Andreotti sýknaður

Guilíó Andreotti fyrrverandi forsætisráðherra Ítalíu hefur verið formlega hreinsaður af öllum ásökunum um tengsl við mafíuna. Andreotti sem sjö sinnum var forsætisráðherra Ítalíu hefur í mörg árið barist gegn ásökunum um spillingu fyrir dómstólum en í morgun staðfesti æðsti dómstóll landsins tvo sýknudóma undirréttar og er málinu því endanlega lokið.

Grömm milli lífs og dauða

Nokkur grömm geta skilið á milli lífs og dauða hjá tveimur karlmönnum og einni konu sem eru í haldi lögreglunnar í Singapúr í kjölfar aðgerða gegn kókaínsölu og neyslu í efri stigum þjóðfélagsins. Rannsóknarmenn lögreglunnar hefur nú til skoðunar það kókaín sem var gert upptækt í fórum fólksins.

Jafntefli mögulegt?

Ef jafn lítill munur verður á milli frambjóðenda til forsetakosninganna í Bandaríkjunum í kosningunum og skoðanakannanir sýna gætu sjónir manna beinst að Colorado fylki. Þar fara samhliða fram aðrar kosningar sem gætu breytt stöðunni til muna, og jafnvel leitt til þess að hvorugur þeirra Bush eða Kerry vinni kosningarnar.

Kúgun kvenna hindrar þróunina

Kúgun kvenna í Afríku er meiriháttar hindrun á framþróun í álfunni segir James Wolfensohn forseti Alþjóðabankans. Hann gagnrýndi karlmenn í Afríku harðlega á ráðstefnu á vegum Sameinuðu þjóðanna í Eþóípíu í dag. Wolfensohn sagði menn ekki átta sig á því leynivopni sem Afríkuríki byggju yfir, en það væru konur sem vinna mörg mikilvæg verk.

Bólusetning við malaríusmiti

Vísindamenn telja sig í fyrsta sinn geta bjargað börnum frá malaríusmiti eða dauða með bólusetningu. Þótt enn sé langt í að menn telji baráttunni gegn þessum skæða sjúkdómi lokið, segja sérfræðingar Alþjóðaheilbrigðismálastofnunarinnar skrefið stórt.

Shröder hittir Gaddafi

Gerhard Schröder, kanslari Þýskalands fundar nú með Gaddafi lýbíuleiðtoga í Tripoli. Fundurinn er sögulegur, því að þetta er í fyrsta sinn sem kanslari Þýskalands hittir leiðtoga Lýbíu. Fundurinn er líka táknrænn fyrir batnandi samskipti Evrópuríkja og Lýbíu, en eins og fram hefur komið aflétti Evrópusambandið í síðustu viku viðskiptahömlum á Lýbíu

Aukin samvinna Rússa og Kínverja

Gömlu Sósíalistastórveldin Rússland og Kína ætla að bindast tryggari böndum á nýjan leik. Vladimir Pútín, forseti Rússlands heimsækir Kína þessa dagana og leggur á ráðin með starfsbróður sínum í austri, Hu Jintao, um það hvernig auka megi samskipti og viðskipti á milli stórveldanna tveggja.

Bannað að skilja útundan

Kjarnaríki Evrópusambandsins mega ekki skilja ný aðildarríki útundan að neinu leyti segja Tony Blair og Ferenc Gyurcsany, leiðtogi Ungverja. Talið er að í yfirlýsingu leiðtoganna tveggja felist skilaboð til Frakka og Þjóðverja, sem ásamt Ítalíu hafa verið í fararbroddi sambandsins frá stofnun þess.

Cheney ævareiður

Dick Cheney, varaforseti Bandaríkjanna og konan hans eru ævareið út í John Kerry, forsetaframbjóðanda Demókrata, fyrir að hafa gert samkynhneigð dóttur þeirra að umræðuefni í síðustu kappræðum forsetaframbjóðendanna í Arizona á miðvikudaginn. Kerry tók dóttur Cheneys sem dæmi þegar hann var spurður út í afstöðu sína til samkynhneigðra.

Google með nýjan leitarbúnað

Fyrirtækið Google hefur komið á fót nýjum leitarbúnaði, sem gefur notendum kost á því að leita að efni á harða drifi tölvunnar jafnauðveldlega og leitað er á Netinu. Nýi búnaðurinn leitar í skjölum, skrám, tölvupósti og skyndiskilaboðum sem vistuð er á harða drifinu.

Samtímis þjóðaratkvæðagreiðsla

Evrópuþingið hefur lagt til að öll 25 ríki Evrópusambandsins haldi samtímis þjóðaratkvæðagreiðslu um stjórnarskrá sambandsins í byrjun maí á næsta ári. Þó er gert ráð fyrir því að Spánn þjófstarti og haldi þjóðaratkvæðagreiðsluna þann 20. febrúar næstkomandi.

Ósammála um inngöngu Tyrkja

Forseti Frakklands og forsætisráðherra landsins eru ósammála um ágæti þess að Tyrkir gangi í Evrópusambandið. Innganga Tyrkja í Evrópusambandið var til umræðu á franska þinginu í gær að frumkvæði Jaques Chirac, forseta Frakklands, sem styður inngöngu Tyrkja heilshugar. Umræðurnar voru gríðarlega heitar og hefur annað eins ekki sést á þinginu franska í háa herrans tíð.

Vildi frægð og frama

Morðingi bítilsins Johns Lennon segist hafa ráðið honum bana til þess að stela frægð hans. Mark Chapman segist hafa orðið merkilegri meðaljón eftir morðið heldur en fyrir það og það hafi verið hans eina hvatning fyrir aðgerðinni.

Eiga að hætta eggjainnflutningi

Bretar eiga að hætta að flytja inn egg frá Spáni að mati eggjaframleiðenda og heilbrigðisyfirvalda í landinu. Á síðastliðnum 2 árum hafa komið upp 6 þúsund salmonellutilvik í Bretlandi og er stór hluti þeirra rakinn beint til átu á spænskum eggjum.

Pólverjar fara brátt heim

Pólverjar ætla að fækka í herliði sínu í Írak frá og með byrjun næsta árs, að sögn Marek Belka, forsætisráðherra Póllands. Belka segir Pólverja ekki ætla að vera klukkutímanum lengur en nauðsynlega þurfi í Írak, enda sína nýlegar kannanir að 70% landsmanna séu á móti veru herliðsins pólska í Írak.

Ánægja með sýknuna

Sýknudómur yfir Morgan Tsvangirai leiðtoga stjórnarandstöðunnar í Zimbabwe hefur endurnýjað trú manna á lýðræðið þar í landi. Robert Mugabe hefur farið með völd í landinu síðasta aldarfjórðung og voru réttarhöldin yfir helsta andstæðingi hans talin enn eitt dæmið um einræðistilburði hans.

Átök skyggja á föstumánuð

Föstumánuður múslima hófst í dag en skugga ber á vegna átaka. Þetta er mikill helgimánuður, tími pílagrímaferða, bæna og hugleiðinga og múslimar fá sér hvorki vott né þurrt frá sólarupprás til sólarlags. Í Írak halda átök hins vegar áfram, meðal annars í Fallujah þar sem bandarískar herþotur gerðu loftárásir í nótt.

Eldurinn í Mexikó gýs

Eldfjallið Eldur í Mexikó ber nafn með rentu, í það minnsta þessa dagana. Það hefur gosið reglulega frá því í lok september og eru gosin afar tilkomumikil. Vægir skjálftar hafa fylgt eldsumbrotunum en sérfræðingar telja byggð í nágrenni eldfjallsins í lítilli sem engri hættu.

Setur Nader strik í reikninginn

Neytendafrömuðurinn og sjálfstæði forsetaframbjóðandinn Ralph Nader gæti eyðilagt vonir Johns Kerry um að komast í Hvíta húsið. Ef kosningaúrslit verða í átt við niðurstöður skoðanakannana má búast við spennandi kosninganótt og þá skiptir allt máli.

Bræður sjá um sig sjálfir

Jónas Þórir Þórisson, framkvæmdastjóri Hjálparstarfs kirkjunnar, er nýkominn frá Úganda þar sem hann fylgdist með og mat árangur hjálparstarfsins. Hann hitti bræðurna Muwango, sextán ára, og Peter, fjórtán ára, sem fengið hafa hjálp til sjálfshjálpar.

70 þúsund látin í Darfur

Í það minnsta 70 þúsund manns hafa látist í flóttamannabúðum í Darfur frá því í mars og dánartíðnin fer ekki minnkandi nema umheimurinn leggi fram meira fé og meiri hjálp í að takast á við vandann, sagði David Nabarro, aðgerðastjóri Alþjóða heilbrigðisstofnunarinnar á svæðinu.

Blindir fóru í kröfugöngu

"Danmörk getur kannski stært sig af því að bjóða upp á eitt besta velferðarkerfi í heimi en það nær ekki til blindra," sagði Jens Bromann, formaður landssambands blindra í Danmörku, þegar um 500 blindir einstaklingar fóru í mótmælagöngu í Kaupmannahöfn.

Þrengja hringinn um ræningjana

Norska lögreglan telur hringinn vera að þrengjast um þjófana sem stálu málverkum Edvards Munch í ágúst, að því er fram kemur í Verdens Gang og Dagbladet. Þar segir að lögreglan hafi rakið ferðir bíls ræningjanna næstu daga fyrir ránið og komist að því að hann hafði farið um hendur margra þekktra glæpamanna.

Hundinum bjargað frá aftöku

Eftir þriggja ára stapp og fjárútlát upp á hálfa áttundu milljón króna tókst skosku hjónunum Bryan og Carol Lamont að bjarga lífi hundsins síns, Dino.

Prinsessa auglýsir eftir skilnaði

Margréti prinsessu í Hollandi hefur gengið illa að hafa uppi á eiginmanni sínum og kom það ljóslega fram í hollensku dagblaði síðasta föstudag þegar hún birti auglýsingu sem beint var til hans. Hún vildi þó ekki fá hann aftur heim heldur tilkynnti hún að hún vildi skilnað og að hann hefði frest fram í janúar til að andmæla skilnaðinum.

Hvöttu til friðsamlegrar andstöðu

Klerkar í Falluja hvöttu landsmenn í gær til friðsamlegrar andstöðu gegn Bandaríkjamönnum um allt Írak ef þeir reyndu að brjóta andspyrnu gegn þeim á bak aftur. Yfirlýsing klerkanna var lesin upp í moskum víða í Írak.

Lífið aftur í samt horf

Börn mættu aftur í skóla og bensínstöðvar, bankar og margvísleg önnur fyrirtæki hófu starfsemi á nýjan leik í fyrradag þegar fjögurra daga allsherjarverkfalli fjölmennustu verkalýðsfélaga Nígeríu lauk.

Snúið við vegna sprengjuhótunar

Farþegaflugvél Virgin-flugfélagsins var snúið aftur til Standsted-flugvallar fyrr í morgun vegna sprengjuhótunar. Vélin var á leiðinni til Hong Kong frá Heathrow-flugvellinum í London og voru 233 um borð í vélinni.

Tókust á af hörku

Tekist var á af hörku um innanríkismál og velferðakerfið í síðustu kappræðum forsetaframbjóðenda Bandaríkjanna í nótt. Milljónir manna fylgdust með kappræðunum sem voru fyrirfram taldar geta haft talsverð áhrif á fylgi frambjóðendanna. Hvorugur var þó sigurvegari samkvæmt skyndikönnunum að kappræðunum loknum og margir eru enn óákveðnir.

Geimskot í Kasakstan

Allt gekk að óskum þegar Rússar skutu geimflaug á loft frá Baikonur í Kasakstan í morgun. Um borð eru rússneskir og bandarískir geimfarar og er förinni heitið að alþjóðlegu geimstöðinni.

Norsk stúlka lést af ofneyslu

Íbúar í Bergen í Noregi eru slegnir vegna fréttar um að þrettán ára stúlka hafi látist vegna ofneyslu lyfja sem hún og vinkona hennar komust yfir hjá fíkniefnasölum um helgina. Lyfin voru í töfluformi og tóku stúlkurnar ótæpilega inn af þeim með þessum hörmulegu afleiðingum.

Öflugar sprengingar í Bagdad

Átta manns féllu og minnst fjórir særðust þegar tvær öflugar sprengingar urðu í miðborg Bagdad í Írak fyrir stundu. Að sögn sjónarvotta er þykkur reykmökkur yfir svæðinu.

Kalla eftir aðgerðum SÞ

Frjálsu félagasamtökin í Palestínu (PNGO) hafa sent frá sér ákall til Sameinuðu þjóðanna og alþjóðasamfélagsins um að skerast í leikinn og stöðva árásir Ísraelshers á palestínsku þjóðina. Árásir hafa staðið á norðanverðu Gaza-svæðinu síðan 28. september síðastliðinn.

Sjö fórust í Kanada

Flutningavél með sjö manna áhöfn fórst í Halifax í Nova Scotia í morgun. Vélin hrapaði skömmu eftir flugtak og hafnaði í skóglendi skammt frá borginni þar sem kviknaði í henni. Vélin var skráð í Ghana en talsmaður flugfélagsins segir enn of snemmt að segja til um orsök slyssins.

Kínverji gekk berserksgang

Karlmaður gekk berserksgang eftir að hafa tapað hundruð milljónum í spilavíti í Kína, stakk eiginkonu sína til bana og kveikti í íbúð sinni. Eldurinn breiddist út til nærliggjandi íbúða en slökkviliðsmönnum tókst að bjarga þremur sem festust í brennandi húsinu.

Íslendingar vinna hjá flugfélaginu

Átta til níu íslenskir flugvirkjar vinna hjá flugfélagi vélarinnar sem fórst í Halifax í Kanada í morgun. Georg Þorkelsson, yfirmaður flugfélagsins í Lúxemborg, staðfestir við vefrit Morgunblaðsins að enginn Íslendingur hefði verið um borð.

Kerry er ekki góður maður

"Ég fékk annað tækifæri til að meta John Kerry og það eina sem ég get sagt er þetta: Þetta er ekki góður maður," sagði Lynne Cheney, eiginkona Dick Cheney varaforseta, þegar hún kynnti eiginmann sinn á kosningafundi. Hún er ósátt Kerry fyrir að hafa blandað samkynhneigðri dóttur Cheney-hjónanna inn í kappræður forsetaefnanna í fyrrinótt.

Byrjað að telja atkvæði

Talning er loks hafin á atkvæðum sem greidd voru í afgönsku forsetakosningunum um síðustu helgi. Talningin hefst fimm dögum eftir kosningar og fjórum dögum eftir að talning atkvæða átti að hefjast, en fresta þurfti henni vegna þess að erfiðlega gekk að safna kjörkössum saman.

Ætterni konungs vafa orpið

Ætterni Haralds Noregskonungs er í vafa eftir að virtur norskur fræðimaður greindi frá því að faðir hans, Ólafur V Noregskonungur, sem tók við embætti af Hákoni, fyrsta konungi Noregs, hefði hugsanlega ekki verið sonur Hákonar.

Tíu ára bið á enda

Kúrdíski mannréttindafrömuðurinn Leyla Zana veitti í gær viðtöku mannréttindaverðlaunum þings Evrópusambandsins. Þetta gerði hún tíu árum eftir að þingið heiðraði hana en mestallan þann tíma hefur hún setið í fangelsi í Tyrklandi fyrir baráttu sína fyrir auknum réttindum Kúrda í Tyrklandi.

Kerry hafði betur en Bush

John Kerry, forsetaefni demókrata, virðist hafa komist heldur betur frá þriðju og síðustu kappræðum forsetaefna stóru flokkanna en George W. Bush Bandaríkjaforseti. Hann hafði mun betur í tveimur könnunum sem birtar voru eftir kappræðurnar og sjónarmun betur í þeirri þriðju.

Hættara við krabbameini

Fólk sem notar farsíma í tíu ár eða lengur á frekar á hættu en aðrir að þjást af góðkynja krabbameini þeim megin á höfðinu sem það heldur á símanum. Þetta kemur fram í nýrri sænskri rannsókn.

Heimili rýmd vegna skógarelda

Tæplega áttatíu heimili hafa verið rýmd í Napa- og Yolosýslu í Kaliforníu vegna skógarelda sem hafa geysað á um 15 þúsund hektara svæði norðaustur af San Francisco.

Olíuverðið aftur niður

Verðið á olíufatinu lækkaði aftur niður í 52 dollara og 51 sent við lokun á olíumarkaði í New York í gær eftir að hafa náð 54 dollurum fyrr um daginn. Allsherjarverkfall sem nú er í Nígeríu, fimmta stærsta olíuframleiðanda innan OPEC-samtakanna, er ein aðal ástæða hækkunarinnar að undanförnu.

Fjöldagrafir finnast í Írak

Líkamsleifar að minnsta kosti eitt hundrað manna, þar á meðal barna, hafa fundist í fjöldagröfum nálægt þorpinu Hatra í Norður-Írak. Grafirnar eru taldar sanna ofsóknir gegn Kúrdum sem drepnir voru í þúsunda tali í valdatíð Saddams Husseins í lok níunda áratugarins.