Ráðist á verkamenn í Írak

Uppreisnarmenn í Írak skutu þrjá verkamenn til bana í Bagdad í morgun og særðu fimmtán til viðbótar. Aðeins tveir dagar eru síðan sjálfsmorðsárásarmaður ók að hópi verkamanna á svipuðum slóðum í höfuðborginni með þeim afleiðingum að meira en hundrað létu lífið. Hrina árása er hafin í landinu eftir að Abu Musab al-Zarqawi, yfirmaður al-Qaida í Írak, lýsti yfir stríði á hendur sjítum í fyrradag.

Minnihluti hyggst snúa aftur

Minna en helmingur íbúa New Orleans sem hefst við í öðrum borgum ætlar að snúa aftur. Samkvæmt nýrri könnun sem unnin var fyrir dagblaðið <em>Washington Post</em> ætla aðeins 43 prósent íbúanna að snúa aftur en 44 prósent þeirra ætla að koma sér upp heimili annars staðar. Þrátt fyrir að hafa misst heimili sín sögðust níu af hverjum tíu vongóðir um bjarta framtíð.

Dó úr fuglaflensu í Indónesíu

Yfirvöld á Indónesíu staðfestu í morgun fjórða dauðsfallið í landinu af völdum fuglaflensu. Þá er annar maður smitaður af flensunni í landinu og staðfest hefur verið að banamein konu sem lést í síðustu viku hafi verið fuglaflensa. Heilbrigðisyfirvöld á Indónesíu óttast er að faraldur sé í aðsigi. Alls hafa nú 64 látist af völdum fuglaflensu í Asíu síðan hennar varð fyrst vart árið 2003.

Flugeldamarkaður sprakk í loft upp

Frægasti flugeldamarkaður í Mexíkó sprakk í gær í loft upp í orðsins fyllstu merkingu. Þrátt fyrir viðvörunarspjöld allt í kringum markaðinn brá einn viðskiptavinurinn á það ráð að kveikja í nýkeyptum flugeldum sínum og afleiðinganna þurfti ekki að bíða lengi. Á aðeins örfáum sekúndum komst eldur í nær alla flugeldana og nærri fimm hundruð fermetra svæði gereyðilagðist og gríðarlegur reykur steig upp.

Enn einn frambjóðandinn myrtur

Uppreisnarmenn úr röðum talibana skutu í nótt frambjóðanda til þingkosinga í Afganistan til bana. Árásarmennirnir kölluðu nafn mannsins fyrir utan heimili hans og sátu svo fyrir honum þegar hann kom út og hófu skothríð. Kosningarnar í Afganistan fara fram um helgina, en þegar er búið að myrða sjö frambjóðendur.

Baunir og hnetur gegn krabbameini

Þeir sem eru duglegir við að borða baunir, hnetur og gróft kornmeti, virðast ólíklegri en aðrir til að fá krabbamein. Ný rannsókn breskra lækna bendir til að efni sem finnist í þessum matvælum dragi úr virkni ensíms sem myndar æxli. Rannsakendur binda jafnvel vonir við að mögulegt sé að vinna lyf úr efninu góða sem myndi nýtast krabbameinssjúklingum.

Mýs sleppa út af rannsóknarstofu

Þrjár mýs, sem eru smitaðar af farsótt sem einkennist af eitlabólgu og örmögnun, sluppu út af rannsóknarstofu í New Jersey í Bandaríkjunum fyrir tveim vikum. Mýsnar hafa enn ekki fundist og líklegt er talið að þær séu þegar dauðar af völdum farsóttarinnar. Sérfræðingar segja nær engar líkur á að þær hafi borið smit í menn.

Boðað til kosninga á Grænlandi

Hans Enoksen, forsætisráðherra grænlensku landsstjórnarinnar, boðaði í morgun til kosninga í landinu þann 22. nóvember næstkomandi eftir að viðræður stjórnarflokkanna um fjárlög sigldu í strand. Síúmútflokkur Enoksens og samstarfsflokkur hans í landsstjórninni, Inúítaflokkurinn, hafa deilt hart undanfarna mánuði eftir að upp komst að tveir ráðherrar í Síúmútflokknum hefðu misnotað almannafé.

Átta saknað eftir slys við Síberíu

Óttast er að átta manns hafi farist þegar yfirhlaðið fraktskip sökk undan ströndum Síberíu í Rússlandi í morgun. Um fimmtán manns voru um borð í skipinu þegar óhappið varð og í kringum 80 tonn af ýmsum varningi, en skipið hafði einungis heimild til að hafa um þrjátíu tonna farm. Mjög slæmt veður var á svæðinu þegar skipið sökk.

Létust í vinnuslysi í Svíþjóð

Að minnsta kosti tveir menn létu lífið þegar þak hrundi á byggingarsvæði í Helsingborg í Suður-Svíþjóð í morgun.

Hræðsluáróður síðustu dagana

Hræðsluáróður er það sem gildir síðustu dagana fyrir kosningar í Þýskalandi. Kosningabaráttunni lýkur formlega í dag með harðorðum yfirlýsingum um heimsendaáform keppinautanna.

Hlé verði gert á kjarnorkuviðræðum

Hlé verður gert á morgun á viðræðum Norður-Kóreu við Rússa, Bandaríkjamenn, Suður-Kóreumenn, Kínverja og Japana um að Norður-Kórea láti af kjarnorkuáætlunum sínum ef ekki tekst að ná samkomulagi nú með kvöldinu. Fundir hafa staðið á milli þjóðanna hátt á annan mánuð og lítið hefur þokast í samningsátt.

Enn ein mannskæð árás í Írak

Ellefu létust og 24 særðust þegar sjálfsmorðssprengjuárásarmaður sprengdi sig í loft upp fyrir utan mosku sjíta í bæ norður af Bagdad. Fjöldi fólks var á leið úr moskunni eftir föstudagsbæn þegar árásin var gerð, en hún er sú nýjasta í hrinu árása sem gerðar hafa verið í Írak síðustu daga.

Rannsaka hús vegna hryðjuverka

Lögreglumenn í borginni Leeds á Englandi rannsaka nú tvær verslanir og eina íbúð í tenglsum við hryðjuverkin 7. júlí. Verslunirnar og íbúðin eru í nágrenni heimila þriggja sprengjumannanna. Nágrannar segja að einn verslunareigandinn hafi verið handtekinn og yfirheyrður á lögreglustöð en síðan sleppt. Rannsókn hryðjuverkanna er að sögn Scotland Yard langt á veg komin. 52 létust í London þann 7. júlí.

Hnattrænni hlýnun ekki snúið við

Vísindamenn óttast nú að svo mikið af ísnum á norðurpólnum hafi bráðnað að hnattrænni hlýnun verði ekki snúið við. Frá þessu er greint í breska blaðinu <em>Independent</em> í dag. Við gervihnattarmælingar á umfangi íssins í lok ágúst kom í ljós að umfang heimskautaíssins hefur aldrei verið minna og sú bráðnun sem varð í mánuðinum á sér ekki fordæmi í hundruð ef ekki þúsund ár.

Fengu samanlagt 67 ár fyrir rán

Mennirnir sem reyndu stærsta rán í sögu Bretlands voru í dag dæmdir til samanlagt 67 ára fangelsisvistar. Mennirnir reyndu að ræna gullstöngum, sem metnar eru á 3,7 milljarða króna, úr geymslu á Heathrow-flugvelli. Ræningjarnir voru handteknir þegar þeir hlóðu gullinu í sendibíl. Níu tóku þátt í ráninu. Átta þeirra voru dæmdir í dag en einn hefur aldrei náðst.

40 þúsund krónur á mann

George Bush Bandaríkjaforseti hefur lofað opinberu fé til uppbyggingar í New Orleans og víðar eftir skemmdirnar í kjölfar flóðanna og fellibyljarins Katrínar.

Endurheimtu málverk eftir fimm ár

Danska lögreglan endurheimti í dag sjálfsmynd af hollenska listmálaranum Rembrandt sem rænt var á sænska þjóðminjasafninu fyrir nærri fimm árum. Um leið handtók hún fjóra menn sem höfðu reynt að selja myndina á hóteli í Kaupmannahöfn. Myndin, sem er frá 18. öld, er metin á 2,4 milljarða króna, en vopnað gengi rændi henni ásamt tveimur öðrum meistaraverkum eftir franska impressjónistann Renoir í desember árið 2000.

Sagði offitu stríð á hendur

Arnold Schwarzenegger, ríkisstjóri Kaliforníu, sagði í dag offitu stríð á hendur þegar hann undirritaði lög sem banna tiltekinn skyndibita í menntaskólum landsins. Schwarzenegger, sem er þekktur líkamsræktarkappi, sagði við undirritun laganna að Kaliforníuríki stæði frammi fyrir offitufaraldri og nú væri kominn tími til að spyrna við fótum.

Stjórnkerfið brást í Bandaríkjunum

Stjórnkerfið brást að öllu leyti eftir náttúruhamfarirnar við Mexíkóflóa, viðurkenndi George Bush, forseti Bandaríkjanna, í sjónvarpsávarpi í gærkvöldi. Bush sagði að sem forseti landsins bæri hann ábyrgðina á því sem miður fór.

Morð í aðdraganda kosninga

Undirbúningur fyrir þingkosningarnar í Afganistan á sunnudag gengur skelfilega þar sem morð og ofbeldi einkennir aðdraganda þeirra. Uppreisnarmenn úr röðum talibana, sem skora á kjósendur að hunsa kosningarnar, skutu einn frambjóðanda til bana í nótt, en þegar hafa sjö frambjóðendur verið myrtir í landinu.

Hótaði að sprengja sig

Lokasprettur kosningabaráttu á Nýja-Sjálandi tók óvænta stefnu í gær þegar 57 ára gamall maður frá Slóvakíu hótaði að sprengja sjálfan sig í loft upp á Hóteli í borginni Tauranga, nema hann fengi að tala við Helen Clark, núverandi forsætisráðherra landsins.

Einkavæðing og lægri skattar

Íhaldsmenn í stjórnarandstöðu í Póllandi hafa lýst því yfir að þeir muni fremur leitast eftir samsteypuríkisstjórn, jafnvel þótt þeir næðu hreinum meirihluta í þingkosningunum 25. september næstkomandi.

Einkavæðing og lægri skattar

Íhaldsmenn í stjórnarandstöðu í Póllandi hafa lýst því yfir að þeir muni fremur leitast eftir samsteypuríkisstjórn, jafnvel þótt þeir næðu hreinum meirihluta í þingkosningunum 25. september næstkomandi.

Húsleit í Sarajevo

Herlið NATO framkvæmdi leit á heimili Mladjens Kendjic í gær. "Kendjic var einn af lífvörðum Ratko Mladic, fyrrum hershöfðingja, og er hann grunaður um að veita Mladic stuðning enn þann dag í dag," segir Derek Chappel, erindreki NATO í Sarajevo.

Tveir ráðherrar segja af sér

Boðað hefur verið til kosninga á Grænlandi. Hans Enoksen landsstjórnarformaður tilkynnti þetta á fjárlagafundi í Landsþinginu nýverið. Kosningar til Landsþings verða haldnar þann 22. nóvember næstkomandi.

Tveggja frambjóðenda barátta

Tuttugu og fimm flokkar bjóða fram í þingkosningunum í Þýskalandi, allt frá flokki bókstafstrúaðra kristinna til stjórnleysingjaflokksins. En baráttan stendur í raun á milli tveggja flokka - eða jafnvel bara tveggja frambjóðenda.

Pattstaða sennileg í Þýskalandi

Síðustu skoðanakannanir fyrir þingkosningarnar í Þýskalandi sýndu að óvíst er að stjórnarandstaðan nái meirihluta þótt stjórnin falli. Það gæti vel farið svo að upp komi pattstaða með vinstrisósíalista í oddaaðstöðu.

Sjö menn handteknir í Bretlandi

Breska lögreglan réðst í morgun inn í nokkur íbúðarhús í London og Manchester og handtók sjö menn. Ekki hefur verið gefið upp fyrir hvað mennirnir voru handteknir en breskir fjölmiðlar ýja að því að þeir tengist hryðjuverkasamtökum.

Flugrisar nærri gjaldþroti

Tvö af fjórum stærstu flugfélögum Bandaríkjanna fengu í gær greiðslustöðvun samkvæmt bandarískum lögum um gjaldþrot til að freista þess að vinna sig út úr fjárhagsörðugleikum og koma í veg fyrir gjaldþrot.

50 þúsund manns án rafmagns

Fellibylurinn Ófelía skall á Norður-Karólínu í Bandaríkjunum í gærkvöldi og hefur þegar valdið töluverðum usla. Fimmtíu þúsund manns eru án rafmagns á svæðinu, mörgum skólum hefur þegar verið lokað og fjöldi fólks hefur þurft að yfirgefa heimili sín.

Írak: Meira en 20 látnir í morgun

Meira en tuttugu manns biðu bana og aðrir tuttugu særðust í sjálfsmorðsárás í Bagdad, höfuðborg Íraks, í morgun. Flestir þeirra sem létust voru lögreglumenn. Tilræðismaðurinn keyrði bíl hlöðnum sprengiefni inn í hlið lítils flutningabíls sem í voru lögreglumenn.

Leiðtogarnir undirbúa samninga

Margir leiðtoganna hundrað og fimmtíu, sem sækja afmælisfund Sameinuðu þjóðanna, hafa notað tækifærið til að undirbúa tvíhliða samninga um hin ýmsu málefni. Í gær funduðu til að mynda Pútín Rússlandsforseti og Jalal Talabani, forseti Íraks, og eins átti Ariel Sharon fund með Tayyip Erdogan, forsætisráðherra Tyrklands.

Milljónir á leyndum reikningum

Evrópskir vopnaframleiðendur lögðu milljónir dollara inn á leynilega bankareikninga sem Augusto Pinochet, fyrrverandi einræðisherra í Chile, hafði aðgang að. Þetta hefur komið fram í rannsókn á fjárreiðum einræðisherrans sem nú stendur yfir.

Olíuríki auka framleiðslu sína

Samtök olíuframleiðsluríkja hafa lofað að auka framleiðslu sína um fimm hundruð þúsund föt á dag til þess að mæta aukinni eftirspurn eftir olíu. Ólíklegt er þó talið að þetta verði til þess að lækka heimsmarkaðsverðið að einhverju ráði.

Aðrar kosningar í Þýskalandi?

Verða kosningar strax að loknum kosningunum í Þýskalandi? Það er meðal þess sem þarlendir stjórnmálamenn velta fyrir sér enda bendir flest til þess að niðurstöður kosninganna næstkomandi sunnudag verði einmitt þær sem enginn þeirra vill sjá.

Snyrtivörur unnar úr líkum fanga

Snyrtivörur með kollageni, sem unnið er úr líkum kínverskra fanga, eru seldar í Evrópu og Bandaríkjunum. Þetta er fullyrt í breska dagblaðinu <em>Guardian</em>.

Bygging múrsins lögleg

Hæstiréttur Ísraels hefur fellt þann úrskurð að bygging hins umdeilda varnarmúrs sé að hluta til ólögleg og að breyta verði legu hans á nokkrum stöðum. Ríkisstjórn landsins segir að múrinn sé nauðsynlegur til þess að hindra að hryðjuverkamenn geri árásir í borgum landsins.

Tók nauðgun upp á myndsíma

Tuttugu og þriggja ára Breti hefur verið dæmdur til fjórtán ára fangelsisvistar fyrir nauðgun. Hann tók nauðgunina upp á myndsíma og sendi vinum sínum upptökuna. Nauðgarinn barði fórnarlamb sitt illilega þannig að stúlkan kjálkabrotnaði á tveimur stöðum auk þess sem tveir fingur hennar brotnuðu.

Páfa boðið til Tyrklands

Tyrkir hafa formlega boðið Benedikt XVI páfa í opinbera heimsókn á næsta ári. Þetta kemur fram í yfirlýsingu sem utanríkisráðuneyti Tyrklands sendi frá sér í dag. Þorri Tyrkja er múslimatrúar.

Ný rússnesk fréttasjónvarpsstöð

Ný rússnesk fréttasjónvarpsstöð hóf tilraunaútsendingar í dag. Sjónvarpsstöðin, sem sendir út allan sólarhringinn, er þó ekki send út á rússnesku heldur á ensku. Ástæðan er sú að henni er ætlað að bæta orðspor Rússlands á alþjóðavettvangi.

Katrín: Fá að snúa heim

Fyrirtækjaeigendur í franska hverfinu í New Orleans fá að huga að fyrirtækjum sínum um helgina og íbúar fá að snúa aftur til heimila sinna fljótlega eftir það. Ray Nagin, borgarstjóri í New Orleans, segir heimamenn reiðubúna að hefjast handa við enduruppbyggingu borgarinnar og takast á við lífið eftir fellibylinn Katrínu.

Sjítum sagt stríð á hendur

Írakski hryðjuverkamaðurinn Al-Zarqawi hefur sagt sjítum stríð á hendur. Liðsmenn hans hafa myrt á annað hundrað þeirra á síðustu tveim sólarhringum.

Héraðshöfðingjar strengja sín heit

Forsætisráðherrar ellefu af sextán sambandslöndum Þýskalands, sem allir eru í flokki með Angelu Merkel, hétu því í gær að leggjast á eitt með henni, verði hún kanslari, við að koma nauðsynlegum efnahagsumbótaráðstöfunum í gegn um þingið. Tilgangurinn með yfirlýsingunni var að telja kjósendur á að kjósa stjórnarskipti í kosningunum á sunnudag.

New Orleans að vakna af dvala

Ray Nagin, borgarstjóri New Orleans, lýsti því yfir í gær að stórir hlutar borgarinnar yrðu opnaðir fyrir aðgangi íbúa í næstu viku. Gamli bærinn, Franska hverfið, yrði opnaður viku síðar. George W. Bush Bandaríkjaforseti var væntanlegur til New Orleans í gærkvöld til að flytja þaðan sjónvarpsávarp, það fyrsta frá því hamfarirnar dundu yfir.