Hlunnindi höfð af bændum

„Lagabreytingin, sem að líkum verður aldrei dregin til baka, mun hafa alvarlegar afleiðingar fyrir landeigendur sem nýta hlunnindarétt sinn í dag. Réttindi verða með þessu færð frá landeigendum til ráðherra. Hlunnindanýting verður líklega háð undanþágu, öfugt við það sem er í dag,“ segir Guðbjörg Helga Jóhannesdóttir, atvinnu- og nýsköpunarráðgjafi Bændasamtaka Íslands (BÍ).

Friðlýsing Skerjafjarðar er ósamþykkt

Skipulagsnefnd Kópavogsbæjar hefur ekki fjallað nægjanlega um friðlýsingu Skerjafjarðar innan sveitarfélagsins, að mati Kristins Dags Gissurarsonar, fulltrúa Framsóknarflokksins í nefndinni. Hann telur formann umhverfis- og samgöngunefndar bæjarins, Margréti Júlíu Rafnsdóttur, hafa fullyrt of mikið um málið, en hún sagði í Fréttablaðinu á mánudag að friðlýsingin gengi í gegn í janúar.

Reykjavíkurskákmótið í Hörpu

Skáksamband Íslands og Harpa hafa gert með sér samkomulag um að Alþjóðlega Reykjavíkurskákmótið verði haldið í Hörpunni næstu þrjú ár. Ríflega 20 stórmeistarar eru þegar skráðir til leiks á Reykjavíkurmótinu 2012, en þekktastur þeirra er tékkneski stórmeistarinn David Navara, en hann hefur 2.712 alþjóðleg skákstig. Þátttaka er öllum opin.

Þrjátíu manns vinna í rækju

Að jafnaði unnu á milli 20 og 30 manns í Rækjuvinnslu Ramma hf. á Siglufirði í fyrra og framleiðsla í takt við áætlanir, segir á heimasíðu fyrirtækisins. Verð á pillaðri rækju hækkaði nokkuð á árinu og eftirspurn var góð. Rækjuveiðar að vetri eru erfiðar og hefur frosið hráefni frá útlöndum verið notað til þess að brúa bilið í vinnslunni. Lítið framboð er af erlendri iðnaðarrækju og búast Siglfirðingar við að einhverjir dagar falli úr vinnslu í byrjun árs.

Flugeldaruslið skilið eftir á götum

Starfsmenn umhverfis- og samgöngusviðs Reykjavíkurborgar reyna eftir föngum að hreinsa upp flugeldarusl eftir áramótin, að sögn Arnar Sigurðssonar, skrifstofu- og sviðsstjóra á Umhverfis- og samgöngusviði.

Ekki ákveðið um vantraust

Engin ákvörðun hefur verið tekin um hvort lögð verður fram tillaga um vantraust á ríkisstjórnina, að sögn Bjarna Benediktssonar, formanns Sjálfstæðisflokksins. Hann segir ríkisstjórnina veikari eftir breytingarnar um áramótin.

Um 20 eftirskjálftar hafa mælst

Tæplega 20 eftirskjálftar hafa mælst eftir að jarðskjálfti upp á 3,7 á Richter varð rétt vestan við Krýsuvík um klukkan 21:13 í kvöld. Allir hafa eftirskjálftarnir mælst innan við tvö stig að stærð, samkvæmt upplýsingum frá Veðurstofu Íslands. Stóri skjálftinn fannst víða á Suðvesturlandi, meðal annars í Grindavík, Vatnsleysuströnd og á höfuðborgarsvæðinu.

Minnisvarði um misheppnaðar uppfinningar reistur í Austurríki

Minjasafn um mislukkaðar uppfinningar mun brátt opna í Austurríki. Meðal gripa í safninu verða flytjanleg göt, blýantar með engu blýi og fóðruð kökukefli.

Loftsteinadrífa skellur á norðurhveli jarðar á morgun

Íbúum á norðurhveli Jarðar er bent á að horfa til himins milli 7 og 8 fyrir hádegi á morgun en von er á árlegri loftsteinahríð. Drífan nefnist Kvaðrantítar og er með tilkomumeiri loftsteinadrífum sem eiga sér stað á hverju ári.

Reykvíkingar fundu skjálfta

Jarðskjálfti sem varð nærri Krýsuvík rétt eftir klukkan níu í kvöld fannst greinilega. Samkvæmt bráðabirgðamælingum Veðurstofu Íslands varð skjálftinn klukkan tólf mínútur yfir níu um 2,7 kílómetrum vestnorðvestan af Krýsuvík. Bráðabirgðamælingin sýnir að hann var 3,6 á Richterskvarða. Samkvæmt upplýsingum frá Veðurstofunni varð jarðskjálftafræðingur á vakt enn að reikna út endanlegar niðurstöður.

Óvíst hvort nemendur geti komist í hverfisskólann

Nemendur á leið í framhaldskóla næsta haust geta ekki gengið að því vísu að komast í sinn hverfisskóla þar sem innritunarreglum verður breytt vegna athugasemda frá Umboðsmanni Alþingis.

Segja skotveiðarnar hafa lítil áhrif á fuglastofnana

SKOTVÍS, Skotveiðifélag Íslands, telur að skotveiðar hafi lítil áhrif á viðkomu bjargfugla á Íslandi, því árlega séu skotnir nokkrir tugir þúsunda úr stofnum sem telja milljónir.

Fær ekki bætur eftir að hafa misst tvær tennur í rennibraut

Akureyrarbær var sýknaður í Héraðsdómi Reykjavíkur í dag af skaðabótakröfu föðurs tólf ára gamallar stúlku sem slasaðist í vatnsrennibraut í sundlaug Akureyrar árið 2007.

Bátur og norðurljósatúristar í vanda

Björgunarskip Slysavarnafélagsins Landsbjargar,Hannes Þ. Hafsteinn, er nú á leið til hafnar í Sandgerði með bát sem fékk net í skrúfuna um 13 sjómílur vestur af Sandgerði. Björgunarskipið fékk útkall um klukkan 13:40 og búist við að það komi með bilaða bátinn til hafnar um klukkan 17:00 í dag.

Fjallað um landsfund Samfylkingarinnar í næstu viku

Framkvæmdarstjórn Samfylkingarinnar mun koma saman í næstu viku til þess að fjalla um tillögu um auka landsfund á vordögum, sem níu flokksstjórnarmenn í Samfylkingunni lögðu fram á flokkstjórnarfundi 30. desember síðastliðinn. Tillagan var lögð fram eftir að hart var deilt um breytingar á ríkisstjórn.

Ríkið dæmt til þess að greiða tæpar tólf milljónir vegna læknamistaka

Héraðsdómur Reykjavíkur dæmdi íslenska ríkið til þess að greiða ellefu ára gömlu barni tæplega tólf milljónir króna fyrir læknamistök þegar það fæddist á Landspítalanum-háskólasjúkrahúsi árið 2000.

Oddný ekki komin með aðstoðarmann

Oddný G. Harðardóttir, nýskipaður fjármálaráðherra, er ekki búin að finna sér aðstoðarmann, samkvæmt upplýsingum frá skrifstofu ráðuneytisstjóra í fjármálaráðuneytinu.

2400 lítrar af heitu vatni á sekúndu

Notkunin á heitu vatni frá Orkuveitu Reykjavíkur á síðasta ári nam 74,7 milljónum tonna sem svarar til 2.400 lítra á sekúndu árið um kring. Þetta er um milljón tonnum meira en árið 2010 og skýrist það að mestu eða öllu leyti af því að hitastigið var lægra, segir á vef OR. Jafngildishiti ársins 2010 var 0,5 gráðum hærri en á síðasta ári.

Braut rúðu hjá björgunarsveitinni

Unglingur á sautjánda ári braut rúðu í húsnæði Björgunarfélags Vestmannaeyja í reiðikasti. Lögreglan fékk tilkynningu um atvikið í vikunni sem leið. Pilturinn viðurkenndi að hann hefði brotið rúðuna eftir að hafa sinnast við félaga sinn. Hann lofaði svo að bæta tjónið.

Stephen Fry í QI: Fræddi fólk um íslenskar nábrækur

Stephen Fry og gestir hans í jólaþættinum spurningaþáttarins vinsæla QI tóku íslenskar nábrækur fyrir og leiddu að því líkum að nábrækur séu undirstaða íslensks efnahagskerfis. Þátturinn, sem nýtur mikilla vinsælda á BBC, gengur út á að Fry spyr gesti sína spurninga um allt á milli himins og jarðar og takmarkið er ekki endilega að svara rétt, heldur fremur að koma með nógu skemmtilega útskýringu á fyrirbærinu sem um ræðir.

Little talks mest spilað á Bylgjunni árið 2011

Það var nóg um að vera á Bylgjunni á síðasta ári og alveg hellingur af lögum spiluð fyrir hlustendur. Af íslensku lögunum var lagið Little talks með hljómsveitinni Of monsters and men sem fékk mesta spilun á stöðinni á árinu 2011. Í öðru sæti var lagið Lengi skal manninn reyna með Megasi og Ágústu Evu. Óskabarn þjóðarinnar, Mugison, á svo næstu tvö lög í þriðja og fjóra sæti.

Gamla lögreglustöðin í Reykjanesbæ full af heitu vatni

"Það er búið að seytla þarna inn í um viku," segir Sigtryggur Magnason, einn af eigendum eignarhaldsfélagsins sem á gömlu lögreglustöðina í Reykjanesbæ. Þar uppgötvaðist í dag að heitavatnslögn hafði sprungið og flæddi sjóðandi heitt vatn um allt húsið. Talið er að lögnin hafi sprungið fyrir fjórum til sjö dögum síðan.

Stefna á að ljúka rannsókn á meintri nauðgun í lok vikunnar

Björgvin Björgvinsson, yfirmaður kynferðisbrotadeildar lögreglunnar á höfuðborgarsvæðinu, segir að embættið stefni á að rannsókn á meintri nauðgun pars í desember, ljúki í vikunni og verði sent ákæruvaldinu til frekari meðferðar.

Björguðu tveimur hrossum: Voru búin að éta töglin hvort af öðru

"Þau eru komin upp á kerruna og við erum búnir að gefa þeim hey,“ segir Þorsteinn Friðriksson, formaður björgunarsveitarinnar Ægis á Grenivík, sem lagði af stað í morgun í Gæsadal, sem liggur norður frá Víkurskraði, til að sækja tvö hross sem voru þar illa haldin.

Ekki lagagrundvöllur fyrir breytingum á innritunarreglum

Katrín Jakobsdóttir mennta- og menningarmálaráðherra studdist ekki við fullnægjandi lagagrundvöll þegar breytingar voru gerðar á innritunarreglum framhaldsskóla árið 2010. Þetta er mat Umboðsmanns Alþingis.

Fjögurra bíla árekstur - mikil hálka á vegum úti

Fjögurra bíla árekstur varð um hádegisbilið í dag á Hafnarfjarðarvegi. Samkvæmt upplýsingum frá árekstri.is þá er nær öruggt að óhappið megi rekja til hálku á veginum.

Hefur ekki tekið ákvörðun um hvort hún taki starfið

Ekki er öruggt að nýskipaður stjórnarformaður Hafró ætli að taka við stöðunni en skipan hennar var eitt af síðustu verkum Jóns Bjarnasonar sem sjárvarútvegs og landbúnaðarráðherra.

Vatnstjón í Hafnarfirði

Nokkuð tjón varð þegar vatn flæddi um gólf íbúðar í fjölbýlishúsi í Hafnarfirði um miðjan dag í gær. Einn maður var sofandi í íbúðinni þegar þetta gerðist en viðkomandi var vakinn upp af nágrönnum, sem höfðu greinilega tekið eftir einhverju óvenjulegu. Talið er líklegt að tappi í lagnagrind hafi losnað með fyrrgreindum afleiðingum.

Ók í annarlegu ástandi og faldi sig svo í snjóskafli

Karlmaður á þrítugsaldri var handtekinn um kvöldmatarleytið í gær en stuttu áður hafði hann verið dreginn upp úr snjóskafli í Háaleitishverfinu af lögreglumönnum.

Ungur piltur ók á ljósastaur

Bíll valt við gatnamót Laugavegs og Kringlumýrarbrautar í nótt en við stýrið var ungur piltur sem ók á ljósastaur með fyrrgreindum afleiðingum. Samkvæmt upplýsingum frá lögreglu skemmdist bíllinn nokkuð og var fjarlægður af vettvangi með dráttarbíl. Til allrar hamingju virðast meiðsli ökumannsins hins vegar hafa verið minniháttar.

Vilja friða fimm tegundir af svartfugli

Starfshópur á vegum umhverfisráðherra leggur til að fimm tegundir svartfugla verði friðaðar fyrir öllum veiðum og nýtingu næstu fimm árin. Fulltrúi bændasamtakanna sagði sig úr starfshópnum þegar tillögurnar lágu fyrir.

Sex lentu í snjóflóði - mildi að ekki fór verr

"Ég hef aldrei séð annað eins,“ segir Barði Sveinsson, bóndi á Innri-Múla, nærri Patreksfirði, en hann lenti óvænt í snjóflóði síðdegis í gær ásamt fimm öðrum. Barði var að sækja sjö kindur sem voru í sjálfheldu á Fuglbergi í Fossdal á Barðaströnd.

Ráð gert fyrir fundi um kjötkvóta í mánuðinum

Viðræður við ESB um aukningu á tollkvótum lambakjöts sem boðaðar voru í haust hafa tafist. Stefnt er að því að tvöfalda kvótann, úr 1.850 tonnum í 4.000 tonn. Heimila gæti þurft aukinn innflutning á móti.

Allt skal vera opið og sýnilegt

Dráttur sem orðið hefur á afgreiðslu fyrirspurnar erlendra mannréttindasamtaka um fangaflug leyniþjónustu Bandaríkjanna skýrist að hluta af því að opinbera hlutafélagið Isavia fellur ekki undir upplýsingalög.

Lilja boðar nýtt stjórnmálaafl

"Við munum fljótlega kynna fleiri sem koma að þessum flokki,“ segir Lilja Mósesdóttir, óháður þingmaður, en hún boðar nýtt stjórnmálaafl þvert á alla flokka. Lilja er dul á framtíðaráætlanir þessa framboðs og segir í samtali við fréttastofu að fleiri nöfn verða kynnt á blaðamannafundi von bráðar. Lilja gat þó ekki sagt til um hvenær sá fundur yrði haldinn.

Sex gripnir við hassreykingar

Lögreglan á höfuðborgrsvæðinu hafði afskipti af sex manneskjum í tveimur bílum í nótt, vegna hassreykinga.

Rafmagn aftur komið á bæi á Rangárvöllum

Rafmagn komst aftur á bæi og þéttbýli á Rangárvölllum seint í gærkvöldi eftir að þar varð rafmangslaust fyrr um kvöldið.

Pitsusendill slapp ómeiddur úr bílveltu

Pitsusendill slapp ómeiddur þegar hann velti bíl sínum á mótum Laugavegar, Suðurlandsbrautar og Kringlumýrarbrautar um klukkan tvö í nótt.

Sex loðnuskip leita að loðnu norður af landinu

Sex loðnuskip héldu úr höfn í nótt til leitar og veiða norður af landinu og annar eins fjöldi munu bætast í hópinn á næstu dögum, auk þess sem hafrannsóknarskip heldur til leitar í dag.

Enn óákveðið með aukalandsfund

Tillögu um aukalandsfund Samfylkingarinnar á vordögum, sem fram kom á flokksstjórnarfundi fyrir helgi, var vísað til umræðu á næsta flokksstjórnarfundi, sem gert er ráð fyrir að verði í janúar. Ekki er því rétt sem fram hefur komið í fjölmiðlum undanfarna daga, meðal annars í Fréttablaðinu í gær, að tillagan hafi verið samþykkt.

Ekki borin undir Neytendasamtökin

Neytendasamtökin eru ósátt við að vera skrifuð fyrir greinargerð um fyrirhugaða ræktun á erfðabreyttum lífverum á Reykjum í Ölfusi. Á plagginu eru gerðar fjölmargar athugasemdir við að heimila skuli ræktunina, líkt og samtökin greina frá á heimasíðu sinni. Jóhannes Gunnarsson, formaður Neytendasamtakanna, segist aldrei hafa samþykkt greinargerðina, þó svo að hún hafi verið til umfjöllunar af hálfu samtakanna.

Stjórnarformanni Hafró skipt út

Jón Bjarnason, sem lét af embætti sjávarútvegsráðherra á föstudag, lét það verða eitt af sínum síðustu verkum í embætti að biðja Friðrik Má Baldursson um að láta af embætti stjórnarformanns Hafrannsóknastofnunar. Varð Friðrik við þeirri bón á föstudag og tók Erla Kristinsdóttir, framkvæmdastjóri Sjávariðjunnar á Rifi, við starfinu.

Hlé á vinnslu nýtt til fræðslu

HB Grandi nýtir vinnsluhlé yfir hátíðirnar til námskeiðahalds fyrir starfsfólk í landvinnslu fyrirtækisins. Fyrirtækið hefur haft þennan háttinn á síðustu ár og að þessu sinni tóku 25 nýir starfsmenn í fiskiðjuverinu á Norðurgarði í Reykjavík þátt í „starfsfræðslunámskeiði fiskvinnslunnar“ en slík námskeið hafa verið haldin allt frá árinu 1986.

Nýtist til heilaskurðaðgerða

Tekið hefur verið í notkun nýtt tölvustýrt staðsetningartæki á heila- og taugaskurðdeild Landspítala. „Tækið gerir að verkum að skurðaðgerðir á höfði verða bæði nákvæmari og öruggari. Það nýtist best við aðgerðir á æxlum í heila,“ segir á vef Landspítalans. Þá nýtist tækið við ýmsar aðgerðir háls-, nef- og eyrnalækna og bæklunarskurðlækna. Tækið, sem er um 25 milljóna króna virði, er gjöf frá Arion banka og sjóði sem verið hefur í vörslu hans og stofnaður var á sínum tíma til að styðja tækjakaup.-

Biðst undan auknum verkefnum

„Það er ekki þess virði að berjast fyrir fyrirkomulagi sem kostar forseta fjárhagslegar fórnir og hugnast ekki nema helmingi bæjarstjórnar,“ segir Sigurborg Kr. Hannesdóttir, forseti bæjarstjórnar Grundarfjarðar, í bókun á síðasta fundi bæjarstjórnar þar sem hún baðst undan auknum starfsskyldum.