-múslimar hafa lýst yfir andstöðu sinni við að hann sitji áfram og er það ein ástæða þess hve illa hefur gengið að mynda ríkisstjórn síðan þingkosningar fóru fram í Írak í desember.

Öflugur jarðskjálfti á Kamchatka-skaga

Öflugur jarðskjálfti reið yfir Kamchatka-skaga í Austur-Rússlandi seint í gærkvöldi að íslenskum tíma en hann mældist 7,7 á Richter. Tíu harðir eftirskjálftar fylgdu stóra skjálftanum, eða allt upp í 6,1 á Richter. Fyrstu fregnir herma að fáir virðast hafa slasast en þó hafi nokkurt tjón orðið á mannvirkjum. Þetta eru umfangsmestu jarðhræringar í þessum hluta Rússlands í rúm hundrað ár, eða síðan árið 1900.

Hálfs milljarðs pappírsörk

Fyrsta pappírsörkin með leikritum Villiams Shakespeares verður boðin upp hjá Sothebys í London þrettánda júlí. Þessi einstaki gripur, sem er innbundinn í kálfaskinn frá sautjándu öld, inniheldur safn þrjátíu og sex leikrita.

Dóná vex enn

Meira en fimmtíu þúsund hektarar lands eru nú alveg á kafi í Austur-Evrópu eftir vatnavextina í Dóná. Þúsundir manna hafa yfirgefið heimili sín undanfarna daga í Rúmeníu, þar sem nærri tvö hundruð hús eru gjörónýt eftir vatnselginn.

Mótmælendur láta í sér heyra í Washington

Falun Gong-liðar komust í dag nær Kínaforseta í Bandaríkjunum heldur en þegar forseti landsins kom til Íslands árið 2002. Einn mótmælenda náði að setja fund forseta Kína og Bandaríkjanna úr skorðum um stund í Washington í dag.

Viktoríuvatn að hverfa

Stærsta stöðuvatn Afríku gæti þornað upp á næstu áratugum ef fram heldur sem horfir. Vatnsborð Viktoríuvatns hefur ekki verið lægra í heil áttatíu ár.

Listi yfir nöfn fanga gerður opinber

Bandarísk stjórnvöld hafa gert opinberan lista yfir nöfn þeirra fanga sem eru í haldi í Guantanamo fangelsinu. Á listanum eru meira en fimmhundruð fangar frá fjörutíu og einu landi og sumir hafa verið í haldi í meira en fjögur ár.

Skotbardagar og óeirðir í Nepal

Allt logar í óeirðum í höfuðborg Nepals, þar sem skotbardagar geysuðu í morgun á milli lögreglu og mótmælenda úr röðum stjórnarandstæðinga í landinu. Tugþúsundir manna hafa virt útgöngubann í höfuðborginni að vettugi.

Heimsmarkaðsverð á hráolíu þrefaldast á 4 árum

Heimsmarkaðsverð á hráolíu hefur þrefaldast á fjórum árum. Olíumálaráðherra Írans segist ánægður með þessa þróun.

Mannskæður eldur í Moskvu

11 létust og 4 slösuðust í miklum eldi sem braust út í gámum byggingaverkamanna rétt utan við Moskvu í Rússlandi. Verkamennirnir voru sofandi þegar eldurinn braust út og þeir sem létust vöknuðu aldrei og reykeitrum varð þeim að bana.

Heimsmarkaðsverð á olíu rauk upp í gær

Heimsmarkaðsverð á olíu rauk upp þriðja daginn í röð í gær. Verðið á tunnu endaði í rúmlega 72 bandaríkjadölum í New York í gær og hækkaði um nærri einn dal frá deginum áður.

Ringulreið ríkir í Nepal

Algjör ringulreið ríkir í Katmandu, höfuðborg Nepals, þar sem skotbardagar geysuðu í morgun á milli lögreglu og mótmælenda úr röðum stjórnarandstæðinga í landinu. Mótmælendurnir krefjast þess að Gyanendra konungur afsali sér einræðisvaldi sem hann tók sér fyrir rösku ári.

Sagðir selja líffæri úr dauðadæmdum föngum

Kínverjar selja líffæri úr þúsundum dauðadæmdra fanga á hverju ári, án samþykkis þeirra. Þetta fullyrða bresk samtök sem hafa eftirlit með líffæraflutningum. Kínversk stjórnvöld neita ásökununum.

Hæstiréttur Ítalíu staðfestir sigur Prodi

Hæstiréttur á Ítalíu staðfesti í dag sigur Romanos Prodis í þingkosningunum á Ítalíu.

Scott McClellan segir af sér

Scott McClellan, blaðafulltrúi Bush Bandaríkjaforseta, hefur sagt af sér. Bush sagði þetta ákvörðun McClellans. Miklar breytingar hafa verið gerðar á starfsliði forsetans síðustu daga en í gær skipaði hann nýjan fjárlagastjóra. Í lok síðasta mánaðar var skipt um starfsmannastjóra í Hvíta húsinu og búist er við að Karl Rove, einn helsti ráðgjafi forsetans, þurfi að segja af sér vegna hneykslismáls

Sigur Prodis í kosningunum staðfestur

Ítölsk fréttastöð greindi frá því fyrir stundu að æðsti dómstóll á Ítalíu hefði staðfest að Ólívubandalag mið- og vinstri flokka, með Romano Prodi í broddi fylkingar, hefði sigrað í þingkosningum þar í landi í síðustu viku. Fréttastöðin getur ekki heimilda en dómstóllinn sendir ekki frá sér formlega tilkynningu fyrr en eftir klukkan þrjú í dag að íslenskum tíma.

Ekkert lát á flóðum í Rúmeníu

Yfirvöld í Rúmeníu hafa þurft að flytja mörg þúsund íbúa frá heimilum sínum í suðurhluta landsins vegna vatnavaxta í Dóná. Ekkert lát virðist ætla að verða á flóðum á svæðinu sem þó benti til að yrði raunin í gær.

Útilokar ekki notkun kjarnorkuvopna

Bush Bandaríkjaforseti vildi í gær ekki útiloka að kjarnorkuvopnum yrði beitt gegn Írönum. Hann sagði alla möguleika uppi á borðinu í kjarnorkudeilunni við stjórnvöld í Teheran. Utanríkisráðherra Rússa hvatti í dag Írana til að hætta auðgun úrans, alþjóðasamfélagið krefðist þess.

Íslamskir öfgamenn farið um Balkanskagann í 15 ár

Íslamskir öfgamenn, með tengsl við Al-Qaeda hryðjuverkasamtökin, hafa ferðast fram og aftur yfir Balkanskagann í meira en fimmtán ár. Þessu er haldið fram í nýrri skýrslu um grunaða íslamska hryðjuverkamenn í Bosníu.

Saddam fyrirskipaði fjöldamorð

Saddam Hússein, fyrrverandi forseti Íraks, undirritaði skjöl þar sem fyrirskipuð voru morð á 148 sjía-múslimum árið 1982. Gögn þess efnis frá rithandarsérfræðingum voru lögð fyrir dóm í Írak í morgun.

Pyntaður til að bendla aðra við árásir

Indónesískur öfgamaður, sem bíður aftöku fyrir aðild sína að hryðjuverkaárásunum á Balí 2002, segir að hann hafi verið pyntaður til að bendla Abu Bakar Bashir, andlegan leiðtoga íslömsku öfgasamtakanna Jemaah Islamia, við árásirnar.

Gætu neyðst til að loka herstöð

Bakiyev, forseti Kirgistan, segir að svo geti farið að stjórnvöld þar í landi neyðist til að loka herstöð Bandaríkjamanna þar ef stjórnvöld í Washington vilji ekki semja á ný um leigugreiðslur fyrir það landstæði sem stöðin stendur á.

Mótmælendur fylgja Kínaforseta hvert fótmál

Fjögurra daga opinber heimsókn Hu Jintaos, forseta Kína, til Bandaríkjanna hófst í gær. Forsetinn snæddi þá kvöldverð með stofnanda Microsoft. Í dag mun hann svo funda með Bandaríkjaforseta. Mótmælendur fylgja Kínaforseta hvert fótmál.

Kona nýr forsætisráðherra Suður-Kóreu

Þing Suður Kóreu valdi í morgun í fyrsta sinn konu í embætti forsætisráðherra landsins. Han Myeong-sook hlaut 182 atkvæði af 259 en Roh Moo-hyun, forseti Suður Kóreu, útnefndi hana í embættið.

Al-Qaida á ferð um Balkanskaga

Íslamskir öfgamenn, með tengsl við Al-Qaida, hafa ferðast fram og aftur yfir Balkanskagann í meira en fimmtán ár. Þessu er haldið fram í nýrri skýrslu um grunaða íslamska hryðjuverkamenn í Bosníu.

Forseti Kína í opinbera heimsókn til Bandaríkjanna

Fjögurra daga opinber heimsókn Hu Jintaos, forseta Kína, til Bandaríkjanna hófst í gær. Forsetinn átti meðal annars fund með Bill Gates, stofnanda Microsoft, og snæddi síðan með honum kvöldverð.