Líklegast mælt með aðildarviðræðum síðar í dag

Búist er við því að Framkvæmdastjórn Evrópusambandsins mæli með því í dag að aðildarviðræður við Ísland verði hafnar. Verði þetta niðurstaðan á fundi Framkvæmdastjórnarinnar í dag er gert ráð fyrir að málið verði borið upp á leiðtogafundi Evrópusambandsins sem fram fer dagana 25 og 26 mars, en einróma samþykki leiðtoganna þarf fyrir því að málið komist á rekspöl. Það gæti hins vegar orðið þrautin þyngri verði Icesave-deilan við Breta og Hollendinga ekki útkljáð fyrir þann tíma.

Enn leitað að loðnu

Hafrannsóknaskipið Árni Friðriksson hélt enn á ný til loðnuleitar í gær og verður einkum leitað austur af Vesmannaeyjum. Fiskiskip hafa víða orði vör við loðnu við Suðurströndina, en veiðisvæðið er nú á Faxaflóa, þar sem nokkur skip fengu all góðann afla snemma í gær.

Snjókoma veldur töfum fyrir vestan

Flutningabílar á leið til Ísafjarðar töfðust um nokkrar klukustundir í gærkvöldi vegna ófærðar á leiðinni. Eitthvað snjóaði vestra í nótt og var þæfingsfærð á götum Ísfjarðarbæjar í morgun og Vegagerðarmenn eru að ryðja vegi þar í grennd.

Brotist inn í bíla

Brotist var inn í tvo bíla í Austurborginni i nótt og einhverjum verðmætum stolið ur þeim. Úr öðrum var meðal annars stolið radarvara, en þessháttar tæki ásamt GPS staðsetningartækjum virðast öðru fremur vekja áhuga þjófa, ef marka má hverju hefur verið stolið úr bílum að undanförnu.

Mikið álag á húð- og kynsjúkdómadeild

Álagstoppur hefur verið á húð- og kynsjúkdómadeild Landspítala – háskólasjúkrahúss að undanförnu og allnokkur bið eftir að komast að.

Umframorka Landsvirkjunar eftirsótt

Mikil sókn er í þá umfram­orku sem til er í raforkukerfi Landsvirkjunar. Að minnsta kosti þrjú stóriðjufyrirtæki sækjast eftir umframorkunni. „Fyrstur kemur, fyrstur fær,“ segir Agnar Olsen, staðgengill forstjóra Landsvirkjunar.

Svarfresturinn rennur út í dag

Frestur til að gera athugasemdir við efnisatriði í skýrslu rannsóknarnefndar Alþingis um bankahrunið rennur út í dag. Tólf manns úr stjórnsýslunni var gefinn kostur á að skila slíkum athugasemdum og hefur fresturinn til þess einu sinni verið framlengdur.

Björgunarsveit vill þefhesta

Þótt hestar hafi verið notaðir öldum saman hér á landi við leit og smölun á sauðfé hefur minna farið fyrir því undanfarin ár að þarfasti þjónninn sé notaður við leit og björgun á fólki.

Hrunsrannsóknin nái til einkavæðingar bankanna

Í minnisblaði til rannsóknarnefndar Alþingis mælist Ólafur Ísleifsson, hagfræðingur og lektor við viðskiptadeild Háskólans í Reykjavík, til þess að rannsóknin nái allt til einkavæðingar bankanna. Minnisblaðið er frá í janúar í fyrra. Þá kallaði nefndin fyrir sig hópa hagfræðinga til ráðgjafar. Í erindinu segir Ólafur að kanna þurfi hver hafi verið tildrög þess að bankarnir voru seldir svokölluðum kjölfestufjárfestum en ekki með dreifða aðild fyrir augum eins og boðað hafði verið.

Viðbragða við svarbréfi beðið

Ekki fengust formleg viðbrögð við svarbréfi íslenskra ráðamanna við tilboði Breta og Hollendinga um lausn Icesave-málsins í gær. Óvíst er að þau fáist í dag en í stjórnkerfinu er vonast til að þau fáist fyrir vikulok.

Handtekinn með amfetamín innvortis

Lögreglustjórinn á Suðurnesjum hefur ákært rúmlega þrítugan karlmann fyrir brot gegn lögum um ávana- og fíkniefni.

Framlengt á fimm Litháa

Héraðsdómur Reykjaness framlengdi í gær gæsluvarðhald yfir fimm litháískum karlmönnum til 8. mars. Tveir þeirra kærðu úrskurðinn til Hæstaréttar.

Schengen-aðild betri en að standa utan samstarfsins

Ísland hefur frá 1996 greitt tæpan milljarð króna fyrir þátttöku í Schengen-samstarfinu. Um er að ræða greiðslur til stofnana Evrópusambandsins auk kostnaðar sem sérstaklega er stofnað til hér á landi.

Reikna með verkföllum í mars

Félagsmenn í Félagi íslenskra flugumferðarstjóra (FÍF) samþykktu á aðalfundi félagsins á mánudagskvöld að fela stjórn og trúnaðarráði félagsins að hefja undirbúning atkvæðagreiðslu um boðun verkfalls. Í gærkvöldi útfærði svo trúnaðarráð félagsins atkvæðagreiðsluna nánar, það er hvers konar verkfallsaðgerðir félagsmenn fá um að velja.

Margt rangt í skýrslu Bandaríkjamannsins

Margt í minnisblaði staðgengils sendiherra Bandaríkjanna á Íslandi af fundi hans með íslenskum embættismönnum er rangt. Þetta sagði Össur Skarphéðinsson utanríkisráðherra í umræðum um málið á Alþingi í gær.

Forsetinn hitti nýja sendiherra

Forseti Íslands fundaði í gær með tveimur nýjum sendiherrum. Annars vegar frú Manizha Bakhtari, sendiherra Afganistans, og hins vegar herra Ladislav Pivcevic, sendiherra Króatíu. Bæði afhentu trúnaðarbréf sín í gær.

Vinningshafarnir fjórir hafa gefið sig fram

Vinningshafar síðasta útdráttar í Lottóinu hafa allir skilað sér til að vitja vinninga sinna. Fjórir voru með allar tölur réttar og fékk hver 10,8 milljónir króna í sinn hlut.

Niðurfellingar Kaupþings enn til rannsóknar

Embætti sérstaks saksóknara rannsakar enn hvort niðurfelling persónulegra ábyrgða starfsmanna Kaupþings vegna hlutabréfakaupa í bankanum samræmist lögum.

Kýldi lögreglumann í andlitið

Ríkissaksóknari hefur ákært karlmann á fertugsaldri fyrir brot gegn valdstjórninni.

Bíða eftir viðbrögðum - ræddi við Wouter Bos

Steingrímur J. Sigfússon, fjármálaráðherra, segir að enn sé beðið eftir viðbrögðum frá Hollendingum og Bretum við ósk íslenskra stjórnvalda um frekari viðræður í Icesave deilunni. Steingrímur ræddi við Wouter Bos áður en hann lét af embætti fjármálaráðherra Hollands í dag. Hann hefur ekki rætt við eftirmann Bos.

Stálu frystikistum, pönnum og flatskjá

Frystikistur, flatskjár og pottar voru meðal þess sem stolið var úr vinnubúðum verktaka við Herdísarvík í gærkvöldi eða nótt. Verktakinn vinnur við lagningu Suðurstrandavegar.

Þorvaldur Lúðvík beðinn afsökunar

Þorvaldur Lúðvík Sigurjónsson, fyrrverandi starfsmaður Kaupþings, fékk engar skuldir afskrifaðar hjá Kaupþingi líkt og sagt var í frétt Stöðvar 2 í kvöld. Þorvaldur hætti hjá bankanum árið 2006, seldi öll bréf sín í bankanum og gerði upp lán. Fréttastofa harmar þessi mistök og biður Þorvald afsökunar.

Einhleypum konum verði heimilt að nota gjafaegg

Frumvarp um breytingu á lögum um tæknifrjóvgun þess efnis að einhleypum konum með skerta frjósemi verði heimilt að nota gjafaeggfrumu við glasafrjóvgun er nú í undirbúningi og gert er ráð fyrir að það verði lagt fram á vorþingi.

Jóhannes í Bónus skynjar ekki óánægju

„Skoðanakönnun sú, sem lesa má í netmiðlum í dag, þar sem lýst er að 80,1% aðspurðra séu frekar eða mjög andvíg því að ég, Jóhannes Jónsson, starfandi stjórnarformaður Haga, fái að kaupa allt að 10% hlut í Högum af Arion banka, er vægast sagt annað viðmót en ég finn fyrir í verslunum Haga,“ segir Jóhannes í fréttatilkynningu.

Var með klám í tölvunni - segir málið einn stóran misskilning

65 ára starfsmaður Oddeyraskóla á Akureyri liggur undir grun um að hafa haft barnaklám í vörslu sinni. Hann viðurkenndi í samtali við fréttastofu í dag að hafa verið með klámefni í tölvu sinni en segir málið einn stóran misskilning.

Kærði Steingrím fyrir meinsæri

Einn af stjórnendum Milestone kærði Steingrím Wernersson, sem átti 40% hlut í fyrirtækinu, til lögreglu í nóvember síðastliðnum fyrir rangar sakargiftir og meinsæri í yfirheyrslum hjá sérstökum saksóknara síðasta sumar. Þetta kom fram í Kastljósi í kvöld en ekki var greint frá nafni viðkomandi.

Listaverksafn Kaupþings í eigu Arion banka

Listaverkasafn gamla Kaupþings verður áfram eigu Arion banka samkvæmt samkomulagi sem undirritað var í dag.

Hreiðar og Sigurður gætu þurft að borga á þriðja milljarð

Hreiðar Már Sigurðsson og Sigurður Einarsson gætu þurft að greiða skattinum á þriðja milljarð króna úr eigin vasa vegna niðurfellinga á lánum.

Ríkið leggur hundrað milljónir í einkasjúkrahús Róberts

Ríkið leggur hundrað milljónir króna í endurbyggingu gamla hersjúkrahússins á varnarsvæðinu, sem Róbert Wessman ætlar að leigja undir einkasjúkrahús.

Samninganefndin í viðbragðsstöðu

Íslenska Icesave samninganefndin undir forystu Lee Bucheit fór til Bretlands í morgun og bíður þar í viðbragðsstöðu, óski Bretar og Hollendingar eftir frekari viðræðum. Engir fundir hafa verið ákveðnir, segir Elías Jón Guðjónsson, talsmaður fjármálaráðherra.

Ítrekar fyrri yfirlýsingu - lak ekki upplýsingum um Gunnar

Gunnsteinn Sigurðrsson, bæjarstjóri í Kópavogi, segist ekki hafa lekið upplýsingum um Gunnar Birgissonar, fyrrverandi bæjarstjóra, til fjölmiðla til koma höggi á sig. Í samtali við fréttastofu í gær vísaði Gunnsteinn því á bug og í tilkynningu sem hann hefur sent frá sér ítrekar hann þá yfirlýsingu.

Grunnskólastarfsmaður grunaður um vörslu barnakláms

Starfsmaður við Oddeyrarskóla á Akureyri var yfirheyrður í gær vegna gruns um vörslu barnakláms. Lögregla hefur meðal annars lagt hald á vinnutölvu mannsins sem ekki er kennari. Maðurinn er ekki grunaður um að hafa misnotað börn í skólanum en rannsóknin er á frumstigi, að sögn varðstjóra lögreglunnar á Akureyri. Ekki fengust frekari upplýsingar um málið.

Nýtt Ísland: Bloggari á stefnuskrá var grín

„Þetta var sett inn í gríni og það gleymdist að taka þetta aftur út. Þetta var bara grín,“ segir Sveinbjörn Ragnar Árnason, framkvæmdarstjóri samtakanna Nýs Íslands þegar hann er spurður að því hvernig bloggarinn Teitur Atlason rataði inn í stefnumál samtakanna undir liðnum efnahagur.

Útivistarfólk fórnalömb þjófa

Brotist var inn í nokkra bíla á ýmsum stöðum á höfuborgarsvæðinu um helgina, meðal annars á bílastæðum við útivistarsvæði, en átta slíkar tilkynningar bárust lögreglunni.

Kastaði glasi í ranga konu

Níu líkamsárásir voru tilkynntar til lögreglunnar á höfuðborgarsvæðinu um helgina. Sex þeirra áttu sér stað í miðborginni aðfaranætur laugardags og sunnudags en þær voru allar minniháttar.

Dætur Gunnars og tengdasynir gengin í Framsóknarflokkinn

„Það var greinilega mikið um nýskráningar hjá okkur. Það vakti töluverða athygli í hópnum að ein dóttir Gunnars Inga Birgissonar var gengin í Framsóknarflokkinn. Þegar betur er að gáð kemur í ljós að það er ekki bara önnur dóttirin sem er komin heldur báðar og tengdasynirnir líka,“ segir bæjarfulltrúi Framsóknarflokksins í Kópavogi, og formaður bæjarráðs, Ómar Stefánsson á bloggi sínu.

Nýtt Ísland kastaði tómötum í Íslandsbanka

Um 120 bílaeigendur mættu og þeyttu flautur sínar fyrir utan Íslandsbanka við Kirkjusand í hádeginu í dag en það voru samtökin Nýtt Ísland sem skipulögðu mótmælin.

Össur Skarphéðinsson: Fundinum ekki rétt lýst

„Menn eiga að vara sig á því að taka mark á fundargerðum af þessu tagi sem eru gerðar einhliða og oft skrifaðar eftir minni. Það er margt sem er ekki rétt í þessu minnisblaði," sagði Össur Skarphéðinsson, utanríkisráðherra, þegar hann var spurður út í minnisblað sem lak út frá fundi embættismanna utanríkisráðuneytisins og staðgengils sendiherra Bandaríkjanna í síðustu viku.

Þjóðin vill ekki að Jóhannes í Bónus fái að kaupa í Högum

Áttatíu prósent landsmanna segjast vera frekar eða mjög andvíg því að Jóhannes Jónsson, oftast kenndur við Bónus, og stjórnarformaður Haga, fái að kaupa allt að tíu prósent hlut í Högum af Arion Banka samkvæmt skoðanakönnun MMR.

Ekkert eftirlit með rafsegulsviði

Ekkert eftirlit er haft með rafsegulsviði á vinnustöðum eins og með hljóð-og loftmengun og eru engar reglugerðir til um það hér á landi. Forstjóri Vinnueftirlitsins segir mikilvægt að settar verðir slíkar reglur og er til í samstarf með Geislavörnum ríkisins.

Flúoró-amfetamín fellur undir lög um ávana- og fíkniefni

Heilbrigðisráðuneytið sér ástæðu til að árétta sérstaklega í tilkynningu til fjölmiðla í dag, í kjölfar dóms Hæstaréttar vegna gæsluvarðhalds yfir manni sem hafði í fórum sínum meint fíkniefni, að efnið flúoróamfetamín sé afleiða afmetamíns sem falli undir lög um ávana og fíkniefni.

Samningum ekki lokið fyrr en við undirskrift

Utanríkisráðherra segir samningum ekki lokið fyrr en búið sé undirrita þá, en Í Hollandi er fullyrt að tilboð Hollendinga og Breta í Icesave deilunni frá því fyrir helgi sé endanlegt að þeirra hálfu. Hann sér ekki tilgang með þjóðaratkvæðagreiðslu þegar tilboð um betri niðurstöðu liggur fyrir.

„Þyrftu að breyta nafninu í fávitafélagið Nýtt Ísland“

„Mín fyrstu viðbrögð þegar ég sá þetta voru þau að samtökin þyrftu að breyta nafninu í fávitafélagið Nýtt Ísland,“ segir Teitur Atlason, nemi í Alþjóðaviðskiptum í Gautaborg en nafn hans og staða hefur á sérkennilegan hátt slæðst inn í stefnumál samtakanna Nýtt Ísland.

Svíum er nokk sama um Icesave

Yfir helmingur Svía hafa enga skoðun á mögulegum endurgreiðslum Íslendinga vegna Icesave eða 55 prósent samkvæmt skoðanakönnun MMR sem var framkvæmd dagana 11. - 15. febrúar.

Nýtt Ísland tilbúið að veita bloggara frekari námsstyrki

Samtökin Nýtt Ísland, sem hafa staðið fyrir bílamótmælum fyrir utan lánastofnanir undanfarna mánuði til þess að mótmæla breyttum myntkörfulánum, hafa athyglisverð mál á sinni stefnuskrá. Þá vekur mesta athygli stefnumálið þeirra er varðar bloggarann Teit Atlason sem skrifar á heimasíðu DV.