Gildi lífeyrissjóður: Fullt út úr dyrum á ársfundi

Ársfundur Gildi lífeyrissjóðs hófst klukkan fimm í dag og er fullt út úr dyrum á fundinum. Þar verður lögð fram krafa um að stjórn og framkvæmdastjórn sjóðsins víki vegna tug milljarða taps sem sjóðurinn varð fyrir vegna bankahrunsins.

Hver lífeyrissjóðurinn á fætur öðrum hefur að undanförnu tilkynnt um skerðingu á lífeyrisréttindum og Landssamband eldri borgara gagnrýnir harðlega skerðingu á lífeyrisgreiðslum í Fréttablaðinu í dag. Formaður landssambandsins gagnrýnir einnig lífeyrissjóðina fyrir glæfralegar fjárfestingar í aðdraganda hrunsins.