Taka þarf ákvörðun um gjaldskrá Orkuveitunnar

Guðlaugur Sverrisson, fyrrverandi stjórnarformaður Orkuveitu Reykjavíkur, segir ljóst að eitt fyrsta verkefni nýrrar stjórnar fyrirtækisins verði að ákveða Orkuveitunni gjaldskrá til næstu ára. „Í mínum er það ekki spurning um hvort það verður gert, heldur hvenær. Við þurfum að átta okkur á því að orkuverð hér á landi er mjög lágt. Þrátt fyrir að gjaldskrár verði leiðréttar verður það áfram lágt," segir Guðlaugur í skýrslu sem hann lagði fyrir aðalfund Orkuveitunnar í dag en á fundinum tók ný stjórn við.

Evrópusamtökin: Bremsuyfirlýsing Bjarna

Evrópusamtökin kalla orð Bjarna Benediktssonar, formanns Sjálfstæðisflokksins, um Evrópumál á landsfundi flokksins bremsuyfirlýsingu. Í ræðu sinni sagði Bjarni að við núverandi aðstæður væri réttast að draga umsókn Íslands að Evrópusambandinu til baka en ef umsókninni verði haldið til streitu beri að vinna að því að tryggja hagsmuni Íslands.

Bankarnir ekki að leggja lokahönd á samræmdar aðgerðir

„Fyrirtæki á fjármálamarkaði hafa eðlilega verið óróleg líkt og viðskiptavinir þeirra,“ segir Guðjón Rúnarsson, framkvæmdastjóri Samtaka fjármálafyrirtækja. Vonast hafi verið að stjórnvöld myndu stíga inn í tómarúmið þar sem enn ríki óvissa um útreikning á gengistryggðum lánum eftir dóm Hæstaréttar í síðustu viku.

Norðmenn aðstoða sérstakan saksóknara

Hópur sérfræðinga frá norsku efnahagsbrotadeildinni Økokrim er nú staddur á Íslandi til að aðstoða embætti sérstaks saksóknara. Norðmennirnir eru hér á landi til þess að veita embættinu sérfræðiaðstoð og leggja grunn að frekara samstarfi embættanna tveggja.

Steingrímur á von á kraftmiklum fundi

Flokksráðsfundur Vinstri grænna hófst klukkan fimm í dag. Niðurstaða sveitastjórnarkosninganna verður meðal helstu mála sem rædd verða fundinum.

Ísland standi við lágmarkstryggingu

Forseti Eftirlitsstofnunar EFTA segir stofnunina ekki hafa neina skoðun á lánakjörum Breta og Hollendinga vegna Icesave samninganna við Íslendinga. Hins vegar telji stofnunin ótvírætt á Íslendingar eigi að greiða sem svarar til um 21 þúsund evrum á hvern Icesave reikning.

Kristján Þór leggur mannorð sitt að veði

„Hér er ekki verið að grafa neitt, ekki skjóta neinu á frest né komast hjá erfiðum umræðum,“ sagði Kristján Þór Júlíusson, þingmaður Sjálfstæðisflokksins, á landsfundi flokksins í dag. Hann mun fara fyrir svokallaðri Framtíðarnefnd sem ætlað er það hlutverk að endurskoða og móta áherslur í skipulagi og starfi Sjálfstæðisflokksins.

Haraldur verður tímabundið í fullu starfi hjá OR

Ný stjórn tók við á aðalfundi Orkuveitu Reykjavíkur í dag. Á fundinum lagði Jón Gnarr, borgarstjóri, fram áherslur Reykjavíkurborgar í rekstrinum. Haraldur Flosi Tryggvason er nýr stjórnarformaður og auk hans skipa stjórnina þau Helga Jónsdóttir, Aðalsteinn Leifsson, Kjartan Magnússon, Sóley Tómasdóttir og Hrönn Ríkharðsdóttir. Áheyrnarfulltrúi Borgarbyggðar er Björn Bjarki Þorsteinsson. Haraldur verður tímabundið í fullu starfi sem stjórnarformaður.

Lögreglan stöðvaði kannabisræktun í Hafnarfirði

Lögreglan á höfuðborgarsvæðinu stöðvaði kannabisræktun í fjölbýlishúsi í Hafnarfirði í gærmorgun. Við húsleit á áðurnefndum stað fundust nokkrir tugir kannabisplantna. Húsráðandi, karl á fertugsaldri, játaði aðild sína að málinu.

Bjarni Ben vill leggja aðildarumsókn til hliðar

Bjarni Benediktsson, formaður Sjálfstæðisflokksins, sagði að við núverandi aðstæður væri réttast að leggja aðild að Evrópusambandinu til hliðar. Þetta kom fram ræðu hans á setningu Landsfundar Sjálfstæðisflokksins klukkan fjögur í dag.

Pétur Blöndal íhugar formannsframboð

„Ég ætla ekki að svara já eða nei, ég er á móti já og nei spurningum," segir Pétur Blöndal alþingismaður aðspurður um hvort hann ætli að bjóða sig fram til formanns Sjálfstæðisflokksins á morgun. Landsfundur sjálfstæðismanna hófst núna klukkan fjögur og verður kosið um formann og varaformann á morgun.

Íslendingar standa við Kyoto-bókunina en svigrúmið er lítið

Samkvæmt spám Umhverfisstofnunar mun Ísland standa við sínar skuldbindingar gagnvart Kyoto-bókuninni, en ljóst er að svigrúm er ekki mikið.

Leggja til að tekjujöfnunarframlag verði lagt niður

Starfshópur samgöngu- og sveitarstjórnarráðherra um heildarendurskoðun á regluverki Jöfnunarsjóðs sveitarfélaga leggur til að regluverki sjóðsins verði breytt í tveimur áföngum. Fyrst verði tekið upp nýtt kerfi útgjaldajöfnunar og síðan gerð grundvallarbreyting á jöfnunarkerfinu.

Saga Film vill tæpar tvær milljónir frá smálánafyrirtæki

Kvikmyndafyrirtækið Saga Film krefst tæplega tveggja milljóna króna í skaðabætur vegna auglýsingar á smálánum hjá Kredia. Um er að ræða meintan stuld á persónu úr Vaktarseríunum, Nætur-, Dag og Fangavaktarinnar, sem heitir Hannes og var pabbi Ólafs Ragnars.

Von á yfirlýsingu vegna gengislána

„Það er nú hægt að lofa yfirlýsingu fljótlega en ég ætla nú ekki að segja nákvæmlega hvað fljótlega felur í sér," segir Gylfi Magnússon, viðskiptaráðherra. Viðskiptaráðuneytið hefur undanfarið átt samráð við fjármálafyrirtæki til að draga úr óvissu vegna dóms hæstaréttar um lögmæti gengistryggingar lána. Ekki er annað á honum að heyra en afrakstur þess verði gerður ljós á næstunni.

Rúmlega tvær milljónir til að rannsaka einelti

Veittur hefur verið styrkur að fjárhæð 2,2 milljónir króna úr Styrktarsjóði Margaret og Bent Scheving Thorsteinssonar til rannsóknar á einelti gegn börnum á Íslandi. Um er að ræða heildstæða, þverfræðilega rannsókn en markmið sjóðsins er að standa fyrir rannsóknum á einelti og kanna allar lagalegar og siðferðilegar leiðir til að fyrirbyggja einelti og bæta fyrir afleiðingar þess. Styrkurinn var veittur við hátíðlega athöfn í Norræna húsinu.

Barnaheill í Vestmannaeyjum verður Barnahagur

Umsjónarmenn styrktarsjóðsins Barnaheill í Vestamannaeyjum hafa breytt nafni sjóðsins í Barnahagur, Vestmannaeyjum. Það er gert til að fyrirbyggja að fólk rugli þeim litla sjóði sjálfboðaliða við landssamtökin Barnaheill á Íslandi - Save the Children.

Jónmundur: Ólafur sagði sig sjálfur úr flokknum

„Það er alveg kýrskýrt að Ólafur [Áki Ragnarsson. innskt. blm.] er ekki rekinn úr flokknum. Hvorki af mér persónulega, né af miðstjórn flokksins,“ segir Jónmundur Guðmarsson, framkvæmdastjóri Sjálfstæðisflokksins en Ólafur Áki, sem áður gegndi embætti bæjarstjóra í Ölfusi, sagðist hafa verið vísað úr flokknum.

Sveitarstjórnarkosningar gerðar upp hjá VG

Niðurstaða sveitastjórnarkosninganna verður meðal helstu mála sem rædd á flokksráðsfundi Vinstri grænna. Einnig verður rætt um hvernig tryggja megi eignarhald þjóðarinnar á auðlindum sínum.

Slökkviliðsmenn sennilega á leið í verkfall - „Menn tilbúnir í allt“

„Það leggst náttúrulega illa í mig að þurfa að taka þessar ákvarðanir," segir Sverrir Björn Björnsson, formaður landssambands slökkviliðs- og sjúkraflutningamanna, aðspurður um hvernig þær aðgerðir sambandsins um að boða til verkfalls leggist í hann.

Afar sjaldgæft að menn séu reknir úr stjórnmálaflokkum

„Ég man ekki eftir því að nokkur hafi verið rekinn úr Sjálfstæðisflokknum,“ segir Birgir Guðmundsson, stjórnarmálafræðingur, um brottrekstur Ólafs Áka Ragnarssonar, fyrrverandi bæjarstjóra Ölfus, úr Sjálfstæðisflokknum.

Unnu 23 milljónir í lottó - miðinn var í hanskahólfinu

Það voru heppin hjón frá Suðurnesjunum sem komu til Íslenskrar getspár með vinningsmiða frá síðustu helgi uppá rúmar 23 milljónir. Heimilisfaðir fjölskyldunnar hafði brugðið sér inn í Brautarnesti í Keflavík á þjóðhátíðardaginn sjálfan og kippt með sér einum 10 raða sjálfvalsmiða. Það var svo ekki fyrr en á mánudagskvöldið sem hjónin athuguðu miðann sinn eftir að þau heyrðu að lýst væri eftir vinningshafa sem hafði keypt miða í Brautarnesti.

Eldur í kexverksmiðjunni Fróni

Eldur kviknaði í vél í kex-verksmiðjunni Frón í Árbæ í morgun. Eldurinn er minniháttar og er ein deild frá slökkviliðinu á höfuðborgarsvæðinu á vettvangi.

Rekinn úr Sjálfstæðisflokknum degi fyrir landsfund

„Mér var vísað úr flokknum í gær,“ segir Ólafur Áki Ragnarsson, fyrrverandi bæjarstjóri í Ölfuss, en hann var rekinn úr Sjálfstæðisflokknum í gær. Það var framkvæmdarstjóri flokksins, Jónmundur Guðmarsson, sem hringdi í hann í gær og tilkynnti honum að miðstjórn flokksins hefði ákveðið að vísa honum úr flokknum.

Barnaheill tengist ekki golfmóti Hermanns

Barnaheill - Save the Children á Íslandi segir að félagið standi ekki að fjársöfnun í tengslum við golfmót Hermanns Hreiðarssonar, Herminator, sem fer fram í Vestmannaeyjum á morgun. Í tilkynningu sem félagið hefur sent fjölmiðlum segir að um er að ræða misskilning þar sem styrktarsjóður fyrir börn í Vestmannaeyjum er kynntur undir nafninu Barnaheill í Vestmannaeyjum.

Femínistar reiðir vegna kvennakvölds Besta flokksins

"Það eru vond vinnubrögð og óvirðing að borgin skuli vera að troða sér inn í skipulagningu dags sem væri ekki til án vinnu grasrótarhreyfingu kvenna," segir Sóley Tómasdóttir borgarfulltrúi Vinstri Grænna.

Makríll veiðist um allan sjó

Tvö fjölveiðiskip eru nú á landleið með makríl, sem þau veiddu á Reykjaneshrygg, þannig að hann er farinn að veiðast um allan sjó, eins og sjómenn orða það.

SUS vill draga ESB umsóknina til baka

Samband ungra Sjálfstæðismanna (SUS) skorar á stjórnvöld að draga umsókn Íslands um aðild að Evrópusambandinu til baka sem fyrst.

Tveir lyfjaðir ökumenn teknir úr umferð

Tveir ökumenn voru teknir úr umferð í Reykjavík í nótt. Annar er grunaður um að hafa ekið undir áhrifum fíkniefna, en inn um að hafa ekið undir áhrifum löglegra lyfja, en að hafa neytt þeirra ótæpilega.

Rífandi gangur í laxveiðinni

Laxveiðin fer víða mun betur af stað en undanfarin ár, en veiði er byrjuð í öllum helstu laxveiðiánum.

Málþófið á Alþingi heyri sögunni til

Siv Friðleifsdóttir, þingmaður Framsóknarflokksins, lagði fram lagafrumvarp á Alþingi í gær um þingsköp Alþingis. Frumvarpið á að bæta umræðuhefð þingmanna og koma í veg fyrir málþóf. Siv sækir fyrirmyndina til norska þingsins þar sem hún segir að málþóf sé hætt og umræðuhefðin mun betri.

Styttist óðum í stóru ferðahelgarnar

„Stærstu helgarnar hafa verið fyrsta helgin í júlí og verslunarmannahelgin en umferð í júní hefur verið að aukast. Álagstímabilið er því frá lokum júní til verslunarmannahelgar,“ segir Guðbrandur Sigurðsson, aðalvarðstjóri umferðardeildar lögreglunnar á höfuðborgarsvæðinu.

Ragnheiður er hæf í nefndina

Formaður þingnefndar sem á að fjalla um og bregðast við skýrslu rannsóknarnefndar, segir að hugsanlegt vanhæfi nefndarmannsins Ragnheiðar Ríkharðsdóttur, þingmanns Sjálfstæðisflokks, hafi verið yfirfarið af nefndinni.

Spara í umhverfis- og forvarnamálum

Stöður sérfræðings í umhverfismálum og verkefnisstjóra í íþrótta-, forvarna- og menningarmálum í Árborg verða lagðar niður, gangi hugmyndir meirihlutans eftir. Tillögur þess efnis verða lagðar fram á fundi bæjarráðs í dag. Þá verður staða starfsmannastjóra lögð niður, en enginn hefur gegnt henni í tvö ár.

Hjálpar þúsundum heimila

Alþingi samþykkti í gær heimilispakkann svokallaða, fimm lagafrumvörp sem miða að því að aðstoða fjárhagslega verst stöddu heimilin í landinu. Félagsmálaráðherra telur lögin koma til með að styðja við þúsundir heimila. Allt að 22 þúsund heimili í landinu þurfi á umtalsverðum skuldbreytingum að halda og með nýju lögunum fækki umtalsvert í þeim hópi. Allt að fimm þúsund heimili munu nýta sér úrræðin, að mati varaformanns félags- og tryggingamálanefndar.

Fréttaskýring: Tveir andstæðir pólar í gengislánamáli

Tvær fylkingar takast á um næstu skref eftir að Hæstiréttur úrskurðaði ólögmæti gengistryggðra bílalána fyrir viku. Annar hópurinn segir vaxtatöflu Seðlabankans eiga að taka við af gengistryggingunni. Hinn krefst þess að upphaflegir samningsvextir standi.

Börðu og spörkuðu í lögreglu

Ríkissaksóknari hefur ákært tvö ungmenni í tveimur aðskildum málum fyrir árásir á lögreglumenn við skyldustörf.

Þing samþykkir lagafjöld í þágu hinna verst stöddu

Fimm frumvörp sem miða að því að aðstoða þá skuldara sem verst standa fjárhagslega voru samþykkt á Alþingi í gær á sérstökum þingfundi vegna þeirra mála.

Umhverfisvæn húsbygging

Svandís Svavarsdóttir umhverfisráðherra tók Snæfellsstofu á Skriðuklaustri í notkun í gær. Snæfellsstofa er ný gestastofa fyrir austursvæði Vatnajökulsþjóðgarðs og í tilefni dagsins var einnig opnuð umhverfisfræðslusýningin Veraldarhjólið í stofunni.

Braut gegn fjórtán ára stúlku

Rúmlega tvítugur karlmaður hefur verið dæmdur í Héraðsdómi Reykjaness í tólf mánaða skilorðsbundið fangelsi fyrir kynferðisbrot gegn barni. Þá var hann dæmdur til að greiða stúlkunni 200 þúsund í miskabætur. Maðurinn var ákærður fyrir að hafa tvívegis haft samræði við fjórtán ára stúlku.

Skemmdir á tuttugu bílum

Hvítar málningarslettur á Suðurlandsveginum, rétt hjá Litlu kaffistofunni, skemmdu hátt í tuttugu bíla í gær. Sumir bílanna urðu óökufærir. Málningin hafði hellst á veginn úr fötu við vegarkantinn og biðu ökumenn í meira en tvo tíma eftir aðstoð lögreglunnar.

Upplýsandi fundur í Stjórnarráðinu

„Það var verið að kynna okkur ákveðnar sviðsmyndir sem Fjármálaeftirlitið og Seðlabankinn hafa verið að setja upp í framhaldi á dómi Hæstaréttar. Þær voru misdökkar eftir því hvaða forsendur voru gefnar,“ segir Vilhjálmur Egilsson, framkvæmdastjóri Samtaka atvinnulífsins.

Fischer grafinn upp á næstu dögum

Undirbúningur þess að grafa upp lík skákmeistarans Bobby Fischers er hafinn. Tjaldað verður yfir gröfina meðan hún verður opnuð og lífsýni sótt. Þetta er gert til sannreyna kröfur í faðernismáli gegn dánarbúi Fischers.

Einar K.: Flokkurinn er ekki að klofna

Sjálfstæðismenn hafa ástæðu til að óttast klofning flokksins verði tillaga um að Ísland dragi umsókn sína um aðild að Evrópusambandinu til baka borin upp á landsfundi flokksins. Þetta segir, fyrrverandi borgarfulltrúi Sjálfstæðismanna. Einar K. Guðfinnsson, þingmaður flokksins segir ummæli sem þessi minna á hótanir.

Jón Gnarr: Starfandi stjórnarformaður verndar almannahagsmuni

Sjálfstæðismenn og Vinstri grænir í minnihluta borgarstjórnar segja skjóta skökku við að Besti flokkurinn og Samfylkingin ráði stjórnarformann til Orkuveitunnar fyrir tæpa milljón á mánuði á sama tíma og niðurskurður er boðaður í borginni. En nýi meirihlutinn í borginni hefur ákveðið að ráða starfandi stjórnarformann til Orkuveitunnar.