Fleiri fréttir

Samningar í höfn hjá flugvirkjum

Samningar hafa tekist á milli flugvirkja og Icelandair en verkfall hófst á miðnætti í nótt. Enn á eftir að skrifa undir og klára einhver smáatriði en verfallinu hefur verið frestað.

Neyðarblys sáust á lofti í Eyjum

Björgunarfélag Vestmannaeyja var kallað út seint í gærkvöldi eftir að neyðarblys sáust á lofti og óttast var að skip eða bátur væri í vandræðum. Björgunarskipið þór var einnig sent út og varðskip, sem var í grennd við Eyjar, hóf einnig leit.

Þjóðarsorg lýst yfir í Portúgal

Búist er við því að stjórnvöld í Portúgal lýsi yfir þriggja daga þjóðarsorg í landinu en að minnsta kosti 42 létust í miklum flóðum á eyjuni Madeira á laugardag.

Götur í Reykjavík rykbundnar

Helstu umferðargötur í Reykjavík voru rykbundnar í nótt til að koma í veg fyrir svifryksmengun. Hún fór nokkrum sinnum yfir viðmiðunarmörk í nýliðinni viku og ef veðurspá stenst út vikuna, verða skilyrði til þess að það geti gerst aftur.

Fundað í hádeginu vegna Icesave

Formenn ríkisstjórnarflokkanna og stjórnarandstöðunnar náðu ekki samkomulagi um viðbrögð við tilboði Breta og Hollendinga vegna Iceve málsins á þriggja klukkustunda fundi, sem lauk um átta leitið í gærkvöldi.

Tafir vegna flugvirkjaverkfalls

Verkfall flugvirkja hjá Icelandair hófst á miðnætti, en samningafundur, sem hófst hjá Ríkissáttasemjara í gær, stendur enn. Tafir hafa orðið á öllum brottförum nú í morgunsárið hjá Icelandair og verða næstu upplýsingar gefnar klukkan hálfníu að því er fram kemur á heimasíðu flugstöðvarinnar.

Gróður hefti fok á Kársnesi

Garðyrkjustjóri Kópavogs á að gera tillögur um frágang á landfyllingu vegna bryggjuhverfis á norðanverðu Kársnesi. Að því er kom fram í bæjarráði á fimmtudag frestast framkvæmdir á svæðinu og á meðan er það til vandræða. Úrgangur sé losaður í óleyfi og fok frá svæðinu valdi íbúum í grenndinni angri.

Jarðhiti annar allri orkuþörf landsins

Framleiðsla á rafmagni með jarðhita hefur aukist mikið undanfarin ár og nú er svo komið að fræðilega væri hægt að anna allri almennri orkuþörf landsins með rafmagni þannig framleiddu. Þetta kom fram í erindi Sigurðar Inga Friðleifssonar, framkvæmdastjóra Orkuseturs, á aðalfundi Samorku á föstudag.

Þriðjungur heimila er í vanda

Búast má við að tæplega þriðjungur íslenskra heimila safni upp skuldum, gangi á eignir til að standa undir daglegri neyslu og afborgunum af lánum, eða hafi dregið svo mikið úr neyslu að lágmarksviðmið samfélagsins eiga ekki við hjá þeim.

Sofandi í öndunarvél

Maðurinn sem var fluttur til Reykjavíkur með þyrlu frá Stykkishólmi í dag er sofandi í öndunarvél á gjörgæsludeild. Hann er alvarlega veikur eftir að raðhús sem hann var í brann í morgun.

Íbúarnir flýja álögurnar á Álftanesi

Fjöldi Álftnesinga ætlar að flytja lögheimili sitt yfir í annað sveitarfélag til að koma sér undan hærri álögum vegna fjárhagsvandræða Álftaness, eftir því sem kom fram í fréttum RÚV. Pálmi Másson bæjarstjóri segir, í samtali við Vísi, að bæjaryfirvöld hafi verið meðvituð um það að þær aðgerðir að hækka útsvar og fasteignaskatt gætu haft þetta í för með sér.

Tamíl Tígrar í íslensku fangelsi

Fjöldi erlendra ríkisborgara sem afplánar fangelsisdóma í íslenskum fangelsum hefur aukist griðarlega að undanförnu. Af þeim 319 sem afplánuðu dóm í íslenskum fangelsum á Íslandi í fyrra voru 67 útlendingar, eða um 21%. Árið 2000 afplánuðu hins vegar 313 fangar í íslenskum fangelsum en þá var fjöldi erlendra ríkisborgara 7, eða 2,2%. Talan tekur til þeirra fanga sem luku afplánun á árinu eða voru í fangelsi í lok þess.

Bílvelta við Höfðabakkabrú

Bíll velti við Höfðabakkabrú í Reykjavík um þrjúleytið í dag. Þrír voru í bílnum. Þeir slösuðust ekki alvarlega eftir því sem Vísir kemst næst en einn var fluttur með sjúkrabíl á slysadeild til aðhlynningar

Maðurinn kominn á gjörgæsludeild

Maðurinn sem var fluttur með þyrlu til Reykjavíkur eftir að það kviknaði í raðhúsi í Stykkishólmi er kominn á gjörgæsludeild samkvæmt upplýsingum frá Landspítalanum. Frekari upplýsingar hafa ekki fengist ennþá af líðan hans

Aflvana trilla komin til hafnar

Ásgrímur S. Björnsson, bátur Slysavarnafélagsins Landsbjargar, kom með litla trillu að höfn laust eftir klukkan tólf í dag, samkvæmt upplýsingum frá lóðsinum í Faxaflóahöfn. Báturinn varð aflvana norður af Viðey fyrir hádegi og því þurfti aðstoð við að koma honum að landi. Bátinn hafði rekið í átt að Viðey en slapp framhjá henni.

Vonar að samkomulag takist fyrir þjóðaratkvæðagreiðslu

Forsætisráðherra vonar að samkomulag náist í Icesave deilunni áður en kemur til þjóðaratkvæðagreiðslu um málið og telur æskilegt að það gerist. Viðbrögð Íslendinga við gagntilboði Breta og Hollendinga í Icesavedeilunni gætu legið fyrir að loknum fundi forystufólks stjórnmálaflokkanna í dag en líklega þó ekki fyrr en á morgun.

Bruni í Stykkishólmi

Þyrla Landhelgisgæslunnar er að flytja mann á slysadeild Landspítalans eftir að eldur kom upp í íbúðarhúsi í Stykkishólmi í morgun. Óttast er að hann hafi hlotið alvarleg brunasár.

Áfram fundað í dag vegna gagntilboðsins

Forystufólk stjórnmálaflokkanna mun funda í dag til að meta gagntilboð Breta og Hollendinga í Icesavedeilunni sem barst stjórnvöldum í fyrrakvöld. Eftir að hafa farið yfir tilboðið með samninganefnd Íslands í fjármálaráðuneytinu í gær var ákveðið að sérfræðingar reiknuðu út hvað í tilboðinu felst.

Ferðaáætlanir tugþúsunda í óvissu

Vikulangt verkfall flugvirkja hjá Icelandair sem hefst eftir tólf klukkustundir ef samningar nást ekki fyrir miðnætti, myndi setja ferðaáætlanir um tuttugu þúsund ferðamanna víðs vegar um heiminn úr skorðum. Upplýsingafulltrúi Icelandair segist hæfilega vongóður um að samningar náist í tæka tíð.

Ármann leiðir sjálfstæðismenn í Kópavogi

Ármann Kr. Ólafsson sigraði prófkjör sjálfstæðismanna í Kópavogi sem fram fór í gær vegna sveitarstjórnarkosninganna í vor. Hann hlaut 1677 atkvæði í 1. sæti eða 52,5% greiddra atkvæða. Hildur Dungal hreppti annað sætið, en Gunnar Birgisson fyrrverandi bæjarstjóri hafnaði í því þriðja.

Slökkviliðið fór að Dvergabakka

Slökkviliðið sendi allt tiltækt lið að Dvergabakka klukkan korter í tíu í kvöld. Óttast var að eldur hefði komið upp í íbúð þar. Þegar fyrsti bíll kom á staðinn var ljóst að ekki var um meiriháttar eld að ræða og var þá allt lið fyrir utan bílinn sem var kominn á staðinn afturkallað. Íbúðin var reykræst. Nú er talið að einungis hafi verið um reyk af eldavélinni að ræða en ekki eld.

Loðnuveiðimenn bíða enn

Svo virðist sem loðnan hafi lónað lengra til vesturs frá því í gær. Nú lóðar á loðnutorfur rétt austan við Eyjar. Gísli Óskarsson, fréttaritari í Vestmannaeyjum, hefur það eftir sjómönnum að flestar torfurnar séu á bili sem nær frá Bjarnarey austur í Háfadýpi.

Ármann enn efstur

Ármann Kr. Ólafsson er enn í fyrsta sæti eftir að 1400 atkvæði hafa verið talin. Hann er með 688 atkvæði. Gunnar Birgisson er hins vegar með 601 atkvæði í fyrsta sæti og er ljóst að Ármann hefur aukið nokkuð forskot sitt á Gunnar frá því að fystu tölur birtust.

Ármann í fyrsta sæti

Ármann Kr. Ólafsson er í fyrsta sæti í prófkjöri Sjálfstæðisflokksins í Kópavogi eftir að 500 atkvæði hafa veirð talin. Gunnar Birgisson er í þriðja sæti og Hildur Dungal í öðru.

Háspennubilun í Hlíðarhverfi

Rafmagn er komið aftur á í Hlíðahverfi en þar varð háspennubilun fyrr í dag og varð rafmagnslaust fyrir vikið í Hlíðahverfi, Öskjuhlíð, Skógarhlið og þar um kring.

Rík ástæða til að fara yfir gagntilboðið

„Við áttum ágætan fund. Við fengum samninganefndina inn á fundinn með okkur og ræddum þetta, innihaldið og okkar viðbrögð,“ segir Steingrímur J. Sigfússon fjármálaráðherra.

Fjögur skip á loðnuveiðum í dag

Að minnsta kosti fjögur skip hafa verið við loðnuveiðar í dag rétt austan við Vestmannaeyjar. Flestar torfurnar eru á bili sem nær frá Bjarnarey austur að Háfadýpi en þar er loðnan þéttust. Loðnan er á hægri göngu vestur á bóginn.

Komu saman til kröfufundar á Austurvelli

Hópur fólks kom saman á Austurvelli í dag á ellefta kröfufundi vetrarins. Aðstandendur mótmælanna, samtökin Nýtt Ísland, telja að um 1500 manns hafi verið saman komin. Lögreglan gat þó ekki staðfest þann fjölda.

Tveir stórir skjálftar í Vatnajökli

Tveir nokkuð snarpir jarðskjálftar mældust við Bárðarbungu í Vatnajökli klukkan þrjú í dag. Annar mældist 4,3 á Richter en hinn 3,5. Upptök stærri skjálftans voru 9,6 kílómetrum nor-norðaustur af Bárðarbungu en minni skjálftinn átti upptök sín 9,2 km aust-norðustur af Bárðarbungu.

Fundað á næstu mínútum

Fundur forystumanna ríkisstjórnarinnar með forystum stjórnarandstöðunnar mun hefjast innan klukkustundar samkvæmt heimildum fréttstofu. Þar mun verða farið yfir gagntilboðið sem Hollendingar sendu Íslendingum fyrr í dag.

Tilboð komið frá Hollandi

Samninganefnd Íslands í Icesave viðræðunum við Breta og Hollendinga fer þessa stundina yfir gagntilboð sem barst fyrir stuttu frá Hollandi. Ekki er ljóst á þessari stundu hvort um sameiginlegt gagntilboð þjóðanna er að ræða. Reiknað er með að forystumenn stjórnmálaflokkanna komi saman til fundar síðar í dag til að ræða tilboðið.

Allt flug Icelandair gæti stöðvast

Allt flug Icelandair til og frá landinu stöðvast eftir þrjátíu og sex klukkustundir náist ekki samningar milli flugvirkja og viðsemjenda þeirra. Verkfall hefði ekki áhrif á starfsemi Iceland Express þar sem flugvirkjar þess félags eru á verktakasamningum.

Vopnað rán í 10/11

Tilkynnt var um vopnað rán í 10/11 verslun í Álfheimum, Glæsibæ klukkan tuttugu mínútur í tíu í morgun.

Afla upplýsinga um áhrif stjórnarkreppunnar á Icesave

Fjármálaráðuneytið reynir að afla sér upplýsinga um áhrif stjórnarkreppunnar í Hollandi á viðræður Hollendinga og Breta um lausn Icesavedeilunnar við Íslendinga. Í gær var boðað að gagntilboð við hugmyndum Íslendinga bærist í dag en það hafði ekki gert það nú fyrir hádegi.

Skipulagsbreytingar á RÚV

Skipulagsbreytingar standa yfir á yfirstjórn RÚV. Til stendur að sameina innlenda dagskrárdeild sjónvarps og innkaupadeild fyrir erlent efni. Þá verður ráðinn mannauðsstjóri í fyrirtækinu.

Þrjú prófkjör í dag

Prófkjör Sjálfstæðisflokksins í Kópavogi fer fram í dag en kjörfundur hefst klukkan 10 og lýkur klukkan 18. Kosið verður í félagsheimili flokksins að Hlíðarsmára 19. Gunnar I. Birgisson og Ármann Kr. Ólafsson berjast um fyrsta sætið í prófkjörinu en búast má við fyrstu tölum uppúr klukkan sjö.

Laminn með flösku í höfuðið

Ein líkamsárás í miðbænum var kærð til lögreglunnar á höfuðborgarsvæðinu í nótt. Karlmaður var laminn með flösku í höfuðið. Hann fékk skurð og var færður á slysadeild. Alls voru vistaðir sjö aðilar í fangageymslum eftir nóttina, sem lögreglan segir þó að hafi verið frekar róleg. Brotist var inn í eina bifreið við Reynihvamm, þaðan tekið Garmin leiðsögutæki. Dekkjum var stolið undan bifreið við Funahöfða og náðust tveir aðilar á hlaupum frá vettvangi.

Misvísandi dómar skapa réttaróvissu

Misvísandi dómar Hæstaréttar hafa valdið réttar­óvissu þegar kemur til kasta héraðsdómstóla að dæma í brotamálum gegn lögreglumönnum. Tveimur málum af fjórum, af þessum toga, hefur Hæstiréttur nýlega vísað frá, þar sem þau voru rannsökuð í umdæmum lögreglumannanna sem brotið var á. Í hinum tveimur, sem einnig voru rannsökuð í umdæmi brotaþola, dæmdi Hæstiréttur.

Sjá næstu 50 fréttir

Mest lesið