Íslensk pólitík eins og Morfís

Engum datt í hug að bandarísk stjórnvöld hafi orsakað fellibylinn Katarínu en þau voru hins vegar harðlega gagnrýnd fyrir lélegt skipulag á varnaraðgerðum og viðbrögðum, nákvæmlega sama á við íslenskt stjórnkerfi.

Vill rannsóknarnefnd yfir Reykjavíkurborg

Þorleifur Gunnlaugsson, borgarfulltrúi Vinstri grænna, lagði fram tillögu á borgaráðs í dag um að fram fari rannsókn á aðdraganda, orsökum og afleiðingum efnahagshrunsins á borgina og fjárhag hennar.

Bestla gaut átta grísum

Dýrahirðar í Fjölskyldu- og húsdýragarðinum höfðu í nógu að snúast í fjósinu í morgunsárið. Gyltan Bestla gaut átta grísum upp úr klukkan sjö. Gotið gekk vel en nokkur tími leið á milli grísa sem Bestla notaði til að ná kröftum. Að sögn dýrahirða í garðinum tók gölturinn Gullinbursti, sem býr í næstu stíu, gotinu með mikilli yfirvegun og lét það ekki trufla morgunlúrinn hjá sér og í raun ekki hádegislúrinn heldur.

Skýrsla rannsóknarnefndarinnar prentuð í þriðja sinn

Ákveðið hefur verið að prenta þriðju prentun af skýrslu rannsóknarnefndar Alþingis þar sem skýrslan eru uppseld í mörgum bókaverslunum. Í fréttatilkynningu frá Alþingi kemur fram að prentuð verða 2000

Prestastefna: Stuðningur fékkst ekki við ein hjúskaparlög

Rætt var um lagafrumvarp dóms- og mannréttindamálaráðherra um ein hjúskaparlög á prestastefnu sem fram fer í Vídalínskirkju í Garðabæ. Þrjár tillögur voru lagðar fram á fundinum en tillaga um að lýsa stuðningi við frumvarpið var ekki afgreidd.

Austurvöllur tyrfður

„Það er verið að gera huggulegt á mótmælendatorginu,“ segir Guðmundur Jónsson, garðyrkjufræðingur, sem er að tyrfa á Austurvelli.

„Heilli kynslóð stjórnmálamanna mútað“

„Við stöndum frammi fyrir þeirri staðreynd að heilli kynslóð stjórnmálamanna hefur verið mútað með beinum eða óbeinum hætti og stjórnmálaflokkarnir hafa komið í ljós sem þjófafélag," segir Benedikt Erlingsson leikari. Hann er einn af mörg hundruð mönnum sem krefjast þess að fallið verði frá ákæru ríkissaksóknara á hendur níu mótmælendum sem gefið er að sök að hafa ráðist á Alþingi í Búsáhaldabyltingunni í fyrra.

Matarkarfan hækkað um 66 prósent á fjórum árum

Matarkarfan hefur hækkað um 66 prósent frá árinu 2006 samkvæmt könnun SFR og birtist í nýjasta hefti tímarits stéttafélagsins sem er komið út.

Eineltisrapp tilkynnt til lögreglunnar - fórnarlambið í stofufangelsi

„Systir mín kærði þetta í dag,“ segir frænka fimmtán ára pilts frá Sandgerði sem hefur að hennar sögn orðið fyrir hrottalegu einelti þar í bæ. Eineltið hefur tekið á sig margar myndir, meðal annars hafa gerendurnir gengið heiftarlega í skrokk á piltinum.

Borgin ver 100 milljónum í markaðsátak fyrir ferðaþjónustuna

Borgarráð ákvað einróma á fundi sínum í morgun að verja 100 milljónum króna til sameiginlegs markaðsátaks í ferðaþjónustu með helstu hagsmunaaðilum í greininni. Þetta er gert vegna þeirrar alvarlegu stöðu vegna gossins í Eyjafjallajökli, sem komin er upp hjá íslenskri ferðaþjónustu og hjá fjölmörgum fyrirtækjum í Reykjavík sem treysta á viðskipti erlendra ferðamanna.

Vísar verðbólgumælingum Hagstofunnar á bug

Samband garðyrkjubænda vísar því á bug að íslenskt grænmeti hafi hækkað um 12% frá því í mars, eins og fram kemur í verðbólgumælingum Hagstofunnar og Greining Íslandsbanka vísar í.

„Konur eru ekki óþekkar á sunnudögum“

Fjölmörg kvennasamtök standa að kvennafrídeginum, 24. október 2010. Þá verða liðin 35 ár frá fyrsta kvennafrídeginum. Þá gengu konur úr vinnu og héldu einn stærsta fjöldafund sem haldinn hefur verið hérlendis í Reykjavík. Hugmyndin er að kvennafríið nú verði með öðru sniði, segir Guðrún Jónsdóttir ein talskvenna framtaksins.

Gagnrýndu agaleysi í ríkisfjármálum

Sjálfstæðismenn gagnrýna ríkisstjórnina fyrir að veita aukalega 500 milljónum króna til atvinnusköpunar án þess að fyrir liggi samþykki Alþingis. Í stað aðhalds sýni ríkisstjórnin agaleysi í ríkisfjármálum.

Valgerður Sveinsdóttir leysir Guðrúnu Valdimarsdóttur af hólmi

Valgerður Sveinsdóttir lyfjafræðingur mun skipa annað sæti lista framsóknarmanna í Reykjavík fyrir næstu borgarstjórnarkosningar og færist

Samstarf við VG fyrsti kostur

Valdimar Svavarsson, oddviti sjálfstæðismanna í Hafnarfirði, segir að Hafnfirðingar vilji gefa Samfylkingunni frí frá stjórn bæjarfélagsins. Meirihlutasamstarf með Vinstri grænum sé fyrsti kostur verði niðurstöður kosninganna í næsta mánuði í samræmi við skoðanakönnun sem Fréttablaðið birti í dag.

Vill viðbragðsáætlun vegna efnahagsáfalla

Mikilvægt er að unnin sé viðbragðsáætlun til að bregðast við því ef efnahagsáföll verða, sagði Gunnar Bragi Sveinsson, þingflokksformaður Framsóknarflokksins, á Alþingi í dag.

Samþykkt að stofna Íslandsstofu

Alþingi samþykkti í dag að setja á fót nýja stofnun, Íslandsstofu, sem mun taka til starfa í stað Útflutningsráðs.

Oddviti VG: Könnunin gefur okkur byr í seglin

„Þetta er náttúrulega ekki fast í hendi en þetta yrði mjög gleðileg niðurstaða og við kæmumst í lykilstöðu. Þessi könnun gefur okkur byr í seglin,“ segir Guðrún Ágústa Guðmundsdóttir, oddviti VG í Hafnarfirði, um skoðanakönnun sem birtist í Fréttablaðinu í dag.

Ágreiningur um fréttamat: Sagði upp á Morgunblaðinu

Blaðakonan Gunnhildur Arna Gunnarsdóttir sagði upp starfi sínu sem kvöldfréttastjóri Morgunblaðsins vegna ágreinings um forsíðu blaðsins sem birtist daginn eftir að rannsóknarskýrsla Alþingis var birt. Það var Smugan.is sem greindi frá því að Gunnhildur hefði sagt upp vegna þess að henni mislíkaði inngrip ritstjórans á forsíðu blaðsins.

Þjófar handteknir

Lögreglumenn á höfuðborgarsvæðinu handtóku í nótt tvo unga menn sem voru að brjótast inn í bíl við Langholtsveg í Reykjavík. Við leit í bíl þeirra fannst ýmislegt góss, sem reyndist vera úr innbroti í þrjá bíla á bílasölu við Bíldshöfða fyrr um nóttina. Þar höfðu þjófarnir brotið rúður í bílunum, rifið úr þeim útvörp og hljómtæki, og stolið fleiri verðmætum.

Allt flug með eðlilegum hætti

Allir alþjóðaflugvellir á landinu hafa verið opnir síðan í gærkvöldi og millilandaflugið fer nú um Keflavíkurflugvöll. Allt bendir til að innanlandsflug verði samkvæmt áætlun í dag eftir tveggja daga röskun. Fyrstu innanlandsvélarnar fóru frá Reykjavík í gærkvöldi til Akureyrar og Egilsstaða.

Ökumaður bifhjóls fluttur á sjúkrahús

Ökumaður bifhjóls slasaðist en þó ekki alvarlega þegar bíl var ekið í veg fyrir hann á mótum Kársnesbrautar og Norðurvarar í Kópavogi á tíunda tímanum í gærkvöldi. Hann var fluttur með sjúkrabíl á slysadeild þar sem hann kenndi eymsla í mjöðm og baki, en ökumann bílsins sakaði ekki.

Neyðarblys sást á lofti

Rautt neyðarblys sást á lofti að því er virtist yfir Sundunum norðvestur af Reykjavík um miðnætti. Við nánari athugun Landhelgisgæslu, Tilkynningaskyldu og lögreglu kom í ljós að blysinu hefur verið skotið á loft af landi, einhversstaðar í grennd við Reykjavíkurhöfn. Gerandinn fannst ekki en þung viðurlög liggja við því að skjóta upp neyðarblysum að tilefnislausu.

Samfylkingin bíður afhroð í Hafnarfirði

Samfylkingin missir meirihluta sinn í bæjarstjórn Hafnarfjarðar í komandi sveitarstjórnarkosningum, samkvæmt niðurstöðum skoðanakönnunar Fréttablaðsins og Stöðvar 2 sem gerð var í gærkvöldi.

Þóra Kristín dregur sig í hlé

Þóra Kristín Ásgeirsdóttir, formaður Blaðamannafélags Íslands, hefur dregið sig í hlé og sækist ekki eftir endurkjöri á á aðalfundi í kvöld. Hjálmar Jónsson, framkvæmdastjóri félagsins, er því einn í kjöri. Hann bauð sig fram gegn Þóru Kristínu eftir harðar deilur hennar við Hjálmar um verkaskiptingu formanns, stjórnar og framkvæmdastjóra. Ágreiningur var einnig innan stjórnar félagsins um þau mál og fylgdi minnihluti stjórnar Hjálmari að málum.

Meðferð lánamála flýtt í Hæstarétti

Hæstiréttur hefur ákveðið að flýta meðferð tveggja mála er varða lögmæti myntkörfulána. Komist Hæstiréttur að þeirri niðurstöðu að lánin séu ólögleg, eins og Héraðsdómur Reykjavíkur komst að í öðru málanna, þýðir það ekki að hagur allra neytenda vænkist eða að allri óvissu um lánin sé þar með eytt.

Hótaði nauðgunum

Catalina Mikue Ncogo, sem nú bíður dóms, ákærð fyrir hagnýtingu vændis, mansal, frelsissviptingu og ólögmæta nauðung, hótaði konum sem hún seldi í vændi meðal annars því að láta glæpamenn nauðga þeim, hlýddu þær henni ekki.

Hækka framlög til flokkanna

Hámarksframlög til stjórnmálaflokka hækka um þriðjung, verði fyrirliggjandi frumvarp formanna stærstu flokkanna samþykkt.

Íslendingar virða ekki lög og reglur

„Ég held að hér sé landlægt virðingarleysi gangvart lögum og reglum,“ segir Salvör Nordal, forstöðumaður Siðfræðistofnunar Háskóla Íslands og einn höfunda að siðfræðihluta skýrslu rannsóknarnefndar Alþingis um bankahrunið.

Kjörstjórn taldi prófkjörsslag hóflegan

Kjörstjórn Samfylkingar í Reykjavík taldi ekki að frambjóðendur hefðu verið óhóflegir í prófkjörsbaráttunni árið 2006, í prófkjöri fyrir alþingiskosningar 2007. Prófkjörsreglur hefðu ekki verið brotnar.

Plægja þarf hundrað hektara túns

Tæpir sextíu hektarar túns á Önundarhorni, sem lentu undir aurflóðinu af völdum gossins í Eyjafjallajökli á dögunum, eru ónýtir. Plægja þarf þá upp aftur, að sögn Sigurðar Þórs Þórhallssonar bónda á jörðinni. Hinn hluti túnsins, á fimmta tug hektara, liggur undir ösku. Sigurður telur að þann hluta þurfi einnig að plægja og sá í til að losna við öskuryk sem ella myndi þyrlast upp og setjast í heyið í sumar. Hann telur að einhver heyfengur fáist af túnunum, en ljóst sé að hann verði að kaupa hey til viðbótar.

Missti tíu milljóna réttindi fyrir mistök

Björn Hafþór Guðmundsson, sveitarstjóri á Djúpavogi, nýtur allt að tíu milljóna króna minni lífeyrisréttinda en lagt var upp með þegar hann var ráðinn til sveitarfélagsins fyrir átta árum.

Vill lækka skatta á neyslugranna bíla

Kristján L. Möller samgönguráðherra vill breyta skattlagningu eignarhalds og notkunar neyslugrannra bíla svo þeir verði fýsilegri kostur en nú er.

Smíða 1100 hestafla bíl

„Þetta er tæki með 1100 hestafla vél – alvöru kvartmílubíll,“ segir Rúdólf Jóhannsson, sem hefur ásamt syni sínum smíðað kvartmílubíl frá grunni.

Fundu snák, kakkalakka og kannabis

Snákur, mýs og kakkalakkar var á meðal þess sem lögreglan haldlagði við húsleit á höfuðborgarsvæðinu.

Gildi: Krafan um að stjórnin víki kolfelld

Ársfundi Gildi lífeyrissjóðs lauk á tíunda tímanum í kvöld. Þar var borin upp krafa þess efnis að stjórn og stjónendur sjóðsins víki en fundurinn kolfelldi tillöguna. Fullt var út úr dyrum og mikill hiti í fundargestum.

Kannabisræktun í Breiðholti og Kópavogi

Lögreglan á höfuðborgarsvæðinu stöðvaði í fyrrakvöld kannabisræktun í Breiðholti og í Kópavogi. Á hvorum stað fyrir sig var einn maður handtekinn í þágu rannsóknarinnar.

Mótorhjól og fólksbíll skullu saman í Kópavogi

Ökumaður mótorhjóls var fluttur á slysadeild í kvöld eftir að hjólið lenti í árekstri við fólksbíl á gatnamótum Kársnesbrautar og Norðurvarar. Slysið varð um klukkan tuttugu mínútur yfir níu. Óljóst er um meiðsl mótorhjólamannsins en að sögn vegfaranda leit ekki út fyrir að hann hefði slasast alvarlega.

Víkingalottó: Enginn með allar tölur réttar

Enginn var með allar tölur réttar í Víkingalottói kvöldsins. Einn Íslendingur datt þó í lukkupottinn þegar hann var með allar tölur réttar í Jókernum svokallaða. Sá keypti miðann sinn í Bitahöllinni á Stórhöfða og fær hann tvær milljónir króna í sinn hlut. Þá var einn með fjórar tölur réttar og fær að launum hundrað þúsund krónur.

Þekking ekki með Símagögn undir höndum

Framkvæmdastjóri upplýsingatæknifyrirtækisins Þekkingar hf. vísar því alfarið á bug að hafa undir höndum viðkvæm gögn í eigu Símans. Forsvarsmenn Símans segja fyrirtækið keppinaut þeirra og fullyrða að starfsmenn þess hafi haldlagt og afritað gögn í húsleit sem þar fór fram um daginn.

Flugvellirnir opnaðir í Keflavík og í höfuðborginni

Lofthelgi við Keflavíkurflugvöll og Reykjavíkurflugvöll hefur verið opnuð fyrir blindflugsumferð. Keflavíkur- og Reykjavíkurflugvöllur eru því ekki inn á gjóskudreifingarsvæðinu og því opnir.

Þórunn verður þingflokksformaður Samfylkingarinnar

Þórunn Sveinbjarnardóttir, tekur við sem formaður þingflokks Samfylkingarinnar en þetta var ákveðið á þingflokksfundi sem lauk nú skömmu fyrir fréttir. Skúli Helgason verður varaformaður.

Enn engin merki um goslok

Kvikustreymi og gosmökkur í Eyjafjallajökli hefur verið með svipuðum hætti og undanfarna sólarhringa og hraun heldur áfram að renna til norðurs í upptökum Gígjökuls. Af gufu sem leggur upp af Gígjökli má ráða að hraunið sé komið í hallann til norðurs. Ekki sjást merki um að gosi sé að ljúka að mati Veðurstofunnar en gosórói hefur verið svipaður og undanfarna daga.

Gildi lífeyrissjóður: Fullt út úr dyrum á ársfundi

Ársfundur Gildi lífeyrissjóðs hófst klukkan fimm í dag og er fullt út úr dyrum á fundinum. Þar verður lögð fram krafa um að stjórn og framkvæmdastjórn sjóðsins víki vegna tug milljarða taps sem sjóðurinn varð fyrir vegna bankahrunsins.

Sérstakur saksóknari: Fyrstu ákærur líta dagsins ljós í maí

„Fyrstu niðurstöðurnar eru væntanlegar í maí,“ segir Ólafur Þór Hauksson, sérstakur saksóknari, en áður var stefnt að því að fyrstu ákærur litu dagsins ljós í lok apríl.