Mikill stuðningur við mögulega ESB aðild Íslands

„Allar vísbendingar eru í þá átt að innan Evrópusambandsins sé mikill stuðningur við mögulega aðild okkar,“ segir Stefán Haukur Jóhannesson, sendiherra, sem fer fyrir íslensku samninganefndinni í aðildarviðræðunum við Evrópusambandið sem skipuð var í vikunni. Rætt er við Stefán í Fréttablaðinu í dag.

Keflavíkurgangan er markaðstilraun

Grímur Atlason, sveitarstjóri Dalabyggðar, gefur lítið fyrir fyrirhugaða göngu á milli Vogaafleggjara og Kúagerði sem kölluð hefur verið Keflavíkurganga og verður farin á á morgun. Sveitarstjórinn kallar gönguna Kúagerðisgönguna og segir hana markaðstilraun til að beina athygli frá raunverulegum vanda Suðurnesjamanna.

Óeðlilegt ef ekki er lánað á ákveðnum svæðum

Formaður Sambands íslenskra sveitarfélaga segir óeðlilegt ef lífeyrissjóðir láni ekki út á hús í tilteknum landshlutum. Lífeyrissjóðir starfsmanna sveitarfélaga lánar ekki fé út á fasteignir á svæðum sem sjóðurinn skilgreinir illseljanleg.

Hámarkinu náð

Við höldum að við séum búin að ná hámarkinu og vonandi fer að draga úr svínaflensunni segir sóttvarnarlæknir. Um 50 þúsund Íslendingar hafa nú þegar veikst af flensunni. Viðbragðsstigið á Landspítalanum hefur verið lækkað úr í gulu í grænt.

Minnast hruns múrsins

Sumarið 1989 varð fyrir margra hluta sakir sögulegt. Nærri lá að atburðirnir á Torgi hins himneska friðar í júní næðu að skyggja á óróleikann í Austur-Þýskalandi eftir sveitarstjórnarkosningarnar í byrjun maí. Seinni hluta sumars og fram á haust jókst þungi flóttafólks frá Austur-Þýskalandi og í byrjun nóvember hótuðu tékknesk yfirvöld að hleypa ekki fleirum Austur-Þjóðverjum inn í landið.

Keflavíkurgangan farin á morgun

Þverpólitísk Keflavíkurganga verður farin á morgun frá Vogaafleggjara klukkan hálfellefu, gengnir verða 10 kílómetrar að Kúagerði þar sem samstöðufundur verður haldinn klukkan tvö.

Forsetinn afhendir verðlaun

Ólafur Ragnar Grímsson, forseti Íslands, afhendir í dag verðlaun þeim grunnskólanemendum sem sigruðu í ratleik Forvarnardagsins en hann fór fram í grunnskólum landsins í lok september.

Kreppan er prófsteinn

„Þær efnahagsþrengingar sem þjóðin gengur gegnum eru prófsteinn, prófraun á samfélag okkar, stofnanir, fullveldi þjóðar, samkennd, já og hjartalag. Á þrengingatímum kemur hjartalagið í ljós,“ sagði Karl Sigurbjörnsson, biskup, í ávarpi sínu við setningu Kirkjuþings í morgun.

Hagstæður samningur um risavaxið gagnaver

„Samningurinn við Reykjanesbæ er báðum aðilum hagstæður", segir Jeff Monroe, forstjóri Verne Holdings, um samkomulag sem undirritað var fyrr í vkunni um skipulag svæðis undir gagnaver að Ásbrú í Reykjanesbæ.

Ekki frekari eftirmálar af hálfu séra Gunnars

Gengið var frá samkomulagi í gær á milli embættis biskups Íslands og sr. Gunnars Björnssonar, fyrrverandi sóknarprests á Selfossi. Líkt og greint var frá í kvöldfréttum Stöðvar 2 í gær mun Gunnar starfa sem sérþjónustuprestur hjá Biskupsstofu næstu ár eða til 31. maí 2012. Eftir það verður verður hann verkefnaráðinn í hlutastarf að 70 ára aldri. Samkomulagið felur í sér að ekki verða frekari eftirmálar af hálfu Gunnars, að fram kemur í tilkynningu.

Kirkjuþing hafið

Kirkjuþing hófst með helgistund klukkan níu í morgun í Grensáskirkju. Pétur Hafstein, forseti kirkjuþings, og Ragna Árnadóttir, dómsmála - og mannréttindaráðherra, flytja ávörp við þingsetninguna.

Viðkvæm málsgögn ljósrituð úti í bæ

Ríkissaksóknari þarf að senda öll málsskjöl í áfrýjuðum málum til Hæstaréttar á ljósritunarstofu úti í bæ, vegna aðbúnaðar hjá embætti hans og skorts á starfsfólki.

Hálka á Hellisheiði

Hálka er á Hellisheiði og í Þrengslum. Að öðru leyti er greiðfært á Suðurlandi sem og Vesturlandi. Norðanlands eru hálkublettir á Öxnadalsheiði. Þetta kemur fram í tilkynningu frá Vegagerðinni.

Rólegt hjá lögreglu

Nóttin virðist víðast hvar hafa verið afar tíðindalítil hjá lögreglumönnum og hafði varðstjóri lögreglunnar á höfuðborgarsvæðinu orð á því að hún hafi verið óvenju róleg. Nokkuð var af fólki í miðbænum en skemmtanahald fór vel fram. Tveir gistu fangageymslur. Sömu sögu er að segja frá Akureyri en þar gistu karl og kona fangageymslur lögreglu vegna drykkjuláta.

CCP var þvingað í krónulán

Hugbúnaðarfyrirtækið CCP, sem á og rekur fjölspilunar­leikinn EVE Online, neyddist til að endurfjármagna víxil í krónum í gegnum MP banka í enda síðasta mánaðar. Fyrir­tækið hefði viljað endurfjármagna lánið með útgáfu skuldabréfs í krónum og greiða til baka í dölum. Fjárfestar höfðu ekki áhuga.

Um 50 þúsund hafa veikst

Sóttvarnalæknir, Haraldur Briem, telur að um fimmtíu þúsund Íslendingar hafi veikst nú þegar af svínainflúensu. Hún sé ekki lengur í sókn, þegar litið er á landið í heild.

Afskriftir nema 4-5 landsframleiðslum

Gylfi Magnússon, efnahags- og viðskiptaráðherra, segir að afskriftir lána vegna bankahrunsins verði óhjákvæmilega þær mestu sem dæmi eru um í sögu vestrænna hagkerfa. „Líklega tapast fjórar til fimm landsframleiðslur í hagkerfinu,“ sagði Gylfi í utandagskrárumræðum á Alþingi í gær. Tapið lendir að langmestu leyti á erlendum kröfuhöfum bankanna.

Rafmagnsstrengur grafinn í sundur

Flugstoðir þurftu að grípa til varaaflstöðvar til að knýja starfsemi sína um hádegið í gær. Grafa, sem var við störf á framkvæmdasvæði í Vatnsmýrinni, gróf rafmagnsstreng í sundur með fyrrgreindum afleiðingum.

KSÍ rukkað fyrir kampavín og klám

Óljóst er hvort fjármálastjóri Knattspyrnusambands Íslands framvísaði korti sambandsins á nektarstað í Sviss eða hvort það var tekið ófrjálsri hendi. Svissneski vefmiðilinn 20minutenonline.ch segir frá því að starfsmaður KSÍ og sambandið sjálft hafi verið rukkað fyrir jafnvirði átta milljóna króna eftir næturheimsókn starfsmannsins á strípibúllu í Zürich. Af þessu hafi spunnist dómsmál.

Strætó bjóði út allan rekstur strætisvagna

Rekstur á strætisvögnum á höfuðborgarsvæðinu verður boðinn út til einkaaðila, verði farið að tillögum Par-x viðskiptaráðgjafar IBM, sem skilað hefur skýrslu til stjórnar Samtaka sveitarstjórna á höfuðborgar­svæðinu. Mikill hallarekstur hefur verið á rekstri byggðarsamlagsins Strætó bs. Sveitarfélögin sem eiga Strætó leggja nú afar mikla áherslu á að þau þurfi ekki að bera neinar viðbótar byrðar vegna strætisvagnarekstursins. Meðal annars hefur verið brugðist við því með ákvörðun um að Strætó kaupi enga nýja vagna á næsta ári.

Þrjúþúsund minnkar drápust í Skagafirði

Um þrjúþúsund minkar hafa drepist á minkabúinu á Skörðugili í Skagafirði á einni viku.

Deilt um íþróttahús í Kópavogi

Grunnskólabörn í Kópavogi þurfa að taka rútu langar leiðir til að komast í leikfimi á sama tíma og glæsilegt íþróttahús sem þeim er ætlað stendur autt vegna deilu Knattspyrnuakademíu Íslands og Kópavogsbæjar.

Rafmagn komið á á Akranesi

Rafmagn er komið á Akranesi. Bilun varð í jarðstreng kl. 18:06 og tókst að tengja framhjá henni og koma á rafmagni hjá öllum notendum kl. 18:45

Nýja Hvítárbrúin steypt

Uppundir 150 manns hafa frá því eldsnemma í morgun unnið að einhverju viðamesta steypuverkefni sem um getur hérlendis, að steypa nýju Hvítárbrúna við Flúðir í Árnessýslu. 32 steypubílar eru í stöðugum ferðum fram á morgundaginn, bæði frá Selfossi og úr Reykjavík.

Rafmagnslaust á Akranesi

Fyrir stundu varð bilun í háspennukerfi sem veldur því að rafmagnslaust er á Akranesi. Unnið er að bilanaleit og verður ráðist í viðgerðir um leið og bilunin finnst.

Tveir stútar stöðvaðir

Tveir voru teknir fyrir ölvunarakstur á höfuðborgarsvæðinu í gærkvöld og nótt. Átján ára piltur var tekinn fyrir þessar sakir í Breiðholti en kauði hafði þegar verið sviptur ökuleyfi. Karl á þrítugsaldri var svo stöðvaður í Kópavogi af sömu ástæðu.

Stálu staðsetningatækjum

Brotist var inn í nokkra bíla í Reykjavík og Hafnarfirði í gær en sjö slíkar tilkynningar bárust lögreglunni á höfuðborgarsvæðinu.

Handtekinn eftir misheppnaða ránstilraun

Karl á fertugsaldri var handtekinn í verslun í Reykjavík síðdegis í gær samkvæmt lögreglunni á höfuðborgarsvæðinu.

Óþarfi að hræðast hjartaþræðingu

„Það hefur bjargað mörgum mannslífum að fara í þetta af því að einkennin eru svo lúmsk," segir Reynir Traustason, ritstjóri DV, sem fór í hjartaþræðingu í gær. Hann ráðleggur fólki sem þarf að gangast undir aðgerð sem þessa að hræðast ekki of mikið.

Borgarstjóri og Rice hjálpuðu leikskólabörnum að gróðursetja

Hanna Birna Kristjánsdóttir borgarstjóri, írski tónlistarmaðurinn Damien Rice og Gísli Marteinn Baldursson, formaður Umhverfis- og samgönguráðs, aðstoðuðu börn af Laufásborg við gróðursetningu fyrstu plantnanna í svokölluðum Laufásborgarlundi í Hljómskálagarðinum í dag. Skrifað var undir samstarfssamning um lundinn eða svokallaðan grenndargarð leikskólans fyrr um daginn.

Erlendum ferðamönnum fækkar

Rúmlega 30 þúsund erlendir gestir fóru úr landi um Leifsstöð í októbermánuði og fækkaði þeim um 7,5% frá árinu áður. Fækkunin nemur 2.455 gestum. Svipaður fjöldi kemur frá Norðurlöndunum, Mið- og Suður-Evrópu og Norður-Ameríku en lítilsháttar fækkun er frá Bretlandi.

Karlmaður á fertugsaldri dæmdur fyrir mök við 13 ára stúlku

Héraðsdómur Suðurlands dæmdi í dag karlmann á fertugsaldri í átta mánaða skilorðsbundið fangelsi fyrir að hafa haft tvívegis mök við 13 ára gamla stúlku í september í fyrra.

Bjarni: Þurfum sátt um niðurskurðartillögur

Ríkisstjórnin þarf að finna leiðir til þess að skera niður og finna sem breiðasta sátt um niðurskurðartillögurnar, sagði Bjarni Benediktsson, formaður Sjálfstæðisflokksins, í utandagskrárumræðum á Alþingi eftir hádegi í dag.

Óttast að sérfræðiþekking á neyðarmóttöku tapist

Til stendur að læknar slysadeildar sinni störfum fyrir neyðarmóttöku nauðgana í stað sérfræðinga hennar sem hafa áralanga reynslu af nauðgunarmálum.

Skráning í svínaflensubólusetningu hefst 16. nóvember

Landsmenn allir geta pantað tíma á heilsugæslustöðvum fyrir bólusetningu gegn H1N! inflúensu eða svokallaðri svínaflensu frá og með mánudeginum 16. nóvember. Viku síðar, mánudaginn 23. nóvember, verður byrjað að bólusetja þá sem fyrstir skráðu sig.

Segir Guðlaug brjóta trúnað

Stjórnarformaður Orkuveitu Reykjavíkur braut trúnað þegar að hann dró fram upplýsingar um samningaviðræður við Norðurál sem ræddar voru á stjórnarfundi Orkuveitunnar á föstudag fyrir viku, segir Þorleifur Gunnlaugsson, fulltrúi VG, í stjórn Orkuveitunnar.

Dómsmálaráðherra hefur skipað sérstakt teymi um mansal

Ragna Árnadóttir dómsmála- og mannréttindaráðherra hefur skipað sérfræði- og samhæfingarteymi um mansal í samræmi við aðgerðaáætlun gegn mansali, sem samþykkt var á fundi ríkisstjórnar þann 17. mars síðastliðinn.

Tilfinningahiti í sölum Alþingis

Þórunn Sveinbjarnardóttir, fyrrverandi umhverfisráðherra, krafðist afsökunarbeiðni af Höskuldi Þórhallssyni, þingmanni Framsóknarflokksins, en hann hafi sagt í þingræðu í gær að í tíð sinni sem umhverfisráðherra hefði Þórunn fellt ólöglegan úrskurð um sameiginlegt umhverfismat á Bakka og vísað í álit Umboðsmanns Alþingis máli sínu til stuðnings.

Líðan fólksins eftir atvikum góð

Líðan fólksins sem slasaðist í bílveltu í Langadal í Húnavatnssýslu er eftir atvikum góð. Að sögn vakthafandi læknis slasaðist fólkið minna en óttast var í fyrstu en ökumaður bílsins missti stjórn á honum í fljúgandi hálku. Líf, þyrla Landhelgisgæslunnar, sótti fólkið á slysstað og flutti á Landspítalann. Fólkið, karl og kona, liggja nú á almennri skurðdeild og verða þau undir eftirliti næsta sólarhringinn.

Sýknaður af ákæru um árás

Karlmaður var sýknaður í Héraðsdómi Norðurlands eystra í morgun af ákæru um að hafa slegið annan karlmann tvö högg í andlitið og brotið í honum tennur. Fyrir dómi kvaðst meintur árásarþoli ekki hafa neina vissu um það hvernig hann fékk áverka sína, en sagðist telja líklegast að ákærði hafi veitt sér þá. Sá sem var ákærður í málinu neitaði hins vegar eindregið sök og taldi dómari því að vafi væri í málinu sem bæri að skýra ákærða í hag.

Þúsundir minka dauðir í Skagafirði

Mikið tjón hefur orðið í minkabúinu á Skörðugili í Skagafirði en þar hafa á þriðja þúsund minka drepist eftir að hafa sýkst af lungnabólgu undanfarið. Frá þessu greinir skagfirski fréttamiðillinn Feykir og hefur eftir Einari Einarssyni, ráðunauti og bónda að Skörðugili að um bráðsmitandi pest sé að ræða sem orsakast af bakteríu sem algeng er í umhverfinu en verður hættuleg þegar vissar aðstæður skapast eins og mikill raki og stillt veður.

Innbrot í hestavöruverslun

Brotist var inn í hestavöruverslun í Kópavogi í nótt. Vegfarandi sem leið átti hjá kallaði til lögreglu þegar hann sá að búið var að brjóta rúðu í versluninni. Þjófurinn komst að minnsta kosti á brott með skiptimynt úr peningakassanum en óljóst er hvort fleira hafi verið tekið.

Stjórnlagaþing taki til starfa 17. júní

Kosið verður til stjórnlagaþings samhliða sveitarstjórnar­kosningum næsta vor, samkvæmt stjórnarfrumvarpi sem fjármálaráðherra hefur lagt fram á Alþingi. Þingið á að koma saman í síðasta lagi 17. júní 2010, starfa í þremur lotum og ljúka störfum fyrir 17, febrúar. Á þinginu munu sitja 25-31 þjóðkjörinn fulltrúi, sem kjósa á persónukosningu.

Framkvæmdin gæti ógnað vatnsbólunum

Sú hætta er óhjákvæmileg að lagning Suðvestur­línu hafi neikvæð áhrif á vatnsverndar­svæði og um leið neysluvatn ef mengunar­slys verði. Þetta kemur fram í umhverfismati Skipulagsstofnunar um framkvæmdina. Er þar tekið undir áhyggjur heilbrigðisnefnda sveitarfélaga á höfuðborgar­svæðinu. Framkvæmdin er engu að síður talin svo þjóðhagslega mikilvæg að rétt sé að ráðast í hana.

Mest aukning í dönskum búum

Mjólkurframleiðsla hefur hvergi aukist jafnmikið að jafnaði og í dönskum kúabúum, hefur Landssamband kúabænda (LK)eftir nýútkominni skýrslu International Farm Comparison Network.